تجــــــــمــــــــــــــــع ( ودج يكون عندج صديقات مثل افكارج وميولج )

[^^اليتيمه^^]

يتيمه
22
عزابيه ))))

طالبه باقيلي سنه واتخرج أتمنى لما اتخرج أخذ لغه وأكمل ماستر طبعا بره الكويتت

 

[love life]

ولكم يتيمة
نورتينا حبوبة
^^

 

[طالبة الجنه]

متزوجه
عمرى 30
هوايتى الطبخ

 

[fato_kw]

ولكم ولكم يتيييييمه نورتيييينااا :>

عدينا رفيجاتج وخواتج بعد امري وتدللي اللي تبين تحت امرج لوووول

ان شاءالله تستانسين معانا


وطالبه الجنه حياااج الله انا امووت بالطباااخ وبالبلعه بعد خخخخخ


نورتوووو

 

[^^اليتيمه^^]

وأنا بعد أمووت غلطباااخ ) وطبخي يميييي. سممله عللي سنعه لوووووووووووووووول

 

[fato_kw]

عاد خاطري اسوي ورق عنب عامض وفطاير وبرد يمييييييي
بس ماقدر اكل عني تقرحات والتهابات بالمعده والمريء وماقدر اكل

ان شااءالله اصير زينه واطبخ

بعد شخبااركم شمسوين؟

 

[^^اليتيمه^^]

سمله عليج حياتييي. والله تمام نومي مغتفس

 

[تراميسو]

مو خوش صديقات الحين قاطعه عنكم من شهر ولا احد فقدني افااااااااااااااااااااااااااااااااااااااااااااااااااااااااااا

 

[fato_kw]

اليتيمه حتى انا نومي معتفس ومن المنظار كانو معطيني مخدر ولي الحين مفعوله ومدوخني طول الوقت نايمه واذا قعدت اكون مالي خلق اتحرك من الفراش


تراااميسووو ويييينج والله ترى حتى انا تقريبا مختفيه والله مادخل مثل قبل لان هالفترة كله مراجعات وطبيب وجذي اشياء سووري حبيبتي حقج عليينا المهم شلوونج

 

[^^اليتيمه^^]

حبيبيتي سمله عليج
يارب تصيرين أحسن

 

[fato_kw]

ثااانكس اليتيمه اشلوونج اليوم شخباارج


لوف لايف وير ار يوو ؟؟
مس 42 شنو نسيتينا ؟؟
تراميسو شخبارج؟؟

بنات مشتهيه باستااا بالكريما على الطريقة الايطاليه السنعه
ومشتهيه ماكنجيز

 

[love life]

انا هوووون
محتاجة دعاءكم
وماتشوفين شر فوفو وترى ضفتج
بنات ولكم كلكم

 

[fato_kw]

الشر ما ييج يا حلوة ايي وصلني وايد اضافات مادري انتي اي وحه هههه واستقبلت

 

[^^اليتيمه^^]

هلا ووالله شلونكم :*********

 

[fato_kw]

بااااااااااااااااك

 

[fato_kw]

ليش التجمع بااارد


وينكم خلوونا نسوي اكشن

 

[سارونه*المزيونه]

رد : تجــــــــمــــــــــــــــع ( ودج يكون عندج صديقات مثل افكارج وميولج )




الموضوع وااااايد حلو لتكوين الصداقة وانا بعد ودي تكون عندي صديقة تسمعني واسمع لها تشكي لي واشكي لها

تفتح لي قلبها وافتح لها قلبي وتكتم اسرااااري وانا عمري مااا كونت صداقة خارج النت يعني من صغيرة لين كبرت

دايما علاقتي مع البنات تكون سطحية ما اعرف اتعرف ما اعرف اسولف احب اني اسكت اواسمع اكثر من ما اتكلم

يعني خارج النت تشوفيني انسانة هاااااادية ومالي صوت اما داخل النت تشوفيني قرقة بشكل مو طبيعي واحب افضفض فيه

ما احب الصديقة اللي بويهين يعني من جدامج شي ومن وراج شي ثاني

اللي تجرحني ولا احب سوالف الحب والخرابيط ما احب وحدة تييلي وتقولي انا احب وانا اكلم وانا وانا

ما احب اسمع لها ولا احب مثل هالصديقة

انا انطواااااااااااااااائية حيــــــــــل يعني احب اقعد دايما بروحي وما احب احد يشاركني بشي فحابة اغير هالصفة فيني حابة

تصير عندي رفيجة وحدة ونصير على قلب واااحد

انا كلش مو اجتماعية وخجووووووووووووووووولة حييييل وابي اتخلص من هالشي

ابي وحدة تغيرني تخليني اصير جريئة

وعندي ميزة اني بسرعة ادخل بالقلب وويهي بشووووش ودمي خفيييف

اذا زعلت او بجيت عادي تشوفيني اضحك

انسانة طيــــــــــــــــــــــــــــــــبة زيااااادة عن اللزوم وعلى نياتي واللي فقلبي على الساني

وانسانة صرييييحة وماعرف اجامل

وفي عندي عيوب بسيطة واتمنه اني اغيرها اني بسررررررعة ازعل وبسرعة اتضايق ودلوعة معنه اهلي مو مدلعيني كلش

بس اقصد بالدلع انه لو اي وحدة تجرحني ما انسا واظل افكر وابجي لكن من غير لا اقول

ومن عيوبي اني واااااااايد عنيـــــــــــــــــــــــــــــــــــــــــــــدة بشكل مو طبيعي وعصبيـــــــــــــــــــــــــــــــــــــــة

لكن بنفس الوقت قلبي طيب وبسررررررررررعة اسااااااامح


واحلى ما فيني انه لو احد طلب مني شي واقدر عليه بسرعة انفذه وما احب ارد احد اذا انا قادرة على هالشي مثل ما

قلت لكم احب اساااعد الناس عشان ربي يوفقني

مممممم وبعد شنووو :eh_s(10):

ايه تذكرت هواياتي احب شي اسمه مغااااااااااامرة احب اني اجازف بعمري واركب اي شي خطر احب اني استكشف

اي مكان صعب مهما كانت خطورته :icon30:


اخااااااااااااااااااااااااااف من شي اسمه رعب واخااااااااااف من الظلام بشكل مو طبيييعي :eh_s(16):


وفيني بعد عيب نسيت اذكره اني شوي انسانة معقدة بتصرفاتي مثلا اكثر شي متعدة منه هو الخوووووووووووف واايد اشياء


اخاف منها

احب الصديقة اللي دااااايما تسال عني وتكون مخلصة وطيبــــــــــــــــــــــــــة وحنونة علي ونيتها صااااااااافية :hjy5jewf:

ومممممم بعد شنووو ما ذكرت

ايه ما احب الصديقة اللي تستغل طيبتي يعني بس تبيني لمصلحتها اكرررره المصلحة وما احب الرفيجة اللي تكون مهاوشجية

وما احب الرفيجة اللي جدامي تسوي روحها قووية ولي صار شي لي تسكت وما تدافع عني ولا كاني رفيجتها

وما احب الصديقة الغااااامضة اللي ما افهم شخصيتها ولا اهي راضية تفهمني

وبعد نسيت اقولكم اني اخااااااااااف من الحشرات وماااااااا احبهم :eh_s(11):

وانا الحمدالله انسااانة ادش بالقلب واللي تشوووفني على طول تقولي اني حبووووبة وطيبة وخصوصا اني

بررررررررررريئة ههههههه يعني فيني براءة طفولة :klhfl:

واحب المفاااااجاة بشكل موو طبيعي

واكثر الاماكن اللي احب اروحلها الاماكن الترفيهية مثل منتزة الشعب والمدينة الترفيهية واحب شووي اتسوق

وما احب وايد المطاعم

ونسيت اقول لكم اني حظرية وعمري 20 وطالبة وكويتية

ووزني 51 ووطولي 161 >>> هههههه شكوو

واكره بعد الجذب :23_asmilies-com: مااااااااا احب احد يجذب علي واللي يجذب علي مرة مستحييييييييل بعد اصدقة بشي

وانا انسانة عفوووية ويمكن شوووي فيني غرور بس بين خواتي مو بين الناس :eh_s(22):

ما احب الانسانة الملوووولة احب اللي تكون نشيييطة وتسمع لي من صميم قلبها ومااا احب اللي تردني بطلب

واهي قادرة عليه

وبالنسبة للثقة : ما عندي ثقة بنفسي للاسف فاحب الانسانة اللي تشجعني بكل شي

واحب الصديقة الذويقة

نسيت اتكلم عن اكلاتي المفضلة اكثر شي احب الكيك والكاكاو ومشروبي المفضل البيبسي والكوكتيل


ما احب الصديقة الانااااااانية واللي بس تحب نفسهااا ولا احب اللي تجذبني وانا اكون صادقة وياها ولا احب الصديقة اللي تنسا رفيجتها اذا ابتعدت عنها واحب الصديقة

اللي تفهمني واحبها تكون مثقــــــــــــــفة واحبها تكون اكبر من عمري عشان تكون فاهمة الحياه عدل ويكون عندها

خبره بالحياه

وفي اشياء ما اقدر اكتبها سر من اسراري نوعا ما

بمات هذا اكثر شي اتذكره اللحين

بليييز بنات ابي وحدة صج تكون نفس اللي كتبته ابي صديقة مستعدددة انها صج تكون صديقتي وكاتمة اسراري ويكون

بينا اتصال وطلعات وونااااسة :eh_s(15): بنات هل يوجد هنا احد مثلي

اريد صديييقة :tek:

واللي نفس افكاري وميولي تراسلني :icon30:


واذا تذكرت اي شي او اي وحدة وها تكون صديقتي وودها بعد تعرف شي اكثر جذي وانا مو كاتبته


ما عندي مانع في انها تسالني السؤال

وقبل لا اروح ابي الصديقة تكون من نفس جنسيتي >_< سوري بنات ادري بتقولون شمعنا بس لا تفهموني غلط

عشان نقدر صج نصير صديقات وقراب من بعض اتمنى تكونون فهمتوا علي ^_^

ومع السلامة :eh_s(22):

 

[صمتي سر هيبتي]

اهلين سارونه
تقريبا نفس اسلووووبك
وانا خجوله بعد حلو بعد مثل عمرى
العمر كله

 

[fato_kw]

ساروونه حبيبتي دشي هالموضووع
http://www.q8yat.net/showthread.php?t=597797

وسوري كوبي حق الكلام اللي كاتبته انتي عن نفسج لان هني محد راح يشوفه بس هذاك الموضوع الاساسي اهني التجمع فمحد يدش وراح تلاقين واد بنات كاتبين عن نفسهم دوري من بينهم يمكن تلاقين وحده نفسج دزيلها عالخاص
وانا كاتبه فيه بصفحه 3 او صفحه 12 البنات مسوين لي اقتباس وبس

الله يوفقج يااارب وتلاقين رفيجتج اللي تبينها

عاد انتي نفسي تقريبا بكل شي بس انا كويتيه

 

[سارونه*المزيونه]

رد : تجــــــــمــــــــــــــــع ( ودج يكون عندج صديقات مثل افكارج وميولج )

حبيبتي فوفو مشكوووووورة واشوة انج نبهتيني على هالشي عبالي هذا الموضوع الاساسي انا سويت له كوبي
وانا بعد كويتية فديتج ^_^