تجــــــــمــــــــــــــــع ( ودج يكون عندج صديقات مثل افكارج وميولج )

[fato_kw]

سارونه شلووونج


لووول ايي قلت اقولج علشان هناك الكل كاتب عن نفسه وهالموضوع صار محد يدشه

عاد انتي كوبي مني نفسي بالضبط لوووول

 

[fato_kw]

 

[سارونه*المزيونه]

رد : تجــــــــمــــــــــــــــع ( ودج يكون عندج صديقات مثل افكارج وميولج )

هلاا والله فاتو حبيبتي قريت الصفحة ^_^

 

[سكرة هانم]

رد : تجــــــــمــــــــــــــــع ( ودج يكون عندج صديقات مثل افكارج وميولج )

مرحبا بنااات شخباركم ؟؟

بصراحه داشه افضفض ...

انا تزوجت شهر 7 اللي طاف والحمدلله مرتاحه من هالناحيه بس نواحي ثانيه وايد اختربت عندي انا اقولكم شلون ...؟؟

اولا انا تخرجت وعلى طووول ملجت وحاليا ما اشتغل ...

هالشي وايد ماثر فيني انا انسانه اجتماعيه لابعد الحدود واحب اسولف وغير جذي طموحه واحب اتثقف وادرس
وريلي غييييييييييير كلش مو اهتماماته جذي

اقوله ودي اكمل ماجستير مو راضي يقول ماله معنه ,, وانا تخرجت من الاوائل عالدفعه الحين ماشالله بنات قدموا على بعثه خارجيه عن طريق الجامعه وانا اسمع اخبارهم واتحسر

حدي مخنوووووووقه ... ابي اكمل دراستي ما تصدقون شنو ودي مو عشان الاسم لا والله لاني احب اتعلم وودي اتثقف بمجالي

قتله اوكي اكمل بالكويت هم مو راضي

هذا غير ان يبي الوظيفه اللي على مزاجه ,, كان ممكن اني اكون معيده بالجامعه ما رضه يقول دوام لي العصر وممكن تدرسين شباب @@

ومعهد الابحاث مكان قوي هم ما رضه يقول تطلعين متاخر ودوامهم شغل وكراف


انا ما اذم بريلي بس اهو لان مو فاهم انا شنو ابي وقاعده احاول فيه بس مو راضي يستوعب قصدي


ثاني شي صديقاتي,,,,

باديه افقدهم وحده وحده عموما انا مو من النوع اللي عندي صديقات وايد اهم 2 او 3 الباجي اسميهم معارف او زميلات

بس رفيجاتي من تزوجت حسيتهم بدو يتغيرون وكلش ماراعو ان الزواج مسؤوليه واني لهيت مع ريلي واهله دايما ينتقدوني ويالله نطلع وليش ريلج جذي

حاولت افهمهم لاني مابي اخسرهم ماكو فايده .. حسسوني انا الغلطانه اقولهم انا امي ما اشوفها الا بالاسبوع مره شلون انتو !! طبعا حاولت اضغط على عمري وعلى ريلي عشان اطلع معاهم واشوفهم صارت مشاكل

لما قررت ابتعد عنهم خلاص

وحاليا ما عندي صديقات ....




ثالثا اهتماماتي ...

امبيه صايره انسانه ممله لاخر درجه .. ماعندي غير كلام الجرايد مجابله هالجرايد ليل نهار واقره فيهم



بنات ابي اغير حياتي مليييييييييييييييييييييييت من الوضع اللي انا فيه وكل مالي واصير كسوله اكثر واكثر

ما اقعد الا الضحى ولا لي خلق شي حته اكل مالي خلق اكل ....


اتوقعون اذا توظفت راح يتغير شي من حياتي ؟؟؟؟

ادعولي اتوظف ......

 

[كلكجيه]

صلي استخاره علاا دراستج واللي فيه الخير الله يكتبه وبصير انشالله
وردي صديقاااااااتج حتن لو تعزمينهم بالبيت بس لا تهدينهم وعن اهتماماتج
اشتري كتب واقري .. شوفي شنو هواياتج وميولج , واكيد اذا توظفتي بتتغير 180 درجه
والله يوفقج انشالله

 

[سكرة هانم]

رد : تجــــــــمــــــــــــــــع ( ودج يكون عندج صديقات مثل افكارج وميولج )

كلكجية تسلمين عالرد

وعلى دراستي كنت ادور احد يسويلي الاستخاره بس ما لقيت احد سبحان الله .. وكل ما ريلي يوافق يقولي خلاص سوي اوراقج تتعطل السالفه مره رحت بدون فلوس ومره بدون صور ويرد يهون احسها من رب العالمين

وانشالله تيني فرص احسن ... ومثل ما قلتي قررت اني ادر للقراءه لاني قاطعتها من فتره وحاليا مطيحه بقسم ال book club

 

[عليـا]

رد : تجــــــــمــــــــــــــــع ( ودج يكون عندج صديقات مثل افكارج وميولج )

واااااااااااي بنات حدي متملله

وبــــــروحي فعلاً ماعندي رفيجات

احيان اقوول وجود الرفيجااااات نعمه واحيااان اقول ازعــاج

مادري فيني تناقض عجيب لصداقه مرات احتاجها ومرات اتهرب منها

ســـكــــره
مابي تفهمين كلامي غلط ولا ان اشيشج على ريـــلج

بس صدقيني يا اختي شنو الحياه من غير شهاده الحين
ومو اي شهاده
بما انج شابه وفيج طاقه وشبااااب حـــــــــــــــرام عليج تقعدين وتضيعين من عمرج وباجر تتحسفين

حاولي وحاولي قد ماتقدرين اتقنعيين زوجج ...

باجر اذا الله ارزقج بعيال بتعرفين انج ظلمتي نفسج بتخليج عن مستقبلج

لاتعتمدين على الوظيفه وبـس ... دامـــج شــــــابه استغلي وقتج وحياتج​

 

[fato_kw]

ولكم سكره شلوونج

اممم بالنسبه للاستخاره مارحتي بعيد انا ابوي يسوي استخاره وماشاءالله اختي بعد تسوي وكلنا نرتاح لاستخاره ابوي لان صج تريح
فاذا بغيتي اي شي بغليني

وبالنسبه حق حياتج اول شي هذا قسمتج وثاني شي انتي طموحه وتبين الدراسه للثقافه مو حق شهاده او اسم صح ولا لا والثقافه تقدرين تيبينها لي مكانج اقري كتب حطي التلفزيون عالقنوات الثقافيه ولما تشوفين التلفزيون طالعي بوجهه نظر ثانيه فتحي عيونج عالاشياء اللي تزيد ثقافتج يعني لا تطالعين بالمسلسل هذي شقالت وهذي شلابسه وشسوى فيها ولدها ومادري شنو لا.. طالعي من ناحيه المشاكل اللي يناقشونها من ناحيه الامراض الله يستر وبعيد الشر اللي عرضوها بالمسلسل وطريقة علاجهم حاولي تدخلين وتعمقين بتفكير كل شخصيه فيهم راح تكسبين ثقافتهم واهم بمكانهم من غير ما تحسبين
دشي دورات واذا ريلج مو راضي علشان الطلعه ما يبييج تتاخرين برة البيت دشي النت فيه وياد دورات وكتب ومناقشات وانا وحده من الناس اعرض لج هالخدمه اي شي تبين من كتاب او معلومه او اي شي انا مستعده ادور لج بالنت واييبلج اياهم خبرة انا بهالسوالف
ومن ناحيه تكملين دراستج شوفي ريلج ليش رافض حاولي تييله بالمسايس ساحلي دلعي بالكلام شوي شوي سحبي منه وحاولي تعرفين شنو السبب وعلى اساس السبب نقدر نحط لج حل للمشكله واذا شفتيه تنرفز لما فتحتي الموضوع وشفتيه معصب خليج معاه جاده وكلميه باسلوب جاد قوليله واجه هالنقطه وفهمني شنو سلبيات هالشي وايجابياته بنظرك
وراح تعرفين بعدين ان شاءالله شلون تقدرين تكملين دراستج برضااه وبقناعته لان راح توصل له ففكرتج بصورة غير مباشة وراح يقتنع ان شاءالله
واذا كان رفضه علشان مايبيج تطلعين من البيت او مايبيج تلهين عنه وتنشغلين او كان يغار (لان لما قالج ماتصيرين معيده راح تدرسين شباب هالشي يبين انه يغار عليج) قوليله عندي حل ادرس نظام انتساب عن طريق الكمبيوتر اهم يدزون لج الشرح والكتب وكل شي بالايميل وتدرسين وتقديم الامتحان يكون عن طريق اتفاق مع الجامعه
جذي ماتوقع راح يمانع

ومادري شقول بعد

ايي بالنسبه حق رفيجاتج ... ترى بالدنيا هذي والزمن هذاا الرفيجات مو بس خوات لا احيانا تحسين انهم جزء من الروح لا تفرطين فيهم لو مهما صار مهما بعدتو عن بعض ردي واصليهم بين فترة وفترة كلميهم اعزميهم بالبيت لو سمح الوضع او ببيت اهلج او عالاقل بالمناسبات لان الصديقات شي ما يتعوض وبس بصراحه ماقدر اكمل عن الصديقات قلبي يعورني لاني خسرت رفيجات اهم غلطو بحقي وانصدمت منهم وانا وخرت عنهم بقناعه لان ما يشرفني اماشيهم بس اول وتالي في يوم من الايام جمعتنا ضحكه حلوة ماحب تنسي

الله يوفقج يااارب وسوووري طولت علييج بالكلام بس اتمنى يكون كلامي شوي خفف عنج وريحج

 

[fato_kw]

علياااا ياويلج مني ,,,

شنو ماحتاج صداقه لووول ترى الانسان محتاج احد يكون قريب منه يساعده ويوقف معاه ويفضفض له وهم بعد محتاج احد يعتم فيه ويسأل عنه من الجهتين يعني انتي محتاجه احد يسأل عنج ويهتم في وبنفس وقت متاجه انتي تسألين عن احد وتهتمين فيه
وطبعا مو اي صداقه الصداقه اللي تكون علاقتكم علاقه خوات مايزعلكم شي وما يفرقكم كلام الناس
وكلنا كان ماعندنا رفيجات بس من موضوع صار عندنا رفيجات لوول والله جد ماتغشمر

اقولج شي ؟؟ عن الدلع تعالي هالموضوع وشوفي كل الناس حاطه عن نفسها وتبي رفيجات تعالي هني وكتبي عن نفسج كل اللي بخاطرج وشوفي منهم اللي تعجبج اسلوبها وصفاتها دزيلها رساله وطلبي صداقتها وشوفي شنو يصير
جربي مو خسرانه شي
http://www.q8yat.net/showthread.php?t=597797&page=13
وهذا الموضوع

وسوري عالازعاج

 

[نسيم الوادي]

لاتتحسفي اناقضيت نصف عمري بالدراسه وجالسه بالبيت لاهدف ولاوظيفه الله يفرجهاوالانسان مايعرف ايش قاسم له ربه يمكن سعادتك في بيتك لوان مكتوب لك تكملي كانت تيسرت امورك والخيره فيما يختاره لناالله:wqedqw:

 

[عليـا]

رد : تجــــــــمــــــــــــــــع ( ودج يكون عندج صديقات مثل افكارج وميولج )

فــوتــو حبيبي
كلامج سليم 100% , , بس هم مافهمتيني

انا كنت اقصد بان ماتحتاجين الصداقه . .

لما تكون الصداقه بالنسبه لج مصدر ازعاج ومشاكــل

تكونين انتي في مثل هالحاله بغنى عنــها وتحاولين تبتعدين عن مشاكلها
فهمتيني حبي

ومثل ماقلتي فعلاً احنا نحـــتاج نهتم ويهتم فينا

ونسأل ويسأل عنـا,,

بس تكون على ماتفضلتي علاقه الصداقه علاقــة محبه واخوة

مو غيـــرة وطبيعه علاقات البنات هالايـــام​

 

[عليـا]

رد : تجــــــــمــــــــــــــــع ( ودج يكون عندج صديقات مثل افكارج وميولج )

نسيم الوادي

احــس بكلامــج لــغــة الــيــائس

صحيح بان الانسان ماله مفـــــــر عن نصيبــه

ويرضى بقضاء الله وقدره ويكـــون قـــنــوع ..

لكن في فرق بين الحالتين .. اليائس والقناعه

واحيان كثير نخلط بين الاثنين

يعني اذا ضعفنا وماقدرنا نواصل قلنا هذا قدرنا ورب العباد كاتبنا جذي

ولو تفكرين بالموضوع تكتشفين ان الضعف منج احيان , , وفشلنا يخلينا نقول هذا قدرنا

وهــذا غلــــط ​

 

[fato_kw]

علياا حبيبتي صح كلامج يالغلاا

وانا اقصد بالصداقه مثل ما قلتي علاقه اخويه مو علاقات الصداقه اللي هالايام علاقه يوم يومين رفيجتج ومعاج وبعدها تقلب عليج وتتغير

وهالعلاقه للاسف صار نادر وجوودها بهالوقت

 

[عليـا]

رد : تجــــــــمــــــــــــــــع ( ودج يكون عندج صديقات مثل افكارج وميولج )

علشان جذي اقولج .. مرات مانحتاج لصداقه

 

[fato_kw]

صح كلامج بس هم بعد الصداقه مهمه بس وين تلاقين الصدااقه اذا ماكو والله الدنيا مو مثل قبل والانفس تغيرت مو مثل قبل

بهالزمن ماكو صديق بمعنى صديق

في مصلحجي وفي عدو بس ماكو صديق

لان الصديق يكون مواصفاته مواصفات الاخو واقرب بعد

يعني احيانا الواحد يفتح قلبه حق صديقه اكثر من اخوة
مرات تكون عندنا سوالف او هموم او مشاكل نصارح فيها رفيجاتنا وما نتجرا نقولها حق اهلنا وخواتنا

الله يعييين

 

[ام العثامين]

صباح الخيييييييييييييير
انا مو فاهمة شي الحين وين نسولف اهني ولا بالموضوع الثاني وشنو الفرق بين الموضوعين
يبا انا قررت ارافجكم كلكم
كلكم خوش بنات وسوالفكم حلوه
بس عاد فهموني وين نسولف
كل يوم اقرا كل الردود تعبت
اول وحده تجاوبني بعطيعهااااااااا مادري شنو اعطيها خخخخ

 

[عليـا]

رد : تجــــــــمــــــــــــــــع ( ودج يكون عندج صديقات مثل افكارج وميولج )

والله علمي علمج هم انا احتـرت
يبــا المكان اللي يعجـبـج سولفي فيه

 

[سارونه*المزيونه]

رد : تجــــــــمــــــــــــــــع ( ودج يكون عندج صديقات مثل افكارج وميولج )

لووول

 

[عليـا]

رد : رد: تجــــــــمــــــــــــــــع ( ودج يكون عندج صديقات مثل افكارج وميولج )

صح كلامج بس هم بعد الصداقه مهمه بس وين تلاقين الصدااقه اذا ماكو والله الدنيا مو مثل قبل والانفس تغيرت مو مثل قبل

بهالزمن ماكو صديق بمعنى صديق

في مصلحجي وفي عدو بس ماكو صديق

لان الصديق يكون مواصفاته مواصفات الاخو واقرب بعد

يعني احيانا الواحد يفتح قلبه حق صديقه اكثر من اخوة
مرات تكون عندنا سوالف او هموم او مشاكل نصارح فيها رفيجاتنا وما نتجرا نقولها حق اهلنا وخواتنا

الله يعييين

تبيـــــــــن الـــصـــج
احيان يكون أكـــبــر خطـــا ..
ان مانكون قريبييـن من اهلنـا وخواتنا .. ومثل مايقول عمر الظفر ما يطلع اللحم
الرفيجـات مرات عادي تسولف فيج عند غيرها بسوء
عكس الاخت اللي مهما كــــــــــان عيبـــج تغطيــه وتستره
فا علشان جذي انا دايم انصح البنــات يتقربون من اهلهم وخواتـــهم خصوصاُ
خليكم قريبــين من اهاليكم اشياء كثيره بتغير فيكم ....​

 

[fato_kw]

رد : تجــــــــمــــــــــــــــع ( ودج يكون عندج صديقات مثل افكارج وميولج )

صح كلااامج والله
ولما الواحد يتقرب من اهله يحس براحه نفسه وايد حلوة
انا الحين اذا تضايقت انزل اقعد عند اهلي صج اكون نفسيه لووول ومحد يكلمني يخافون مني ههه بس ارتااح والله
حتى خواتي لما ايون بيتنا ينامون عندي وعيالهم دايما معاي حلوو جذي تحسين لج احد تحسين لج ظهر
حتى لو ماشكيتي لهم ولا فضفضتي لهم بس تحسين براحه معاهم

الله يخليهم لنا يااارب