تجـــــمع المسافرات للنمسا وألمانيا (تم دمج المواضيع)

[صدى الشوق]

شدعوووه بنات ماكوو ردود طنااااااااش؟

 

[أحلى^حياه]

صدى الشوق
يمكن قصدج المارين بلاتز؟

 

[أبله نوف]

بناااااااات بشاااره اليوم الجو قلب 180 درجه بـــــــــــــــــــــــــــــــــــــــــــــــــــــرد صقعه اتشوفين اعلى الجبل ثــــــــــــــلج
ونـــــــــــــــــــــاسه

 

[الحـــلوه]

صج زين الحمدلله انه تعدل الجو ^_^




أبلة نوف وين رحتي اهناك علمينا ؟؟وعلى اي خطوط ؟

 

[sara_77]

هاى بنات انا الحين فى ميونخ اليوم وصلنا من زل ام سى واى تبونه من ميونخ انا حاضره اى معلومات رحلات تنقلات

 

[&بنت شيوخ&]

بنات انا قعدت بزلمسي اسبوع وما مليت منها رحت قمة الكابرون عجيبه ثلج وبرد

ورحت شلالات كريمل طبعا المواصلات هناك بالباص احسن من التاكسي واوفر

وميونخ الفترة هذي عندهم خصومات مو طبيعية

 

[الحـــلوه]

صج بنات ونستوني بردودكم الحلوة





ساره هلا وغلا شلونج؟ها ان شاء الله مستانسين




احنا لاحقينكم ان شاء الله يوم 24-7 بغيت اسألج عن زلمسي وين رحتوا اهناك من رحلات واماكن حلوة؟


وين سكنتوا؟كابرون حلو السكن فيها والا بزلمسي؟





بنت شيوخ

احنا عشان جذي بنقعد فيها اسبوع اي يمدحونها حيل والجو اهناك روعة الله يهنيكم^_^




اي رفيجتي قالت لي عن هالخصومات

 

[حبابة]

بنات حبيباتي انا ان شاء الله سفرتي يوم 3\8\2009 الى 19\8\2009

بنروح ان شاء الله ميونخ و زلمسي و زيورخ و ميلانو

كل دولة 4 ايام

بس بغيتكم تفيدوني بأماكن اتسوق فيها

وحدكم ونستوني بالجو هناك

 

[$$مذهلة$$]

السلام عليكم

أنا البارح وصلت

كويت-دبي-ميونخ-سالزبرغ-زلمسي-ميونخ-دبي-كويت

من 1-7 إلى 20-7

استمتعنا بالسفرة الحمدلله والجو بكل الاماكن اللي رحت لها مطر وبرااد

والاسوااااق واااااو

والصرف مو وايد غالية

والتفاصيل بس ارتاح من الرحلة اقولكم اياها حدي تعبااانة وماعندي خدامة يعني بقعد ارتب بأغراضي وجناطي وملابس عيالي وأرجع لكم قريب

 

[المشخوطه]

بنات يلا قلولنا شنو احلا شي وشنو شريتو انا سمعت عن الدلاقات اللي فيهم كريم بس من وين اذا شفتوهم
يلا فودونا وقلولنا عن رحلاتكم قبل لانروح اول 8 انشاء الله

 

[M.&A. Stuff]

لوول مشخوطهــ الله يعينج هديــ..لاحقه ع التشريــ والتسوقــ,,,انتي اول شي استانسي بالجوو و الطبيعهــ,,!!

 

[sara_77]

بنات يلا قلولنا شنو احلا شي وشنو شريتو انا سمعت عن الدلاقات اللي فيهم كريم بس من وين اذا شفتوهم
يلا فودونا وقلولنا عن رحلاتكم قبل لانروح اول 8 انشاء الله

انا بميونخ الحين شسالفة الدلاقات اللى فيهم كريم قوليينا خنشترى

 

[$$مذهلة$$]

بااك ياحلوات ياللي تسئلون

من طبيت المانيا صادفني يوم واحد بس حار اللي وصلنا فيه عقبها كله أمطار ماشاءالله ويهي خير عليهم خخخخخخ ولدي يقول اي حدة ينطرونج اتييبين المطر من ديرتنا

المهم انا نزلت بميونخ طبعا بس تمشي ومطاعم مارحت صوب الاسواق ولا فكرت فيها مخليتها اخر شي رحنا اوليمبيا بارك ورحنا حديقة الحيوان بس ماكملناها حسافة كان المطر وايد قوي وطلعنا ورحنا بحيرة شتوتغارت والمارين طبعا تمشي كل يوم لانه يم الفندق ونقعد عند نافورة كارل بلاتز طبعا هذي مو كلها يوم واحد كل يوم مكان ودايما نختم طلعتنا بالمارين بلاتز طبعا هذي كلها 4 ايام والخامس رحنا لسالزبرغ طبعا انا استخدمت الاندر قراوند مرة وحدة وعقبها كله تكاسي مالي خلق نطرة الاندر قراوند ولويته وبعدين يضيق الخلق لانه تحت الارض وانا مااحب القمته والتكاسي عادي يعني مو ذاك الغلا اللي قالوا عنه شي مقدور عليه وتكاسيهم كشخة وسنعه وانا معاي عيالي ما احب اتشحطط

المهم رحنا سالزبرغ وااايد حلوة ونظيفة وايد انظف من ميونخ وشوارعها هادية بس من وصلنا على طول مطر فما استمتعنا وايد بالطلعات رحنا حديقة وفيها قصر قديم فيها العاب بالماي حاليا ناسية اسمها بس بالاسم شي فانتسي اعتقد استانسوا اليهال لانه كله ماي ويطشر عليهم انا ماعجبتني زود يمكن لان كان المطر قوي وانا احاتي ولدي الصغير لان عيالي ملابسهم صارت تقطر من الماي حتى وهم ماسكين شمسياتهم وكنا نتمشي كل يوم للمدينة القديمة اللي اهي مشهورة فيها سالزبرغ فيها حناطير وتمشي على النهر ومطاعم وحواري ضيجة هذي اللي ونستني شوارعها قديمة وحلوة بس مافيها شي ثاني اي نسيت اقول لكم حديقة مياربل لانها يم فندقنا وكل يوم نروح نتمشى فيها وفيها متحف موزارت وكشك يبيع شغلات تونس واسواقها غالية انا بصراحة مااشتريت منها شي لاني قايلة التسوق بميوخ بس بنتي عجبها تكرمون جوتي وجم شغله وقلت لها براحتج وخذتهم ودخلت ال في اشوف اذا في شي مميز بس مالفت نظري شي لان اغلب الاغراض بالكبتات وانتي لما تسالين يطلعونهم لج بس شافت جنطتي ال في قامت تطلع لي اكسسوارات لها قلت لها مابي لاني في بالي اشتري من ميونخ (أذيتكم بهالجملة خخخخ) المهم بس وقلت لكم عيالي مخليتهم دايم بحمام السباحة لان الجو مطر ورعد وبصراحه انا اخاف كنا بنروح كهف الثلج وقالولي متعب لليهال فهونت عنه وبعدها مشينا لزلمسي الطريج لزلمسي يونس عجييييب والبيوت تهبل وانتي تشوفينها على الجبال الخضراء بالضبط نفس الطريج وانتي رايحة الوفرة ولا العبدلي وصلنا زلمسي والجو يمطر ورهيييييييب على طول حطينا اغراضنا ورحنا للبحيرة وتمشينا وتعشينا والوضع يهبل بس ماقدرنا نروح لكابرون للقمة لانه مطر ومايصلح الا بجو صحو رحنا فاميلي لاند طبعا تلوع الجبد وماتسوى العنوة ولاعت جبدي انا وعيالي ماتسوى فلوس التاكسي عليها المهم الصغير استانس شوي ولا ولدي وبنتي اكتئبوا كل ماراحوا لعبة متعطله من المطر واصلا مافي العاب زود طلعنا منها وقلنا للسايق نبي نروح سلفلدين ورحنا للزحلاقية الجو كان حلو ووقف المطر شوي ولما وصلنا لها كان الجو في شمس شوي وركبتها وانقلبت انا وولدي فيها لانه راكب معاي وتزلقت ايديني بس لانه ولدي تحرك شوي وانقلبت فينا وبصراحة تزلقت ايديني وايد وللحين تعورني وولدي بعد تعور ما انصح وحدة تركب مع احد عيالكم يركبون لحالهم انا ولدي 4 سنين علشان جذي ركبته معاي من قرادتي ذاك اليوم ريلي ماراح معانا المهم عدت على خير وولدي وبنتي تبدلت كآبتهم شوي والصغير راحت الخرعة عنه اشوة عقب ماشاف تلوين وجوه والعاب وبالونات والحمدلله , لكن فجأة قلب الجو وصار هوا قوي طير مظلاتهم واغراضهم واحنا بسرعة ركبنا السيارة وقلنا للسايق نبي نروح ورحنا ماكدونالدز تغدينا ورجعنا البيت استانسوا عيالي ذاك اليوم بس ايديني ذبحتني والماي كان مثلج فلما اغسل تحرقني حيل المهم بس بعدين زادوات الخليجيين صارت لوعة شوي وزحمة
مو مثل اول ماوصلناها كانت بصراحه اهدى واحلى
واسواقها بعد مو شينة اخذت شغلات من زلمسي في محل الماس يهبل اخذت لي ولبنتي تراجي وقلوب صغار ناعمة وايد حلو ومحل ثاني عنده فضة والفنيشينغ ماله الماس هم حلو واسعاره حلوة واخذت صوايغ من هناك لبنات اختي وعيالي الصبيان تكرمون خذوا جواتي من هناك قلت لهم صبروا لما نروح ميونخ بس ماصبروا بس نفس الاسعار حتى المحل الي اخذت منه اسعاره كانت زينه ومحل اخذت منه بلايز للجينزات طوال حلوين وايد عجبوني , بعد جم يوم صار الجو حلو قلنا يالله فرصتنا لقمة كابرون ورحنا انا وعيالي وريلي خليناه نايم حاولت اقعده مارضى ورحنا ونااااااااااااااااااسه احنا كنا ماخذين معانا سكارفات وكبابيس صوف و قلفزاتهم بس اجرنا جاكيتات وتكرمون جواتي وصعدنا للثلج رهيب رهيب عيالي كيفوا وانا قبلهم ولما كنا باعلى مكان فجأة قام الثلج ينزل علينا بصراحة متعة مابعدها متعة المهم دخلت مع عيالي المطعم علشان الصغير حسيته بيصير قالب ثلج من البرد وطلبت لهم شي يدفيهم وبعدها نزلنا ومرينا بالردة الشلالات بس عيالي ماحبوا نطول كانوا تعبانين ودايخين قالوا نبي ماك وورحنا هالماك اللي لوع جبدي عيالي مايبون غيره وعاد هناك غالي مو نفس عندنا المهم رجعنا ولبسنا وطلعنا للبحيره بردهم لذيييييذ على كثر ماكنت امشي هناك زاد وزني من هالبرد وريلي ياكل اكثر مني ماشاءالله عليه بس مع المشي نازل المهم زلمسي اللي فيها البحيرة وقوارب والجمعية تونس كل يوم انا فيها اخذ منها بعض الباستات انواعهم تهبل هناك كل شي فيها بس اغلي الماي يعني كنت انوع واسويلهم باستا بالبيت اذا اشتهينا في هناك مطعم علي بابا وجباله مطعم اسمه كريزي مادري شنو الباجي القعدة بهالكريزي كانت تونس يشوفني بردانة يقولي القرسون شفيج تتنافضين اقوله برررد عندكم ليته جونا يشغل الدفاية يمنا وتشوفين الجبال جدامج تهبل شي أخضر شي ثلج صج صج تهبل زلمسي وتستاهل القعدة فيها لو ما ان الخليجيين زادوا فيها حيل وصارت زحمة جان طولت فيها اكثر عقب رجعنا لميونخ حق التسوق مارحت مكان غير السوق ولا رحت اسواق بعيدة على طول الاسواق اللي بالمارين والكارل واخذت جنطة فندي وجنطة قوتشي والملابس عادي ماكثرت لان مافي شي غريب تقريبا نفس اشياءنا بنتي وايد اشترت ملابس عمرها 12 وكل شي عجبها والصغير اخذت له تي شيرتات وجوتيين لان مافي اشياء مو عندنا والباجي مكياج في ماركة المانية من طبيت المانيا وانا اقولهم ابي شي يخصكم مابي ماركات عالمية لقيت واخذت من ماركة اسمها artdeco تهبل اخذت منها كريم اساس وبودرات واخذت التعبئة علشان تلاقونها موجودة بالكافهوف وبعد تلاقون بالكافهوف ماركات ثانية ارخص حسافة ماشفتها الا عقب ما اشتريت مكياج بفوق ال300 دينار تلاقنها بالسرداب الاخير مالهم يمها مكتبة ومواعين تلاقون ستاندات ومتروسه من ماركات ماشفتها بالكويت وحلوة بنتي خذت منهم وانا اخذت لبنات اختي وايد حلوة كريماتهم ومكياجهم كله ولما تطلعين من هالسرداب طلعي لبرا تحت مو من فوق يعني طلعي من باب السرداب تلاقين سوبر ماركت فيه الجيجيات اللي بالكريم والله بصراحه كل شي هناك يهبل ودج تسحبين ميونخ معاج وترجعين هذا ترى كله باختصار واي شي تبون تسئلون فيه واعرفه ماراح اقصر ان شاءالله بس اعذروني تعبانه من وصلت وماعندي خدامة عاد اذا لقيتوا بدليات طوفوا مالي خلق اراجع هذرتي

 

[$$مذهلة$$]

بنات عندي خطين نمساوي وخطين من ميونخ

وكلهم يشتغلون باوروبا

اللي تبيهم كلهم ب45 دينار وترى فيهم رصيد تتكلمين فيهم لين تقولين بس مايخلص

 

[الحـــلوه]

مذهله


حبيبتي مشكـــــــــــــورة على هالتقرير الحلو صج استفدت من المعلومات اللي حطيتيها احنا سفرتنا 31-7 وبنقعد اسبوعين حياتي بغيت اسألج اشوفكم تكلمون عن الجيجيات اللي بالكريم شنو هذي وبجم سعرها؟؟



ورحتي اسكادا آوت لت بميونيخ يمدحونه حيل مادري اذا رحتي له علمينا شنو اشتريتي منه؟

 

[الحـــلوه]

اي صج رحتوا لملاهي ليغو لاند وفنتازيا لاند ويورب بارك انا سمعت انه اليورب بارك ماتطوف ويبيلها يومين يالله تخلصين منها؟؟؟

 

[$$مذهلة$$]

هلا والله

الجيجيات اشتريتهم من غير مااعرف اصلا اذا فيهم كريم ومادري بعد هم اللي يقصدونهم البنات ولا لأ فرجعت جيكت على جيجياتي ولقيت مكتوب عليهم زيت زيتون وبعضهم مرسوم عليهم من النقطة ويمها كلام بالالماني طبعا ماعرفته بس استنتاجي قالي انه كريم وأسعارهم على من 2 يورو لل7 يورو تقريبا

الليقولاند مارحت لها لان عيالي قالوا دامها حق عمر 10 سنوات ونازل مانبيها ولي عمره 14 وبنتي 12 بهالفترة يدبلون الجبد وينظلم اخوهم الصغير 4 سنوات واليوروبا بارك لما رجعت لميونخ كان باقي لي بس 4 ايام والخامس راجعين الكويت فضلت تكون للتسوق فمارحت للاسف بس وايد هناك شفتهم مدحوها انا اقول خليها في بداية السفرة علشان راح تتعبين بعدها لان كلها مشي واي سؤال حياج الله

 

[الحـــلوه]

يعطيج العافية والحمدلله على السلامة حبيبتي




يعني شنو فايدة الجيجيات كلبس شكلها حلو والا انه فيها كريم ؟



اهاا لا انا وزوجي بس رايحين اجل ماله داعي الليغو لاند نروح اليورب بارك احسن^_^




شنو شفتي شي غريب وموموجود بالكويت كبضايع ملابس جواتي جناط اي شي لفت انتباهج ؟؟؟وابي اشتري هدايا للحبايب مادري من وين القى اشياء حلوة وسعرها موغالي حيل كهدية؟؟؟ياليت تفيديني

 

[احلى من الحلى]

مذهله حبيبتى جيكى على الخاص ابليز ؟؟؟

 

[الحـــلوه]

اهلين احلى من الحلى شخبارج؟




متى سفرتج؟؟؟انا تأجلت والسبة العودة مالقينا مكان غير هذا الفيزا بعد أخرونا!!