تجـــــمع المسافرات للنمسا وألمانيا (تم دمج المواضيع)

[احلى من الحلى]

اى اتصدقين صاير الفيزا اطول

انا انشالله اليمعه طيارتى على الوحد يوم 25

يعنى اكون بالمطار اليمعه الساعه 10.30

ورحتو بروحكم ولا مع قروب
واى خطوط

احنا غيرونا من الامارتيه حق الالمانيه الله ياخذ ابليسهم الامارتيه 30 كيلو

بس الالمانيه 20

 

[الحـــلوه]

ياحياتي تروحين وترجعين بالسلامه





احنا سفرتنا على 31-7 صارت^_^

 

[ملكة الهدوؤوؤوء]

انا اخوي بيمشي ان شاءالله اول 8 علاج وانا وراهم بجم يوم باذن الله يااااااااااااااااارب تكتبها لي يااااااااااااااااااااااارب

محتااااااااااااااااااااااجتها هالسفره حيييييييييييييييل ابي اغير جو جود تتغير هالنفسيه

 

[الحـــلوه]

حبيبتي ان شاء الله تروحون وترجعون بالسلامة

 

[sara_77]

اي صج رحتوا لملاهي ليغو لاند وفنتازيا لاند ويورب بارك انا سمعت انه اليورب بارك ماتطوف ويبيلها يومين يالله تخلصين منها؟؟؟

انا فى ميونخ الحين وباجر راجعه الكويت انشالله اليوم الجو مطررررر وليما الحين فى مطر
الليغو لاند يقولون حق اليهال من سن 3-7 سنوات يستانسون فيها بس يقولون فيها سينما 4d عجيبه ماتتطوف واحنا مارحنا لها بس شفت صديقتى وقالتى عنها كانت رايحه لها

 

[sara_77]

يعطيج العافية والحمدلله على السلامة حبيبتي




يعني شنو فايدة الجيجيات كلبس شكلها حلو والا انه فيها كريم ؟



اهاا لا انا وزوجي بس رايحين اجل ماله داعي الليغو لاند نروح اليورب بارك احسن^_^




شنو شفتي شي غريب وموموجود بالكويت كبضايع ملابس جواتي جناط اي شي لفت انتباهج ؟؟؟وابي اشتري هدايا للحبايب مادري من وين القى اشياء حلوة وسعرها موغالي حيل كهدية؟؟؟ياليت تفيديني

محل السى اند اى فيه شغلات حلوه حق هدايا

 

[$$مذهلة$$]

يعطيج العافية والحمدلله على السلامة حبيبتي
يعني شنو فايدة الجيجيات كلبس شكلها حلو والا انه فيها كريم ؟
اهاا لا انا وزوجي بس رايحين اجل ماله داعي الليغو لاند نروح اليورب بارك احسن^_^

شنو شفتي شي غريب وموموجود بالكويت كبضايع ملابس جواتي جناط اي شي لفت انتباهج ؟؟؟وابي اشتري هدايا للحبايب مادري من وين القى اشياء حلوة وسعرها موغالي حيل كهدية؟؟؟ياليت تفيديني

الله يعافيج ويسلمج وتروحين وتردين بالسلامة

الجيجيات مابعد جربتهم مامداني توني واصلة :eh_s(6):

والله بالنسبة للملابس انا ماتشدني لاني طافحة ملابس و الجناط اخذت من فندي وحدة ب720 يرو ومن قوتشي وحدة 850 يورو هم اللي عجبوني وحسبت انهم غالين لما رجعت وشيكت على حسابي طلعت الفدي ب 297 كويتي تقريبا والقوتشي ب 349 هم كويتي وهم اعتقد طلع جذي وتحسفت مااخذت بوك القوتشي لانه عجبني وايد ولا تنسن في تاكس فري اخذيهم من كل محل تدشينه يردونلج فلوس على حسب اللي انتي شاريته أما محلات حق هدايا والله مااقدر اقولج لانه يعتمد على الميزانية وين ماتمشين بتلقين محلات اشكال والوان عندج سي اند ايه والكافهوف مسوين سيل وعندهم شغلات ممكن تكون هدايا انا بصراحة اخذت عطورات ودلاغات وكاكاو لخالتي وامي بس امي زيادة جنطة وشحاطة تكرمين وخالتي شاور جل وكريمه اي خل اقولج شوفي وانتي مخلية الكورت يارد على يسارج ومتوجهة للكارل بلاتز اللي فيه النافورة الكبيرة آخر الشارع بالزاوية اليمين يكون الكافهوف امشي يمين تلاقين مثل سوبر ماركت صغيرنسيت اسمه بس العلامة حرف M كبير فيه عطورات ومكياج وادوية كل شي عندهم شاور جل وكريمة وتقشير باسعار حلوة اخذت منه لخواتي ولرفيجاتي ولي طبعا واخذت فيتامينات بعد منهم و الصرف عادي يوم ممكن تقطين وايد ويوم يمكن يكون صرفج قليل انا بصراحة لما رحت زلمسي وسالزبرغ ماصرفت وايد بس عاد مطاعم وجمعية ومصروف اليهال لان مافيه تكاسي غير اذا عندج رحلة برا زلمسي

ولاتنسين اخذي معاج الشاي والقهوة والسكر وكورن فليكس اذا تاكلينه وجبن وقيمر ومربي هذا كله كان معاي واشتري الحليب والصمون من الجمعية هناك ماخذة معاي طبعا اكواب فلين وقفاش وغلاية رغم ان الفنادق اللي رحت لها غلايتهم موجودة بس كاحتياط اخذتا لانها صغيرة ومجكنمة اي وكنت ماخذه دولكة بلاستك من سيتي سنتر كانت ب650 فلس تهبل وشكلها ذرب كانت ابريجنا للحمام تكرمين ومناديل مبلله طبعا لاتنسينها حق الطلعات

النت مادري شفيه واكتب حروف وتختفي اذا في شي نسيته ذكريني ​

 

[الحـــلوه]

مذهلة


الله يسلمج ياقلبي ومشـــــــــــــــــكورة على ردج الحلو مثلج^_^



زين حبيبتي اذا جربتي الجيجيات قوليلنا عنها لاتنسين





ليش آخذ معاي الشاي والقهوة ماكو عندهم اهناك سوبرماركت آخذ منه كل شي ناقصنا للأكل؟؟؟




طيب سالزبورغ انتي رحتي لها شنو فيها وتستاهل العنوة؟وسمعت انه في قارميش محل مثل الكشك فيه حلويات وكاكاوات غريبة اشكالهم سمعتي عنه؟



ورحتي لمتحف الشوارفسكي اللي كاتبه عنه سنفورة؟؟؟

 

[نوارس الشوق]

يسعد مساكم حبيباتي

ودي اسألكم انا بصراحه بروح النمسا وبرجع من ميونخ ومحتاره بين ميونخ وسالزبورغ يعني وين المفروض اقعد اكثر يعني ميونخ تستاهل اطول فيها او سالزبورغ احترت احد يمدح ميونخ واحد العكس ومختاره حييل

 

[3e6er alwrd]

حبيبتي سالزبوغ مافيها شي,, اصلا الناس يروحون لها من الصبح لي بليل بس
بس ميونخ فيها اشياء وايد مثل ليغو لاند وتروحين قارميش وتتسوقين وتروحين قلعه ديزني ويوروبارك وخلي قعدتج اكثر شي بزل ام سي بس نصيحه لا تقعدين بسالزبوغ زوريها زياره بس

 

[$$مذهلة$$]

يسعد مساكم حبيباتي

ودي اسألكم انا بصراحه بروح النمسا وبرجع من ميونخ ومحتاره بين ميونخ وسالزبورغ يعني وين المفروض اقعد اكثر يعني ميونخ تستاهل اطول فيها او سالزبورغ احترت احد يمدح ميونخ واحد العكس ومختاره حييل

النمسا كلها تهبل سالزبرغ هادية وراااايقة للناس اللي تبي الهدوء آنا قعدت فيها 3 أيام والرابع رحت زلمسي بصراحة عجبتني وفيها اسواق تونس بعضها اسعاره مناسبة وبعضها غالي انا بصراحة ال3 أيام استمتعت فيهم وطلعت فيهم كذا مكان حوالين سالزبرغ وتلاقين البروشورات بالفنادق ممكن اذا انتي بسالزبرغ بالاول تاخذين البروشور وتشوفين الاماكن ممكن تشدج وممكن لأ منها ممكن تروحين للكهف الجليدي وشلالات الكريمل ومنجم الملح وبحيرة كبيرة فيها قصر نفس قصر فرساي بفرنسا يعني اماكن وايدة ومطاعم هندية وايطالية موجودة وحلوة ارجع واقول انها للناس الرايقة اللي ماتحب اللوية علشان جذي عجبتني أما ميونخ فيها أماكن بس جوها متقلب يعني يوم حار وفجأة مطر هني تبتلشين بملابسج ماتعرفين تطلعين مصيفة ولا بجاكيت عموما الجاكيت ممكن تشيلينه بيدج وهم لميونخ بروشورات بأماكنها السياحية تلقينها بالفندق بس ماحبيتها وايد لاني مااحب اشوف عرب اذا سافرت والتسوق خليه آخر يومين او ثلاثة واذا شفتي شي خذيه على طول ساعات ترجعين ماتلاقينه وسلامتج وتعيشين​

 

[المشخوطه]

لوول مشخوطهــ الله يعينج هديــ..لاحقه ع التشريــ والتسوقــ,,,انتي اول شي استانسي بالجوو و الطبيعهــ,,!!

:krkrkr:
بعد شتقولين مشحووووووووووووووووطه وبعد كويتية:dddds:

 

[همامة]

بالتوفيق بنات
كم تقريبا المصروف من غير سعر التذاكر و السكن
اقصد كم بتكلفكم السفرة؟؟؟

 

[همامة]

الحمد لله على السلامة يا مسافرات و تروحون و ترجعون بالف سلامة يا مقبلات على السفر

مذهلة ممكن سؤال؟؟
ودي اروح انا و زوجي بس نفس هالرحلة كم تقريبا بتكلف ؟؟
غير التذاكر و السكن
انا احب التمشي و الاماكن السياحية و احب التسوق طبعا
يا ليت تفيديني كم تقريبا بتكلف السفرة؟؟

 

[العهووود]

اااااااااااااااااااااااااا

 

[$$مذهلة$$]

الحمد لله على السلامة يا مسافرات و تروحون و ترجعون بالف سلامة يا مقبلات على السفر

مذهلة ممكن سؤال؟؟
ودي اروح انا و زوجي بس نفس هالرحلة كم تقريبا بتكلف ؟؟
غير التذاكر و السكن
انا احب التمشي و الاماكن السياحية و احب التسوق طبعا
يا ليت تفيديني كم تقريبا بتكلف السفرة؟؟

ما أقدرأحدد لج بالضبط جم لان كل واحد يختلف صرفه عن الثاني

أنا وريلي وعيالي من غير التذاكر والسكن بأربع فنادق صرفنا تقريبا 5500 كويتي ويمكن أكثر

بس احنا كنا نتنقل بالتكاسي وبصراحه اي شي يطلبونه عيالي اعطيهم مااردهم عن شي فأتوقع يمكن راح تحتاجين نص المبلغ اذا انتي وريلج بس مصروف يعني وسوق ويمكن أقل بعد حسب المدة اللي بتقعدينها لان تذاكر الاماكن السياحية تكلف والتكاسي والمطاعم بس لشخصين اتوقع اقل بكثير والله أعلم​

 

[أم@الحلوين]

مساء الخير بنات شلونكم

 

[نوارس الشوق]

النمسا كلها تهبل سالزبرغ هادية وراااايقة للناس اللي تبي الهدوء آنا قعدت فيها 3 أيام والرابع رحت زلمسي بصراحة عجبتني وفيها اسواق تونس بعضها اسعاره مناسبة وبعضها غالي انا بصراحة ال3 أيام استمتعت فيهم وطلعت فيهم كذا مكان حوالين سالزبرغ وتلاقين البروشورات بالفنادق ممكن اذا انتي بسالزبرغ بالاول تاخذين البروشور وتشوفين الاماكن ممكن تشدج وممكن لأ منها ممكن تروحين للكهف الجليدي وشلالات الكريمل ومنجم الملح وبحيرة كبيرة فيها قصر نفس قصر فرساي بفرنسا يعني اماكن وايدة ومطاعم هندية وايطالية موجودة وحلوة ارجع واقول انها للناس الرايقة اللي ماتحب اللوية علشان جذي عجبتني أما ميونخ فيها أماكن بس جوها متقلب يعني يوم حار وفجأة مطر هني تبتلشين بملابسج ماتعرفين تطلعين مصيفة ولا بجاكيت عموما الجاكيت ممكن تشيلينه بيدج وهم لميونخ بروشورات بأماكنها السياحية تلقينها بالفندق بس ماحبيتها وايد لاني مااحب اشوف عرب اذا سافرت والتسوق خليه آخر يومين او ثلاثة واذا شفتي شي خذيه على طول ساعات ترجعين ماتلاقينه وسلامتج وتعيشين​

مشكوره ياربي يسعدك
ورح اعمل بالنصيحه واي شي اشوفه باخذه
هههههه

 

[الصابرة المحتسبة]

http://www.cunda.de/Shop/HtmlStart/start.html

 

[حبابة]

بنات وين اقدر الاقي شغلات غريبة ((ابي فناتق))

بــ ميونخ & زلمسي