تجـــــمع المسافرات للنمسا وألمانيا (تم دمج المواضيع)

[umsarona]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

هلا والله وش هالديوانيه الي تونس .................... بس وين باقي الحريم ؟؟؟؟؟؟؟؟؟؟؟؟؟؟؟؟؟

شكل خطنا بتتغير ابونا يقول نروح جنيف اول ؟؟؟؟

الله يوفق الجميع

ام جاسم وين اسامي السكن ؟؟؟؟

 

[أم@الحلوين]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

خوش دوانيه

بنات ابي معلومات عن فينا وزيلامسي وميونخ وصج اهيه غاليه وااايد؟؟

ابي احسن الفنادق 4-5 نجوم؟؟

الاماكن السياحيه؟؟ والملاهي ؟؟

وجم تقريبا يكفينا مصروف حق 20 يومانا وريلي وعيالي صغار2؟؟

واشلون جوهم شهر 7 يعني جم الحراره؟؟ اخذ شتوي؟

 

[~ عز ~]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

ام الحلوين

انا الصيف اللي طاف رحت زيلامسي وميونخ وايطاليا

ماتحتاجين شتوي .. بس للاحتياط خذي لكل واحد جاكيت .. يانا يومين برد في ميونخ .. المظلات مهمين لان ميونخ فيها مطر

بالنسبه لي ماعجبتين ميونخ وايد .. حتى عيالي تمللوا مافي الا جلسة كافيهات و مطاعم و ايسكريمات ..

اللهم يوم اللي رحنا ليقوا لند استمتعوا من قلب ..

زيلامسي استخفينا في الثلج وووااااوو صج متعه

 

[قلب عشتار]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

و أنا بعد وياكم حجزنا 14-7 على الاماراتية السعر روعة تخيلو 1070 دينار 6 أشخاص
و الرده 30-8 حابين نقعد أو في ميونخ و بعدين زلمسي
بس و الله متوهقة أبي شقة ثقة مو أي كلام

الله يهنيكم بالقعده والجو والمكان بس سؤال؟ أختى رمضان ان شاء الله بيكون حوالى 20 اغسطس يعنى راح تقعدون حوالى عشر ايام هناك والنهار عندهم طوييييييييييييييييييييل حيل يعنى على 9 او 9ونص او عشر يالله تغيب الشمس !!!!
شراح تسووون احنا العام صلينا المغرب بالعشر وكنت اكلم خواتى بالكويت وقلتلهم يالله بصلى المغرب شان يقولون ويييه احنا طالعين من سوق شرق الحين ؟؟؟؟ :tek:

 

[أم@الحلوين]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

ام الحلوين

انا الصيف اللي طاف رحت زيلامسي وميونخ وايطاليا

ماتحتاجين شتوي .. بس للاحتياط خذي لكل واحد جاكيت .. يانا يومين برد في ميونخ .. المظلات مهمين لان ميونخ فيها مطر

بالنسبه لي ماعجبتين ميونخ وايد .. حتى عيالي تمللوا مافي الا جلسة كافيهات و مطاعم و ايسكريمات ..

اللهم يوم اللي رحنا ليقوا لند استمتعوا من قلب ..

زيلامسي استخفينا في الثلج وووااااوو صج متعه

صج يعني شهر 7 عندهم مطر

شنو احس الفنادق 4 او 5 نجوم؟؟

 

[Pretty Amoola]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

بنات إذا كان سكنا بزلامسي نقدر نروح ليجو لاند الي بميونخ؟ لاتطنشون ردوا بليز :tek:​

 

[3e6er alwrd]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

انا لي الحين محتارة وين اسكن بالنسبة للفنادق ودي اسكن بشقة بزل ام سي وفايبروغ وميونخ ما ودي انحكر انا وريلي وبنتي بغرفة صغيرة بس اخاف الشقق يطلوع مو ذيك النظافة لاني اول مرة بجري اسكن بشقة وما ادري اسكن بكابرون ولا زل ام سي ودي على البحيرة وهم ودي بمكان هادي , ودي اسكن بفنادق اليوروبارك لان يقولون فرايبورغ و بادن بادن بليل تصير صخة والله ما ادري شسوي كلة توديني وكلمة تيييييبني

 

[~ عز ~]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

ام الحلوين

فندق ميركيور الستاد في قلب المارين بلاتز .. موقعه رهيب

 

[~ عز ~]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

انا لي الحين محتارة وين اسكن بالنسبة للفنادق ودي اسكن بشقة بزل ام سي وفايبروغ وميونخ ما ودي انحكر انا وريلي وبنتي بغرفة صغيرة بس اخاف الشقق يطلوع مو ذيك النظافة لاني اول مرة بجري اسكن بشقة وما ادري اسكن بكابرون ولا زل ام سي ودي على البحيرة وهم ودي بمكان هادي , ودي اسكن بفنادق اليوروبارك لان يقولون فرايبورغ و بادن بادن بليل تصير صخة والله ما ادري شسوي كلة توديني وكلمة تيييييبني

اغلب شقق زيلامسي نظيفه .. ايننون كلهم عالطراز الاوربي اللي تشوفينهم بالتلفزيون روعه كأنج في عالم خيالي

وكلهم مزينين بورد مناظرهم تجنن ..

انصحج تسكنين في زيلامسي ع اساس تطلعون للبحيره مشي

 

[Pretty Amoola]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

نزين! يعني أنا البطة السودة!!! ليش محد رد على سؤالي؟؟؟:eh_s(2):​

 

[ام فويزان]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

بنات انا انشالله باجر سفرتي ادعولي و لي الحين متوهقه مادري شاخذ ملابس

 

[3e6er alwrd]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

انزين نحجز من اهني ولا نروح ونفرفر ندور شقة اهناك احسن؟؟ والي مجربه و ترشح لي شقة حلوة ونظيفة وتكون مو غالية الله يعيطها العافية

 

[Pretty Amoola]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

بنات انا انشالله باجر سفرتي ادعولي و لي الحين متوهقه مادري شاخذ ملابس

تروحين وترجعين بالسلامة :tek:​

 

[~ عز ~]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

بنات إذا كان سكنا بزلامسي نقدر نروح ليجو لاند الي بميونخ؟ لاتطنشون ردوا بليز :tek:​

نزين! يعني أنا البطة السودة!!! ليش محد رد على سؤالي؟؟؟:eh_s(2):​

:dddds:

والله توني اشوف سؤالج @@

اظن تصير بعيده عليكم

لان ليقو لاند في ميونخ .. واصلا من ميونخ الى زيلامسي 5 ساعات تقريبا :eh_s(1):

 

[OnoTheeeYa]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

انا رحت زلمسي السنه اللي طافت كلش كلش كلش ماحبيتها بس فيلدن اللي يم ايطاليا عجيييبه

 

[Pretty Amoola]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

:dddds:

والله توني اشوف سؤالج @@

اظن تصير بعيده عليكم

لان ليقو لاند في ميونخ .. واصلا من ميونخ الى زيلامسي 5 ساعات تقريبا :eh_s(1):

آآآآآآخ أخيرا عبروني وعطوني وجه

والله أشوف 5 ساعات مب وايد ، وخصوصا هناك جوهم غير

والطبيعة ماشاء الله تخليج ما تحسين بالوقت، ولا شرايج؟


مشكوورة يا قلبي :eh_s(21):​

 

[Pretty Amoola]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

انا رحت زلمسي السنه اللي طافت كلش كلش كلش ماحبيتها بس فيلدن اللي يم ايطاليا عجيييبه

لالالالالا ، معقولة؟ نزين ليش؟ شلي خلاج ما تحبينها؟​

 

[أناقوقش]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

بنات انا بسافر إن شاء اله بس مادري اروح مع قروب ولا بروحنا لان سمعت ان الجناط بالقطار مشكله يعني وين تحطينهم وشلون تنزلينهم
والقطار عادي يمشي عنج تعالي نطري اللي بعده يعني تصير لويه وسفرتنا اسبوعين حسافه نضيعه باللويه والحوسه شرايكم ابي احد ينصحني

قروب ولا فردي؟؟؟؟
وشنو السفريات اللي تودي قروب مضمون ويشتغلون بأمانه؟؟؟

 

[~ عز ~]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

OnoTheeeYa


غريبه !!!!

زيلامسي ممتعه جدا جدا

بس مايبي لج اتطولين فيها

 

[~ عز ~]

رد: فضفضه بنات اللى بيسفرون شهر6او7 ل-فيينا-سالزبورغ-زيلامسي-ميونخ

آآآآآآخ أخيرا عبروني وعطوني وجه :d

والله أشوف 5 ساعات مب وايد ، وخصوصا هناك جوهم غير

والطبيعة ماشاء الله تخليج ما تحسين بالوقت، ولا شرايج؟


مشكوورة يا قلبي :eh_s(21):​

اكيييد طبيعتهم اتينن .. ماتحسين بالطريق .. احنا رحنا من زيلامسي الى ايطاليا بسياره 8 ساعات ماحسينا

بس انتي بتروحين ملاهي والعاب تخيلي يايه من طريق 5 ساعات بالسياره

يبيلكم ترتاحون .. تاكلون .. الله يعزج يبيلكم حمامات

ترا مب سهله ..

انا ماحب اجهد روحي اذا مسافره سياحه .. فاقول لج صعبه مشوار ليقولاند من زيلامسي