@*@ تجــــمع العـائـدات من بـلاد العـام سـام لــ 2010 @*@

[ظلال القرآن]

رد : رد: @*@ تجــــمع العـائـدات من بـلاد العـام سـام لــ 2010 @*@

ظحكوا علي
قلت بزعل مثل كل مره وأتغلى
وما مداني أتغلى دخت ونمت والكمبيوتر بحضني
لا تخافون مو زعلانه :lololoe:
الحين صج قود نايت:ch12::ch12:

نوم العوافي

هاف سويت نايت :eh_s(3):

 

[ظلال القرآن]

رد : @*@ تجــــمع العـائـدات من بـلاد العـام سـام لــ 2010 @*@

جوري هيرشي تينن وايد حبيتها عندي موظفه توها راده من بنسلفينيا بتس بيرغ وايد تمدح فيها اخذت بيت هناك 3 شهور

وانا صراحه لو يرد فيني الوقت قبل سفرتي اخذ من لوس انجلوس اسبوع واقطه بنسلفينيا خضره وماي وغزلان بالهبل ولايه نظيفه تلق

ايه سالتيني عن الجو طبعا زين حلو بس مو بارد حيل مثل زلمسي نوووووو عاد هذيج الي ما لها شبيه

هالبيتين اهداء لحبي الاول والاخير زلمسي
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف



واااااااااااي اموت فيج يا زلمسي

 

[ظلال القرآن]

رد : @*@ تجــــمع العـائـدات من بـلاد العـام سـام لــ 2010 @*@

الحين بطريجنا لشلالات نياجرا


يا حلو هاللوحه



هذا النهر معانا طول الطريج


شوفو الغيم عاكس على الجبل

 

[الجوري74]

وااااااااااااااي ما شاء الله تبارك الله المناظر خلااااااااااااابه >>غرامي هالمناظر السويسريه

زلمسي لو هي مره جان قلت ساحرتج
ضروري اروح لها
كلما نوينا نروح لها اتذكر الخليجين اغير راي واجنسل هههههه
ما عطيتيني عنوان اوموقع الشقه

 

[ظلال القرآن]

رد : رد: @*@ تجــــمع العـائـدات من بـلاد العـام سـام لــ 2010 @*@

وااااااااااااااي ما شاء الله تبارك الله المناظر خلااااااااااااابه >>غرامي هالمناظر السويسريه

زلمسي لو هي مره جان قلت ساحرتج
ضروري اروح لها
كلما نوينا نروح لها اتذكر الخليجين اغير راي واجنسل هههههه
ما عطيتيني عنوان اوموقع الشقه

احبها احس اني بالجنه اذا رحت زلمسي

جوري الصور الي تو مساع بنسلفينيا مو زلمسي بس اقولج من كثر الطبيعه فيها ذكرتني بزلمسي

 

[ظلال القرآن]

رد : @*@ تجــــمع العـائـدات من بـلاد العـام سـام لــ 2010 @*@

حبه خاله

ناطرين صور بوسطن وكلورادو

 

[ظلال القرآن]

رد : @*@ تجــــمع العـائـدات من بـلاد العـام سـام لــ 2010 @*@

باجر باذن الواحد الاحد بحط لكم مسك ختام رحلتي شلالات نياجرا

استودعكم الله الذي لا تضيع ودائعه بورح اصلي وانااااااااااااااااااااااااااااااااااااااااااااااااااااام

 

[white**angel]

ماشالله طبيعتهم روووووعه تسلمين ظلال على الصور
نوم العوافي

 

[مشاعر أمرأه]

رد: رد : @*@ تجــــمع العـائـدات من بـلاد العـام سـام لــ 2010 @*@

هلا شعوره
ياربي ما أدري ليش من أشوف صورتج يزوغ قلبي

عاد تبين الصج

صدق من قال القلوب عند بعضها انا بعد استانس لمن اشوف مشاركاتج

احب اسلوبج وتعليقاتج وهمن محارشاتكم انتي وام العيال

مسوين لنا عالم ثاني

 

[مشاعر أمرأه]

شعورج شلونج شخبارج شلون صرتي الحين بشري عنج

هلا ام العيال

شعوري تمام. ليش فيه شي شعوري

لووووووووووووول

 

[honey moon]

رد : @*@ تجــــمع العـائـدات من بـلاد العـام سـام لــ 2010 @*@

بنات سؤال حصلتوا كارولينا هيريرا ch في نيويورك حست ولا لقيت وين تنباع

 

[Simply_The_Best]

رد : @*@ تجــــمع العـائـدات من بـلاد العـام سـام لــ 2010 @*@


^& San Francisco &^

هـذي محـلات بمنطقـة الفيشرمـان وارف ... طبعا ً بمـا إن الجـو بـارد مـوتتتتتتت فكله يبيعون جاكيتات صـوف و سكارفـات بكـل مكــان .. أنا شريت لعيالي سكارفـات لأني ما توقعت الجـو صقيع جـذيـه !! مشريه لهم جاكيتات من آيرفاين ... لاحظو الهوملس الي قاعـد بالطرف ... وايد هوملس .. و رونـه تشتكي من لوس أنجلوس لووول تعالي هني عندنـا بس للأمانه مالهم شغـل فيك ... و أنـا اذا شفت واحد جدامي أعقد النـونـه حتى لا يتجـرأ يطلب لووول

هنـيه كنـا ناطريـن ( الترام ) مثل البـاص و له محطـات معينـة يـوقف فيهـا ... و كنـا نـاوين نـرد لفنـدقنـا بوسط المدينـة الي يسمونـه Market street و إحنـا ننطر كنـا ميتيــــــــــــن من البـرد بحياتي بـرد جذيه مـا شفت !! مـع إنـه مشريـن جاكيتـات بس مو كـافـيه .

هجـــــــــــــــــــــوم على الكراسي لوووول الناس وايـديـن و التـرام مـا يكفي ... زحمـة !!!! النـاس واقفين بالترام تحسـين شـوي و إلا بيقعدون بحظنـج

هـذا سيـرك ...بس للأسف ما كان عنـدنـا وقت نروح لـه .. أو حتـى أسـأل عنـه

هـذ الجســر الشهيـر Golden Gate

لا تعليق ! الـحرمــه هذي لاحقتنــا بكـل مكـان !حتـى هنيـه لوووووووول

هـــذا محـل ( آبـــل ) دوريـن و كبيــر شريت منـه Case أحمـر الي يركبـون على اللاب تـوب ...

جـوسي في فرعيـن بسـان فرانسيسكـو ... واحـد بمـول الوست فيلد و الثاني أكبر مـنه وايـد 3 أدوار يبعـد عن هذا حوالي 15 دقيقـة مشي و حتـى مدعـوس ما عرفت إن موجود إلا لمـا قعدت أدور بجـوجـل

هــذا المـول ( وست فيلـد ) مشي من فنـدقنـا 5 دقـايق ... طبعا ً و إنتـوا تمشـون بسـان فرانسيسكـو ممكن تشوفون أي شي غريب ما تـوقعـونـه !!!! و للأسف كنت طالعـة مع ولدي الوسطي السـوق و الـباجيين كانو نايمين و مراضى من الجو مع ابوهم في الفنـدق .. لسؤ حظ ولدي إن شـاف هالشغلات الغريبـة و اهــو الي نبهنـي ...

 

[Simply_The_Best]

رد : @*@ تجــــمع العـائـدات من بـلاد العـام سـام لــ 2010 @*@

بنات سؤال حصلتوا كارولينا هيريرا ch في نيويورك حست ولا لقيت وين تنباع

كـارولينـا هريرا ما في منـها نيويورك ... بس في كاليفـورنيا و بالتحديد بسـاوث كوست بـلازا و أسعارهم أغلى من الكويت تقريبا ب70 دينـار

 

[q8 nono]

رد : @*@ تجــــمع العـائـدات من بـلاد العـام سـام لــ 2010 @*@

شلونكم بنات

مبروك التجمع اليديد

انا كنت متابعتكم من تجمع المسافرات بس بالصامت لاني ما سافرت هالسنة لانه ولادتي كانت بالصيف انشالله الصيفية الياية >>>قلت قصة حياتي

و عاد شدوا حيلكم بالتفاصيل علشان ناخذ الخبرة منكم و نتعلم من اخطائكم

هلا بوران انشاءالله الصيف الياي كلنااااااا مع بعض و انا عاد اصير لكم القايد بحكم خبرتي لووووووول >>> *يوو جني صدقت نفسي :ada:
اي ترا فيزا نوس سويناها امس و انشاءالله يوم السبت يوصلونها و طلبناها له 10 سنين فانتوا اذا بتسوون فيزاتكم طلبوا حق الياهال 10 سنين احسن*

بنات انا سالتكم بس محد ردعلي لييييش احنا يالمستجدين ما تعطونا وي :eh_s(1):

سؤالي عن جو نيويورك و اورلاندو بشهر 10 شلوووووووون ؟؟ لاني قاعده اجهز حق الملابس فمادري ما حط جم كوت احتياط ولا ماكو امل بالبراد ؟؟؟
و سؤال لي عندهم ياهال بامريكا شنونوع الحليب مال الياهال حق المميه يعني اجيله من هني حليب و تكرمون بامبرز والا متوفر هناك ؟؟*
و حبة خاله امبي مت ضحكو انتي ترفعين التجمع الثاني خو خلاص خلي بحال سبيله*
و الصور ماشاءالله ماشاءالله تينننننننننننننن الجوري و وايت و ظلال و حبه خاله مبدعيييين*:ggdw::ggdw:

*

 

[Simply_The_Best]

رد : @*@ تجــــمع العـائـدات من بـلاد العـام سـام لــ 2010 @*@

هلا بوران انشاءالله الصيف الياي كلنااااااا مع بعض و انا عاد اصير لكم القايد بحكم خبرتي لووووووول >>> *يوو جني صدقت نفسي :ada:
اي ترا فيزا نوس سويناها امس و انشاءالله يوم السبت يوصلونها و طلبناها له 10 سنين فانتوا اذا بتسوون فيزاتكم طلبوا حق الياهال 10 سنين احسن*

بنات انا سالتكم بس محد ردعلي لييييش احنا يالمستجدين ما تعطونا وي :eh_s(1):

سؤالي عن جو نيويورك و اورلاندو بشهر 10 شلوووووووون ؟؟ لاني قاعده اجهز حق الملابس فمادري ما حط جم كوت احتياط ولا ماكو امل بالبراد ؟؟؟
و سؤال لي عندهم ياهال بامريكا شنونوع الحليب مال الياهال حق المميه يعني اجيله من هني حليب و تكرمون بامبرز والا متوفر هناك ؟؟*
و حبة خاله امبي مت ضحكو انتي ترفعين التجمع الثاني خو خلاص خلي بحال سبيله*
و الصور ماشاءالله ماشاءالله تينننننننننننننن الجوري و وايت و ظلال و حبه خاله مبدعيييين*:ggdw::ggdw:

*

هـلا والله يـلا بالبركـة على الفيزا

أنـا رديت عليج أعتــقـد والله مـا أدري يمكن أحد ثاني رديت عليه
عموما ً 10 و لا مرة رحت بالوقت ... لكن أعقـد الجـو حلـو اذا تبين تيبين شي بس يبي معاج جـاكيت جم طويـل خفيقـة و اذا حسيتوا الجـو بـارد عليكم اشتروا من هنـاك ...

الحليب كـل شي عنـدهم و البـارمبرز أشكـال و ألـوان بس يبي معـاج مـؤقت للرحلـة للمطـار و الطـيارة و أول يـوم الوصول اذا مـا مداكم تروحون الجمعيـة .... اذا تبيـن يبي معـاج قوطيـن حليب إحتيـاط ... عندهم سيميلاك أدفـانس بأنـواعـه

 

[q8 nono]

رد : @*@ تجــــمع العـائـدات من بـلاد العـام سـام لــ 2010 @*@

سمبلي مشكوره عالرد السريع لووول و اشوا طمنتيني على الحليب و البامبرز لاني افكر جم واحد احط خو انا البامبرز كل شوي مغيرته اخاف يخلص علي هناك من غير ما احس لوووول *و عالجو اخاف يصير فيني مثل ماصار لكم عاد انا وحده ما اتحمل لا البرد ولا الحر >> الي يسمعني يقول مولوده بباريس لوول*
و بالنسبه لصورج تينننننن خاصه جوسي كوتور هالمحل احببببهاغراضه تونس بس ما *فهمت شنوقصدج اشياء غريبه ؟؟ قصدج يعني *من الهوملسرو الا من العموم ؟؟؟

بنات اذا شفتوا بدليه مني مناك عذروني لاني ارد عليكم من الاي باد و كيبوده يخربط شوي انا مرات م افهم روحي لوووول

 

[Simply_The_Best]

رد : @*@ تجــــمع العـائـدات من بـلاد العـام سـام لــ 2010 @*@

San Francisco

بعد مـا خلصنـا من ( الفيشر مـان وارف ) رحنـا الوست فيلد مـول الي يـم فنـدقنـا و قانـا بنشوف فيلم Cats and Dogs للأسـف كـان خــالص ... بس حجزنا فيلم ثاني من ديـــزنـي لنيكولاس كيـج اسمـه SORCERER'S APPRENTICE
و كـان وايــــــد آكشن و حـلو ... و إحنـا نـاطريـن الفيلم و إلا أشـوف وحدة تقرب مني و تسأل من ويـن إنتـو و جاوبتهـا و طلعت البنت من المملكـة و تـدرس هنـاك و بعدهـا نـادانـا واحـد شـايب أمريكـي لووول جـان يقـول تعالو شـوفوا هالصـورة و إلا يـأشـر على بوستـر فيلم Cats and Dogs و يقولي هـذا الجسـر مكانـه غلط !!!!! ليش ؟؟؟ لووووول و قـام يشرح وين المفروض مكـانه و إحنـا نقـوله إي صح عدل كـلامـك لوووول والله كسـر خـاطري

هـــذي السينمـا من داخـل .... فاضيـــــــــــــــه

هـذيـلا شبـاب المستقبـل ... ما خلـو بوستر أو لوحـة مـا صـورو عنـدها و كـل واحـد بيصـور بروحـه

هـذا المـول من فـوق و أنـا بالسينمـا ... و في تحت الفـود كـورت بالسرداب ... كـل شي عنـدهم إيطالي - هنـدي - أمريكي - يوناني حمص على ورق عنب و غيره

 

[Simply_The_Best]

رد : @*@ تجــــمع العـائـدات من بـلاد العـام سـام لــ 2010 @*@

سمبلي مشكوره عالرد السريع لووول و اشوا طمنتيني على الحليب و البامبرز لاني افكر جم واحد احط خو انا البامبرز كل شوي مغيرته اخاف يخلص علي هناك من غير ما احس لوووول *و عالجو اخاف يصير فيني مثل ماصار لكم عاد انا وحده ما اتحمل لا البرد ولا الحر >> الي يسمعني يقول مولوده بباريس لوول*
و بالنسبه لصورج تينننننن خاصه جوسي كوتور هالمحل احببببهاغراضه تونس بس ما *فهمت شنوقصدج اشياء غريبه ؟؟ قصدج يعني *من الهوملسرو الا من العموم ؟؟؟

بنات اذا شفتوا بدليه مني مناك عذروني لاني ارد عليكم من الاي باد و كيبوده يخربط شوي انا مرات م افهم روحي لوووول

الله يسلمـج من العموم .... يعني مثلا ً يبـون يوصلون مسـج معيـن للنـاس ( مـا أدري شنهـو المسـج ) تلقينهم واقفيـن عنـد الإشارة بالشـارع و ما خذيـن راحتهم حيــــــــــــــــــــــل !! و إظاهـر نسوا يلبسـون هـدومهم لووووول أو كـانو مستعيليـن بس واقفيـن و ماسكين لوحـات بس من هـول الصدمـة !!!! ما مـداني أشـوف المكتوب و غطيت عين ولـدي و غيرت الإتجـاه كنـا نـاين نروح أولـد نيفي ... جـان أعكــس و مرة من المـرات كنـا نمشي بالشـارع و كـان زحمـة !!! و زوجي و عيـالي جدامي سابقيني ... و إلا الي يوقفني و عنـد سلـة يعطي النـاس شي مجيس ( يعني بجيـس ) أنـأ عبالي من بعيد يوزعـون كروت أو شي من هالنـوع جـان أروح و أمـد ايدي لأنـه اهو مـاد ايـده حـجي و إلا طـالع شي ثـــــــــــــــــــــــــــاني ما تـوقعـونـه لووووووووووووووووووووووووووووووول طبعا ً أنـا ما خذيتـه و طالعتـه بنظرة دهشـة !!! و إلا أسمعه يضحك وهو بظهـري عمة عينـه

 

[honey moon]

رد : @*@ تجــــمع العـائـدات من بـلاد العـام سـام لــ 2010 @*@

مرسي وايت ع الرد بس ترا أنا لقيت محل ch opening soonولا ينباع في اي دبرادمنت ستور بس صدمتيني معقول اغلا من هنيا انتي متاكده

 

[Simply_The_Best]

رد : @*@ تجــــمع العـائـدات من بـلاد العـام سـام لــ 2010 @*@

مرسي وايت ع الرد بس ترا أنا لقيت محل ch opening soonولا ينباع في اي دبرادمنت ستور بس صدمتيني معقول اغلا من هنيا انتي متاكده

أنـا سألت الموظفـة الي بالمحـل في سـاوث كوست بـلازا جـان تقـولي بس إهني عنـدنـا جـايز في بولايـة ثانـية ؟ بس كاليفـورنيـا أكيـدة !! ما عنـدهم إلا محـل واحـد إلي هو بساوث كوست بلازا ... جنطتي من الكويت شاريتها قبل السفرة بأسبـوع على 250 دينـار لقيتهـا هنــاك مع التاكس على 310 تقريبا ً اهو التـاكس الي يخرب علينـا

و لا مرة شفــت كـارولينـا تنبـاع بدبارتمنت ستـور ...