رد: >>>تجمع مراجعات الدكتورة نداء بو خضور<<<
صباح الخير بنات
انا اول امس رحت لها برويال
الحمد لله كل شي سهاله
اللي عندها موعد ينقلون اوراقها من العياده بس لازم تفتح ملف يديد بالمستشفى
بعد كل شي ارتب والمواعيد بالساعه وماكو ضغط ولويه ولله الحمد
حتى اهي نفسيتها اريح وعطتني كل الوقت اللي ابي
وفصفصت السونار عدل
كلفني فتح ملف ودخول وسونار وتحليل بول تكرمون 30
يعني مازادت اسعارها
واصلا انا سألت عن السعر قالولي الدكتوره تحدد
وعن سبب نقلها
يمكن لاني انا معاها ميانه من نين تسولف معاي واااااااايد
كانت تقولي تعبت وايد وماعندي وقت وزاد الضغط علي
وكنت متردده بالنقل لين يا يوم كان عندي قيصريه بمستشفى ودقوا علي مستشفى ثاني الا مريضه ثايه فاتحه سبعه والبيبي تعبان
نقول خفت اهد اللي بيدي وتنزف ويصير فيها شي وتصير مسؤوليتي
واذا تأخرت على الثانيه طبعا بذمتي
أخر شي خليت المساعد اللي معاي يكمل العمليه ورحت حق الثانيه وتأخرت عليها بس الحمد لله ان الله ستر
والشوارع زحمه وانا ادور بين 5 مستشفيات
قلت اهني اقربلي واحسنلي لاي ضرف الا كل مريضاتي يمي
الله يعطيها العافيه صراحه انا احبها وارتاحلها واقدر ضروفها
انها موكل مره تكون مستعيله الا اذا كان ضغط عليها وان شا الله الحين يزول الضغط
ان شا الله اكون فدتكم
وتسلمون
