&&* تجــــمع مـــراجــعات مسـتشفـــى المـــــواســاه *&&

[اسأل ضميركـ]

رد: >>>تجمع مراجعات الدكتورة نداء بو خضور<<<

اوكي مس يعني بس تولد برويال حياه ولا ..؟؟


انا براجع عندها بس ماني عارفه مواعيدها مثل اول سبت واحد واثنين ليل وثلاثه واربعه وخميس صبح ولا تغير ..

 

[دلع^مطير]

رد: >>>تجمع مراجعات الدكتورة نداء بو خضور<<<

انزين حلو 280 دينار على الولاده
بس لو راحت رويال حياه اكيد السعر يزيد !!

 

[Miss sensitive]

رد: >>>تجمع مراجعات الدكتورة نداء بو خضور<<<

اي اهي الحين بس تولد برويال ولا تروح اي مستشفى ثاني

وبالنسبه حق المواعيد زادت اوقات دوامها دقي على المستشفى وهم يعطونج موعد بالساعه

وسعرها : الحين مالها سعر خاص نفس اول سعرها شامل الولاده كامله مع الغرفه اللي تبين

بالنسبه لي لقيت ان وجودهها بالمستشفى يوفر شوي علي كم ديناار

على العموم اسعارهم الحين عليها عرض لين آخر مارس
غرفه الكاميليا مع الولاده 950
ليلي 700

يعني السعر شامل الولاده الطبيعيه والدكتوره واقامه ليلتين

وقالولي من شهر ابريل راح تيي اسعار يديده مادري يزيدون ولا يقللون ولا يتمون مثل ما اهم
على العموم انا ولادتي شعر 4 ان شاء الله من الحين ليذاك الوقت ان شا الله اشوف الاسعار اليديده اللي بتكون

 

[happy mummy]

رد: >>>تجمع مراجعات الدكتورة نداء بو خضور<<<

أنا كنت اراجع مع الدكتورة نداء و الحمدالله كانت تجربتي ابجري وايد حلوة
مشاءالله عليهَ وسيعة بال و حنونه وايد ارتحت معاها مع إن طبعي صعب و خوافه و حساسه و دمعتي بعيني و كنت متعورة بحمالي الأول بس معاهَا حسيت إبثقة و هدوء لان ادري إنهَ خبرة وإاني تحت ايدي امينة و انه ما اتجازف بصحة الام او الجنين تاخذ كل إحتياطاته و اتشيك على كل شيء بس بنفس الوقت ما تخرعش.
او قبل لا اولد سألتها اي مستشفى ترشح حق الولادة قالت انه شخصياً تفضل رويل حياة لان دكاترت الاطفال عندهم كفاءتهم عالية و لان نيرساتهم زينين (او هالكلام كان من قبل لا تنتقل الدكتورة للمستشفى).
و الحمد الله كانت ولادتي تساهيل و النيرسات برويل حياة وايد مريحين و ما يخلونش و حسيت انهم وايد حريصين و خبره و الدكتورة نداء ما شاء الله علية ممتازة تسوليف معاج او تهديش و تقول لش شتسوين بكل هدوء وسعة صدر يعني انا توقعت ان االولادة فيها وايد دراما و لويه و كنت متأزمه بس الله سهله و الصراحة صج كانت تجربة حلوة

 

[أنا الثريا]

رد: >>>تجمع مراجعات الدكتورة نداء بو خضور<<<

مس سنسيتف,مشكورة على التوضيح ماقصرتي!!
يعني بس نفتح ملف يديد؟؟
وملفي ينتقل معاي؟؟
انا ناطرة الدورة تي على اساس تعطيني منشطات ثاني يوم دورة!!
قالت هالشهر أبر لان الكلوميد اخذت قبل جم شهر وماحملت قالت الحين أبر!!والله كريم

 

[Q8 programmer]

رد: >>>تجمع مراجعات الدكتورة نداء بو خضور<<<

السلام عليكم ورحمة الله وبركاته


هذه رساله من الدكتورة نداء الى مريضاتها

"


مريضاتي العزيزات ...

حبيباتي بناتي ...

اشكركم وايد عن هذا الموقع وكل الكلام المذكور فيه.

هذا شرف يملئني فخرا ويخليني اكثر حرصا على رعايتكم

من حقكم علي اني اشرح السبب اللي قررت فيه الانتقال الى رويال حياة رغم انه قرار صعب لكني اتخذته بعد تفكير طويل



في القطاع الخاص الطبيبه تكون مسؤوله مسؤوليه تامه على المريضه وهذه مسؤوليه كبيره وماتقتصر فقط على حالتها

الصحيه بل تشمل كل شيء يتعلق بالمريضه بما فيه حالتها النفسيه والاجتماعية و الحمل مرحله لايخلو من الخطوره

ويستغرق فتره مو قصيرة وله اثار ممكن تمتد على حياة الواحده منا اذا لم يتم بسهولة وامان


احب اشير الى كلام الاخت كلي غلا وصيه الكويت لما اشتكت من كثره المراجعين وقله الوقت المتاح للمريضة

وهذا كلام صحيح بفضل الله عدد المراجعين كان دائما في ازدياد والمريضه اللي تراجع العياده من حقها ان تأخذ كل الوقت

اللي تحتاجه وتطلع وهي مرتاحه واسالتها مجابه ومرضها تم تشخيصه بصوره صحيحه

وانا ضد اني استعين بطبيبه مساعده لان هذه مسؤوليتي وحدي ومثل ما زاد عدد المرضى بالعياده زادت الولادات

واصبحت في اليوم الواحد انتقل بين 2 الى 4 مستشفيات

واثناء انشغالي في مريضه تكون في مشتفى قد تكون هناك مريضه في مستشفى ثاني محتاجه الى وجودي معاها .

والعمليه ماهي توليد فقط بل تكون هي رعايه شامله للمريضة واهلها في هذه الاوقات الصعبه

ومراقبه مستمره لحاله المريضه حتى بعد الولاده



واصبح التنقل بين المستشفيات يتعبني لاني دايما اظل قلقه عن المريضه في المستشفى الثاني.

ورغم انه لم يحصل الى الان بفضل الله يكون دائما هناك احتمال ان يحدث مكروه للمريضه او لطفلها كان بالامكان تجنبه

فاذاً اصبح الاختيار الامن والاسلم ان اركز في مكان واحد حتى اكون متواجده للمريضه طوال الوقت

مكان إرتأيت انه الافضل بكل المعايير

مكان ارتاح للعمل فيه

واحس ان مريضاتي في امان فيه

وحتى اظمن اني قدمت اكبر رعايه ممكنه للمريضه

وانا من طبعي الاخلاص والاجتهاد في عملي فلما لقيت ان وجودي في العياده قد يحدث فيه تقصير

فانتقلت الى الخيار الاصعب والله المستعان

"​

 

[أنا الثريا]

رد: >>>تجمع مراجعات الدكتورة نداء بو خضور<<<

مشكورة وايد Q8 programmer على نقل الرسالة
وايد امور وضحت الحين,,ماقصرت دكتورة نداء ان شاء الله للامام دائما
بنات اللي تعرف رقم مستشفى رويال حياة تحطه لنا!!!!!!!
وشصار على سماح ماتدرون عنها؟؟

 

[Miss sensitive]

رد: >>>تجمع مراجعات الدكتورة نداء بو خضور<<<

ويييييييه الرقم عندي بس مو يمي منسدحه
طلعيه من 80 80

وسؤالج عن الملف
لازم فتح ملف يديد بس كلمي العياده يودون اوراقج ويحطونهم في ملفج اليديد

 

[زهراء_3]

رد: >>>تجمع مراجعات الدكتورة نداء بو خضور<<<

سلام عليكم بنات

انا اراجع عند الدكتوره نداء صارلى اسبوع وللامانه ماقصرت من كل النواحى صج دكتوره ترتاحين معاها

بس صدمتنى يوم رحت لها سوتلى سونار وقالتلى انه فينى بنت طبعا عقب ماجهزت حق الياهل على اساس انه ولد على كلام الدكتوره اللى قبلها وهذى غلطه لا احد يسويها لازم تكون الدكتوره وحده من اول المراجعه مو اتغيرون بين اكثر من دكتوره وانا حسيت فيها واكلتها

الله يسهل عليكم بنات وادعولى

 

[سموره 87]

رد: >>>تجمع مراجعات الدكتورة نداء بو خضور<<<

اشلونج انا الثريا شخبارج حبيبتي هذا رقم رويال 5360000

 

[غيـ الناس ـر]

رد: >>>تجمع مراجعات الدكتورة نداء بو خضور<<<

الله يعطيها الغافيه الدكتوره والله والنعم فيها

 

[<< أزيان >>]

رد: >>>تجمع مراجعات الدكتورة نداء بو خضور<<<

السلام عليكم ورحمة الله وبركاته


هذه رساله من الدكتورة نداء الى مريضاتها

"


مريضاتي العزيزات ...

حبيباتي بناتي ...

اشكركم وايد عن هذا الموقع وكل الكلام المذكور فيه.

هذا شرف يملئني فخرا ويخليني اكثر حرصا على رعايتكم

من حقكم علي اني اشرح السبب اللي قررت فيه الانتقال الى رويال حياة رغم انه قرار صعب لكني اتخذته بعد تفكير طويل



في القطاع الخاص الطبيبه تكون مسؤوله مسؤوليه تامه على المريضه وهذه مسؤوليه كبيره وماتقتصر فقط على حالتها

الصحيه بل تشمل كل شيء يتعلق بالمريضه بما فيه حالتها النفسيه والاجتماعية و الحمل مرحله لايخلو من الخطوره

ويستغرق فتره مو قصيرة وله اثار ممكن تمتد على حياة الواحده منا اذا لم يتم بسهولة وامان


احب اشير الى كلام الاخت كلي غلا وصيه الكويت لما اشتكت من كثره المراجعين وقله الوقت المتاح للمريضة

وهذا كلام صحيح بفضل الله عدد المراجعين كان دائما في ازدياد والمريضه اللي تراجع العياده من حقها ان تأخذ كل الوقت

اللي تحتاجه وتطلع وهي مرتاحه واسالتها مجابه ومرضها تم تشخيصه بصوره صحيحه

وانا ضد اني استعين بطبيبه مساعده لان هذه مسؤوليتي وحدي ومثل ما زاد عدد المرضى بالعياده زادت الولادات

واصبحت في اليوم الواحد انتقل بين 2 الى 4 مستشفيات

واثناء انشغالي في مريضه تكون في مشتفى قد تكون هناك مريضه في مستشفى ثاني محتاجه الى وجودي معاها .

والعمليه ماهي توليد فقط بل تكون هي رعايه شامله للمريضة واهلها في هذه الاوقات الصعبه

ومراقبه مستمره لحاله المريضه حتى بعد الولاده



واصبح التنقل بين المستشفيات يتعبني لاني دايما اظل قلقه عن المريضه في المستشفى الثاني.

ورغم انه لم يحصل الى الان بفضل الله يكون دائما هناك احتمال ان يحدث مكروه للمريضه او لطفلها كان بالامكان تجنبه

فاذاً اصبح الاختيار الامن والاسلم ان اركز في مكان واحد حتى اكون متواجده للمريضه طوال الوقت

مكان إرتأيت انه الافضل بكل المعايير

مكان ارتاح للعمل فيه

واحس ان مريضاتي في امان فيه

وحتى اظمن اني قدمت اكبر رعايه ممكنه للمريضه

وانا من طبعي الاخلاص والاجتهاد في عملي فلما لقيت ان وجودي في العياده قد يحدث فيه تقصير

فانتقلت الى الخيار الاصعب والله المستعان

"​

مشكوره حبيبتي على توصيل الرساله

انتي من سكرتاريتها ولا شنو ؟؟؟

عشان اذا بغينا شي توصلينه لها ماعليج امر

انا والده عندها من قبل اتينن وبالها طويل بس بحمالي هذا انصدمت من الضغط اللي عندها

تبارك الرحمن وكل مااراجعها احس بالها مومعاي وحتى اخر سونار ماشفت شي

ولاعطتني الورقه اتوقع انتقالها افضل بالنسبه لها ولنا والله يعطيها الصحه والعافيه

ويقويها ويعينها علينا

 

[أنا الثريا]

رد: >>>تجمع مراجعات الدكتورة نداء بو خضور<<<

سمووووووووووووور هلا والله انتي شلونج؟؟فديتج ماقصرتي

غيور وينج مختفية شلون برهوم؟؟عساى موماذيك؟؟ههه
ديري بالك عليه!!!

مس سنستيف تسلمين ماقصرتي

بنااااااات اللي راجعوا عند الدكتورة برويال,,يفيدونا عن مراجعاتهم!!شنو الفرق؟ احسن بالمستشفى ولا بالعيادة
فرق الاسعار,التعامل

 

[سموره 87]

رد: >>>تجمع مراجعات الدكتورة نداء بو خضور<<<

انا الثريا
انا الحمدالله بخير اسأل عنج ياقلبي

 

[L I N D T]

رد: >>>تجمع مراجعات الدكتورة نداء بو خضور<<<



بووهـ

شخبااركم بنااااات ؟؟

\

انا امس مراجعتي عند الدكتووورة ..

برويال حياة .. معاملتها نفسها يزاها الله خير ..

والوقت اللي قعدت فيه وياها زيادة عن قبل ..

والاسعار نفسها ما تغيرت .. فتح ملف ومراجعة وسونار وتحليل بول بـ 30 د.ك ..

وسعر الولادة مع الغرف ..

توني ماخذه ورقة الاسعار .. الليلي والكاميليا عليهم عرض هالشهر .. والباقي لا نفس ما هم ..

احسن دكتورة بالعالم

 

[أم وهابي (عبير)]

رد: >>>تجمع مراجعات الدكتورة نداء بو خضور<<<

انا ناويه اولد برويال حياة بس انتوا شجعتوني اروح لها عشان تولدني
عاد انا قيصرية بس بعرف اللي مسوي عندها شلون قيصريتها ؟؟؟؟

 

[L I N D T]

رد: >>>تجمع مراجعات الدكتورة نداء بو خضور<<<


ام وهابي ..

اختي قيصرية عندها ..

وااااااااااايد تمدحها تقول ما حسيت بالم الجرح ولا شي ..

وكانت مسوية قبل قيصرية عند وحدة ثانية تعذبت من جرحها ..

انتي استخيري وتوكلي على الله

 

[سموره 87]

رد: >>>تجمع مراجعات الدكتورة نداء بو خضور<<<

انا ناويه اولد برويال حياة بس انتوا شجعتوني اروح لها عشان تولدني
عاد انا قيصرية بس بعرف اللي مسوي عندها شلون قيصريتها ؟؟؟؟

حبوبه خواتي ولادين عندها قيصريه
وحده ولادتها اللي قبل عند جمال الافغاني انصدمت نداء يوم ولدتها قيصريه لاعب بجرحها لعب وعدلته لها
موفقه انشالله

 

[Miss sensitive]

رد: >>>تجمع مراجعات الدكتورة نداء بو خضور<<<

اعرف 2 مسويتلهم قيصريه

وايد مرتاحين منها ومن الخياط

يقولون اصلا الحين مو مبين

انا والده عندها طبيعي والحمد لله وان شاء الله هالمره بعد عندها

 

[أم وهابي (عبير)]

رد: >>>تجمع مراجعات الدكتورة نداء بو خضور<<<

مشكوؤرين عالرد حبايبي

انزين اذا انا ودي بطبيعي من بعد قيصريه بجري تعطي الوحده وقت يعني ولا لأ ؟؟