>><< تجــمــع مدرسـة وروضه اكسفــورد الباكــسـتانــيه >><<

[قنــــــــــوت]

رد: >><< تجــمــع مدرسـة وروضه اكسفــورد الباكــسـتانــيه >><<

انا ناطره يعطونهم الوورك شيت .... واغيبهم ...

لان بعد العطله على طول امتحانات ...

ناخذ الورك شيت ونراجع بالعطله كل يوم شوي ...

 

[قنــــــــــوت]

رد: >><< تجــمــع مدرسـة وروضه اكسفــورد الباكــسـتانــيه >><<

الــــــــــــــــوووو ...

شاخباركم ؟؟

 

[فراولة زوجها]

رد: >><< تجــمــع مدرسـة وروضه اكسفــورد الباكــسـتانــيه >><<

هلا قنووت شخبارج
مادري للحين عند كلامج بتغيبين عيالج وعيالج باي مرحله
انا ولدي ثاني روضه واخذ الوورك شيت ومادري محتاره اغيبه او لا بخليه الاسبوووع هذا يدااوم واشوف الاسبوع الجاي
هههههه التجمع نايم انا ادخله بعض الاحيان بس الاغلب مشغوووله يادوب اذكر لولدي

 

[فراولة زوجها]

رد: >><< تجــمــع مدرسـة وروضه اكسفــورد الباكــسـتانــيه >><<

قنووت بسالج
1_ جم رسووم اول ابتدائي بالمدرسه
2_تنصحيني اكمل اولدي فيها او انقله حكوومه
3_سمعت ان منهج الانجليزي نفس منهج الحكومهانا ماعرف كتب الحكومه عشان جذي اسالج
وكيف دراستهم بالمنهج الديني تبرد القلب او مافي اهتمام كثيير لان احس مو مهتمين كثير بالتربيه الاسلاميه انا ولدي بس اخذ 3 سور واهو حافضهم من الاساس وادعيه 2 بس مافي اهتمام كثير احس والسور الي اخذهم كان ماخذهم من اولي روضه
وانتي شنو الايجابيات عندج وشنو السلبيات علي دراسة عيالج
ههههههههه واسمحيلي علئ كثرة الاسئله

 

[قنــــــــــوت]

رد: >><< تجــمــع مدرسـة وروضه اكسفــورد الباكــسـتانــيه >><<

هلا فراولــه ...

عيالي ليما الحين ماعطوهم الوورك شيت ....

الكبير ثانية ابتدائي والصغير اولى روضه ...

ولدي الكبير مشاغب شوي ... صج اهو شاطر بس الابلات ما يتحملون الشطانه .... وللأمانه يدرس فالبيت اكثر من اللي يدرسه فالمدرسه ...

الانجليزي ..منهجهم طويل ودسم ... بس يبي له متابعه ..وتلقين الولد يمشي معاج ..اي فترة اهمال ...تنقلب عليج عكسيه ...

انا كنت متابعه معاه كل يوم بيومه واروح المدرسه واكلم الابلات واشوف شنو المهم وشنو الواجب ..

ومرضت فتره ... تقريبا اسبوع .... ليما صرت شوي احسن ..احس الولد مو ملحق ..و متراكم عليه شغلات كثيرة ...


مناهج العربي والاسلاميه مثل مناهج الحكومه ..لكن فرق شااااســـع من ناحية التدريس .... بصراحه الباكستانيه مستواهم جدا ضعيف بالعربي والاسلاميه .... فلازم تتابعين انتي معاهم ...

انا متحمله هالتعب والضغط معاهم ... علشان ارتاح بعدين ...
لان الياهل اذا اسستيه صح .... بعدين يعتمد على نفسه وما يحتاجج بشي من ناحية الدراسه ...

اذا بالج طويل ... خليه يكمل فيها ...

والرسوم حروه الـــ 400 ... والله ناسيه مو متأكده ....
<<< زوجي ماسك هالأمور .... ^_^

لا تقاطعين ... ترى التجمع ناااايم حده ....
شكلهم مخيمين وانا وياج نتحلطم بروحنا .... ^_^

 

[seba]

رد: >><< تجــمــع مدرسـة وروضه اكسفــورد الباكــسـتانــيه >><<

ابي اعرف معلومات اكتر عن المدرسة صدج المدرسات يطقون اليهال ويصرخون عليهم؟؟ وكيف يهتمون باليهال والنظافة شاخبارها هناك والاغلبية من الطلبة من اي جنسية ؟
طولت عليكم بس اني وايد محتارة

 

[فراولة زوجها]

رد: >><< تجــمــع مدرسـة وروضه اكسفــورد الباكــسـتانــيه >><<

مشكوووووره اخت قنوت
الخميس ماراح اخليه يداوم لان كله مراجعات مافي دروس

 

[فراولة زوجها]

رد: >><< تجــمــع مدرسـة وروضه اكسفــورد الباكــسـتانــيه >><<

هلا اختي
المدرسه حلوه وبالعكس احس المدرسات حلوين بنسبه لمدرسات ولدي
وبالنسبه لنظافه فيه عاملات متخصصات بالشغلات هذي
والاغلبيه كويتيين الباكستانيين صفوف بروحهم مافي اختلاط
المدرسات الله يعينهم لان يدرسون اطفال وبعض الاطفال صعب التعامل معهم
احنا يا امهاتهم مانتحمل بعض الاحيان شطانتهم فمابالج الي عندها فوق العشرين طفل ههههه

 

[فراولة زوجها]

رد: >><< تجــمــع مدرسـة وروضه اكسفــورد الباكــسـتانــيه >><<

قنوووت ولدي يقولي ان اليوم جمعوهم مع صف ثاني شكل مافي كثير مداومين

 

[قنــــــــــوت]

رد: >><< تجــمــع مدرسـة وروضه اكسفــورد الباكــسـتانــيه >><<

هلا فراوله ...

اي العدد قليل ...شفتهم اليوم ... بس لما سألت الاخصائيه جيهان ... قالت لي الدوام الى تاريخ 26 - 1 ..
يعني الخميس الجاي ...

بس من قله الطلبه ...شكله الاسبوع الجاي محد مداوم ....

انا باجر بامر المدرسه اخذ الورك شيت حق عيالي .... اساسا هم مخلصين المناهج بس قاعدين يراجعون ... ماشي في شي جديد ..

وانا باعطيهم عطله من عندي .. ^_^

 

[kooka83]

رد: >><< تجــمــع مدرسـة وروضه اكسفــورد الباكــسـتانــيه >><<

السلام عليكم
عيالكم بأي مدرسه .. الجليب ولاخيطان؟؟

 

[فراولة زوجها]

رد: >><< تجــمــع مدرسـة وروضه اكسفــورد الباكــسـتانــيه >><<

وعليكم السلام ورحمة الله وبركاته

عيالنا الجليب

 

[ام العربي]

رد: >><< تجــمــع مدرسـة وروضه اكسفــورد الباكــسـتانــيه >><<

انا بنتي اولى روضة وابني ثاني روضة بس الوظايف كتيرة بس بنتي لحد الان ما عطوها الوارك شيت بس ابني عطو اياها

 

[قنــــــــــوت]

رد: >><< تجــمــع مدرسـة وروضه اكسفــورد الباكــسـتانــيه >><<

انتي اطلبي الوورك شيت من الابله .....

 

[فراولة زوجها]

رد: >><< تجــمــع مدرسـة وروضه اكسفــورد الباكــسـتانــيه >><<

انا ولدي من يوم الخميس ماخليته يداووم
والاسبوع هذا ماراح يداومه ماعندهم دروس كله مراجعاات

 

[قنــــــــــوت]

رد: >><< تجــمــع مدرسـة وروضه اكسفــورد الباكــسـتانــيه >><<

الدوام بعد العطله متي بيكون .. بأي تاريخ ؟؟

منو عنده خبر ؟؟؟

 

[فراولة زوجها]

رد: >><< تجــمــع مدرسـة وروضه اكسفــورد الباكــسـتانــيه >><<

والله ماعندي خبر
اذا عرفتي بلغينا

 

[فرس بيضا]

رد: >><< تجــمــع مدرسـة وروضه اكسفــورد الباكــسـتانــيه >><<

بنات محتاره ولدي ب ثالثه ابتدائي انصدمت بنسبته حيل ناازله
معنه شاد حيله وتعبت وانا ادرسه هذا غير المدرسين الخصوصيين
محتاره اخليه يكمل بهالمدرسه ولا انقله للحكومه
بالعربي ميييح مايعرف الاحرف ولا يقرا كللش

ابي راايكم بنات انقله والا اخليه ...!!!؟؟

 

[فرس بيضا]

رد: >><< تجــمــع مدرسـة وروضه اكسفــورد الباكــسـتانــيه >><<

و متى يداومون ؟؟؟
والامتحانات متي ؟؟؟

 

[قنــــــــــوت]

رد: >><< تجــمــع مدرسـة وروضه اكسفــورد الباكــسـتانــيه >><<

ليش جذي ؟؟؟

شلون وصل ثالثة وهو مايعرف الحروف ؟؟

الله يعينج حبوبه ... ما اادري بصراحه يمكن لو تنقلينه تتوهقين اكثر ...لان الباكستانيه ضعيفين بالعربي ...

....

بالنسبه للامتحانات ...تبدا بعد بدايه الكورس باسبوعين ....

بس متى يبدا الكورس بالضبط ماادري ...

..