تجمع أمهات روضة الكفاح بالعارضيه .... حياكم الله ...

[ذهبيه مرصعه بألماس]

السلام عليكم و رحمة الله وبركاته ....

:q8: روضة الكفاح :q8:

وليات أمور أطفال روضة الكفاح بالعارضيه ...


ودي من زمان نحط تجمع و ياريت الامهات يتفاعلون معانا ...


:aha:

صراحه الاداره بروضة الكفاح جدا مميزه و ماشالله البسمه دايما شعارهم ...


ومديرة الروضه \ الاستاذه : منى الجاسر ماشالله دايما روحها و معنوياتها عاليه والأطفال متعودين عليها ماشالله يعني لمن أسأل بنتي وولدي منو هالابله يقولولي يما هاذي مو الابله هاذي الناظره ...

فديتهم الله يخليهم لي ... طبعا ولدي شيطاااااااان و بنتي أموره ما تقول شي ...
الابلات بالنسبه لصف بنتي وولدي ماشالله حبوبات ..

:aha:


آنا جدا مرتاحه من الروضه .. لأن نظيفه و معدلينها حيل...


ألحين نبي الهدف من هالتجمع...
الهدف من هالتجمع الاطلاع على آخر الأخبار و آخر الفعاليات اللي راح تقوم بالروضه ...

يعني على سبيل المثال ..
اليوم كان في لقاء لمجلس الامهات ... و كان اللقاء جدا مثمر من ناحية كل ما يتعلق بالروضه بالوقت الحالي و المستقبلي و الفعاليات اللي بيسوونها و الأفكار اللي راح يطبقونها بداية العام الجديد ...

بالنسبه للفعاليات : :eh_s(4):

راح يكون في يوم للجدات ... في تاريخ 22\3 ...
و هاليوم راح يكون للاسره و للعائله و راح يكون في مثل المهرجان و اللوحات الفنيه ...

و انشالله بكون متابعه للفعاليات و بنقلها لكم و ياريت الأمهات يتفاعلون معانا ...

و لكم تحياتي و أشواقي الذهبيه ...

 

[ذهبيه مرصعه بألماس]

.................. ............................. .......................................... .............................

 

[ذهبيه مرصعه بألماس]

امس ... الثلاثاء..
23\ 11\2010

كان احتفال بعيد الاضحى بروضة الكفاح ...

و بحضور جميل من الامهات و الاطفال الفرحانين بالعيد و لابسين ملابس العيد ..

صراحه اشكر الروضه اللي خلت العيد عيدين ...

و اشكر الاداره على التنظيم الحلو و الراقي

و يكفي فرحة الاطفال بالحنطور و النطاطيات و نقش الحنا ...

يا حلاااااتهم و الله ...
بداية الحفل كانت الطابور الصباحي الاعتيادي اللي خلانا نشوف طابور عيالنا كل يوم شنو يسوون ...
يازينهم والله و اهم يقولون الادعيه و ينشدون الاناشيد الاسلاميه فدييييتهم يهبلون و لا الرياضه و الحركات و لمن يطامرون فديتهم صج نشاط ...

و عقبها بدينا فعاليات الاحتفال بعيد الاضحى ...
من ضمن فعاليات الاحتفال ...

مسرحيه صغيره عن سبب تسمية العيد : يعيد الاضحى المبارك...

و ان العيد عند المسلمين عيدين و اهم عيد الفطر و عيد الاضحى ...

( و هالنقطه جدا مهمه و راح تركز بعقل الطفل من و اهو صغير )

و الحلو الاناشيد و الاغاني عن العيد ...

كان الجو جداااااا جميل ...
و بصراحه احنا يالامهات استانسنا ..
لأن كان في فقرة مسابقات خلت الامهات يعيشون بجو من الفرحه و المنافسه و الغشمره جدا جميله ...
و بعدها فقره حلوه من تمثيل الاطفال : لأغنية عطونا عيديه ..
وااااي فدييييت الجهال ... يهبلووووووووووون و اهم يرقصون اسم الله عليهم رقصهم عجيب ...



بالنهايه احب اشكر القائمات على تنظيم هذا الحفل الجميل و على رأسهم الناظره الفاضله منى الجاسر ...

 

[ذهبيه مرصعه بألماس]

هذا موقع الروضه ...

http://www.moe.edu.kw/_layouts/moe/Forms/schools-2/farwaniya/kinderschools/Rawdat el kefa7/index.htm

 

[ذهبيه مرصعه بألماس]

وليات امور الاطفال الحلوين

حبيت اقول لكم ان باجر بإذن الله ... الخميس 25\11\2010

في ندوه للدكتوره معصومه المطيري

عن تعزيز قيم العفو والتسمح لدى الابناء

يشرفنا حضوركم ...

 

[ذهبيه مرصعه بألماس]

وليات امووور الطلبه و الطالبات في روضة الكفاح ...

ستقام ندوه بالتعاون مع وزارة الصحه ...
غدا الاثنين 29\11\2010
الساعه 9 ونص ....

بعنوان :

التصدي لمشاكل السياسه الغذائيه ..

تلقيها الاستاذه نوال الجزاف..

و راح تكون عن كل شي يهم الام و الطفل من ناحية زيادة الوزن و انزال الوزن ...

و هالشي مهم لكل الامهات كثير يبون يزيدون اوزان عيالهم مثلي بنتي وولدي حيل ضعاف مهما سويت مايزيد وزنهم و شكلهم يعطي اصغر من عمرهم لن ما يااااكلون ...

و كثير عيالهم يعانون من السمنه ..

ياريت تشرفونا بالروضه و تستمتعون بالندوه ...