رد : رد: &&** ............{{ تجمع أمهات مدرسة أجيال ثنائية اللغة }}..........**&&
حلو الشتا...آنا معاج فعلا قاعدة أتفاجأ ابعض الأمهات تقولج آنا من سنين مع هالمدرسة وعلو قلبي<<<إي شحادج كل هالسنين عليهم؟؟؟
وتقول طلعت عيالها منهم بعد فترة ترجع تسأل عن بعض المدرسين؟؟؟شي غريب صراحة
ومو معناة كلامي إني أدافع عن المدرسة ترى ماني من مالكينها...صح اللي لاحظته الإستقبال مومثل كل سنة...وحوستهم هالسنة بسبب الكثافة الطلابية أثرت عليهم بشكل سلبي....بس حدث العاقل بما يعقل...يعني اللي يتذمرون من غياب التيشر ليش مو بشر وتمرض؟؟ وزين منهم ما ادمجو الصف مع صف ثاني أو خلوهم بروحهم وحطو عندهم أي أحد مثل مدارس الحكومة بالعكس وفرو بديل وحطو تيشر ثانية تكمل معاهم؟؟؟ليش كل شي تبونه مثالي وعلى كيفكم؟؟؟
آنا للحين عيالي ما خذو كرنيهاتهم مع إن واحد في بري كي والثاني كي جي1 يعني لو يزرق أي مكان ماراح يقول إسمه ولا صفه تداركت الموضوع وشريت كرنيهات فيها أسامي عيالي لأني لما سألتهم قالو البرنت إخترب...يعني في أمور الواحد يقدر يتداركها...ولما ماعجبني صف ولدي نقلته بكل سهولة...
والمدرسات لما يعصبون وينفسون والله ثم والله ما ألومهم ما أدري المدرسة تعابل في الطالب ولا بأمه وأبوه؟؟؟كلنا عندنا قلوب ونشوف عيالنا يبجون ونبجي معاهم بس مو حل إنج تقعدين معاه ساعة بالصف وبالنهاية تاخذينه جان ما جبيتيه أصلا...حطيه عند المس وطلعي إهيا تعرف تتصرف معاه....
واليوم بالطابور كل وحدة قاعدة يم ولدها ولا بنتها ومومراعية مشاعر العيال الثانين اللي أهلهم تصرفو صح وخلوهم عند المس....
بالنهاية اللي بتذل المدرسة على الفلوس اللي دافعتها وتقول آنا حطيته بالخاص وخلاص أبي أشيل إيدي عنه وأبيه يطلع عبقري لا تدخل هالتجمع لأنها ماراح تفيد ولا تستفيد...أما اللي بتراعي ربها وضميرها وتجابل عيالها وواجباتهم واتابع حياها الله بيننا وهذا اللي نبيه....خلونا نستفيد من بعض الله يرضى عليكم
صاجه حبيبتي انا معاج
1صدقيني دشي باجي تجمعات المدارس تلاقين نفس الكلام السلبي وفوق هذا مخلين عيالهم لي الثنويه .
2 تقولين حوسه بالتسجيل انا اقولج انهم فاتحين من رمضان ، انا رحت معززه مكرمه ودفعت وخلصت كل اجراءاتي من رمضان ، اذا ما تبون الزحمه ليش ما تروحون امبجر .
3 الكثافه ماني شايفه في كثافه عدد الطلبه في الصف نفس كل سنه ما زادوا .
4 التيشر تمرض هذا شي خارج عن الاراده يعني قضاء وقدر ، والاداره حطت تيشر ثانيه وهذا الشي يصير باي مدرسه
5 برافو انج طلعتي لهم كرنيهات انتي باردتي ، انا لمن تمرض بنتي علطول اخذ لها طبيه واكلم التيشر وابلغها واطلب منها واجبات بنتي وشنو راح ياخذون ، اصلا التيشرات وايد يستانسون من هذا التصرف وانتي اذا سويتي جذي تحسسين التشر انج مهتمه بعيالج ومتابعتهم لذلك اهيا راح تهتم فيها اكثر ، واصلا اهما كلا يقولون لازم تكون في علاقه بين البيت والمدرسه والحمدلله انا علاقتي وديه مع تيشرات عيالي ، واي شي اتظايق منه اكلم التيشر على طول والاداره
6 الامهات اصلا ما يصير يقعدون عند الصف واي يا قثهم دعل
