تجمع أولياء أمور مدرسة التكامل(صباح السالم)للعام الدراسي2009-2010

[نواره الحلوة]

مس تايقر
مس باتريشيا اتهبل اتحسينها أم كبيرة وعارفة حق اليهال عدل صج موخفيفة بالحركة يعني ما تنط وتناقز مع اليهال بس انها حليوة وياهم والله اتكلم عن التربية جنها أمي وعندها خبرة واتعرف اشلون اتعدل من سلوك اليهال ولدي اموووووت عليها لأنها حبيبة واحليوة واتحسين لما اتكلمج جنه بس ولدج اللي بالصف عندها من زود الاهتمام وانصحج فيها لأن اليهال بكي جي 1 اتحوشهم صدمة المدرسة عقب ما كانوا بالبيت ومومتعودين على انهم يكونون بروحهم من غير أمهاتهم

 

[Miss_Tiger79]

مشكوره نواره حبيبتي
انزين ومستواها بتدريس اليهال شلون؟؟؟

 

[manarah]

مس تايقر .. شخبارج انشالله بخير .. بشريني اشصار على بنتج رحتوا المقابله ؟

 

[um 3li]

بنات يصير اقول حق المدرسة يحطون ولدي بصف معين عند ابله معينه ؟؟؟؟؟؟؟؟؟؟؟

ومنو الابلات الزينين في كي جي 2 ؟؟؟؟؟

 

[رفرف]

شلونكم بنات ؟؟

امبيه امبيه بنتي مبدددددعة مستواها وايد نازل مادري شسوي ..
صايرة تعل قلبي بالبيت وهي تحل الهوموورك بطيئة وتتدلع ما تخلص الا ونفسيتي تعبانة واميه مرة ازفها علشان تخلص واخر شي تنام تبجي وما يمديني ادرسها عدل حق الاملاء ولا الريدينغ نقراه بالسيارة ومزفتة بالسبيلينغ تيستس مرتين ورا بعض واي مادري شسوي اكتأبت ..
اهيه لو تخلص بسرعة جان احنا بخير جربت بكل الطرق ثواب عقاب ماكو فايدة تعرف بس مالها خلق تكتب وايد تتدلع لدرجة اني اتعوذ من ابليس مليون مرة لا اكفخها !!!
حده حده ضايق خلقي انسدت نفسي من شفت دفترها مال السبيلينغ !!

 

[Miss_Tiger79]

مناره
هلا حبيبتي
اي سوينا الاختبار اليوم وقبلوها الحمدلله
وانتو متى مقابلتكم؟؟؟


رفرف
جنج انا .... مستوى ولدي نازل وحتى كاتبتلي ابلته ان لازم شد حيله بالرييدنغ مع اني اشوفه زين بس صاير ماله خلق (هذا توهم اولى ابتدائي مالهم خلق) ...

والسبلنغ تست بعد نازل باخر اثنين مادري ليش؟؟؟

حتى ابلة العربي تشتكي

حتى قلت بخليه وكيفه يتحمل ... بس يكسر الخاطر

شنسوي بعد

 

[Miss_Tiger79]

ام علي

اي عادي قولي حق مس ساره
والابلات تقريبا كلهم زينين
انا جربت اندريا وكارين وثنتينهم زينين

 

[كويتيه ذربه]

اشلونكم امهات
رفرف نفس الحاله انا الفريج كله يسمع صوتي اذا درستها هيا شاطره بس بطيـــــــــــــــــــــئه حدها
اليوم من كثر ماصرخت حنجرتي تعورني وهيا للحين تكتب
الله يعينا

 

[رفرف]

امبيه يعني المشكلة مو بس عندي ..
اليوم من الحرة خليتها تكتب كلمات السبيلينغ كلهم 10 مرات وما قالت ولا كلمة من شافت شياطين الدنيا كلها بويهي كتبت وهي ساكتة كسرت خاطري ولما بغت تنام كسرت خاطري تقولي ليش انتي كله تزفيني ما تكلميني شوي شوي حسيت اني ام شريرة ,...
وااااي والله يبيلهم قلب ان ساحلنا ما نفع وان زفينا تعبت نفسيتهم شنسوي ؟؟

 

[كويتيه ذربه]

رفرف
نفس الحاله والله
تكسر خاطري اذا زفيتها
بس شسوي هيا الحين ماعندها شي تطول اذا زادت الواجبات شبتسوي عيل
زين ماعندي احد اصغر منها ادرسه ولا جان لي الفير مانخلص

 

[manarah]

مس تايقر مبروك القبول واحنا مقابلتنا الاربعا انشالله

وبالنسبه للدراسه احنا على ما نخلص قرايه القصه الا قلبي امخلص لأن ولدي الحلو من يشوف القصه طويله يقفل خلاص ولا له خلق يقراها اللي اخر شي قمت اساحله عشان اهو يقرا سطر وانا سطر !! هذا واهم كل يوم والثاني امريحين بعطله وجذي والمس اليوم تقوللي وايد يلهى بالصف .. عادي احنا لازم كل فتره تمر علينا هالحاله .

 

[أم عبووووود]

متابعة وياكم :wqedqw:

 

[كويتيه ذربه]

هلا ام عبووود

 

[نواره الحلوة]

مس تايقر
بكي جي 1 ما اتحكمين اذا مستوى الأبلة زين والا لأ لأن ما كوعندهم شي يسوى بس اخلونهم يكتبون وايد عشان اتشد ايدهم واتعود على الكتابة والشهادة لله مس باتريشيا ممتازة

باجي البنات
ما تدرون منو أحسن مدرسة لقريد 3 ؟؟؟؟؟

 

[نواره الحلوة]

بنات لا اتشدون على اعيالكم في التدريس واتحرقون اعصابكم عليهم تر والله تمللوا من الواجبات احنا اكبار وملينا اشلون اهم بعد على ما يوصلون البيت وعليه عليهم عقب يوم اشطوله بالمدرسة يبون ريج حلو وانهون عليهم بس احنا انزيدهم آنا عن نفسي حولت الدراسة لي وناسة على قولتهم قعدت اقول حق ولدي كل ما كتبت صفحة ومافيها ولا غلطة حطلك ستارعلى البورد و كل ما يمعت ازياده اخليك تختار وين نروح يوم السبت وعلى فكرة احنا أصلا نطلع السبت معاهم بس احسسه ان الطلعة ما صارت الا لأنك تستاهل صج عندنا مشكلة بالعربي بس ان شاء الله بادين انتجاوزها لأني أول كنت أبلش بالانجلش بعدين العربي واحس انه يمل ويكتب اي كلام بس الحين انبش بالعربي احسن

 

[رفرف]

نواره ..
احنا نبلش بالعربي قبل لنه يتعب اكثر واصعب واطول ..
وهم انا امشي بطريقة المكافئات ولي كتبت عدل لها نجمة وتالي على عدد النجوم تشتري مكياج ههههه شفتي ام مخربة اكثر مني ؟؟ وكل هذا مو فايد بعد .. تتشفق عالهدية وما تاخذها وهم تتدلع !!

ذربة ..
اي والله لو اخليها على الراحة ما نخلص ولا باجر .. حتى بالمساحل ما نخلص .. وانا ماودي اعصب عليها بس ياربي شسوي ؟؟

مناره ..
مو هذا اهوه انا القصة اخليها اخر شي وغصب غصب ترضا تقرا ومرات والله بالسيارة
اليوم كلمت المس فيني بجية تقول اهيه زينة بس بالسبيلينغ نازل مستواها حده ضايق خلقي من هسالفة انصدمت بالدرجة !!

 

[كويتيه ذربه]

اشلونكم

نواره
نفس الحاله ندور حق قريد 3

رفرف
اي المكافئات نفس الحاله
الحين قاعده اعودها تدرس بروحها وانا اسويلها املاء
واذا طولت بالواجب اكثر من ساعه ماتشتري لعبه السبت
طبعا من كثر الدلع خلصت ولا ماخلصت لازم نشتري لها هديه

رفرف للحين ماشفتج شبهت عليج بس استحيت اسأل فشله اذا طلعتي مو انتي

 

[رفرف]

ذربة ...
عاد تقريبا اغلب الايام معاي بنتي الصغيرة تكون لابسة يونيفورم الحضانة بس اذا معاي الخدامة اخليها بالسيارة لأن تعطلني ..
وهالاسبوع كله انا محتفله لابسة علم الكويت

 

[كويتيه ذربه]

اي رفرف جنه شفتج
انا عرفت مناره وبقول لها تقول لي اي وحده انتي

 

[Miss_Tiger79]

ام عبود

هلا فيج والله

نواره

مشكوره حبيبتي
تعرفين مس آن الي تدرس قريد2؟؟ شرايج فيها
وعلى ان نهون على اليهال والله قاعدين نسويلهم كل شي يحبونه بس ماني لاقيه حل ... ابيه يحل بروحه مستحييييييل
يعني تخيلي لو الف ويههي الاقيه لاهي باي شي

رفرف - كويتيه ذربه
الله يعينكم ويعيني على التدريس احس صج على ما تخلصين تدريس ينهد حيلي ومالي خلق شي

مناره
الله يبارك فيج حبيبتي