camilia
New member
- إنضم
- 5 سبتمبر 2006
- المشاركات
- 2,492
- مستوى التفاعل
- 1
- النقاط
- 0
اهلييين
انا السنة الطافت رحت اسبانيا وتحديدا ملقا وماربيا وبرشلونة
وااااي :eh_s(11): بروووح مرة ثاانية
ديرة تهبل ماتحسين بالغربة كللش كلش
اول محطة لنا كانت برشلونة
سكنا بفندق نسيت اسمه والله بس تقريبا يبعد 8 دقايق مشي عن ساحة الرامبلا
الحي اللي فيه الفندق يخرررع يمه محلات تبع هالمهاجرين المغاربة فاشكالهم تخرع واهم يخزونا حمدلله والشكر
بس الفندق هااادي و الموظفين ودوودييين وخدومين
ثالث يوم ريلي قال خنغير الفندق لان واحنا نتمشى بساحة كاتالونيا شفنا فندق حلوو ومكانه روعة بوسط الساحة اسمه اوليفيا
بس قتله مايسوى كلها يومين وبنروح ملقا
بخصوص التمشي هناك
انصحكم تشترون تذكرة بو يومين حق الباص السياحي
يختصر علييكم مشااويير التاكسي
هالباص فيه لونين..احمر وازرق
الاحمر له خط معين واماكن معينة والازرق نفس الشي
اليوم الاول ركبنا الخط الازرق.. طريقة هالباص انه يفرج برشلونة كلها..ويعطونج خريطة فيها الاماكن المشهورة وينزلونكم عند كل مكان..وكل 5 دقايق يي باص يديد عشان تكملون الرحلة
يعني مثلا احنا ملينا من متاحف وياا كثرها باسبانيا
وصلنا عند متحف سيراميك..حسيت ملاقه ماله داعي نضيع وقت وننزل فمو مجبورين تنزلون..بس تنطرون الباص ينزل اللي بينزل وتكملون بعدها خط الرحلة
والله رووعة هالباص واحسن من مال لندن
بخصوص الاكل احنا قزرناها باييلا وبيتزا هههه
باييلا ريلي مايحبها فيها ام الربيان ومحار..فمرة طلبتها بخضروات كرهها بزيادة هههه بس انا غرامي
وعندهم مقبلات patata bravas وااااي ادماان ههههه حتلى رديت الكويت سويتلي منه
عفية اللي تذوقه وحبته تييبلي منه
اممم وشنو بعد
ملقا مليقه كلها مصانع ماعجبتني..والطريج من ملقا لي ماربيا يمكن نص ساعه او ساعه الا ربع بالتاكسي
بماربيا صج تحسين انج بشهر عسل
استجماااام وفندقنا يهبل فوق الجبل والغرفة تقولين جنااح مو غرفة
احنا من قبل لا نروح راسلناهم وقلنا احنا ترا معااريس يعني ضبطونا
جان يردون علينا بانهم راح يجهزون لنا احسن غرفة مطلة عالحوض وبيهدونا هدية خاصة
اول ماوصلت قلت حق ريلي ابي هديتي ههههه
دقوا علينا عساس نستلم الهدية بس كشتنا فيهم هههه
ماربيا تختلف عن برشلونة انها هاادية
رفيجتي كل صيفية بماربيا تقول زحمة زححمة كلها خليجيين
بس الوقت اللي انا سافرت فيه كان مو موسم
ومدارس توها بادية فكله سياح اجانب
ببرشلونة كنا نحوس انا وريلي لي 3 الا..فيه حياة وزحمة ودنيا
اما ماربيا لاا انسووو هالشي ..بس تصير الساعه 8 نروح الفندق لان هدوووء وصخة
واصلا فندقنا اينن كبيير جنه مجمع فكنا بليل نتمشى بالحديقة هناك
هذي صور الفندق
هذا المنظر مثثله كان منظر بلكونتنا
اسم الفندق la quinta golf resort and spa
ودامكم بملقا او ماربيا تقدرون تطلبون من ريسبشن الفندق يضبطلكم رحلة حق القصر الحمرا وغرناطة والاثار الاسلامية بجنوب اسبانيا
ريلي قال ملاقه ماحب اشوف مباني متكسره ومتحجره مليت واناا شوف اثار فمارحنا
على فكرة
السيتي سنتر ببرشلونة عبارة عن ساحة الكاتالونيا
فندقنا كان بو اربع نجوم ببرشلونة
فكنا نمر من لا رامبلا لي ساحة كاتالونيا
مابينهم شي يم بعض
بساحة كاتالونيا تشوفون محلات زارا واج اند ام واويشو وهم مجمعات شكثر
اذكر مجمع كورت انجليز كله ماركات صاير ادوار وزحمة علييه
الاسباينيين يحبون الكشخة عشتو
اما بماربيا فكانالسنتر اهو البورتو بانوس
ماذكر فيه مجمع بس مجموعة محلات راقية
قوتشي وفيرساتشي وكارتييه ومجموعة مطااعم ويخوت اذا تبون رحلة بحرية الجو فضيع
وفيه مطعم لبناني اسمه بعلبك
سألت الجرسون اكلكم حلال قال لا
بعدين راح ورد قال هالطبقيت بس حلال! ريلي شك وقال شالي غير رايه
فلا تثقون فيهم
المهم بعدين ردينا برشلونة مرة ثانية عشان ثاني يوم بنرد الديرة
من ماربيا كنا بنحجز فندق اوليفيا اللي شفناه بساحة كاتاولنيا بس للاسف ماكان فيه غرف
فحجزنا فندق بو 3 نجووم يم المطار اسمه campanille قزرنا فيه حق يوم
نظييف وفنكي تراا يا بنات هناك فنادقهم بو 3 نجوم قمة النظاافة لاتحاتون اذا انجبرتوا بفندق ترا والله كلهم نظاف
هذي صورة الفندق اللي انجبرنا عليه بس نظيف وهادي
وبما انه يم المطار فمكانه خايس
انا وريلي طلعنا مشي نبي ندور مجمع او مطعم مااكو
مع ان معاي الخريطة بس مشينا وايد وضيعنا اخير شي خذينا تاكسي ورحنا لا رامبلا
الحب الاولي ههههه
انا السنة الطافت رحت اسبانيا وتحديدا ملقا وماربيا وبرشلونة
وااااي :eh_s(11): بروووح مرة ثاانية
ديرة تهبل ماتحسين بالغربة كللش كلش
اول محطة لنا كانت برشلونة
سكنا بفندق نسيت اسمه والله بس تقريبا يبعد 8 دقايق مشي عن ساحة الرامبلا
الحي اللي فيه الفندق يخرررع يمه محلات تبع هالمهاجرين المغاربة فاشكالهم تخرع واهم يخزونا حمدلله والشكر
بس الفندق هااادي و الموظفين ودوودييين وخدومين
ثالث يوم ريلي قال خنغير الفندق لان واحنا نتمشى بساحة كاتالونيا شفنا فندق حلوو ومكانه روعة بوسط الساحة اسمه اوليفيا
بس قتله مايسوى كلها يومين وبنروح ملقا
بخصوص التمشي هناك
انصحكم تشترون تذكرة بو يومين حق الباص السياحي
يختصر علييكم مشااويير التاكسي
هالباص فيه لونين..احمر وازرق
الاحمر له خط معين واماكن معينة والازرق نفس الشي
اليوم الاول ركبنا الخط الازرق.. طريقة هالباص انه يفرج برشلونة كلها..ويعطونج خريطة فيها الاماكن المشهورة وينزلونكم عند كل مكان..وكل 5 دقايق يي باص يديد عشان تكملون الرحلة
يعني مثلا احنا ملينا من متاحف وياا كثرها باسبانيا
وصلنا عند متحف سيراميك..حسيت ملاقه ماله داعي نضيع وقت وننزل فمو مجبورين تنزلون..بس تنطرون الباص ينزل اللي بينزل وتكملون بعدها خط الرحلة
والله رووعة هالباص واحسن من مال لندن
بخصوص الاكل احنا قزرناها باييلا وبيتزا هههه
باييلا ريلي مايحبها فيها ام الربيان ومحار..فمرة طلبتها بخضروات كرهها بزيادة هههه بس انا غرامي
وعندهم مقبلات patata bravas وااااي ادماان ههههه حتلى رديت الكويت سويتلي منه
عفية اللي تذوقه وحبته تييبلي منه
اممم وشنو بعد
ملقا مليقه كلها مصانع ماعجبتني..والطريج من ملقا لي ماربيا يمكن نص ساعه او ساعه الا ربع بالتاكسي
بماربيا صج تحسين انج بشهر عسل
استجماااام وفندقنا يهبل فوق الجبل والغرفة تقولين جنااح مو غرفة
احنا من قبل لا نروح راسلناهم وقلنا احنا ترا معااريس يعني ضبطونا
جان يردون علينا بانهم راح يجهزون لنا احسن غرفة مطلة عالحوض وبيهدونا هدية خاصة
اول ماوصلت قلت حق ريلي ابي هديتي ههههه
دقوا علينا عساس نستلم الهدية بس كشتنا فيهم هههه
ماربيا تختلف عن برشلونة انها هاادية
رفيجتي كل صيفية بماربيا تقول زحمة زححمة كلها خليجيين
بس الوقت اللي انا سافرت فيه كان مو موسم
ومدارس توها بادية فكله سياح اجانب
ببرشلونة كنا نحوس انا وريلي لي 3 الا..فيه حياة وزحمة ودنيا
اما ماربيا لاا انسووو هالشي ..بس تصير الساعه 8 نروح الفندق لان هدوووء وصخة
واصلا فندقنا اينن كبيير جنه مجمع فكنا بليل نتمشى بالحديقة هناك
هذي صور الفندق
هذا المنظر مثثله كان منظر بلكونتنا
اسم الفندق la quinta golf resort and spa
ودامكم بملقا او ماربيا تقدرون تطلبون من ريسبشن الفندق يضبطلكم رحلة حق القصر الحمرا وغرناطة والاثار الاسلامية بجنوب اسبانيا
ريلي قال ملاقه ماحب اشوف مباني متكسره ومتحجره مليت واناا شوف اثار فمارحنا
على فكرة
السيتي سنتر ببرشلونة عبارة عن ساحة الكاتالونيا
فندقنا كان بو اربع نجوم ببرشلونة
فكنا نمر من لا رامبلا لي ساحة كاتالونيا
مابينهم شي يم بعض
بساحة كاتالونيا تشوفون محلات زارا واج اند ام واويشو وهم مجمعات شكثر
اذكر مجمع كورت انجليز كله ماركات صاير ادوار وزحمة علييه
الاسباينيين يحبون الكشخة عشتو
اما بماربيا فكانالسنتر اهو البورتو بانوس
ماذكر فيه مجمع بس مجموعة محلات راقية
قوتشي وفيرساتشي وكارتييه ومجموعة مطااعم ويخوت اذا تبون رحلة بحرية الجو فضيع
وفيه مطعم لبناني اسمه بعلبك
سألت الجرسون اكلكم حلال قال لا
بعدين راح ورد قال هالطبقيت بس حلال! ريلي شك وقال شالي غير رايه
فلا تثقون فيهم
المهم بعدين ردينا برشلونة مرة ثانية عشان ثاني يوم بنرد الديرة
من ماربيا كنا بنحجز فندق اوليفيا اللي شفناه بساحة كاتاولنيا بس للاسف ماكان فيه غرف
فحجزنا فندق بو 3 نجووم يم المطار اسمه campanille قزرنا فيه حق يوم
نظييف وفنكي تراا يا بنات هناك فنادقهم بو 3 نجوم قمة النظاافة لاتحاتون اذا انجبرتوا بفندق ترا والله كلهم نظاف
هذي صورة الفندق اللي انجبرنا عليه بس نظيف وهادي
وبما انه يم المطار فمكانه خايس
انا وريلي طلعنا مشي نبي ندور مجمع او مطعم مااكو
مع ان معاي الخريطة بس مشينا وايد وضيعنا اخير شي خذينا تاكسي ورحنا لا رامبلا
الحب الاولي ههههه
