تجمع التزوجات بعمر العشرينات

[opera]

نور حلو لمن الريال يطبخ ومرات ندش اثنينا المطبخ ويا بعض


بس اللي مو حلو اذا انتي بتسوين طبخه ومتأكده منها وكل مره تسوينها ومضبووطه وايي يقولج حطي بهار زياده ولا طبخيها اكثر ولا زيدي عليها شوي


يعني يحسسني اني ماعرف شي !!

 

[opera]

بلو ريلي مايحب ياكل من ايد الخدم

ولا انا


يا مطعم يا انا اطبخ


بس الغدا مع امه وابوه لاني انا بالدوام

 

[نور النهار]

بلوو بالتوفيق حبيبتي

 

[sara81]

الله لايوريكم ريااااااال يدخل المطبخ


انا الصراحه محذرته قبل من ادخل المطبخ يطلع

 

[نور78]

صح كلامج بس علي العموم يعني اي احد يدخل معاااج بالمطبخ يدوده سواء كان الزوج او اليهال او اي احد حتي لو كانت الخدااامه
من جذيه اذا بطبخ اصك الباب علي وماااخلي احد يدخل علشان اركز بالطبخة
واخطر شي اذا كان عندي تلفون خواتي او امي اتكلمني تسولف معاااي وتشوفيني انسى احط بعض مكونات الطبخة

 

[blueberry]

:

امبيه مرة سويتله مرق لحم بامبيا عجبه ين عليه

قالي المرة اليايه انا بسويه قلتله اوكي

زين دخلت المطبخ معاه

الحين بطبخ اللحم قبل قالي لا شنو تسوين مالج شغل انا اسوي كل شي ليش تطبخين اللحم

قلتله نعم لازم قالي لا انتي مالج شغل

انا شفت جذي قلتله عيل ما راح نتغدى اليوم قالي ليش قلتله احساس

وفعلا تمينا ليييه الساعه 3 يمكن واهوه ينطر المرق يصير قلتله ما راح يصير انت مو طابخ اللحم

وكنت حامل بعد ما قدرت ابطل راس الجدر من الريحه وتارسه دارسين

حتى يومها اتصلت على امي يت البيت عشان اهي تشيل الجدر باللي فيه لان من اتذكره ياااابوي اعتفس

من يومها حرم ما يسمع كلامي لووول

:

 

[opera]

بس ساره ترا الريال نفسه حلو بالطبخ

انا مجربه ابوي .. اخوي .. ريلي .. رفيج ريلي

طبخهم رووووعه



وغير جذي شوفي المطاعم كلهم طباخين ماكو طباخات

 

[نور78]

علي سالفه الطباخ يوم الاثنين تعشيت في مطعم اسمه افندم مقابل حديقة الشعب الصراحة اكله عجيب وسعره رخيص واكله تركي بس وااااايد حلو

 

[blueberry]

:

اوبرا انا مضطرة

يعني انا ارد البيت اهوه يكون صارله نص ساعه واصل

قبل ما اييب الطباخة

كنت اطبخ بالليل ولما ارد من الدوام القاه مسكين يصخن الغدى ويسوي الدقوس

يعني امس رديت البيت 2 ونص اهوه من الساعه 1 وربع يطلع يعني شوفي الفرق بالوقت

:

 

[sara81]

اوبرا

نفسه حلو ماقلنا شئ بس عندي ريال لو يسويله سكانة شاي

تقولين المطبخ ضاربة قنبله كل شئ مبطل

 

[opera]

نور قبل امس مربنا عند المطعم وقلت حق ريلي عنه


بلووو

قطيعه ليش الرياييل ينهدون قبلنا

لووووووول

حتى انا ريلي ايي البيت الساعه 2:30 وانا 3:30


تدرون شنو المفروض يسوون ؟؟


يعطون معاش حق ربات البيوت

 

[opera]

ايييي ساره عاااادي

لوووووووووول المطبخ ينقلب فوق تحت ومايرد شي مكانه



:eh_s(6):

 

[blueberry]

:

انا طفارتي لما يدمر الغاز

يااااااااااااااااااابوي

يعفس الغاز فوق حدر ويدمره والطوفه وجام الغاز

:

 

[نور78]

الحمدالله احنا الغاز عندنا مركزي يعني مثل الانبوب واذا بتعبين تنزلين تحت وتغيرين الغاز بكبره

 

[نور النهار]

صح كلامج اوبرا الريال حلوه نفسة على الطبخ نفس الحال

بطلات البر الرياييل يطبخون واحنا ناكل ههههههههه

 

[sara81]

اي عاد بالبر على كيف كيفج

يتفنـــــــــــنن من ريوق للغداء للشاي المخدر

ونااااااااااااااسه

 

[opera]

ريلي مايحب البر ..

بس بالشاليه ما يقصر

 

[عااشقه الورد]

انا عمري 22 رعجوز خخخخخخخخخخخخخخخخخخخخخخ

 

[نور78]

العمر كله ياعاشقة الورد ليش تقولين جذيه انتي صغيره

 

[opera]

اهني اصلا تجمع العييايز

لووووووووووول