تجمع التزوجات بعمر العشرينات

[نور78]

هلا فيج ام مشعل
انا بخير دامج بخير وعافية ملوكه
واشوه في احد نسولف معاه

 

[^ام مشعل^]

هلا والله نور اشلونج شخبارج

 

[ملاك زوجي]

هلا فيج نووووور

 

[نور78]

رديت من الدوام الساعة 2:15 وتغديت وانسدحت وقمت الساعة 4 وصليت فقلت خلني اشبك لان ابو الشباب طاالع وحسافة الساعة 3 كافي حرم واوبرا بس يالله انتو الخير والبركه اشلون يومكم يابنات ان شالله كل شي اوكي

 

[^ام مشعل^]

والله ماكو انا ماداوم للحين كله بالبيت مع شعول
والكل نايم اهوه وبوه قلت خل اشبك شوي

 

[أعشقك بجنون]

السلام عليكم

كيفكم ..؟؟

احد موجود ..

 

[نور78]

نومه العافية بس لاتخلين ولدج ينام وااايد علشان لايأذيج بالليل
انا ولدي عمره سنه ونص وبعد اشوي اقعده علشان الساعة 11 انومه ويقعد لي الساعة 6 جذيه اريح لج

 

[نور78]

حياج الله كلنا موجودين

 

[^ام مشعل^]

الحين صغير ماقدر اتحكم وايد بنومه بس صح كلامج نور اهوه ان سارت الساعه تسع ينام ويقعد 12 وكل ثلاث ساعات يقعد

 

[^ام مشعل^]

وعليكم السلام حياج

 

[أعشقك بجنون]

انا عن نفسي جالسة بالبيت ما عندي دوام


بسألكم سويتوا الليالي الروانسية اللي منزله بالمنتدى 28 ليلة رومانسية ؟؟


وش رأيكم نفكر بشيء نسويه ؟؟ ويكون سهل ؟؟

 

[^ام مشعل^]

ماسويت شي يبيله احد متفرغ واحس صعبه مع بيبي صغير الا اذا خليته عند امي

 

[نور78]

والله قريتهم بس ماطبقت كل مره اقول باجر والي الحين ماسويت

 

[نور78]

اتصدقون لازم نخلي مره بالشهر نروح فندق مع ريااايلنا ليله وحده كتغير بالمكان وتعديل بمزاج الزوج الله يحفظه اشرايكم ونسوي الرومانسيات المكتوبه

 

[أعشقك بجنون]

انا بعد مثلك .. لو شيء بسيط لأني ابغى اسوي شيء ومو محصله وقت مناسب

 

[ام جـــود]

هلا بنات <<< قصدي حريم

انا خاطري ايي الكويت ..

شرايكم وين اقدر اروح مع ريلي فالكويت

 

[^ام مشعل^]

اي والله يانور لازم تغير المكان بعد راح يساعد والنفسيه تتغير شوي :>
بس حلو التغير يا اعشقك انا مع البيبي وايد اشياء تغيرت بس احاول اني اوازن
وبعد لاني ماعندي خدامه ضغط وايد

 

[نور78]

روحي المجمعااات الافينيوز - 360 - سوق شرق والله الكويت فيها اماكن حلوه وهذي الكويت صل علي النبي

 

[^ام مشعل^]

انا للحين مارحت 360 اسمع انه وايد كبير وحلو

 

[نور78]

تصدقين ياام مشعل رحت له مرتين انصحج تروحين له الصبح علشان الزحمة بس المحلات اللي فاتحة اشويه وفي جمعية وصالات السينما عجيبه حلوه ومطاعم حلوه بس مو مثل الافينيوز