((تجمع الحوامل الي يعانون من السكر ))

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يقومكم بالسلامه يااااارب

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

امين


اللحين احس انى نعسانه بشكل مو طبيعي


ياربي اخاف من اعراض ارتفاع السكر

باجر بروح اشترى الشرايط خلصوا الى عندى

عشان لو مرتفع اقدر اسوى كونترول طول اليوم اللحين ما ادرى عنه بس اكل بس لا زم اخفف مو وقته على اخر شى يكبر البيبي واولد قيصرى


يارب اقدر اخفف وارد للحميه

اللحين انتى بالنفاس تسوين حميه او عادى تاكلين اكل عادى

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اللهم امييين
شدي حيلج واشتري شرايط لاتخورينها
ع اخر شي
تر مابقى شي اقل من شهر
٨ شهوور استحملتي
يعني هانت باذن الله الله يتممهم عليج بالصحه
والعافيه وبالسلامه لج وللبيبي

وانا فيني سكر من قبل الحمل ي قلبي
عادي اكل عادي
لاني ابر عرفتي

الله يقومج بالسلامه
متى حددولج موعد للولادة
لازم السكر بنص التاسع ثاني اسبوع من التاسع تولد
لان الاسابيع الاخيرة اخطر من الشهور الي فاتت كلها
هذي حجي الدكتور
الله يسهل عليج وع البنات يااارب

بنفس غرفه الولادة كانت معاي وحدة فيها سكر
حمل ومدخلينها ايولدونها
يعني عاادي لاتخافين

 

[غلا جابر 2010]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

قوة ... شلونكم

انا صارلي جم يوم السكر مخربط والله بينني ... يا مرتفع يا هبوط ...

الله كريم والحمدلله على كل حال

الي بعرفه الحين انا انشاء الله 30-6 ادش التاسع والدكتوره تقولي حدج 12 -7 انطر عليج وبعدها تدخلين المستشفى واولدج بطلق صناعي

شلون يعني طلق صناعي .... وصج يتعب وااايد... انا مو مفكره بابرة ظهر ابي كمام ... هل زين ويريح


عفيه ردوا علي حدي قاعده احاتي من الحين

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

السلام عليكم

اليوم رحت موعدى الحمد لله النبض والضغط كل شى تمام

تصدقون ما يابولى سالفة متى ولادتى كلش

بسالهم عندى موعد 29 - 5

وشريت الشرايط وقالي قيسي بعد الوجبه الدسمه اكلت يعنى على راحتى مو نص صحن لا والله صحن الحمد لله اكلت عيش ومرق دياي والبطاط وقست طلع 6.2 الحمد لله


اليوم قالي للحينج على الحميه قتله لا والله دكتور اخورها من الشهر الثالث وانا اسوى حميه خلاص اللحين شهيتى انفتحت ما اقدر قام يضحك يقول ديري بالج

وان شاء الله لا يه موعدى بسالهم عن الولاده ومتى ولازم بعد اسبوعين او لا

وان شاء الله خير

انا ادش شهرى 8-6


لا الطلق الصناعي (( تحميله او ابره بالدرب تسرع الطلق )) اتوقع ينفع مع الكمام عادى مو شرط ابرة ظهر يعنى

الحمد لله

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

غلا جابر لازم ايولدونج بنص التاسع
لاتقص عليج الدكتورة لمصلحه البيبي
والطلق الصناعي مايخرع حبيبتي بس
ايحمي الطلق
بيعطونج تحاميل تفتح الرحم وبعدين
طلق صناعي

ولادتي هذي جربت الكمام ايهبل
ويريح انا نمت لين نزل الياهل واستعد للطلعه
الله يسهل عليكم حبايبي *

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

قوة بنات انا السكر متلخبط حيل الله يستر
غلا بعد اسبوعين من التاسع المفروض انتي 13-7 مو 12 احس حزتها اليوم يسوي شغل
انا بعدج بشوي ادش شهري 4-7 يعني المفروض 18-7 جان زين ينطرون على جم يوم زياده يمكن اييني الطلق بروحه مابي قيصري
موعدي بالسلام الاربعا بسألها عن اخر يوم لي

انا خذيت ابرة ظهر وماحسيت بشي يوم انفتحت 3 سنتي بط الماي وقزوني الابره بس للاسف ولدي كان مرتفع فحولوني قيصري
هالمره ناويه امشي مشي السنه بساعه عل وعسى اولد طبيعي

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

ليمونه ي قلبي امشي ع البحر لانه ترابه له خاصيه
ان الجاذبيه فيه قويه سبحان الله
ف تنزل الياهل بالحوض وتثبته
وكل يوم امشي ع البحر لين تتعبين
وااله يسهل عليج ي قلبي

 

[دنيتي بنتي]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

موضوووع حلو ومفيد
يعطيكم العافيه
وبغيت اسأل كم مستوى السكر الطبيعي للحامل

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

ليدي متى ابلش ابدى امشي عالبحر؟ انا قلت اخر اسبوع من الثامن
مابي طلق صناعي يقولون مو زين وايد حق اللي مسويه قيصريه والله اعلم

دنيتي الله يعافيجالمعدل الطبيعي صايمه 5.3 او اقل وبعد الاكل بساعتين 6.7 او اقل

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

من تدخلين التاسع وانتي امشي عالبحر
واللي اييب الولادة سوري
كثرة الجماع لان مايه يفتح الرحم ويهياه للولادة
فامشي عالبحر كل يوم نص ساعه او ساعه الا ربع
وكثري الي شيسمونه
والسهالات من رب العالمين


اذا بيولدونج ودخلتي عندهم سوي مثل ماسوولي
قصطرة عساس ينفتح الرحم
بس لازم الجنين ايكون نازل ف امشي عالبحر
ولاتستهينين فيه
وعقب ما تطيح القصطرة بيدخلونج ولادة وماراح تحتاجين طلق صناعي
شاوري دكتورج عن القصطرة وجوفي شيقول
لانه اهوا ادرا بحالتج
والله ايهون عليج ويسهل عليج
ودنيتي بنتي
الله يخليها لج ويصلحها ياارب
مثل ماقالت ليمونه بالضبط

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

شنو القسطره يحطونها قصدج تحميله او شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الى تقولين تفتح الرحم

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

القسطرة اهيا
مثل البالونه ايحطونها بالرحم وتفجه
الدكتور ي قلبي بيشرحلج اكثر واحسن مني
انصحكم فيها

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اول مره اسمع عنها

لا رحت موعدى بساله عنها

يارب يقولى لا مو شرط اسبوعين واولدج

يمكن ثالث اسبوع

بنشوووف لا طلبو منى سونار الو التاسع راح يبين متى الولاده

تعالى انزين تعور القسطره يعنى تحسين لمه حطوها فيج

 

[أم*سلمان]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

السلام عليكم ورحمة الله وبركاته

للي قربت ولادتها و ما لقت كفر للاستقبال

ولا لها خلق تفتر و تدوور

طلبج عندي

كفر ولاده سويته لبجري والله ان الكل يسولف عنه وكاان حيل حيل راقي و متعوووب عليه

ولوونه أوف وايت و بكرستال بسيط عناابي الشغل اللي عليه حده حلو و اهو اساسا نظام الفكتوريا

وبفات على الصووب

واخليكم مع عينات من الصور ..

وهذا من الجنب كله بفات وشغل راقي وفخم بنفس الوقت

ويتكووون من 11 قطعه
واللي تبي تشووف اكثر على الخااص

وملاحظه :: ما أحلل اى وحده ما عندها نية شراء وما أحلل اى وحده تحفظ الصوره عندها او تاخذ اى فكره منه ..
لاني بصراحه تعبت عليه

للاستفسار :: 67069609

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

والله ماتعور وماحسيت فيها
طبقت كلام دكتورة قالت لمن انحطلج اخذي نفس عميق
وماتحسين تبشي
والله
والله
والله صج
اخذت نفس عمييق وماحسيت فيها والله
واذا حسيتي باي شي اخذي نفس عميق
والله انا سويت جذي والحمدلله ماحسيت بشي
كنت متخوفه منها
بس والله طريقه النفس العميق
والله
والله
انها فادتني وماحسيت ابشي
وحتى تصلح للفحص الداخلي

واول سونا اضبط سونار
السونار بالاشهر الاخيرة خربوطي
ولازم ي قلبي تولدين باول اسبوعين
لانه وااايد خطر ع البيبي انج تاجلين
لانه الفترة هذي بيرتفع السكر
ف الاسابيع الاخيرة حرجه ع البيبي
ف لازم تولدين ابسرعه

والله يسهل عليج ي قلبي

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اللهم امين يارب العالمين ويسهل على الجميع ان شاء الله

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اللحين بسال انا الحمد لله اكل حكن وكبة بطاط وجذى واقيس بعدها يطلع 5.6

واستانس اقول الحمد لله ما اترف اليوم كلش عاد ما اصدق واكل برد وبطاط سفينه وجذى عادى


او ما يصير انا اقول يعنى قست بعد الغدا والعشا ويكون طبيعي ؟؟؟

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

جذي تزيدينه ي قلبي
موزين البرد والبطاط يرفعون السكرواايد
ديري بالج ي قلبي تر انتي بالاشهر الاخيرة لاتخورينها

 

[كارلوفي فاري]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

يعطيكم العافية ولا يوقف