((تجمع الحوامل الي يعانون من السكر ))

[غلا جابر 2010]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

قوة شلونكم

انا السكر مخربط معاي مع اني والله ما اكل شي ...

يعني يا هبوط يا واصل لي 10 ... مادري مع اني اضبط جرعات الانسولين

عاد موعدي تاريخ 6-6 بشوف وزن البيبي وشنو تقولي الدكتوره ...

اليوم دشيت الثامن والله يستر ان شاء الله هالشهر يعدي على خير قولوا امين

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

اللهم امين
ويتمم عليج ويسهل علي ياااارب
وعادي بالثامن يتخربط
بس ديري بالج من الارتفاع لانج بالثامن
والارتفاع يااثر بوزنه
الله يرزقكم بالاطفال السليمين المعافين
ويقومكم بالسلامه يااارب

 

[%غــلا%]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

قوه بنات

اخباركم ..

ليدي حبيبتي الحمدلله على السلامه ومبرووك مايااج..

.
.
بنات انا اللحين بأول اسبوع من السابع امس سويت تحليل عقب العشاء بساعتين 145 نسبته طبيعيه ولا مرتفعه ؟

وانا اخذ انسولين الصبح وبالليل ...

وبعدها بجم ساعه اكلت توست بر مع جبن كامل الدسم وعصير برتقال وحلللت بعدها بساعتين 125

واليوم قعدت الساعه 11 الا ربع وسويت تحليل قبل الفطور كان 73

تكفوون طمنوني بنات والله حدي شايله هم ...

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

ليدي الله يبشرج بالخير انا ما بقى علي ان شاء الله 8-6 ادخل شهري

والله يسهل علي يارب والله محتاره للحين ما ادرى وين اولد خاص او حكومه

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

غلا جابر الله يسهل عليج يارب انا كان جذى بالتاسع مرتفع من دخلت الثامن الحمد لله تعدل وياي والفال لج

غلا السموحه ما اعرف الارقام انا اعرف النسب

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

غلا الله يسلمج حياتي ويبارك فيج

وهالارقام قسميهم ع 18

وبعد الاكل مرتفع اشوي 8 بس بعدين طبيعي

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

حرم بدر الله يسهل عليج
استخيري والله كريم
وولدي عند المكان الي ملفج عندهم احسن عساس
مايلعبون فيج

 

[%غــلا%]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

حرم بدر اوكي بحط بالنسب وتكفوون طمنوني بنات

امس بعد العشاء بساعتين وشوي كان 10وكان عشاي برياني..

مرتفع حيييل صح ؟

تكفين ليدي وحرم بدر طموني والله من امس حتى ماارتحت بنومي ...

ومنو ارتفع معاها جذي وولدت بالسلامه انا اهم شي عندي الجنين يكون بخير ...

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

والله ملفى بالحكومه ليدي ومحتاره اخاف اولد واشوف العذاب واتحسر اقول كان عندى فلوس وما ولدت بالخاص انا عندى 500 بولد بالراشد تكلف ولادتهم 405


واخاف لا سمح الله يحطون بنتى بالشيشه واتكلف عرفتى وللحين ما ادرى

غلا اى يا الغاليه بعد العشا وايد مرتفع 10

انتى تسوين حميه او تاخذين ابر لا تحاتين في ناس يوصل بالعالي بس الحمد لله يولدون بالسلامه

بس اللي بعرفه انتى اى شى اللحين ؟؟؟؟

وانتى تتبعيين حميه او تاخذين ابر

لو لو ارتفع لازم على الاقل 8 بس انتى 10 وايد

انتى كليتى على كيفج او نص صحن يعنى ؟؟؟

بنت خالى كانت تغز ابر وتاكل ومرتفع معاها يوصل لا خربطت بالاكل 11 و14 يعنى عالي والحمد لله ولدت بالسلامه

بس اهم شى جاوبي على اسئلتى الى فوق

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

صاجه حرم بدر
تر واايد مرتفع ديري بالج
اهوا عادي يرتفع بس لازم اديرين بالج تقللين الارتفاع

حرومه
مادري استخيري ربج وقرري

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله كريم يارب

انا الى خايفته لا سمح الله يحطون بنتى بالشيشه او شى عشان جذى

بس على قولتج بستخير ربي

تصدقين انا بداخلى ودى اولد بحكومه بس تدرين دام في فلوس اقول لا بولد بخاص اخاف اتحسف

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

والله انا الحمدلله الميزانيه موجوده
بس وايد خفت من الخاص
ايخوفون
خفت ايقصون علي بجم كلمه عساس انا مريضه سكر
ويولدوني عمليه
ف قلت حكومه ابرك وتتطول بالها معاي
لان انا لازم بنص التاسع اولد
ف الحكومه تصبر اذا طولتي ومايستعجلون
اما الخاص ماعتقد

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

قبل كل شي استخيري

واذا تقدرين اولدي بالعدان
ايهل كمامهم

 

[اندومي بالكاكاك]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

قوه بنات

اخباركم ..

ليدي حبيبتي الحمدلله على السلامه ومبرووك مايااج..

.
.
بنات انا اللحين بأول اسبوع من السابع امس سويت تحليل عقب العشاء بساعتين 145 نسبته طبيعيه ولا مرتفعه ؟
شويه مرتفعه المفروض مايتعدى 130 بعد الوجبه بساعتين
واذا تبين تعرفين بارقام الصغيره قسميهم على 18.18 اضبط
مو بس 18
يعني 145/18.18=7.9



وانا اخذ انسولين الصبح وبالليل ...

وبعدها بجم ساعه اكلت توست بر مع جبن كامل الدسم وعصير برتقال وحلللت بعدها بساعتين 125

واليوم قعدت الساعه 11 الا ربع وسويت تحليل قبل الفطور كان 73

تكفوون طمنوني بنات والله حدي شايله هم ...

=)..

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

وي بعيد علي انا بالجهرا هههههههههههه

ليدي بنت خالتى ولدت يوم الخميس وسبحان الله اهى لا فيها سكر ولا شى وكامله كل شهرها بس ولدها نزل مقلوب ويهه تحت وحطوه بالشيشه يوم الاثين يطلع وتقول جربت ابرة الظهر للطبيعي بالخاص ما حست بولا شى تحت مخدر وتشوف شلون يخييطون وكل شى وما حست بشى

اخ لو عندى واسطه رحت الصباح وخليتهم يغزونى ابرة ظهر انا اهم شى عندى ما احس لا شق ولا خياط

بسال باجر الدكتور على الولاده وعن ابرة الظهر جان زين في الجهرا

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

حبيبتي عاادي يعطونج الحكومه ابرة ظهر
تشحلااتها انا مجربتها وبعدين
حتى لو ماخذيتي اي شي
بالخياط ايحطولج بنج موضعي وماتحسين ابشي

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

بس يمكن بالجهرا ما فى


انا الله يسلمج طلقى بارد كان في بنتى عرفتى ومع الشد طلعولى بواسير مالها اول ولا تالى وغير جذى فحسيت بكل شى بالولاده الشق وتنظيف لمه يبون يطلعون المشيمه يوم ينزل الدم على جرح الخياط اح يحرق

وبعدين نمت وقمت حسيت باول غرزه الدكتور يخيطها يااااااااااااااااااااااااااااااااااااااي يعنى حسيت بالخياط

يارب بالجهرا في ابره الظهر يااااااااااااااااااارب انا سمعت بس بالصباح وباجي المستشفيات يا بالقيصري او بالواسطه

 

[.:lady bug :.]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

والله مادري الله يسهل عليج
استخيري وشوفي

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

حروومه ما اتوقع بس بالصباح اكيد باجي مستشفيات الحكومه فيها مايصير مستشفى اي ومستشفى لأ
ويااااازييين ابرة الظهر زيناااه

 

[%غــلا%]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟



مشكورين بنات على ردودكم

والله يتمم لنا على خير يااارب

حرومه..

انا اللحين بالشهر السابع واخذ ابره كنت اخذ مكستارد وغيرها لي الدكتور امس خلاها عكر وصافي على ثلاث جرعات باليوم

انا كنت اخذ الابره الصبح وبالليل بس وامشي على حميه

ولما ارتفع لـ 10 كنت حايسه الدنيا معزومه على عشا بس مااحليت بس والله خفت لأنه ارتفع جذي ..