تجمع الدكتور ( حيان الاحمد )

[أمورته]

كوكيز هههههه هي الاغلبيه ضابطه وياهم سبحان الله
انا مسكت الخيط وحطيته ع ايدي اليسار سبحان الله بسرعه يتحرك رايح راد وانا منصدمه لان ايدي ثابته
بس حطيته ع بطني صار دائره ههههه واحترت ومادري شصدق وانا بالاول الاسابيع قالت الدكتوره احتمال توأم لان جيسين يمكن ولد وبنت يارب ان شاءالله

 

[جوزائيه مغروره]

ههههههه كوكيز لا خلاص ما افكر اخذه معاي الا اذا كان شبعان نوم

انا امس قافله حدي ونمت ودقيت خليت موعدي اليوم

 

[مذهلة2013]

كوكيز
مالي مزاج هالاشياء ههههه

 

[مذهلة2013]

كوكيز
مالي مزاج هالاشياء ههههه

 

[جوزائيه مغروره]

الحمدالله توني راده من العياده وكل اموري تمام

سالته عن دوامه بالعيد الوطني قال ماعنده عياده الا الخميس ولمده ساعتين للحالات الحرجه بس

وعطاني موعد بعد ٣ اسابيع وقالي راحه تاااااامه وماكو طلعات نهائيا الا للشي الضروري واقل شي انسدح ١٠ ساعات متواصله

 

[مذهلة2013]

جوزائيه الف الحمدلله لله

ارتاحي اهم شي الراحه الحين
اختي حامل بتونز قالها كلش ماكو طلعه
لانها بالثامن الحين وماودها تولد الا بالتاسع ان شاءالله
مسكينه من شهر مو طالعه بس الموعد
ارتاحي حيل حييل حييييل

 

[خلود ناصر]

بنات اذا رحت له الخميس يستقبلني ماعندي له ملف عنده ولا مره راجعة عنده وين عيادته ابي عنوانها اذا ممكن

 

[أمورته]

بسالكم بنوتاات هو دكتور حيان وين يولد اي مستشفى?
يعني مثلا انا مابي اطلبه يولدني بمستشفى معين

 

[مذهلة2013]

دقي على العياده احسن
22269311
اهو يولد
بالسلام الموساه السيف دار الشفا

 

[أمورته]

اوكي يزاج الله خير مذهله
دايما الدكتور احسن من دكتوره بس الي ماسكني سالفه الي حرمو انه دكتور يولدج في حاله وجود دكتوره والله اعلم
بس حدي ودي بحيان

 

[مذهلة2013]

في حالات ماتسمح دكاتره حريم وبيني وبينج
انا حيان يدري بحالتي و يعرفني شخصيا
ومرتاحه وياه لابعد حدود
وانا كنت اقدر اختار اي دكتوره بس اغلبيه
الحريم نهيبه فلوس وماكو شطاره نفس الدكاتره
وكا امهاتنا اغلبيتهم مولدينهم رياييل

 

[مذهلة2013]

وانا بالبدايه ريلي مارضى اولد عند ريال
اقنعته وحتى البجي بجيت لانه حيان شاطر
والولاده مو سهله واكيد كل شي بيده سبحانه
بس يبيله دكتور شاطر وانا اختي والده عنده
والحين تراجع وبتولد عنده وماشاءالله عيادته
زحمه ولو انه موشاطر ماتلاقين الزحمه وموماادي كلششش
ماتهمه الفلوس والله

 

[جوزائيه مغروره]

امورته اهو قالي اذا حاله حرجه وطارئه اي بس مراجعه ماراح استقبل يوم الخميس

 

[أمورته]

انا ريلي مو معارض يقول عادي هو دكتور وهذا شغله بس انا من داخلي كنت رافضه ودي اراجع عنده من زمان
ومادري ربي يكتب الي فيه الخيره
تدرين ذهوله حياتي انا ودي بمكان الدكتور الي اراجع عنده والولاده بنفس المكان عشان يعرف حالتي عدل
وماعرف طريقه ايب دكتور من برا للمستشفى فستسهلت انه تكون دكتورخ من داخل المستشفى
لان ماعرف طريقه دكتور من برا مستشفى فمادري والله

 

[أمورته]

جوجو هو يبين دكتور شاطر ونعم فيه وصراحه الكل يمدح ماعمري سمعت احد ذمه

 

[جوزائيه مغروره]

اي ماشالله عليه عجيب

انا بعد اول مره دكتوري من برا

على ولدي كنت اراجع بطيبه كلينيك عند د منى موسى

والحين غيرت لانه زحمه ويرفعون اسعارهم عالفاضي

وماكو نظام كلش كل من هب ودب ياخذ دور مو بالترتيب

يعني عادي تروحين ولا جدامج ٣٠

بس د حيان منظم حيل محد يدخل عليه الا بموعد وياخذ عدد معين

واللي فهمته انه اذا حاشتني ولاده ادق عليه باي وقت وايي بالمستشفى اللي مختارتها

وفونه دايما امبطل ويرد على اي استفسار

 

[مذهلة2013]

اهو من برا المستشفى بس ترا ولا مره كشت باحد
لانه هذه سمعه
انا ماابي امدح فيه وايد انتي اذا رحتيله
١٠٠٪ راح ترتاحين له ولطريقه كلامه
واسلوبه ويفهمج كل كل كل كل شي
بالسونار يشرحلي كل شي في اشياء ماعرفهم
يقولي واساله كل شي بخاطري واقعد عنده
وحتى لو يكوون مزحوم يعطيج حقج بالمراجعه

 

[مذهلة2013]

جوجو مره اختي دقت عليه متاخر
مسكينه على ويهه ولاده خلاص توينز ان شاءالله
كان اييلها عوار خفيف ف خافت ودقت
رد عليها اخترع عباله ولاده هههههههه
ومن ثاني يوم كان مزحوم وبلغ الي عنده
هبه تدق على اختي تتطمن عليها لانه حيان اهو
الي امرهم يدقون عليها

 

[جوزائيه مغروره]

اي ماشالله عليه حيل يهتم

اليوم يقولي ولدج كل مره محصور وعيالج ما يحترموني

ههههه مطنبزين بفيسه يورونه فتحه شسمونه من ورا واشيائهم هههههه قليلين ادب

 

[مذهلة2013]

ههههههه يما فديتهم ياحلاتهم
ربي يحفظهم ويخليهم ويتمم عليج ويسهل عليج يارب