تجمع الدكتور ( حيان الاحمد )

[مذهلة2013]

المواساه غرفهم الكبيره حلوين
عندهم ارماني بس غالين بصراحه

 

[كوكيز بالكريمة]

جوجو انا مثلج الميزانيه حده قده و بريحاتي زوجي مايساعد كلش يتعذر عندي اقساط و قرض و و و

مابي منه من احد بالعربي ههههه


مووووله ( دلع مذهله اي ارماني و غيرها خياااال شفت صورهم بس الميزانيه احم احم

 

[جوزائيه مغروره]

كوكيز انا ريلي اخذ قرض وعطاني ٢٠٠٠ صرفت منهم ٣٠٠ وماسكه ايدي عن الباجي وبستلم جمعيه ٧٠٠ وبصرف منها ١٠٠

وطبعا اهو قالي غير ٢٠٠٠ انسي ازيد قلتله اوكي

بس لازم اخليه يشارك ههههه اسحب منه حق الجمعيه او السوق علشان يتادب

 

[مذهلة2013]

ارماني اختي خذتها حيل غاليه بصراحه بولادتها قبل مع انه قعدت فيها بس يومين
انا احتمال السيف لانه دكتور حيان حيل يحبه ويمدحه

 

[جوزائيه مغروره]

دقيت عالعياده قبل شوي وخذيت موعد اليوم

لانه جد الكحه خلاص وصلت حدها معاي

ومن كثر ما اكح قام اييني عوار ببطني وظهري

 

[جوزائيه مغروره]

رحت له وتطمنت عاليهال وقالي انهم قاعدين مثل + البنت راسها يمين والولد راسه فوق

الاخ المحترم داش ورا اخته يبي يسوي لها زحمه

 

[مذهلة2013]

ههههه
ياحلوهم ربي يقر عينج بشوفتهم

 

[جوزائيه مغروره]

امين يارب وتفرحين بشوفج ضناج بحضنج يارب

 

[احلاانسانه]

شلونكم بنات شنو اخر التطورات معا الدكتور

 

[مذهلة2013]

احلى انسانه
انا ان شاءالله موعدي 19/4 ميته متشوقه على السونار ههههه

 

[جوزائيه مغروره]

هلاا وغلاا احلى انسانه انتي شخبارج

انا بخير الحمدالله وعيالي مستعيلين عالطلعه

 

[كوكيز بالكريمة]

يسعد صباحكم

دقيت عليهم ذاك اليوم الصبح و قلت للسكرتيره تعبانه وضروري اقابل الدكتور ﻻني سويت تحاليلي وطلعت بلاوي فقر دم و تكرمون التهاب بالبول غير اﻻفرازات الغثيثه جان تصدمني قالت ما يستقبل ليش مو مبجره >>> صج بنات واﻻ اﻻخت دايخه بالحجي .. من السابع و طالع ما يستقبل مرضى من صجهم هالشي تكفوون فيدوني .. ما صدقت على الله سي السيد وافق لما شاف حالتي وصلت 0 واﻻ معند يبي اﻻمومه والكل يقوله اي احسن و اقرب لكم >> شكوو مادري منو اللي بيولد انا و اﻻ اهله

 

[مذهلة2013]

كوكيز
شنو من السابع وطالع مافهمت؟؟؟
انا شكثر تييلي حالات ادق عليه شخصيا واقوله كيت وكيت وكيت ويقولي حطي موعد اليوم وادق على السكرتاريه واقولهم توني مكلمه الدكتور ويبي يشوفني اليوم
واي مااحب التدخل اهم شكو

 

[كوكيز بالكريمة]

تقول انتي بالسابع ممنوع يستقبلج مافهمت عليها قلتلها مسويه تحاليل دم و تكرمون بول وطلعت نتايجي × و حدي تعبانه و ابي ادش ع الدكتور قالت ﻻ يا من اول شي يا مافي !!! يعني بالعربي من اول ما احمل ابطل ملف و ادش و اراجع شهري و اﻻ مااااكو مايستقبل حاﻻت متقدمه بالحمل

معقوووله اهو نغس طلبه ﻻنه طلبه من السابع وطالع ما يستقبل

 

[كوكيز بالكريمة]

تعبانه لدرجه ماقدر اخذ نفس و معدتي جنها متروسه حصى كل ما كليت او شربت احس بشي داخل معدتي يسد و يمنع اﻻكل ينزل و يرتفع يسبب لي الم بالصدر و الضلوع حالتي غريبه عجيبه و تحليل الدم قال فقر خفيف و البول تكرمون التهاب و ﻻزم مزرعه للتأكد

والله اليوم بالدوام رافعه صبعي التشهد قلت سبحان الله يصيرلي شي اموت على شهاده إن شاءالله غير عوار الحوض والظهر .. الحمدالله على كل حال

كله يهون اﻻ الحشره بالصدر هذي استغفرالله و ضيق النفس احساس غريب اول مره احس جذي >>> اعراضي مشابهه ﻷعراض الذبحه الصدريه (( الله ﻻ يقوله )) لمن قريت عنهم

 

[جوزائيه مغروره]

جربي دقي عليه وكلميه انتي بالفون احسن من السكرتاريه

 

[احلاانسانه]

كوكيز حبيبتي مالج شر مافيج الا العافيه اخذي نفس عميق وطلعيه وارتاحي
تجنبي اي ضغوطات بالبيت قد ماتقدرين وكثري استغفار اللي معاج قولون عصبي مضيق عليج
واللتهاب بالمعده الله اعلم اكلي قفشة عسل سدر اصلي علي الريج خففيه بماي دافي راح ترتاحين
امشي شوي اذا تقدرين واذا عن دكتور حيان مستحيل مايستقبل انا مستقبلني بالثامن قبل سنتين ونص
بنتي دقي عليه تلفون وقوليله وضعج ومالج شر كثري زبادي او روب قبل النوم

 

[katrina90]

اسم الله عليج كوكيز .. دقي على الدكتور نفسه وان مارد راجعي الصباح او اي مستشفى لاتقعدين جذي

 

[katrina90]

بنات السونار مال الدكتور حيان مو واضح وايد ليش ؟

انا مجربه سونار كذا مكان اوضح من اللي عنده .. هل جهازه قديم ولا شنو؟

 

[مذهلة2013]

بالعكس انا اشوفه واضح لانه يقولي كل شي ويفصل جسم البيبي وانا اركز وياه