تجمع الدكتور محمد ربيع الرمضاني... اللي تراجع عنده واللي بتستفيد..

[أمانينو]

قوة بنات حبوبات..

اول شي اقوللكم قصتي..

انا وصلت وزن يفشل .. وقبل لا اعطل باسبوعين رحت الدكتور ربيع ..

انا كنت اراجع عنده قبل وهو الوحيد اللي مشى نظامه معاي..

ولا يطلع وزني 113 .. وانا طولي 174 ... بس هذا وزن عمري ما وصلته..

عالعموم التزمت معاه ونزلت 7 كيلو وصار وزني 106

سافرت وخربت رجيمي بالسفرة بس كنت امشي واكل وجبات رئيسية بس ..
ولمن رديتبالسلامة خرررررررربتها عدل وجبات وطلعات ومطاعم..
الى ان دق ناقوس الخطر وصرت اكل كاكاو لمجرد اني اكل كاكاو... يعني شي اعلج فيه من زود الملل.. انا ما اشتهي الكاكاو بس اذا كليته معناته شراهتي للاكل واصلة عالاخر...

طبعا صارلي شهر وانا قاطعة الرجيم... قلت بس ما اللك الا ربيع..
واروح كما البرق لدكتوري العزيز .. ((( صراحة استحي منه فالتزم عدل علشان ما اتفشل))))

تخيلوا كم طلع وزني....


106 ... :dddds: ما زدت ولا جرام..

الظاهر ضعفت بالمشي وبعدين زدت شوي... ماادري شصار ... المهم استانست...

عطاني رجيم بالرمضان.. وحبوب ... وفيتامينات...

اول ما ياذن: 3تمرات وكوب لبن
بعدها اكل حبتين من حبوب fattach + حبة من maxi slim forte

بعدين اقوم اصلي
ويكون فطوري شوربة + طبق صغير قد علبة الروب تشريبة + 2 قطعة لحم او ربع دجاجة+ سلطة أو تبولة أو روب بالخيار

بعدها الفيتامينات اللي هي حبة hair skin and nails + حبتين خميرة البريوار


بعدها قاللي اشربي ماي وصلي التراويح واحسن وقت للمشي يكون قبل الفطور وبعد صلاة التراويح
ولمن ارد من الصلاة

2 لقيمات أو 1 - 2 قطايف أو صحن صغيير حلو


ولازم اشرب ماااي في الفترة هذي

وقبل السحور بنص ساعة اكل 2 حبة fattach + حبة من maxi slim forte

والسحور يكون روب بالخيار + عصير اناناس بالكيوي (( علبة عصير اناناس كي دي دي + 2 كيوي نضربهم بالخلاط)))

او شريحتين توست مع جبنة او ملعقة لبنة مع شرايح طماط وخيار وكوب حليب او عصير اناناس كي دي دي

وبعد السحور همن فيتامينات حبة من كبسولات زيت زهرة الربيع + حبة من permea

بنات انا راجعته يوم الثلاثا وملتزمة معاه بس لان نزلت علي الدورة اعتفست الوجبات شوي لاني مو صايمة عالعموم راح ااخر زيارتي له ليوم الخميس الجاي ان شاء الله.. واشوف جم نزلت واقوللكم

انا ما كتبتلكم رجيمي بداية الصيف لاني توني رادة للرجيم فاللي حابة تبدي معاي حياها .. وان شاء الله نكمل المشوار واوصل ال 60 يا رب..

بنات محمد ربيع حياكم .. واللي ما تراجع عنده هم حياها يمكن تستفيد..​

 

[ZajiL]

ماشاء الله خوووش نظام
وموفقه ان شاء الله ويارب تنزلين وتوصلين للوزن المثالي

بس شنو فايدة الحبوب تسد الشهيه وشنو مكونتاها

 

[ميوما]

حلو رجيمج وشدي حيلج

والدكتور روعه بس اهم شي الالتزام

 

[كيكه توفي]

حلو الرجيم وموفقه

 

[mn.mn]

موفقة حلو الرجيم وقريب من رجيم المطوع بس ما فيه لا كبب ولا سمبوسة

شدي الحيل وان شاء الله ما يخلص رمضان الا وانتي مودعة ال 100

 

[أمانينو]

ماشاء الله خوووش نظام
وموفقه ان شاء الله ويارب تنزلين وتوصلين للوزن المثالي

بس شنو فايدة الحبوب تسد الشهيه وشنو مكونتاها

هلا حبوبة
دكتوري هذا مجربته وما ينفعني غير نظامه
وانا ما احب الحبوب
لكن لانها تحت اشراف الدكتور خذيتها
وهذي اول مرة اراجعه ويعطيني حبوب الظاهر وزني طفش حده
اي صج فايدة الحبوب تحرق اكثر وتمنع امتصاص الدهون​

 

[أمانينو]

حلو رجيمج وشدي حيلج

والدكتور روعه بس اهم شي الالتزام

يسلمو حبوبة عالمرور​

 

[أمانينو]

حلو الرجيم وموفقه

يوفقج ربي حبوبة يسلمو

 

[أمانينو]

موفقة حلو الرجيم وقريب من رجيم المطوع بس ما فيه لا كبب ولا سمبوسة

شدي الحيل وان شاء الله ما يخلص رمضان الا وانتي مودعة ال 100

انشالله امين يعطيج العافية عالدعوة الطيبة
تصدقين عاد كل الرجيمات مارة علي الا المطوع
بس سامعة عن الدكتور يمدحونه
وانشالله الاسبوع الجاي بطلب منه يحطلي كبب و سمبوسة

بس حاسة ما استاهل صايرة مو مثل اول صايرة اخربها
خصوصا بالرمضان ما اقاوم​

 

[ليمونه الحلوه]

طمنينا حبيبتي اشصار عليج ان شاءالله نزلتي اكثر يارب تصيرين من الرشيقات في العيد

 

[مظلومة حيل]

رد : تجمع الدكتور محمد ربيع الرمضاني... اللي تراجع عنده واللي بتستفيد..

عسى الله يوفقج و تقطين ال100 في بحر و تصيرين مثل الحصان تناقزين و تتدلعين بس استمري والله يوفقج
وانا متابعة لج لين الاخر بس للاسف اشبك اسبوعيا بس متابعة الله يوفقج

 

[ابداع x ابداع]

حبيبتي ممكن سؤال ؟؟

حبوب hair skin and nails اهيا فيتامينات للشعر والبشرة ؟ عدل؟!!

بس ما تمتن ؟؟

وموفقه يارب

 

[أمانينو]

أمبييييييييييييييه

نسيت لا اكتب نتيجتي

شسوي كل يوم زوارة بالرمضان

اقوللكم شصار

رحت لدكتوري الخميس طبعا المفروض رايحتله الثلاثا مس خفت ما اكون نازلة فعطيت عمري يومين ارقع نفسي فيهم:eh_s(6):

(( مخربطة الرجيم حدي بس يجي يوم تنسد نفسي عن الاكل ))) بس العب رياضة

شنو تتوقعون النتيجة


نقصت 4 كيلو .........:ggdw::ggdw::ggdw:


استااااااااااااااانست
بس انا اقول من الحبوب اللي زاطتهم

بس للامانة لمن اخرب رجيمي اغش شوي بالكمية يعني ازيد شوي
اما اللقيمات والكبب
زرت امي يوم وكليت الصحن كله تخيلو

صج شفاحة

ثاني يوم حسيت على عمري ولعبت رياضة قبل الفطور

اما الفيتامينات اللي سالتيهم عني ابداع في ابداع هذي للبشرة والشعر وما تمتن

بنات رجيمي للاسبوع هذا نفس الاسبوع اللي طاف
بس قاللي الدكتور قللي التشريبة والشوربة مو لازم تشبعين

وزادلي بالفترة اللي اكل فيها لقيمات او قطايف او حلو قاللي ممكن تاكلين 2 سمبوسة او 2 كبه يعني زادلي خيارين اغير افيهم

اي صج ترى الاسبوع اللي طاف سحوري دايم روب وخيار وعصير اناناس وكيوي​

 

[om-3abodey]

مبروووك النزول حبيبتي
بسالج الحبوب من وين شريتيهم ؟؟

 

[أمانينو]

رد: رد : تجمع الدكتور محمد ربيع الرمضاني... اللي تراجع عنده واللي بتستفيد..

عسى الله يوفقج و تقطين ال100 في بحر و تصيرين مثل الحصان تناقزين و تتدلعين بس استمري والله يوفقج
وانا متابعة لج لين الاخر بس للاسف اشبك اسبوعيا بس متابعة الله يوفقج

الله يعافيج يا عمري اي هذي الدعاوي الطيبة

انا الحين 102 :016:


ومستمرررررة انشالله:weight_lift:
بس بنات

انا اوصيكم عالرياضة هي اللي ترقعلي ولا انا فيني شرااااااااااااااهة مو طبيعية عالاكل
اصلا انا ما اسوي رجيم الا علشان اقدر اناقز واسوي رياضة بعدها انطلق اكل صحي ورياضة وشوفوا الجسم شلون يصير سمبتيك​

 

[أمانينو]

مبروووك النزول حبيبتي
بسالج الحبوب من وين شريتيهم ؟؟

الله يبااااااااااااااارك فيج حياتي

الحبوب سلمج الله بالخليجية انزل من دكتوري اروح اشتريهم تحت بالطابق الثاني له محل يبيع فيهم ادويته يترزق الله :dddds:

بس على فكرة اعتقد تلقينهم بكل مكان
مثل زيت زهرة الربيع وفيتامينات هير سكين اند نيلز وحبوب الخميرة حتى اللي اسمها fattache

اي تذكرت حبوب زيت زهرة الربيع وحبوب الخميرة قاللي الدكتور في ناس راح تقول تمتن لا تخافين انا ضامن انج ما راح تمتنين
فيا بنااات اللي مسوين رجيم لا تخافون من هالحبوب ما راح اتاثر اذا انتو مسوين رجيم وحارمين نفسكم من السعرات
بالعكس الحبوب هذي تفيدكم اكثر مع الاكل الصحي وماتخلي شعركم يطيح وبشرتكم تتعب​

 

[om-3abodey]

حبيبتي سووري اذيتج معاي بس بجم سعر الحبوب ؟؟؟

 

[أمانينو]

طمنينا حبيبتي اشصار عليج ان شاءالله نزلتي اكثر يارب تصيرين من الرشيقات في العيد

مشكووورة حياتي عالمرور

الحين وزني 102 بعد ما كان 113 فتخيلي التغيير بالشكل
انشالله اطلع نيو لوك بالعيد​

 

[أمانينو]

حبيبتي سووري اذيتج معاي بس بجم سعر الحبوب ؟؟؟

لا عادي يا حياتي

الحبوب كلها طلعت علي ب 46 دينار

بس ما اعرف اسعارهم واحد واحد سوري

اعتقد fattach كان اغلى واحد ب9 دنانير و750 او 950 فلس مو متاكدة​

 

[maha684]

مبروووووووووك النزوول حبيبيتي وانشالله توصلين للوزن الي تبينه
بسالج بجم المراجعات وفتح الملف