تجمع العلاج بالخارج في لندن حياكم ...

[ام ضاري بلندن]

مشكورة ام ضاري عسا ربي يشفي وليدج ووليدي وجميع المسلمين

الله يجزاج خير

 

[كتكوته امي]

بنات انا راح اكون هناك بدايه شهر سته ان شاء الله منو معاي ؟؟ وشلون الجو هناك بشهر سته ؟

 

[om.aboodi]

انا ليلحين مارحت ننطر رد الدكتور يارب سهلها وتشفي ولدي اللهم امين

 

[omm aljawa]

اللهم اشفي مرضانا ومرضى المسلميين

انا بلندن صارلي شهر وشوي

الجو حلوو وموو واايد بررد

سكرة انتو باي مستشفى ؟؟

 

[Michey Mouse]

مراحب بنات انا باذن الله بسافر لندن مع خالتي بعيد الشر عنكم غلطوا فيها الدكاتره والحين منومه بالمستشفى الله يشافيها..
بغيت تقولولي احسن خط حق بلاك بيري عشان اقدر ادق اوتواصل مع عيالي بالكويت بعد عمري بخليهم امر الله اقوي بعد

 

[omm aljawa]

مراحب بنات انا باذن الله بسافر لندن مع خالتي بعيد الشر عنكم غلطوا فيها الدكاتره والحين منومه بالمستشفى الله يشافيها..
بغيت تقولولي احسن خط حق بلاك بيري عشان اقدر ادق اوتواصل مع عيالي بالكويت بعد عمري بخليهم امر الله اقوي بعد

الله يشفيها ويشفي مرضا المسلميين

حبيبتي احسن شي الاورنج حق البلاك بيري وحق اذا بتدقيين على الكوويت احسن اخذي ناو موبايل
احسن من الاونرج حق الاتصال خلي الاورنج بس حق ال بي بي

 

[سكرة هانم]

اللهم اشفي مرضانا ومرضى المسلميين

انا بلندن صارلي شهر وشوي

الجو حلوو وموو واايد بررد

سكرة انتو باي مستشفى ؟؟

هلا والله ..احنا مو بمستفى عيادات للعين وجهاز هضمي

والعمليه حددوا موعدها بس مادري اي مستشفى للحين

وعسا اللله يشافي مرضانا ومرضاكم

 

[كتكوته امي]

قوه بنات عندي جم استفسار اتمنى تساعدوني

اول شي بستفسر عن المصروف يعني تنصحوني احول المبلغ كله ولا اسحب من هناك ؟؟ وجم يكفيني تقريبا حق شهر ؟؟

بكتب لكم اسم المستشفى والعنوان واللي تعرفه او تعرف شنو الشقق الزينه اللي اقدر اسكن فيها وتكون نظيفه والاسواق

اللي يمه وهالسوالف تكفون

هذا اسم المستشفى albert house

وهذا العنوان اللي مكتوب 47nottingham place

بليز اللي تعرف شي تعلمني والله يشفي جميع مرضى المسلمين امين يارب

 

[سكرة هانم]

قوه بنات عندي جم استفسار اتمنى تساعدوني

اول شي بستفسر عن المصروف يعني تنصحوني احول المبلغ كله ولا اسحب من هناك ؟؟ وجم يكفيني تقريبا حق شهر ؟؟

بكتب لكم اسم المستشفى والعنوان واللي تعرفه او تعرف شنو الشقق الزينه اللي اقدر اسكن فيها وتكون نظيفه والاسواق

اللي يمه وهالسوالف تكفون

هذا اسم المستشفى albert house

وهذا العنوان اللي مكتوب 47nottingham place

بليز اللي تعرف شي تعلمني والله يشفي جميع مرضى المسلمين امين يارب

هلا والله كتكوته اول شي عسالله يشافي مريضكم

بالنسبه للمصروف لا تحولينه كله انا اخاف من سالفه البوق وانتي وراحتج بس هذي نصيحتي حولي 500 او 600 والباجي بالحساب واي وقت تحتاجين سحبي مبلغ من البنك بس تره ياخذون جارج حوالي دينار وشي اذا انا غلطانه يليت البنات يصلحونلي

يالنسبه للمصروف انتي ومشتراج تبين تشرين ومطاعم ورحلات يبيلج مييييزانيه لان فلوس الحكومه حدها حدها حق شقه


بصراحه ما اعرف مكانها بالضبط بحاول ادور عشانج

بس نصييحه وخري عن اجور رود يانين باسعار الشقق غرفه وحده وصلت 900 بالاسبوع واحنا ما دشينا الصيف للحين حسبي اله ونعم الوكيل لو تقولين الشقه سنعه جان سكتنا بس لوووعه وزهيويه وفيران << قلبي متروس :eh_s(4):


قد ما تقدرين طلعي بره وخري عن هالعراقيين والكواوله ماوراهم غير البوووووق

 

[سكرة هانم]

دورته لج طلع حسب البرنامج اللي عندي بالضببببط يم مدام توسو

تقدرين تقعدين صوب الريجنت بارك قريبه حيل عليج او هارلي ستريت وحوالينه هم قريب مشي ليه المستشفى

اذا تبين اجور رود طريج بالتاكسي تقريبا ٦باود ليه المستشفى او باص وهم تقدرين تمشين تفريبا ٢٠ دقيقه من اجور رود ليه المستشفى

انشالله قدرت افيدج ولو شوي

ادعيلي بالولد الذكر تام الخلقه

 

[Michey Mouse]

الله يشفيها ويشفي مرضا المسلميين

حبيبتي احسن شي الاورنج حق البلاك بيري وحق اذا بتدقيين على الكوويت احسن اخذي ناو موبايل
احسن من الاونرج حق الاتصال خلي الاورنج بس حق ال بي بي

بالمطار شركات الاتصال او في مكان معين

 

[كتكوته امي]

سكرة هانم: فديتج ويعطيج الف الف عافيه ماقصرتي ياعمري ساعدتيني بترتيب افكاري الله يوفقج ويرزقج بكل ماتتمنينه

ويعطيج الولد الذكر تام الخلقه والصالح بأذن الله الواحد الاحد

(اللهم اني اسألك انك انت الله الذي لا اله الا هو الواحد الاحد الفرد الصمد الذي لم يلد ولم يولد ولم يكن له كفو احد ان ترزق

اختي سكرة هانم الولد الذكر تام الخلقه الصالح في دنياه واخرته امين يارب العالمين)

 

[كتكوته امي]

بنات مافكرتوا تاخذون دورات لغه انجليزيه؟ ماتعرفون معاهد تعلم محادثه ؟

 

[ميميـ الكويتـ]

والله كلنااا بلندن بس من اخر ستة ليمااااااااااااااااا اول شهر 8 الله يكووون بعوناااااا

 

[منانا]

الله يشافي مرضاكم ومرضى المسلمين يارب

مشالله خووش تجمع ودي اقرا كل الصفحاات بس واايد


ابي الي عندها خبره بدكاترة العظاام بلندن بليز دلووني على عيادة او دكتور في مستشفى مع العنوان بالضبط وطريقة المواعيد وبميزان اعمالكم يارب

شكرا

 

[om.aboodi]

بنات احد عنده خبر وين بالضبط مستشفي بورتلاند مابي بالمعمعه بس عاد لاحول ولاقوة الله يشفي ولدي وجميع المسلمين قولوا امين واللي هناك بسال هل يخلونكم تنامون مع عيالكم والا لا؟

 

[usgirl]

بنات بسال عن مستشفيات الاطفال اذا تعرفون دكتور زين او مسيشفا معروف اهناك
والله يشافي مرضاكم ومرضانا وجميع مرضى المسلمين

 

[كتكوته امي]

بنات شلون الجو ؟؟

 

[#ريما#]

مرحبا خواتي

اسأل الله تعالى ان يشافي مرضاكم شفاء لا يغادره سقما

بغيتكم تساعدوني في مشكلتي
انا اعاني من اكزيما في كامل جسمي اكزيما من النوع المزمن
ياليت الي تعرف مستشفى او دكتور معين او عياده في لندن للجلديه تفيدني وادعي لها دعوه خالصه من القلب
حيل اعاني والله يعلم عن الحال حتى زوجي صار يشتكي من الاثار الي صارت تطلع لي بجسمي علامات واضحه الله كريم

شكرااا بانتظاركم

 

[مشاعل]

مرحبا

خواتي زوجي فيه دسك فى الفقره الرابعه والخامسه وقدمنا على الداخليه ورفضو

يعني السالفه يبى لها واسطه ؟؟

ما نقدر على تكاليف العلاج بالخارج

ومن عندها عنوان مستشفي زين لللعظام