تجمع{الكاتب}\\المبدع//م.عبد الوهاب السيد.::.حياكم الله.::.

[Eng.shosha]

بدووره مشكوووووره حبيبتي عالرد وان شاء الله أشتريهم بأقرب وقت

مو سهله هههههههههههههههههههه ضحكتيني ولا سالفة ولي الامر

 

[فلانه_الفلاني]

باااااااااك

اهلين بدوره ورفاعيه

انا دزيت اللغز حق رفاعيه وانشالله عرفتوني

ابشركم اليوم رحت المعرض مع بنتي حبيبتي ( طبعا دوختني على كتب البنات ) , ودايركت رحت صاله 6 وشريت زيارات ليليه + 17 , وهم خذيت ( الذين عادوا\م.سند راشد ) اقراهم انشالله واقولكم تعليقي وطبعا بدون نقاش اخوكم في غنى عن تعليقي لان شهادتي فيه مجروحه

وبانتظار الابعاد المجهوله 3 على احر من الجمر ​

 

[dreamer_33]

عزيزاتي .. قبل كل شي بوضح نقطة قلتها بأول مشاركة لي بالموضوع وارد اكررها مرة ثانية ..

ملاحظة : انا بعد هالرواية ماقريت للكاتب اي كتاب او رواية فما ادري اذا صارله اسلوب خاص مختلف ولا لا..

يعني انا ردودي كلها بهالموضوع عن رواية وحدة فقط لا غير .. وهي :
( الأبعاد المجهولة .. مذكرات مراهق كويتي ) فقــــــــــــــــط !! يعني مالي شغل باللي بعدها


اخت بدور ..

انا قلت ننسى صلة القرابة على اساس يكون نقاشنا محايد وبعيد عن التعصب الأخوي >>> حلوة التعصب الاخوي

عموما ، مدام ماتقدرين تتغاضين عن هالصلة ماراح نوصل لنتيجة لان مهما صار الاخت بتوقف بصف اخوها ..

بس حبيت اعقب على هالنقطة :

انا اتكلم لج عن باجي رواياته من بعد الابعاد المجهوله

و انا اتكلم بس عن .." الابعاد المجهولة " :eh_s(6):


و على راسي والله بدور ..

 

[dreamer_33]

اخت شيد ..

بس ما أدري اشفيها دريمر تتكلم بالصورة هذي !!! تقول مستحيل أحد يقرأ الأبعاد المجهولة ويعجبه إذا كان يقرأ حق أحمد خالد توفيق، ولما في قارئات قالوا لها إن احنا نقرأ لأحمد خالد توفيق بس هم عاجبنا كتاب عبدالوهاب السيد فتحول هذا المستحيل إلى (ما أتفق معاكم) !!! اشلون ؟

امممم هذي كانت ردودي .. اذا تتكرمين تقرينها مرة ثانية عشان يتضح المقصود منها :

والمعجبين بهالرواية انا متأكدة 100 % ماقروا روايات الدكتور احمد ولا جان أيدوني بملاحظتي

انا قلت المعجبين بهالرواية لو كانوا قراء متابعين لكل كتابات الدكتور (خصوصا ماوراء الطبيعة ، وسفاري ) جان أيدوني 100% بالتشابه المووووو طبيعي بين الأسلوبين

اسمحيلي اقولج اللي مالاحظ التشابه مستحيييييييييييييل يكون متابع جيد لكل روايات الدكتور احمد خالد توفيق ..!!

اوضح لج بمعادلة بسيطة :
قراء لكل كتابات الدكتور + رواية الابعاد المجهولة = ملاحظة للتشابه الواضح بين الاثنين !

واذا تقصدين ردي على الاخت سبائك :

عيل شرايج انا أكثر شي شدني بقصص الكاتب عبدالوهاب السيد اهو التشابه الي بينه وبين قصص رفعت اسماعيل للكاتب احمد خالد توفيق

بصراحة ماايدج بهالنقطة حلاته كل كاتب يتميز بأسلوبه

انا قلت ماايدج .. على سالفة ان اللي شدها للرواية اهو التشابه مع اسلوب الدكتور ، وهذي مسألة آراء
بس اهي أقرت وجود التشابه وهذا اللي انا اقصده !!

وقلت اللي اعجبتهم الرواية ويقرون للدكتور مستحيل مالاحظوا اللي انا لاحظته .. وهالنقطة الكل أكدها والدليل الردود من الخوات :

بصراحة بدورة لا تزعلين انا قريت له الجزئين وتشابه كبير لقصص رفعت اسماعيل

صحيح في تشابه بين اسلوب قصص رفعت اسماعيل واسلوب عبدالوهاب السيد بس في صبغه معينه تغلف قصص عبدالوهاب السيد وتميزها عن كتابات خالد توفيق

عيل شرايج انا أكثر شي شدني بقصص الكاتب عبدالوهاب السيد اهو التشابه الي بينه وبين قصص رفعت اسماعيل للكاتب احمد خالد توفيق

وفعلا والله فيه تشابه بين كتاباته وطريقة كتابة م.خالد توفيق

الأخت اللي قالت إنه مقلد لسلوب أحمد خالد توفيق ، فكلامها صحيح ، ولكن بصراحة أسلوب عبدالوهاب السيد يتطور يوم عن يوم وأنا اشوف من بعد الأبعاد المجهولة انطلق بروحه بأفكاره وخياله

 

[ناتشوو]

يا بنات وياخوات وعلى راسكم اسراء وبدور(انا متابعة لنشاطج بالمنتدى قبل لا ادري بقرابتج بالكاتب) احنا مانهاجم الكاتب عبدالوهاب السيد لشخصه احنا نتكلم عن قصة معينة كتبها وهي مذكرات مراهق كويتي
ونقد عبدالوهاب السيد ليس جريمة ولا حرام
انا شخصيا ناوية اشتري له الكتب الجديدة لاني احب هالنوع من القصص يعني مو قاعدة اذمه واقول خلاص ما ينفع كاتب
خل نتكلم بالدلائل!!
انا متابعة لرفعت اسماعيل من ايام المتوسطة وقارية له اكثرمن60قصة
هذا بالنسبة لماوراء الطبيعة غير مؤلفات احمدخالدتوفيق الباقية مثل سافاري وفانتازيا يعني اكيد اعرف اسلوبه وحافظته بعد
السالفة مو تأثر لا السالفة مقصودة ومو عفوية
خليتوني اطلع الكتب القديمة اللي عندي ادور الرواية


وهذي الله يسلمكم اول صفحة اللي يكون فيها العنوان واسم المؤلف
انا بطبعي احب اكتب على اي كتاب او قصة اشتريها تاريخ شرائي ومن وين ماخذتها
وتعليقاتي عليها

التاريخ كان 25 - 12 -2003 من معرض الكتاب
من تعليقاتي بالصفحة :
هل هو تقليد ام تاثر؟
هل انت الوحيد الذي قرأ روايات ماوراء الطبيعة؟ 26-12-2003

وكاتبة بعد بتاريخ15 -1 -2004
يجب ان تكون لك شخصيتك الادبية الخاصة بك
لا ان تكون النسخة المشوهة من د خالد احمد توفيق
على سبيل المثال في
القصة الاولي : قشعريرة
نفس قصة رفعت اسماعيل اللي تكون على شكل اتصال هاتفي لبرنامج بعد منتصف الليل-اللي متابعين قصصه يعرفون اتكلم عن شنو-الفرق ان بقصة رفعت اسماعيل البطلة ارملة انتحر زوجها واستعانت بوسيط روحاني علشان تعرف وين اوراقه وممتلكاته الشخصية
وفي اشكثر تعبيرات مستخدمة -اكثر من سطرين قاريتها بقصص د خالد احمد توفيق- مثل:
فالناس يفهمون ان تكون وقحا او صاخبا او عصبيا اما ان تكون منطويا مهذبا غامضا فسيظنونك خبيثا ولن يرتاحو اليك مطلقا
و:
كما ايقنت اننا البشر مع كل اسف حفنة من الاوغاد لن ينقذنا من حطب جهنم الا رحمة ربي الواسعة
وفي الكثير بس ماله داعي اكتب
لاني لا اسعى لكراهية او عداوة محبيه ولاني لا اكره الكاتب لا اعيد واقول ناوية اقرا كتبه الجديدة
وعلشان اثبت حسن نيتي بكتب مقتطفات اعجبتني بالكتاب نفسه :

كنت احلم ان اكون قويا مثله ان املك لسانا سليطا يدافع عن الحق كلسانه الذي لا ينطق الا بالباطل
لماذا يكون الشر ايجابي دائما في حين يندر ان نرى الخير الايجابي
و:
فنحن قوم نشتري اثمن الثياب ونركب افخم السيارات وفي نفس الوقت نجلب ارخص الخدم لتربية ابناءنا وطبخ طعامنا!
وياليت يتسكر هالموضوع وتتكلمون اكثر عن مؤلفاته الجديدة لان الكتاب موضوع الخلاف صار له 5سنوات
(والله عمر صارت لي اشياء كثيييييييييييييييييييييرة عالمستوى الشخصي خلال ال5سنوات)

 

[بدوره 22]

يا عمري يا بنات ..

كل وحده تقول رايها وبكل صراحه والله العظيم لا زعلنا ولا شي ..

من الطبيعي ان الانسان الناجح يواجه النقد البناء والهادف والنقد السلبي للي الهادم وانا ما قصدت بهالجمل اني اتكلم عن رايكم


لا والله وبالعكس كل ارائكم على عيني وراسي من فوووووووووووووق

احنا سوينا هالتجمع موبس علشان نمدح !!!!!

هاتجمع علشان كل وحده تقول رايها بكل صراحه .. وكل وجهات نظركم راح توصل حق عبدالوهاب مع ان بعضها وصل بس راح اوصل رده لكم اكييييييييييييييييد بعد المعرض لان ويد مشغول فيه وصارلي اسبع مو شايفه اخوي والله

وانشاء الله بس يخلص على طول بقوله ..

دريمر حبيبتي رايج على العين والراس وانا احب اخوي بس ما فني تعصب اخوي لووووووول


ناتشو حبيبتي ..


صاجه من 5 سنين ... انا ما اتكر شنو قريت اليوم علشان اتذكر اللي من خمس سنين لوووووووول انا حدي نسايه

عادي والله اللي يتقول رايها تقول حتى لو كتا صار له 10 سنين

 

[Shiny Star]

:gathering:​

 

[Shiny Star]

عزيزتي اخت ناتشو أنا شخصيا قرأت روايات د.أحمد خالد توفيق تقريبا كلها وأنا معاك إن في تشابه ملحوظ بين مؤلفات المهندس عبدالوهاب السيد ومؤلفات د.أحمد خالد توفيق وهذا يدل بكل تأكيد على تأثر المهندس عبدالوهاب باسلوب وطريقة سرد د.أحمد في الروايات، أنا بوجهة نظري هذا مو عيب إذا كان الانسان في بداياته عموما أنا أأيد من قال بأن الآن المهندس عبدالوهاب التلميذ الذي تفوق على استاذه ، والدليل إن المؤلفين اثنينهم الآن مع د.نبيل فاروق يكتبون لنفس وهي دايموند بوك وإذا رحتي المعرض هاليومين راح تشوفين البروشور الخاص بإصدارات دايموند بوك وعليها صورة كل من المؤلفين أعلاه وهذا بحد ذاته نجاح المهندس عبدالوهاب السيد، وصدقيني مثل ما تأثر م.عبدالوهاب بروايات د.أحمد خالد توفيق سابقا وكان تلميذه بيوم من الأيام، بتشوفين العديد من المؤلفين الجدد متأثرين بأسلوب مزعبدالوهاب السيد.
أنا أشوف ان م.عبدالوهاب طور وايد ورواياته الجديدة تؤكد ذلك، كل شخصين تجمع بينهم علاقة ترابط من نوع ما تلقينهم بعد فترة من الوقت متشابهين بالتفكير أو بالاسلوب أو حتى بالشكل وهذا ينطبق عالأصدقاء أو الأزواج أو حتى التأثر الحسي

 

[Shiny Star]

النقد البناء دايما يتطلب تجريد الأحاسيس الشخصية حتى نستطيع رؤية الحقيقة بدون تحيز، وإلغاء صفة الأنا والدفاع عن النفس ،والاستماع بهدف التحسين من الأداء ،وكلمات تطلع من القلب للقلب ، وعندما يكون النقد بهدف المساهمة في التطور فمافي أحلى منه

 

[Shade]

الخوات ناتشو ودريمر ، نعم كتاب الأبعاد المجهولة فيه تشابه كبير مع مجمل روايات أحمد خالد توفيق وليس رواية واحدة ، يعني ماهي قصة سرقها عبدالوهاب السيد بالحرف (وحتى قصة قشعريرة تشبه بفكرتها القصة اللي ذكرتيها لكن في اختلاف كبير لدرجة إن قصة عبدالوهاب كانت رواية طويلة ، والقصة اللي تتكلمين عنها كانت قصة قصيرة) ، إنما تشابه مع مجمل أعمال احمد خالد توفيق من جميع سلاسل ما وراء الطبيعة ومن سلاسل سافاري وفانتازيا ، وهذا يبين تأثر الكاتب الشديد بأحمد خالد توفيق ، ولا ننسى إن هذا اول كتاب روائي لعبدالوهاب السيد وكان بعده صغير وناشيء وتنقصه الخبرة ككاتب (احنا نتكلم عن قبل 6 سنوات تقريبا وهي أول ظهور روائي لعبدالوهاب السيد) ومافي كاتب في العالم تكون له شخصيته من اول كتاب ، ولو قرأتي كتابات الكاتب محمد عفيفي اللي تأثر فيه أحمد خالد توفيق فراح تلقين تشابه أيضا في الأسلوب ، خاصة في سلسلة مارواء الطبيعة في اعدادها الأولى ، ولكن احمد خالد توفيق صار له اسلوبه الخاص بعدها

ولـــكــــــــن

شوفو عبدالوهاب السيد في كتبه التالية اللي ما في احد تعنى وقرأها ، والله صج كتاب في الجانب المظلم أعظم كتاب قرأته في حياتي ، وكتاب 17 كان روعة روعة روعة وكتاب حكايات من العالم الآخر نفس الشي ، وآخرها كتابه اللي خلصته أول امس وكتبت عنه تقرير كامل في المنتدى وهو زيارات ليلية ، أنا شخصيا ما اعتقد حتى احمد خالد توفيق يقدر يقدم شيء مثل هذا ، حبكة رائعة ، معلومات نادرة وغريبة اول مرة اقراها في حياتي ، أعتقد مهاجمة كتاب قديم وعدم قراءة باقي الكتب يعتبر (تقييم ناقص) لأني ما اقدر اقيم كاتب من كتاب واحد فقط (((خاصة اذا كان أول رواية له))) وخواتي حبايبي ما قالوا لي اشرايهم في وجود عبدالوهاب السيد واحمد خالد توفيق في نفس دار النشر

 

[Shade]

نقطة ثانية قبل لا انسى ، ياريت يقرأون في الجانب المظلم وزيارات ليلية (كونها روايات أيضا) ويعطونا رايهم ، يمكن بعدها نشوف منهم كلمة تقدير بحق هذا الكاتب الكويتي

 

[Eng.shosha]

صلوا عالنبي بنات

مو لازم كل وحده تقتنع براي الثانيه .. كل وحده ولها رايها

زين خل نتكلم عن اللي شروا كتبه اليدد؟

نبي نشوف تقييمهم؟؟

 

[Shade]

حبيبتي ام عبدالمحسن ، بالعكس احنا مو متضايقين ، بس أنا ادافع عن عبدالوهاب السيد لأني بصراحة اشوفه اعظم كاتب عربي ومؤلفاته الأخيرة تشهد له ، وبالنسبة لكتابه الأخير (زيارات ليلية) فروووعة

وهذا تقييمي للكتاب

http://www.q8yat.net/showthread.php?t=256872

 

[Shiny Star]

بالنسبة لكتاب زيارات ليلية فهو يشتمل على رواية طويلة بالاضافة الى 3 قصص قصيرة، أما الرواية الطويلة واللي على اسم الكتاب فهي غريبة ومشوقة وفيها معلومات حقيقية وايد حلوة، والقصص القصيرة نهاياتها مفاجأة

 

[loony]

ها بنات انشالله النية برووح اليوم معرض الكتاب شنو آخذ يعني احلى كتب ؟

 

[Eng.shosha]

شيد .. شوقتييينيي

ان شاء الله اليوم بليل بروح المعرض وحاطه في بالي باخذ لي جم روايه

 

[ناتشوو]

نشوف منهم كلمة تقدير بحق هذا الكاتب الكويتي

يعني احنا صوماليين مثلا؟
المشكلة اقول واثبت حسن نيتي وانا معاكم نفس وجهة النظرلكن نرجع نعيد ونزيد على نفس الموضوع
تتكلمون معاي كاني ضدكم او قايلة شي مو زين عنه لا سمح الله
عالعموم مشكلة لما يكون اللي قدامك مو راضي يقتنع ولا يستمع لك
لاني حاطة بمشاركتي الاخيرة كلام طيب عنه وموضحة وجهة نظري

عالعموم حاليا في بوك كلاب
على الرابط التالي تفضلوا شاركو معانا
http://www.q8yat.net/showthread.php?p=6262253&posted=1#post6262253

 

[Eng.shosha]

بدووووووووووووووره رحت المعرض وشفت أخووووووووج

شريت العالم الآخر + زيارات ليلية + 17 + الأبعاد المجهولة 2 .. ووقع لي عليهم كلهم لوووول


ما قريت ولا شي .. ودي اقراهم كلهم بوقت واحد من الوناسه لوووول .. ببدي أول شي بـ 17 وأقول لكم راايي فيها

 

[pure feminine]

ونااااااسه اليوم رحت المعرض وشريت كتب احس كنت عطشاااااااااااااااااانه كتب


وطبعا اول ما دشيت سييييييده على مكتبة دايموند امي تلحقني تقوول شفيج من ادورين لووووووووول
المهم شريت زيارات ليليه و17 وقريت الاول وااااااااو روعه دشيت جوو حدي بالقصه واخرتها صددددمه اصلا القصه مشالله ادل على ابدااع الكاتب وخياله الواسع شلون طرت عليه << هع هع

بس صج ابدااع

واحلى بوووسه لخواته المتواجدات معانا اهنيهم على اخووهم

 

[pure feminine]

ام عبدالمحسن متى كنتي بالمعرض هع هع يوم اروح ماكان موجود اهو الساعه 6وشي تقريبا