تجمع الكويتيات المغتربات باستراليا

[Australia girl]

صباح الخير بنوتات

 

[مشتاااقة لامي]

هلا استراليه
اي صباح الخير الا عصر الخير
اتغشمر وياك
وشلونج عساج بخير
انا قاعده هنيه احرس التجمع من الحراميه خخخخخخخخخخخخخخخخ

 

[مشتاااقة لامي]

الا باسالك استراليه انتي اللي ناويه تجي ادليد

 

[* بنت المطر *]

هااااااااااااي صباح الليل _ رحت الطبيب اليوم ذبحتني الحساسيه مادري من جوهم ؟؟ والا شنو ؟؟ قعدت تهذر علي الدكتوره

مافهمت شي خخخخخخخخخ _ شخباركم يابنات ادليد تبون نجي نسكن عندكم ؟؟؟ زوجي دوامه مويوميا

ونفكر نروح نسكن بالقولد كوست _ اشرايكم اهون واجي عندكم ؟؟؟

 

[مشتاااقة لامي]

اي والله كويتيه
تعالي عندنا خوش بلد ههههههههههههههههههه

كيفك؟؟

 

[مشتاااقة لامي]

وينكم بنااااات
انا قعدت اليوم عالتجمع قريته من اوله الى اخره
هههههههههه وسعت صدري بسواليفكم وتعرفت عليكم اكثر
مزعجه>>>>>بانطرد

 

[Australia girl]

اهلين مشتاقه ..اي ان شالله راح ايي ادليد انا حاليا بسيدني وراح ننتقل عندكم زوجي وده يغير جامعته يبي يدرس بفلندرز وانا بعد اذا الله قدر يارب يارب يارب ....

كويتيه خاطج السو يالغاليه ديري بالج على نفسج ..تره جوهم يمرض ماتعرفينه من حر لا برد


مشتاقه جم صارلج هني وجم عمرج

 

[مشتاااقة لامي]

استراليه
انا لي هنا من نهايه ابريل يعني تقريبا 6 شهور
وتوني صغيرة:eh_s(9):عمري 26 سنه
وعندي ولدين
مرافقه مع زوجي وان شاء الله ادرس
زوجي في فلندرز
تعالي اسكني جنبي :eh_s(6):

باقي البنااات وينكم:0bee2e8d89:

 

[Om_il3ubed]

والله العموم يدرس بالجامعه الي انا فيها شي جميل


شلونكم ؟

 

[* بنت المطر *]

اهلين ام العبد زين بينتي متى السفر ؟؟ واستراليه هم انتوا متى سفرتكم ؟؟

استراليه انا جسمي حساس حيل والجو ذبحنا استغفرالله يوم حر ويوم يرد علينا الشتا _ وتدرين هنيه مافيه خدامات

وعيالي والله تصدقون اقعد ساعه انظف وارتب دقيقه والا عافسين البيت فوق تحت صج تعبت عاد انا

متعوده ع الرباده خخخخخخخخخخ حتى بالكليه اقزر الكورس بمادتين ثلاث ههههههههههههههههههه

شخبارج ام العبد شلون الوالده ؟؟ شلونها بالتمشي هنيه ؟؟ شلونكم بنات مع اسواقة السكان باليمين

لووووووووووووووول قولولي اول مره سقتوا اكيد خرتوها نفسي ههههههههههههههههه يالله خن نضحك

مشتاقه استغلي وجودج هنيه وطلعي ليسن وتدربي وحده سعودية مره قالتلي ان السعوديات هابات

بهالحركه برا السعوديه

 

[Australia girl]

هلا ومرحبا بالغاليه انا بخير الله يسلمج ان شالله حاجزين تاريخ 26-11 على تايلند ونقعد هنا 9 ايام وبعدين نرد الكويت يعني اكون بالكويت 6-12 باذن الله ..عاد تدرين اخاف كلش ما اشبك لارحت الكويت حدي راح التهي بس راح اشتاقلكم الاكيد...

وبالنسبه للسواقه انا قياده الحمدالله صارلي 7 سنين اسوق فا عادي عندي ونوعيتي راكده حيل لاسقت ..اول 3 ايام ماسقت كنت اشوف زوجي شيسوي وطبعا شوفي الضحك كل شوي داش على الامه وانا فاطسه يمه ..بس لما سقت تداركت اخطائه واهوه منصدم مني ويعترف اني اسوق احسن منه خخخخخخ

مشتاقه لامي : العمر كله انشالله زين انتي تقريبا بعمري انا اصغير منج بسنه ان شالله 12-12 ادش 25 عقبال الالف فديتني
وزوجك شنو تخصصه يمكن نفس تخصص زوجي ويصيرون ربع وانا وياج بعد وشنو ددراستج تقولين تبين تكملين مو؟؟؟

ام العبد من وين طالع القمر....متى راده الديره انشالله وماقلتيلي شلون الاجارات عندكم ...

 

[* بنت المطر *]

استراليه كل عام وانتي بخير مقدما وعقبال الميه _ احتفلوا بعيد ميلادج مبجر بتايلاند عشان يصير له طعم

وانشالله يارب مايجي عيد ميلادج الا انتي محلله وحامل باذن واحد احد بالتوم اللي تتمنينهم يارب ياكريم يرزقج ولايحرمج ..

قولي اميــــــــــــــــــــــن

 

[girl_in_abottle]

مشتاقة لامي انا ساكنة قبالك عند باب الماريون هههههههههههههه


اشرايج نروح فلم مايكل جاكسون هل السبت في الماريون قبل لا يشيلونة؟؟

استراليان غيرل : نستقبلج ان شاء الله بأدليد
والله يسهل عليج يارب

 

[مشتاااقة لامي]

صباح الخير

واحيرا طحت عليكم
كيفكم بنااااااااات ؟؟؟؟؟؟
توني قعدت من النوم واشرب كوب نسكافيه يم يم يم

ام العبد: شلونك؟؟
استراليه زوجي تخصصه هندسه كهربائيه يدرس ماستر
كويتيه:
شلونك ؟؟ اقول كم اعمار عيالك
والله انا مدخله الكبير حضانه لانه بنجن انا وياه لو بيقعد هندي في البيت

 

[مشتاااقة لامي]

مشتاقة لامي انا ساكنة قبالك عند باب الماريون هههههههههههههه


اشرايج نروح فلم مايكل جاكسون هل السبت في الماريون قبل لا يشيلونة؟؟

استراليان غيرل : نستقبلج ان شاء الله بأدليد
والله يسهل عليج يارب

هههههههههههههههههههههه الله يسعدك ياشيخه
انتي متزوجه ؟؟ولابنوته
عاد تصدقين على كثر روحاتي للكاريون ماعمري دخلت السينما تدرين ليش؟؟؟؟؟؟؟؟
:s141:
عيالي وين اوديهم :080402ask_prv:
واساسا انا كلش مااحب السينما لادخلت بعد ربع ساعه تلقيني اشاخر هههههههههههه انام هههههههههههههههههه

اقولك ياعسل عطيني اختصار لاسمج عجزت الاقيه له ولا دلع

 

[مشتاااقة لامي]

بناااااااااااااااااااااااااات ادليد
الله يسعدكم ويخليلكم احبابكم يااااارب

مين تعرف مكان اقص فيه شعري بس يناسب المحجبات ؟؟؟؟
وياليت يكون في الجنوب
خاطري اقص شعري قبل ماانزل

 

[* بنت المطر *]

صباح الخير ... مشتاقه ماشالله تقعدين بدري مره <<< اشرايج باللهجه لوووووووووول اعجبج

تصدقين انا نفسج بعد بقص شعري هنيه قصاتهم عجيبه وبصبغه بعد يعني بسوي نيولوك _ انا ناويه ع الكاريه اليديد اللي اطرافه

الاماميه طويله شوي _ بس انا المجمع اللي قدامي ماشالله فيه يمكن 10 صالونات هههههههه احترت بينهم مادري ايهوا الاحسن

فيهم !! وتركيب الاظافر بنات عندهم عجيب قارنته باسعارنا اهما ارخص بوايد ان شالله بركب قبل لااسافر

انا ركبت بالكويت عند جاك ب 30 دينار وتكسروا ثاني يوم وركبت عند شارمل والشرقيه 25 اما هنيه 11 دينار

بس _ خليكم اقتصاديين اللي عندها مناسبه بالكويت تركب ترا حلوين لوووول

 

[* بنت المطر *]

مشتاقه عيالي اسم عليهم الولد 4 ونص والبنت 3 ونص _ ومريحه من فتره عن الحمل لاني يبتهم ورا بعض

وطلعولي قرون هههههههههه وتصدقين وودي موت ادخلهم حضانه بس شنو هذا رحنا حضانه قريبه من بيتنا

اسعارها خياليه لا وعلى وقت مايسوى _ انتوا شلون حضانتكم كم ياخذون منكم فيديني تكفين بهالسالفه !!

بس ماشالله عيالي بدوا يتكلمون بعض الكلمات الاجنبيه اسم الله عليهم انتي كم اعمار اولادك بنات والا صبيان ؟؟

 

[مشتاااقة لامي]

هلا كويتيه

انا ولدي الكبير عمره 3 ونص
بس دخلته اقرب حضانه لي وحليوة بس اكتشفت انها ارخص وحدة مع انها وسط المول وموقعها رهيب والاقبال عليها اكثر
اليوم كامل من 7 الصباح الى 6 المساء 50 دولار واغلب اللي شفتهم 67دولار
ونص يعني بعد الظهر ب25 دولار
صرت ادخل ولدي الظهر يجي ابوه يوديه واحيانا انا اوديه يلعب ويوسع صدره وصار يعرف شوي انجلش
واروق انا وابو الشباب في البيت هههههههههههههههههههههههههههههههههههه
انتي شكلك رحتي للكيندي هذي دوامه كلش مو زين 3 ساعات بس وفي وقت ميت يعني تونا صاحين من النوم وهو ماله خلق يطلع
يعني من 9 الى 12
انتي روحي شوفي التشايلد كير تلاقينها منتشره حييييل
خذي الدليل البلو بيجز ودوري في السكول بتلاقين كثييير شوفي اللي جنب منطقتك واتصلي عليهم او روحي افضل وشوفي المكان
وحاولي تاخذين سعر افضل
واذا احتجتي شي انا حاضرة من عيوني

 

[Australia girl]

Hello girls

whats up

يعني منهم خخخخخخخخخخخخخخخخ

شلونكم ياعسولات ..كويتيه بعد عمري مشكوره على الدعوه وامين امين امين الله يسمع منج يارب

مشتاقه بسميج مشمش..اشرايج وكويتيه كوكو ..وانا توهقت انتوا دلعوني ..لوووووووووووووووول

girl ::: انشالله اييكم ونتعرف على بعض عاد غرامي السينما ..

مشمش انشالله انا وصديقتي سعوديه راح نيي عندكم يعني نبي استقبال بالورووود والبساط الاحمر ...