تجمع الكويتيات المغتربات باستراليا

[Om_il3ubed]

زين ان العبد اي ورق عنب تاخذين؟ تصدقين ماشفت بالوول وورث والله بخاطري اسويه عاد والله اضبطه وزوجي يموت عليه

وياحلو سوات البيت لاياج حار !! شكلي يوعانه ذبحني الريجيم خخخخخخخخخخخخخخخخخخخخخخخخ

انا مره اخذته من عند البقالات العربيه
وهالمره حصلته ب coles صوووب الرفوف الي فيها اشياء الصينين وجذي

 

[* بنت المطر *]

girl_in_abottle لوووووووووووووووووووووووووول

انكي تتابعبن بصمت ؟

 

[* بنت المطر *]

تسلمين ام العبد ادري اذيتج بسالتي

بس امون صح ادري امون _ تدرين انتي والاستراليه بترجعون الكويت وبقعد انا بهالتجمع بروحي:0bee2e8d89:

 

[Australia girl]

ياحليلج كويتيه ..جاكتها ..صج girl_in_abottle شنو تخصصج وجم صارلج هني

 

[Australia girl]

كويتيه افا عليج ..انا ماراح اهد هالتجمع ..وصج اذا تبين شي من الكويت اييب لج وادزه دي اش ال ...

 

[Om_il3ubed]

تسلمين ام العبد ادري اذيتج بسالتي

بس امون صح ادري امون _ تدرين انتي والاستراليه بترجعون الكويت وبقعد انا بهالتجمع بروحي:0bee2e8d89:

لا حبيبتي ولو شدعوه سالي من اليوم لي بعد نص ساعه لاني راح اروح انام لوووول

لا ان شاءالله ما اقطع عن هالتجمع بس اصير استراليه سابقه

 

[* بنت المطر *]

هههههههههههههههههههههه يحليلكم والله قمت احس صرتوا نفس خواتي بعد عمري استراليه ابي سلامتج

انتي متى بترجعين استراليا اي شهر ؟

ام العبد شنو شعورج بعد 4 سنين باستراليا وفجأه بتروحين ولا انتي راده من غير شر ؟

 

[Om_il3ubed]

والله مادري تصدقين... خايفه شلون برجع الكويت واتاقلم... يعني تعودت اني اكون هناك ضيفه...
والحين استقرار احس صعب بس هم شعور حلووو لاني مليت وانا نصي هني ونصي هناك لوول الحمدلله وناسه اني اخيرا بحقق حلمي واخذ شهادتي وهم راح اشتاق حق هالمكان مع انه صعب كان بس تدرين عشت فيه 4 سنين.. وفيه هم حملت بضناي الغالي.. يعني احلى ذكرى من هني لوووول

وان شاءالله عقبااال ما ادزلكم صور ولادتي :d

 

[Australia girl]

ام العبد امين يارب تولدين بالسلامه

كويتيه افا عليج اكيد خوات احنا ..انا برد استراليا اول 3 يعني الاجازه كلها بالكويت ..وانشالله اييب قبولي وادرس يارب يارب يارب

 

[Om_il3ubed]

ان شاءالله ياارب

 

[* بنت المطر *]

الله يوفقكم ثنتينكم . ام العبد بعد الولاده تعالي استراليا وتعاليلها كل صيف شوراج ؟؟؟

تصدقين يمكن لم تيين سياحه يصير للديره طعم ثاني .

 

[Om_il3ubed]

الله يوفقكم ثنتينكم . ام العبد بعد الولاده تعالي استراليا وتعاليلها كل صيف شوراج ؟؟؟

تصدقين يمكن لم تيين سياحه يصير للديره طعم ثاني .

تصدقين والله فكرت.. بس اكيد مو منطقتي اروح سيدني وملبورن وبرزبن... بس هم مشروع مؤجل الحيين لان بعد الولاده برجع الجامعه على طول وعلى ما اخلص يبيلي سنتيين ان شاءالله

 

[Om_il3ubed]

حان وقت النوووم

تصبحون على الف خييير

 

[* بنت المطر *]

وانتي من اهل الخير _ نوم العوافي

 

[Australia girl]

وانتي من اهل الخير حتى انا بشوف مسلسل عمر الشقا وانام ...

 

[Om_il3ubed]

شتسوووون

 

[* بنت المطر *]

بنات اليوم عرس بنت اخوووي _ من اليوم موعلى بعضي ... ودي اغمض وافتح القى نفسي عندهم

كلموني توه وعوروا قلبي كلهم رايحين وياها الصالون كل خواتي واهيه كلمتني تبجي تقولي تمنيتج معاي

بنات قلبي يعورني ومن اليوم ابجي .. وبنفس الوقت فرحانه لها من كل قلبي _ اليوم صعي علي !!!

 

[Om_il3ubed]

كويتيةباستراليا

لااا حرام لا تسوين بعمرج جذي... انتي ادعي الله يوفقها بهاليوم.. دعاء المسافر مستجاب باذن الله
والله يوفقها ان شاءالله وعقبال تكونين موجوده يوم ولادتها

 

[Australia girl]

الف الف مبروك حبيبتي وعساها تتهنى مع زوجها يارب ..ومثل ماقالت ام العبد دعوة المسافر مستجابه باذن الله ..وحاسه فيج انا كذا مناسبه كان ودي اكون مع الاهل بس شنسوي....

ام العبد شلوووووووووووووووووونج:tek: ..؟؟؟ شكلنا بنسوي عندكم لجوء تعليمي ..لوووووووووول:ggdw:


بدش على موقع جامعتكم واشوف اذا في نفس تخصصي ..يارب القى وصج شكثر باقيلج على ماتخرجين ..وانتي بكالريوس صح؟؟؟

 

[Om_il3ubed]

انا باقيلي شهر واتخرج اي بكالريوس..

شوفي توني قاعده اقول حق ريلي... اذا بيون هني عشان الخليجين.. ترى ماكو وايد... بس اذا بيون لان منحاشين من التعليم هناك فاهني احسن مكان لان الدكاتره وخصوصا في جامعتي اذا شافوووج ملتزمه والله يحطونج على راسهم وتددلين... يعني مثلي امتحاني المفروض 20-11

كلمتهم خلوه 16-11 عشان اسافر 18 لووول يعني ايننووووووون

وشوفي هذول مواقع الي تشوفين فيهم السكن

عندج هذا www.studentlivingaustralia.com.au
هذول شغلهم كله سكن طلبه وشغلات صغيره و ملمووومه

وعندج هالموقع الي فيه كل الانواع السكن
http://www.realestate.com.au/cgi-bin/rsearch?s=sa&t=ren&snf=rbs&a=sf
وتحددين المنطقه الي تبينها ويحطون لج كل البيوت الي معروضه حاليا وبس