تجمع الكويتيات المغتربات باستراليا

[Australia girl]

بعد عمري مشكوره ياقلبي ..وعساكم ذخر يارب ..احنا بالاول والاخير عشان دراسة ريلي ..وانشالله ربي يسرها يارب ..

عاد طمنتيني من ناحية الحجاب الحمدالله كنت احاتي هالنقطه هذي بس انشالله بنسوي اوراق قبولنا مع بعض

 

[Om_il3ubed]

لا والله اذا عالحجاب ماكو احلى من نفسيتهم.. بالعكس وايد حبوبين ويتقبلون كل انوع الجنسيات وجذي.. وحتى بعضهم يشوفونج متحجبه يقولون السلام عليكم

وان شاءالله لي يتي بتحبين المكان حده هادي و كوزي على قولتهم يعني تحسين بالامان
وان شاءالله بعد تكون فال خير عليج وتحملين مثلي من بعد مليون علاج حملت هني الحمدلله

 

[Australia girl]

امين يارب ...انشالله ..وانتي اذا مافي احراج كان عندج مشاكل بالحمل ..ووين عالجتي باستراليا والا بالكويت ..وشلون طريقة علاجج

 

[Om_il3ubed]

انا الله يسلمج اول زواجي خذيت حبوب مانع
خذيتهم من هني وكانوا وايد ثقال وبعدها تخربطت الدوره و بعدين صار معاي تكيس
وهني مايعطون علاج اذا ماكملتي سنه
وبعدين التبويض صار ضعيف
وبعدها صارت البويضات ماتطلع من المبيض
سالفه يعني
رديت الكويت شهر 7 وهناك على طول عطوني كلوميد وابر وخرابيط
ورديت هني ياتني الدوره
رحت عند دكتورتي نفسها الي كنت متابعه عندها التكيس وجذي... عطتني كلوميد و الحمدلله من عقبها حملت بفضل الله الحمدلله

 

[قمر^خالد]

قوة بنات..........

سوري على مقاطعتكم .....<<<<<<

بس آنه حابه أني ادرس بأستراليا .... وآنه تخصصي أعلام _ علاقات عامه بجامعة الكويت ............
وحدي محتارة ...

أدرس بكالريوس أهني وأخلص بعدين أقدم أوراقي حق وزارة التعليم العالي وأدرس ماستر برا .......
ولا أدري البكالريوس بأستراليا أشرايكم ..؟؟؟؟؟؟......

وتوني دشيت الموقع وحطيت موعد للتسجيل بالبعثات .. تاريخ 13-10-2009 يوم الثلاثا قلت أروح أستفسر أكثر من هناك ........

وآنه صارلي سنه من تخرجت من الثانويه ......... بليز ممكن اأتساعدوني

 

[Australia girl]

والله ماعندي فكره بس انشالله ام العبد تساعدج ..انا عن نفسي درست الجامعه بالكويت والماستر بحيل الله استراليا

 

[قمر^خالد]

مشكوووورة حبيبتي

 

[Om_il3ubed]

والله شوفي اذا معدلج مرتفع قدمي على بعثه الحين احسن.. لان تضمنين انج تكونين على حساب الحكومه... الماستر شوي يبيله عباله اكثر

 

[قمر^خالد]

أوكي آنه رايحه الثلاثا وبشوف شنو يقولولي ... وأنشالله خيييييير

 

[* بنت المطر *]

هاااااي بنات : بنات ترا قمر خالد ضيفتي عاد ها بيضوا الويه _ ام العبد مشكوره حبيبتي للرد ع الضيفه

استراليه : سويتي للضيفه قهوا وحلا ؟

 

[قمر^خالد]

حبيبتي يا كويتيه بأستراليا وأشكر كل البنات اللي ساعدوني وتحملوا أسألتي .........................

 

[قمر^خالد]

بس انشالله يوافقون حق ريلي ... أيي معاي مرافق ....... لأن بالدفاع ويشتغل أبمكان حساس وااايد ... ياااااااارب يوافقون ..........

 

[Australia girl]

كويتيه للحين سهرانه .......

 

[Australia girl]

قمر خالد ..اذا تروحين التعليم العالي احسن..وجهزي اسالتج كلها عشان لاتنسين ..لان التعليم العالي كل مره يكون لهم راي وشروط مختلفه

 

[قمر^خالد]

بنات جم الساعه عندكم ؟؟؟؟؟؟؟؟؟؟ بالكويت الحين الساعه 11 وخمسين p.m

 

[Australia girl]

شوفي مناطقنا تختلف عن بعض بو ساعه ساعه ونص ...انا عندي الساعه 7 الصبح فرق عن الكويت 8 ساعات

 

[قمر^خالد]

أنزين شنو الأوراق اللي آخذهم وياي ..............؟؟؟

آخذ الشهاده والبطاقه المدنيه وقالولي شهادة لمن يهمه الأمر من الجامعه عندي ...........

يارب تتسهل أموري وريلي يوافقوله .. أييي معاي ....؟؟ ويتحقق حلمي بأدارة الأعمال

أدعولي بليييز

 

[Australia girl]

أمين يارب ..العالمين ..الشهاده اوراقج الثبوتيه من بطاقه مدنيه وجواز ..وانا اتوقع راح يحوولونج حق مكتب مختص بالتعليم باستراليا لا مافي بالكويت سفاره فا هم اللي يسوونج الفيزا ويراسلون الجامعات الاستراليه ...انتي بس شوفي الجامعه اللي يكون فيها قبول من التعليم العالي واهمه يوجهونج ..وما اعتقد من اول مره يصير شي بس استفسار ..اهم شي جهزي اسالتج بورقه عشان ماتنسين شي ..واذا تبين نصيحه اذا شفتيلج خوش بنيه بالتعليم حاولي تاخذين رقمها عشان اذا بتسالين مايحتاي تعنين عندهم

 

[قمر^خالد]

أوكي مشكووووووووووووووووووووورة

والله ماني عارفه شلون أشكركم صج ساعدتوني وتحملتوني

 

[قمر^خالد]

صج راح تصك فيني الدنيا أذا ريلي ما وافقوله ... قاعده أحاتي!!!!!