تجمع " الله يحفظج يا كويت" في ساحة الإرادة

[مهاوي 26]

سنة الهيلق: ان خلقا من اهل فارس اصابتهم مجاعة وجاء عدد كبير منهم الى الكويت وسموا بهذا الاسم،وقد قام اهل الكويت بالاعمال الجليلة من اطعام المساكين وانقاذهم من التهلكة حتى فرج الله لعباده، وقد بلغت الحالة ببعض اهل فارس ان باعوا بناتهم، وشربوا الدم، كتاب تاريخ الكويت.

هذي بوسه على راس اللي جابج:ggdw::ggdw::ggdw:​

 

[يـاسمينا]

اليوم تجمع ولا دي جي ؟؟؟

اغاني وبنات ومكياج وشعور ومصخره ولبس ضيج

عكس تجمع امس رياجيييييييييييييييييييييل وحريم مسترات

عيب عليج هالكلام
احنا بدوله ديموقراطيه وكل واحد حر بلبسه وشكله
مو انتي اللي تحكمين عليهم بكيفج
هذي حريه شخصيه انتي شكو فيهم ؟؟
لا تنسين ترا اللي يتكلم بأعراض الناس اييلا يوم الناس تتكلم بعرضه !

والتجمع اليوم كان فيه رياييل والنعم فيهم وانا شفت بعيني
الا جان انتي تتكلمين وماتدرين شسالفه فهذا شي ثاني

ولاتشككين بولاء اللي يعارضونج بالراي
ترا كما تدين تدان

 

[يـاسمينا]

حسبي الله ونعم الوكيل في كل من يأجج الفتنه بهالمنتدى ,
الفتنة نائمة لعن الله من أيقظها

بسكم تحرضون عالكراهيه والحقد ,
الله يجيرنا ..

 

[حريـر]

اي و الله مكياج و لبس ضيق و دي جي و غناوي شكو شنو فيه على قولة السدحان ايس فيه هههههه

حسيت حفلة ديسكو مو تجمع وطني

انا ما ادرى شالسالفة اتمشى و لا اشوف ناس اشكال و الوان من كل ديرة شايلين اعلام الكويت حتى اللى لابسين عبي و نقاب شكلهم مو عارفين يلبسونه عدل صاير على صوب

بصراحة شكيت بان الغالبية مو كويتيين حتى اللي لابسين دشاديش من الملامح باين و الكلام الدم ينطق يقول انا مو كويتي

و اللي تقول مصافط ما في و الله ما قالت الصج شفت بعيني اصلا رحت اتمشى بمكان ثاني و رديت لقيته نفس الشي كله اسيوين و وافدين و المصافط فاضية فاضية و الشرطة ما تمنع احد ابد عكس التجمع اللي قبله ما فى مكان و لا مصافط و الشرطة تصعب على الناس و تسد المواقف

يبا نبي الديرة تسنع بس ملينا

الكل يقول ارحل

ربي يحمي ديرتنا من كل شر



الله يهدم قناة سكوب على راس اهلها و لا يطلع منهم واحد يا رب يا كريم

و اللي فيه خير اصلا ما يشتغل بهالقناة و لا يرضاها على نفسه وعلى كرامته


ياسمينا بلا زعل اعتقد عرفتي راي الشعب و وين الصح و اللي يحب الكويت و الأسرة الحاكمة يقول الحق لمصلحة البلد
​

 

[ميمي الحلوه]

الحين انا ابي افهم ارتفع علم السعودي على قولتج بالمجلس

يعني خلاص اللي اقتحمو المجلس سعوديين؟؟

السعوديين شيجبهم من المملكه علشان مجلس الامه؟

ويمكن واحد نيتة سيئه رفع العلم علشان نظن هالظن؟ تدرين انتي؟

وبعدين طلعت الاسامي البنات يقولون لج كلهم بدو وحضر محد قال سعودي؟؟


السعوديه نظل نشكرها ومانوفي حقها باللي سوته بديرتنا الكويت فترة الغزو؟ ليش قمنا ننسى المعروف واحنا كويتين نعرف الاصول ماننسى الطيٍب ولا الناس اللي سوت لنا هالجميل


الله يحفظج ياكويت​

 

[سفيره الكويت]

سؤال لمؤيدين الشيخ ناصر المحمد ماذا حققت حكومه ناصر المحمد خلال 10 سنوات؟؟؟

انظرو للمرافق الحكوميه؟؟؟

انظرو للمرافق الصحيه المتدنيه؟؟؟

المستوى التعليمي الهابط بالكويت؟؟؟

اين التطوير؟؟؟

اين قطاع السياحه؟؟؟

اين اعمال وزاره الاشغال ؟؟؟

لماذا ازداد البوق بعهده؟؟؟

انظرو لسالفه الرواتب وتخبط الحكومه وعدم دراسه الموضوع ادت لمشاكل كبيره واعتصامات؟؟؟

الى متى ياناصر المحمد ارحل الكويت تستحق الافضل!!

 

[سفيره الكويت]

اتمنى من مسلم البراك وربعه ان ينقذوا مايمكن انقاذه ونشكرهم بالضغط على الحكومه بسالفه زياده الرواتب وغيره هالحكومه البخيله


بس شاطره تبوق وماتعطي الشعب يكفي تخبط

 

[MORA^MORA]

@Alfadala أخوي خالد ليتضح لك تخبط الحكومة وسوء الإدارة، فإن اسمي موجود ضمن الأسماء التي مشرتها سبر، مع العلم أني لم أكن متواجدا وكنت مريضا!
هذا ثاني واحد بالتويتر ينفي وجوده بالتجمع مع ان اسمه نازل بسبر

ماشالله في بنات مستذبحين علي الدفاع عن السعوديه وقعد يستهزئون بشعبيه اميرهم وحب الشعب حقه
بس شنقول مزدوجين ماكو فايده

 

[مقمش لولو]

عمرنا ماراح نتخطى الازمات دام هذا اسلوبنا؟

الكل له اخطائه الحكومه واعضاء مجلس الامه الكل اخطأ المفروض الحين يتعاونون على حل الاخطاء وبناء الكويت


واهم شي بناء الانسان الكويتي تأسيسه تربيته من يد ويديد هذا شي


الشي الثاني اللى احب اوضحه ان المملكه العربيه السعوديه اكبر بكثير من اى كلام

يقال ابناء عمومتنا يعنى بينا وبينهم دم هذا يكفي محد يقدر يسوى فتن بهالشغله

اللى ماحبيته كلمه قالها الطبطبائي عسي الله يسد حلجه((((قال أرحل ياسمو الامير))) رحل حسك قول امين

لو ترحل انت واشكالك احنا بخير


بعض الخوات مادرى ليش يقولون(( رياجيل)) رجاجيل او رياييل رياجيل من وين يايه؟

 

[للحين ناطره]

هذي بوسه على راس اللي جابج:ggdw::ggdw::ggdw:​

تسلمين يالغاليه
خل كل واحد ايعرف معنى الكلمه قبل لا يقولها

 

[om al ghaleen]

لوووووووووول كويت حره فضحتيييهم
امبيييه ماتسوى عليييهم

فضيحه شنو ؟ وليش مستانسه انها فضيحه:eh_s(10):
رفع علم الكويت ومبابعه بابا صباح فضيحه ؟!!

اتمنى تجاوبين ع سؤالي

بالنسبه للخدم والوافدين والجنوس والبويات
حبهم يعبرون عن حبهم وولاءهم للكويت بينت بعيونهم والله اصليييين ..

اما الفضيحه انه مو ولد الديره وماكل من خيرها ويتطاول ع حكومتنا وخيرنا ويتهجم ع دستور الكويت .. آمثال فدعوس :krkrkr:" اهنيه تضحكين عدل من القهر !!

فعلا اذا اكرمت اللئيم تمردا وصح لسانج يافوفو

 

[سمسمة كويتية]

لاحول ولا قوة إلا بالله

مو منى صجكم بنات !!!!!!!!!!! يعني لازم تقلب هواش و لازم مستوى الكلام ينحدر لما الموضوع يتسكر

أنا حطيته و كان قصدي أنقل خبر حلو لكم عقب ما شفت الناس مستانسة على قناة الوطن يهتفون باسم الكويت و باسم الشيخ و متجمعين

ليش قلبت هواش ؟و الي تقول كله وافدين و الي تقول ماكو رياييل و الي تقول مو كويتيين
عيل الي شفناه بالتلفزيون شنو نكذب عيونا و نصدقكم

بعدين التجمع اسمه الله يحفظج يا كويت و فيه تجديد البيعة للشيخ صباح أنا مالي شغل بناصر المحمد و لو أدري ان الموضوع بيقلب جذي جان ما حطيته

تدرون و أنا أشوف قناة الوطن أمس كل ما حطو اعلانات كنت اقلب على قناة مصر بس ابيكم تشوفون هالصور

بالمقابل بديرتنا الله يحفظها و بنفس الوقت

 

[سمسمة كويتية]

ها شرايكم ؟؟ شفتو الفرق
ياناس ليش ما نحمد ربنا ليش
في احد عايش بالنعمه الي احنا عايشين فيها ؟؟
بذمتكم عمركم طبيتو دولة و قلتو هني أحسن من الكويت؟؟

ما في أحلى و لا أغلى من هالبلد
شوفو الناس شقعد يصير فيها محرومين من نعمة الأمان
واحنا الحمدالله طول عمرنا عايشين بأمن و أمان و عمره ما نقصنا شي بس ترى النعمة زواله ديرو بالكم و حطو الكويت بعيونكم
و يليت كل وحدة تدش الموضوع عشان تتهاوش تفكر شوية قبل لا تتكلم و خل تدعي حق الكويت بدال لا تتطنز و تعلق و تتحلطم

 

[زوجي توأم روحي]

وانا من صجى احلم ان العرب يتحدون بويه امريكا واسرائيل ههههههههههههههههههه

واحنا على مستوى ديرتى الصغيرة متفرقين


لازم انسى هالحلم

 

[سمسمة كويتية]

شفت صورة الشايب المخطوف. من قبل شباب الثورة

ولكن لماذا تم خطف هذا الرجل العجوز والركض به بانحاء القاهرة ؟

الصورة يظهر فيها شاب يحمل شيخا مسنا يحمل عصا ويقله بعيدا عن الغازات المسيلة للدموع

سويتيها اختطاف ؟!!!!

يليت الواحد يتأكد قبل لا يقول اي شي

 

[النك نيم]

والله علمي علمج
بس ما أتوقع انه هالسؤل مهم !!!
عموما شكرا على المشاركة

بالعكس الرجل العجوز هو رمز لشباب الثورة ، ودخلت قوقل واتضحت لي حقيقة هذا العجوز

فلا زال هذا الرجل العجوز محمولا على الاكتاف ويتم اللف به بكل شارع وبكل زنقة بالقاهره

وتخيلي لو احمد السعدون تم حمله على الاكتاف. والركض به بخطوه سريعه بشارع الخليج

حتما ستصل رساله قوية الى الحكومه

 

[سمسمة كويتية]

أوكي شكلج يا اخت نيك نيم تبين تخربين الموضوع

عموما كيفج و كل واحد يتصرف بأخلاقه
و أنا عن نفسي اعلن انسحابي من هالموضوع و متحسفه اني حطيته

 

[dantella]

تسجيل الاسامي علشان العشرين

عفوا بس هذي حمله تواقيع سمعت انها عشان رفع قضيه على الي اقتحموا مجلس الامه