تجمع اللي بيتركون التدريس باذن الله سواء يالتحويل او الاستقاله

[Turquoiseya]

هيلا هوووب

 

[ToOoTi]

بنات ممكن استفسار


اللي تستقيل لها مكافاة نهاية خدمة ولا ماكو ؟؟؟

 

[Turquoiseya]

اللي اعرفه يا توتي
ان اللي تكمل عشرين سنة او خمس عشرين وبعدها تتقاعد يعطونها مكافأة واهي معاشات سنة كاملة تقريبا 12000 دينار
اما المستقيلة لأ00 الا اذا طالبت بفلوسها من التامينات بس تروح عليها سنوات الخدمة

هذا اللي اعرفه

 

[أحلى^حياه]

خخخخخخخخ ضحكتيني

 

[Turquoiseya]

شنو اللي ضحكتج فيه؟
ابي اضحك بعد

عندي نقص ضحك هالايام

 

[ToOoTi]

مشكووورة تركوازية

على المعلومة

 

[Turquoiseya]

welcome any time

 

[CrystalQ8]

السلام عليكن

اخباركم ياطفشانات شلون الوضع عقب الوزير الجديد

 

[Turquoiseya]

للحين راسي ميبس
مابي اغير رايي بالتحويل حتى لو زادوا الكادر وغيرزا الوزير

اذا غيروا توجيه الانجليزي وكسروا روسهم ذيك الساعة اقعد في التدريس

 

[usgirl]

يا حليلكم
اشلونكم واش اخباركم
اهلي طاحوا فيني
يا الخبله استقلت وراحت عليج البيزات
انا ما صدقت ان المليفي بزيد المعاشات مع ان هاذي الزياده المدنيه مو الكادر
المهم اذا مثل ما وعد بخفف من شغل المدرس يمكن احتمال ضيف ارد بس بزيدون معاشنا وبزيدون معاه الكرف لا يوبا ما ابي
وزوجي يقول ما تردين تدريس لو شنو
يقول تو ما رد ويهج وتحسنت نفسيتج مالي خلق نكد
بيني وبينكم اغرتني الزياده بس كل ما اتذكر الهم والغم اللي كنتت فيه اقول لا
انا اصلا من استقلت خف قولوني وزاد وزني
قمت اطلع واروح زواره مثل البشر
اطلع وع زوجي افرفر
قبل كله مشغوله او تبانه او متخانقه

بصراحه مو ندمانه لاني استخرت ربي اللي بحيله بيرزقني

 

[كااات]

بنات أنا عندي فكره بدال هالتحلطم والكلام اللي ما يودي ولا يجيب ،، ادري بتستغربون او يمكن تضحكون من فكرتي بس جد أحس راح يصير لها نتايج حلوه
الفكره هي

نتجمع احنا ياللي كارهات التدريس ونحدد يوم نروح فيه لمكتب الوزير ونحاول نقابله شخصيا ، نشكيله ظروفنا ونقوله يسوي حل لهالمشكله ويفتح باب التحويل للعمل الاداراي
شراااااااااايكم؟؟ قولولي رايكم

 

[Turquoiseya]

كات
ماعندي مانع
ونشرح له الكرف الزايد شسوى فينا
خصوصا انه يلحقنا في بيوتنا واثر على حياتنا الاجتماعية والنفسية

الحمير اللي في التواجيه لازم ينحط لهم حد 00 اذا تعدوه ينطقون على روسهم

ياريت الوزير يقابل المعلمات اللي استقالوا ويسالهم عن الاسباب 00 ويعالجها
احنا مو منحاشين من التدريس احنا منحاشين مني اللي متربع على الكرسي ولا طالع ورايح ومستانس ومنغص عيشة المعلمات بالاوامر اللي اهو بنفسه مايقدر يطبقها لو اسبوع

 

[شموخ الهنوف]

السلام عليكم ...


تراني اول سنه وكاااااااااااااااااااااارهه التدريسسسسسسسسسسسسسسس

بس لما تفكرون فيها شهادتج تربية حتي لو حولتي اداريه للحينج بسور المدرسه


تدبسنااااااااااااااااااا قولوا الله يهون علينااااااااااااااااااااااااااا بس

 

[غزلان الكويت]

حلو اقتراح للي قالت نتجمع انا معاااااااااااكم يالله حددونا يوم نروح يالله بنات قبل الاجازه

 

[Turquoiseya]

بنات
كا انا كاتبة عن توجيهنا في هالموقع ويقولون ان هالموقع اهو للتواصل مع الوزير
كل وحدة تشتكي على توجيهها وادارتها

http://forum.moalem.net/showthread....علمات-الانجليزي-دائما-في-حهنم-00-ارجوك-انقذنا

 

[كااات]

يلا بنات نبي حماس وتشجيع وكلمة وحده

 

[CrystalQ8]

صرررررررراحه صدمني الوزير ليش جذيه يلعب فينا

 

[CrystalQ8]

تركوازيه متي بتقدمين تحويل يصير اول السنه

 

[love^angel]

انا استقلت شهر ٦ الي طاف صج صج صج راحه نفسيه لا ضغوط ولا مليون واحد فوق راسج ولا توجيه ولا تحضير ولا ولا ولا والله نفسيتي تعدلت وايد والحين ناطره اسمي بديوان الخدمه والناس اذوووني متى تشتغلين ومتى تشتغلين صج لوعو جبدي جنه اهمه الي يصرفون علي والحين يقولون ردي التدريس عشان الزياده.. مستحيييل ارد خاصة اني مدرسة انجليزي وتعععععععبت وايد بس بسأل صج الي شهادتها تربيه تنسى يوظفونها بأي مكان؟؟ ما تعرفون وحده استقالت من التدريس و اشتغلت مكان ثاني؟؟

 

[كااات]

بنات ما شميتو ريحة خبر مني مناك لفتح باب التحويل الاداري ؟ كل شي قاله الوزير ماعدا هالشي ):