تجمع اللي بيتركون التدريس باذن الله سواء يالتحويل او الاستقاله

[غراوي]

بنات انا مقدره تعب المهنه
بس في شغلات ادور براسي

وياريت الكل يرد.....؟؟

اول شي:-
الحين الناظره مو كانت مدرسه..يعني كانت تعاني نفسكم
فليش لما صارت مديره ماتراعيكم؟؟؟

فهل انتم لو يمر فيكم العمر وتصيرون ناظرات بتتعاملون مع المدرسات جذي بعنجهيه!!!!!!

ثاني شي:-
يعني انتي الحين هدا شغلج من اسمه شغل
وكاهم عطوكم كادر يبرد القلب معاش اللي توها متعينه جريب 1000
لما تردين بيتج بذمتكم ما تروحين السوق وزوارات وطلعات وبالصيف تسافرين...!!!

ليش مكبرين القضيه !!!! اوكي نوع عملج شاق بس ليش تربطينه انه خرب حياتج وهدم راحتج وصحتج

 

[love^angel]

اختي انتي جربتي التدريس؟
ترى التدريس مو بس عطله و معاش
التدريس حلو بس لو مو تعسف الادارات و التوجيه
تقولين تطلعين و تزورين هههههه شوفي حبيبتي المدرسه دااايما شغلها لاحقها يعني اي موظف لما يخلص دوامه خلاص يرد بيته يرتاح صح؟
المدرسه لأ لازم تفكر حق باجر و اذا عندها شي حق المدرسه من وسايل من امتحانات ومن فعاليات ومن و من من قالج تقدر تروح مكان لا اماكنها تصير مركز الطالب والمكتبات ومحلات الالعاب اذا كانت ابتدائي وفيها خير تتعب وتغيب ويطلع عندها باجر مناوبه ولا امتحان
باختصار وقتج مو ملكج
وبالنسبه للمعاش تقولين كادر يبرد الجبد ترى نص المعاش طاير عالمدرسه حق كل شي تعالي قطي حق القسم ولا حق المدرسه ولا حق تصوير او هدايا اصلا التربيه ما توفرلج شيييييي
اذكر واحنا صغار لما يخلص الطباشير ولا ينقصنا شي بالصف الابله تطرش وحده المخزن تاخذلها بس الحين لأ حتى اقلام السبوره انتي تشترينها طبعا هذا اقل شي انا اعطيج مثال يعني
تقولين ليش تقولون هدم صحتج و حياتج وراحتج شوفي حبيبتي لما يكون جدامج ٢٥ طالب او اكثر صوتج ينبح وانتي تشرحين و اهم مو صوبج الي تلعب باغراضها والي تسولف والي تاكل والي والي طبعا هالجيل مو مثلنا قبل كنا نخاف من نظرة الابله لااااا الحين لو تصارخين من قمة راسج محد راد عليج لنه اكثر الامهات مقوين عيالهم عالابلات وفيها خير الابله تسوي شي ولا تقول كلمه من باجر يايه الام تسفل وتصرخ حتى لو بنتها غلطانه
تعالي عاد شوفي الضغط النفسي والعصبي عالابله وانا عن نفسي شكثر بجيت بسبة اولياء امور لا اسلوب ولا منطق بس ياي يبي يتهاوش واخر شي يطلع الغلط من بنته
وفي شي نسيته انج طبعا غير شغلج بالتدريس في شغلات تسوينها حق الاداره والتوجيه وهذا كله يشفط طاقتج شفط لدرجه ساعات مافيج شده تتكلمين بالحصه و تردين البيت مالج خلق تكلمين احد
هذا كله اكلمج عن المدرسه الي تشتغل بضمير مو اي مدرسه لني شفت نماذج و بلاوي ما يستاهلون ينقالهم مدرسات وانا لو بيدي الجامعه ما اخلي احد يدش التربيه الا بنسبة ٩٠ و فوق لنه التدريس مو اي احد يمسكه مايصير وحده ماتعرف شي وغصب يايبه نسبه تدخلها الجامعه تدرس عيال الناس لنهم امانه برقبتنا خاصة المواد الاساسيه عالاقل
اذا انتي مو مدرسه جربي و شوفي او سألي اي مدرسه تعرفينها واذا كنتي مدرسه وشايفه انج مو تعبانه قولي الحمدلله يمكن ادارتج زينه او توجيهج او مادتج

 

[CrystalQ8]

اب☝

 

[غراوي]

Love angel

انا ابدن مو ضدكم لاني قاعده اكمل دراستي وخططه عالتدريس حاسب الي
بس قصدي من اسئلتي استفسار لان شفت ردود البنات تخرع

وبالنسبه لنقطة المديره ليش تتغير اذا مسكت منصبها اهيا ماكانت مدرسه ومجربه هالضيم ..ليش تتغير
وهل لو انتي تصيري ناظره بتصيرين نفسها لاشعوريا

طيب انتي قلتي وفي بعد قبلج وحده قالت في مدرسات مايردون عالادراه وتطنشهم ليش ماكلكم تسون جذي
اللي عليج تحضيرج وحصتج ودفاتر صفج

باقي الامور لاتاخذونها !!!!

 

[love^angel]

حبيبتي عادي في مدرسات يطنشون بس هذا كله مو بصالحها
بتقريرج في بند اسمه التعاون وعليه درجات اذا ما سويتي شغل الاداره يقولون انتي مو متعاونه و ينخفس تقريرج ماكو امتياز عرفتي؟

 

[اشلون يعني &]

فيه احد حول بأدارسة وتوظف

 

[طموحه بزياده]

هههههههه امبيه


انا لحين ميداني صبيان تخصصي علوم

ويييييييييييييييييييع وييييييييييييع وييييييييييييع

مابي اصير مدرسه شسوي تكفون انقذوني

يعني عادي اقدم ع شهادتي بس مو عالتربيه؟؟؟


واي تحسفت اني دشيت تربيه اساسيه

يا بنات انا شسوي ابي معاش قوي بس مابي مدرسه

امبيه كرف كرف كرف كرف وهذا انا ميداني يعني ماصرت مدرسه رسمي لي الحين امبيه مو صج

ما الوم كل اللي استقالوا ما الووووووووووومكم

انتم شريتوا راحتكم عفيه عليكم

شنو هذا انصدمت من وظيفه المدرسه ما دريت انه متعب جدا ..متعب نفسيا وجسديا

خلاني عصبيه وانا طبعي هاااديه خلاني مو مرتبه ولبسي مغبر هههههههه لا مستحيلللللللللل


شسوي مو معقوله ما اقدم عالتدريس؟

شسوي اففففف

غطله عمري

 

[اروري]

ليتني اصير مدرسسه على الاقل اتوظف بشهادتي الي تعبت فيهآ 4 سسنوات




الله يرزقنآ , ادعولي

 

[Australia girl]

بنات شنو الشروط عشان احول اداريه

 

[CrystalQ8]

شروط عشر سنوات او تقدير ضعيف

 

[بيت التوت]

بنااااااااااااااااااااات حددددددددددكم صدمتوني

رفيجتي مدرسه مستانسه آخر وناسه مقزرتها غيابات وكلا تاخذ امتيازات
والناظره اتحبها اتموت عليها لي درجة انها اذا شافت ريل رفيجتي اتوصيه عليها تخيلوا
بس مرا كنت مسيره علي رفيجتي وكان في مدرسه تتحلطم وتقول ان الامتيازات يشترونها بفلوس معقوله رفيجتي واسطتها قويه حاطه الناظره بمخباتها ومع انها غيابات
الا انها تاخذ امتيازات ههههههههههههههههههههههههههههههه بديت اشك

 

[بيت التوت]

رد: رد : تجمع اللي بيتركون التدريس باذن الله سواء يالتحويل او الاستقاله

الله يعينكم والله حاسه فيكم

انا حولت للعمل الاداري بعد خدمه وتعب وارهاق وكرف 12 سنه !!
والله احسهم مية سنه من التعب والارهاق النفسي والجسدي

انا حولت اداري بعد قناعه تامه في نفسي ان التدريس فقد اي طعم ونكهه حلوه فيه .... كل سنه اعشم نفسي ان السنه الجايه احسن من اللي قبلها لكن للاسف العكس صحيح ؟؟!!!

احباطات متواصله سنه ورى سنه ... وعدم تقدير غير طبيعي مو مهم تعطين بالحصه لا المهم شنو تسوين باسم المدرسة وتميزج بحفلات التخرج وعيد العلم والمعارض ؟؟؟؟!!!!!

انا اكبر قااااعده مقتنعه فيها قناعه تامه ان اكثر اللي ملوا وتعبوا من التدريس هم من المخلصين في عملهم والمجتهدين في التدريس اما البعض منهم ماخذين مهنة التدريس فشخره ومعاش ومطنشين الكبير والصغير

على فكره التحويل مو شرط 10 سنوات خبره لا تقدرين اتحولين بعد سنتين من التعيين

والله انج صاجه اعرف مدرسات هالكشخه والمكياج اللي مال عروس 24 ساعه وفراره من مكان لي مكان ومو باين عليهم لاتعب ولا كراف هذيل اللي لاذمه ولاضمير بالدريس ومحد يدفع الثمن الا عيالنا شنو ذنبنا يعني ؟؟؟؟؟وربي هالنوعيه اني اتحسب عليها ليل نهار من كثر ما اعاني مع عيالي بالتدريس:eh_s(11)::eh_s(11):
واعرف مدرسات مبين عليهم التعب والكراف مايهتمون بأشكالهم ولا لبسهم وماعندهم وقت يحكون روسهم هذيل اللي عسي ربي يفتحها عليهم دنيا وآخره اللي يدرسون بضمير ويعدووون الايام ولسنين ينطرون التقاعد

 

[ووغلآآتك]

السلام عليكم
حبيت اعرف الي قدمت استقالتها من التدريس
وين توظفت
وشنو كان تخصصها
يا ليت تفيدونا
لله يوفقنا جميعا

 

[نبض حبيبها]

:yaaaaaarb:الحمدلله لم أعد معلمة في وزارة التربية:yaaaaaarb:​

 

[أبلة فاتن]

انشاءالله معلمة شاورما بصير ترى جد بنات راح اترك الدراسه اخر سنه مفروض اكون معلمه

مع الاسف شهادتي تفوقي كله راح عندي ظروف مدري شسوي

راح يصير حالي حال الحثاله اللي ماعندهم شهاده من جامعية الى ولا شيء والسبه الحسد اللي وراي

باجر معاشج ومعاشج واي كلوني بنات احس مغموته ببجي​

 

[CrystalQ8]

الله يعين

 

[CrystalQ8]

نبض حبيبها شنو كان تخصصج وكم سنه دراستي هل تحسفتي علي الاستقاله

 

[نبض حبيبها]

نبض حبيبها شنو كان تخصصج وكم سنه دراستي هل تحسفتي علي الاستقاله

تخصصي لغة عربية ابتدائي
درست6سنين
مو متحسفة كلش

احلى يوم يوم استقالتي من التربية
الحمدلله الحمدلله الحمدلله قرار صائب ولو كان متأخر شوي

للعلم: كل سنواتي امتياز بس(هــــــــــرمـنــــــــا)​

 

[CrystalQ8]

��صراحه قرار صعب يبيله قلب قوي بس شلون وضعج بقدمين علي وظيفه. ولا ليش محاولتي إداريه بس انت ست سنوات ما طبقتي الشرط مالت عليهم

 

[نبض حبيبها]

��صراحه قرار صعب يبيله قلب قوي بس شلون وضعج بقدمين علي وظيفه. ولا ليش محاولتي إداريه بس انت ست سنوات ما طبقتي الشرط مالت عليهم

بصراحة كان لي خطوات قبل الاستقالة بس ما تحققت:

1ـ حاولت أحول إدارية وما صار

2ـ بطلعة الروح طلعت كتاب احتياج من الأوقاف (ندب) مو نقل بعد!! وانرفض على طوووووووووول

3ـ الاستقالة والفكة منهم

الحمدلله كان عندي مبلغ كبير برصيدي لأني ما أصرف من راتبي إلا القليل

المفروض أستقيل من ثاني سنة بس صبرت والحمدلله على كل حال

قدمت على ديوان الخدمة وردوا اقبلوني تربية
ورفضتها وسويت ربط مع الأوقاف وكان رقمي بعيد بس ما شاء الله مشى الدور بسرعة
وطلعت كتاب ترشيح وبصراحة أبي إدارية بس مكتفين وقالوا بس نبي معلمات عربي بشرط اجتياز اختبار نحو وحفظ جزء من القرآن ومقابلة شخصية ودرس من5دروس!!!!!

قبلت بشرطهم وإن شاء الله بس انقبل معلمة راح أحول إدارية
بس السالفة مطولة شوي وترى بعد 3شهور يصير لي سنة من قدمت استقالتي!!​