تجمع اللي بيتركون التدريس باذن الله سواء يالتحويل او الاستقاله

[usgirl]

رد : تجمع اللي بيتركون التدريس باذن الله سواء يالتحويل او الاستقاله

caramel اختي ما عندي فكره عن وضعج بس اذا بتتركين تقدرين تشتغلين بالاوقاف مدارس القران يمدحونها بس ما يبون انجليزي
اما تفتكين من وزاره البطخين ما اعرف عن وضع خرجي الاداب

جنى الجنتين888 اختي بعد الاستخاره والاستشاره تروحين لمدرستج تاخذين نموذج انهاء خدمه وتختارين يالاستقاله وتوقع عليها الناظره انا الحمدلله كتبت لا مانع ترا بعضهم تتنيحس وتكتب لا مانع مع توفر البديل فانتي حاولي ما تكتب هالكلمه
وتالي تروح المنطقه
وانا للحين ناطره الوزاره يقولون عباله واجراءات ما تخلص :ada:

والله يوفقنا اجمعين ويرزقنا

على قولتهم البنغالي صار اشجع من المدرس
الحين الخدامه اذا صارختي عليها قالت لج ما ابي اشتغل عندج (شا اخباري الكرامه) واحنا زف وتبلي وبطه جبد وراضين :0bee2e8d89:

اوف الله انشاء الله يرزقني يارب

 

[Turquoiseya]

هالوزارة العفنة ليش ماتدرس سبب طلبات الاستقالة او التحويل الاداري في قسم اللغة الانجليزية

تدري ان الكويتيين مستقصدين بالتطفيش من قبل توجيه الانجليزي ومع هذا ساكتة

 

[usgirl]

رد : تجمع اللي بيتركون التدريس باذن الله سواء يالتحويل او الاستقاله

والله التدريس ما عاد ينيغى هالسنه اللي سمعت استقالوا 3 مدرسين والرابع حول بالواسطه و3 مدرسات استقالوا
هاذولا اللي اعرفهم من حوالي والله اعلم باللي ما اعرفهم:cxxxp:

 

[ست بيت]

رد : تجمع اللي بيتركون التدريس باذن الله سواء يالتحويل او الاستقاله

usgirl حبيبتي فهميني انتي الحين مقدمة استقاله .................وين بتروحين؟؟؟؟؟؟؟؟؟؟؟لقيتي بديل ضمنتي مكان في اي

وزاره والا استقالة وقعدة بالبيت تره كثر القعدة اتخليج مااتحبين اتداومين اي مكان ثاني

 

[عناد الجرح]

رد : تجمع اللي بيتركون التدريس باذن الله سواء يالتحويل او الاستقاله

والله يابنات ادور الهجه بس راحت اعمارنا بين الدفاتر والتحضير الناظرة تزف والمشرفة تزف والادارة واولياء الامور بس طالبينك للتحقيق كافي ضغوطات البيت والعيال والزوج متى نلتفت لاعمارنا والله اشوف حال الوكيلات اقول يما كل يوم جذي كراف وتعب ومسؤلية


اهملنا اعمارنا صرنا حراشف ناشفين من الطابور والشمس نقوم الصبح ركض علشان التاخير وتدخلين الصف على حيلك ومقابل الجهال والبنات وصياح صرنا رجاجيل اصواتنا عالية وحلوقنا ناشفة والله عسكرية

موتدريس والقرارات من سيء لااسواء شننطر على ان المعاش قوي لايبا الروح والعافية مايعوضها شي حتى العطل نشتغل


يازين برد القاع والعافية والراحة

 

[Lonly Girl]

والله يا بنات أنا ودي أحول والحمدلله يالي مكان زين واستخرت لي الحين افكر التربية دوام قصيير وقصة الثلاثاء فترة مؤقتة والعطل ذابحتني اما المكان اللي مفكرة اروحله دوامي لي 2وربع وتقريبا نفس المعاش بس لمه الحين مترددة مع العلم اني غير تربوية بس مابي اتحسف ياليت كل وحدة تقولي رايهاا

 

[Lonly Girl]

بنات وبالنسبة للنقل والمكان اللي بنقله مثلا يبوني يطووول بعد ؟؟؟ اقصد الإجراءات نفس الإستقالة ولا سهالات ؟؟

 

[_Pure_]

ثنتين من صديقاتي استقالو وحدة فيهم راحت الاوقاف

و الباجي يدورون وظايف ثانيه بعيدا عن وزارة التربيه

 

[مختلفة]

بنات ابى استقيل تعبت نفسينى كل يوم ابجى وبعدين يصير الناظره ماتوافق على الاستقاله اخاف ماتوافق غصب اداوم مابى مابى مابى اول ماقدمها خلاص ماعاد ارجع لمدرسه النحس ولا لازم ادوم لين تخلص الاجرات تكفون فيدونى لانى تعبت خلاص ماابى اداوم ولايوم زياده

 

[usgirl]

رد : تجمع اللي بيتركون التدريس باذن الله سواء يالتحويل او الاستقاله

اختي ست بيت يا حلات اسمج والله انا ماكو شي ضامنته لاني بقدم على الديوان انشاء الله والرزق على الله مو على التربيه الودره انا الحين اداوم لان للحبن الوزير ما وقع استقالتي واحتمال ما تتوقع بس ما ابي عووووووووووووووووووع تربيه حتى لو اصير اداريه ما ابي هالوزاره بكبرها
والله لو تدرين اشلون والحمدلله تغيرت نفسي

:edbf4317b9:

وانشاء الله الله بيرزقني يارب

 

[UM M&M]

رد : تجمع اللي بيتركون التدريس باذن الله سواء يالتحويل او الاستقاله

واي بناااات قلبتوا المواجع

هالموضوع كل يوم افكر فيه صار فيني تبلد بالمدرسه مالي خلق شي

سلبيه لأبعد الحدود من الاشياء اللي شفتها بالمدرسه و الصدمات

بصراحه التدريس اهانه مو شرف !

كل من ينتفنا من صوب و كل من يحط اللوم علينا و كارفينا سواء شغلنا ولا مو شغلنا

اصلا تصدقون للحين مادري شنو شغلي الصجي و شنو مو شغلي ؟؟

كل يوم طالعين لنا بشي و يقولون لا مايصير هذي فيها لفت نظر .. انزين انتوا من الاساس ماعلمتوني شلون تبوني اعرف من نفسي !!

اففففففففففففففف لو بعد مساوئهم ماخلص والله تييني البجيه مابيهم ماااااااااااااابيهم


الحين الاستقاله بنات صج لازم نقعد بعدها سنه ومادري سنتين بعدين نتعين ؟؟

والله على قولة وحده دازه لي برودكاست : عزيزي الدوام الحشيمه للمعاش مولك .

اي والله عندنا التزامات هذا اللي ماسكنا من ايدنا اللي تعورنا !!

 

[جنني العربي]

رد : تجمع اللي بيتركون التدريس باذن الله سواء يالتحويل او الاستقاله

والله يابنات ادور الهجه بس راحت اعمارنا بين الدفاتر والتحضير الناظرة تزف والمشرفة تزف والادارة واولياء الامور بس طالبينك للتحقيق كافي ضغوطات البيت والعيال والزوج متى نلتفت لاعمارنا والله اشوف حال الوكيلات اقول يما كل يوم جذي كراف وتعب ومسؤلية


اهملنا اعمارنا صرنا حراشف ناشفين من الطابور والشمس نقوم الصبح ركض علشان التاخير وتدخلين الصف على حيلك ومقابل الجهال والبنات وصياح صرنا رجاجيل اصواتنا عالية وحلوقنا ناشفة والله عسكرية

موتدريس والقرارات من سيء لااسواء شننطر على ان المعاش قوي لايبا الروح والعافية مايعوضها شي حتى العطل نشتغل


يازين برد القاع والعافية والراحة

والله معاك حق جرح جبتيها على الجرح اعمارنا صارت كانها خمسين سنه اذا عندي تقرير طبي يرضون احول قبل عشر سنوات :bbbiu: يارب احول اداريه هذا وجهي الحصه الاخيره كل يوم:0bee2e8d89:

 

[smilmoon]

رد : تجمع اللي بيتركون التدريس باذن الله سواء يالتحويل او الاستقاله

ينات حابه اتاكد من معلومة قالتها لي وحده (سكرتارية بالمدرسة)
تقول في نشرة طلعت ان اي معلم يستقيل ديوان الخدمة مايوظفة قبل سنتين !!

 

[CrystalQ8]

انا قاريتها بالجريده سنتين يصير اندب لوزاره ثانيه اذا حولت اداريه

 

[usgirl]

رد : تجمع اللي بيتركون التدريس باذن الله سواء يالتحويل او الاستقاله

ما عندي اي فكره بس مو من حق اي وزاره تعاقب موظفينها جذي اللي اعرفه اللي ينفصل عقوبته سنه ما يقدم على الديوان بس هاذي استقاله واشكثر استقالوا وتوظفوا عادي سهالات

 

[ام _خلودي]

انااا الحمدالله بعد 6 سنين عذاب

وركضه بهالوزرات تيسرت امورى

وقااعده اخلص اجرات النقل طبعاا لان شهاادتى موتربوويه

بس التربويه مايحق لهاا النقل او التحويل الا بعد 10 سنين خدمه

هذا قانون يديد للاسف

 

[مدرسة طفشانة]

انا لي 11 سنة للآسف وبطلع اليوم قبل باجر
بس مادري شنو اسوي؟

 

[tmtmt]

تعالوا اقولكم تجربتي
توني مستقيله خلصت من المنطقه ومادري شصار على الورقه بالوزاره صارلها شهر
ان شاءالله الاسبوع الياي بروح اشوف شصار علها لني بقدم على الديوان ان شاءالله

اول شي انا مو تربويه

رحت عند الناظره قتلها بقدم استقالتي
قالت روحي السكرتاريه يطلعولج ورقه وطلعوها كتبت بياناتي وكتبت السبب ظروف خاصه
ورديت عند الناظره لازم من يوم تقديم الاستقاله شهر يصير اخر يوم دوام فهمتوا علي ؟
رحتلها 13\9 اخر يوم كاان دواام طب طب طب لووووووول
14\10 ( سواء خلصت اجراءات الاستقاله ولا ما خلصت يعتبر هذا اخر يوم اداومين فيه )

اي بس اذا قالولج بالمنطقه خليها وبعدين المدير يوقعها
قوليلها لا ابي انا امشي فيها بايدي

المهم



بعدين خذيت الورقه ورحت فيها المنطقه وقعتها من 3 اماكن خلصتها بنفس اليوم وبسرعه ما شاءالله

بعدين لما تخلصين المنطقه يعطونج صوره من الاستقاله واهما يدزون الاصليه حق الوزاره
عاد تنطرين يومين على ما يودونها الوزاره

وبس عاد بالوزاره تمشي بروحها
بس تروحين تسالين شصار عليها وما صار

يعني انا من 4\10 تقريبا لي الحين ما خلصت الاجراءات
ان شاءالله اذا رحت اقولكم التكمله ...

وحاضر لاي سؤال

 

[ابلة لولوة]

كرهت شئ اسمه تدريس

تعبت من المراقبة والاحتياط

قسمي كله مصريات وتونسيات يخلوونهم مرتاحين وانا كارفيني بالمراقبه

احس نفسيتي تعبانه

حسبي الله ونعم الوكيل

 

[ابلة لولوة]

وعقب الاستقاله متى تقدرين تقدمين على ديوان الخدمة مره ثانية ؟