تجمع اللي جهضوا الحمل وطولوا ماحملوا شالسبب

[أم رِتاج]

انا أجهضت مرتين المرة الأولى بشهر 6 - 2011 وكان الجنين مافيه نبض

والمرة الثانية شهر 10 - 2011 كان بس كيس بدون جنبن

وتوني هالشهر مكتشفة انه فيني تكيس

الله يعوضنا ان شاء الله ويرزقنا الحمل الثابت السليم

 

[ابدا يالغالي مانساك]

اجهضت مرتين مرة رمضان 2009

ورمضان 2010
والسبب الحمل الضعيف​

حووبي ربي يعوضج ان شالله دررة
والحمل الجاي ان شالله ثابت وبتقر عينج بشووفة ضناااج :eh_s(17):

 

[ابدا يالغالي مانساك]

انا أجهضت مرتين المرة الأولى بشهر 6 - 2011 وكان الجنين مافيه نبض

والمرة الثانية شهر 10 - 2011 كان بس كيس بدون جنبن

وتوني هالشهر مكتشفة انه فيني تكيس

الله يعوضنا ان شاء الله ويرزقنا الحمل الثابت السليم

الله يعوضج ان شالله والتكيس شي بسيط ومايمنع الحمل
اغلب الحريم يحملون وفيهم تكيس
ربي يعوضنا ان شالله

 

[أم رِتاج]

الله يعوضج ان شالله والتكيس شي بسيط ومايمنع الحمل
اغلب الحريم يحملون وفيهم تكيس
ربي يعوضنا ان شالله

الله يشافيني ويشافي كل محرومة

أتمنى يكون التكيس علاجه بسيط لأن خاطري في ياهل وريلي متلهف أكثر

بس قالت لي الدكتورة بتشوف يمكن تكون أسباب الاجهاض من التكيس

الله يرزقنا ان شاء الله بالذرية الصالحة المعافاة

 

[تل السكر]

اشكرج على الموضوع الحلوو
انا اجهضت مرتين والثالثه كانت بشهر سته الي طاف والسبب توقف النبض بالثالث وسويت تحاليل والحمد الله سليمه
ولحد الان مافي حمل والحمد الله الخيره فيما اختاره الله ....
والله يرزق جميع البنات الي بالتجمع الذريه الصالحه

 

[*caramel macchiato*]

أنا أجهضت مرتين اول زواجي وبعدين تميت اربع سنين ما حملت ...مابقا شي ماسونيته ...علاج وابر و 4 مرات تلقيح صناعي و 3 مرات أطفال أنابيب وكله يفشلون ...مع أني سليمه وزوجي سليم ....وبعدين رحت عند ماجده اليتامى غيرت لي طريقه العلاج فوق تحت ..محد قبلها عطاني هالأشياء....والحمد الله الله رزقني على ايدها عقب ما شفت الضيم وعقب ما تأخرت سنين بالله لك الحمد.....

 

[$الماسة الكون$]

مرحبا حبايبي انا عن نفسي حملت اول ماتزوجت وعقبها صار اجهاض وانا بالاسبوع السابع وطولت ماحملت 3 سنوات واللحين انا حامل عقب عملية اطفال انابيب

 

[ابدا يالغالي مانساك]

الله يرزقكم بنات
طيب اللي انتي ياللي اجهضتي وطولتي وحملتي
شنو ستخدمتي وشنو العلاج بعد الله
نبي نتعااون ونساعد بعض ربي يعوضنا ويرزقنا ان شالله يااكريم

 

[لاجل عينه]

اب اب


الله يرزقنا بنات

 

[ابدا يالغالي مانساك]

ربي يعوضنا ان شالله ويرزق الجميع

 

[لاجل عينه]

صبايا التجمع نايم حددددة كل وحدة قالت قصتها وسكتت
ماكو اسباب معينة للاجهاض وين تراجعون الحين شنو اسباب الاجهاض وشنو تنصحونا فيه اللي حملوا عقب الاجهاض


انا عن نفسي مره كان حمل ضعيف والثاني لا كل شي طبيعي سبحان الله
وماكو تحليل ماسويته مافيني الا العافيه انا وزوجي الحمدلله
كل المحاولات الطبيعية سويتها احسب ايام التبويض ويكون فيها كل شي اكلت عسل انا وزوجي انا شهر كامل وهو له ٣ شهور
الدكتوره قالتلي اخر شهر راح اخليج تحاولين طبيعي هالشهر ودورتي الجمعه واذا نزلت راح تخليني استعمل الكلوميد مع ان تبويضي زين بس تقول لج تقريبا ٥ شهور تحاولين طبيعي وماكو


ياااااااااااااااي بخاطري اصير ام صج شي انا متشفقته يارحيم ارزقنا يااااارب

 

[ابدا يالغالي مانساك]

صااادقه حبيبتي لاجل عينه
حده نايم تقول قصتهاا العضوه وتطلع نبي تفاعل نبي نتسااعد
عن نفسي قاعده اراااااااااجع الحين وان شالله ربي يجبر بخاطري ياكريم هالشهر اخذت كولميد
وان شالله خير ونفرح ببعض

 

[نسايم ليل1]

انا تقريبا صارلي سنتين و7شهور من اجهضت الله يرزقنا يااااااااااارب

 

[ابدا يالغالي مانساك]

حبيبتيي نسائم الليل
سنتين طيب شنو السبب مصار حمل للحين راجعتي شنو قالوللج

 

[ابدا يالغالي مانساك]

بنات انا ماتدخل بيكم بس انا من حبي لكم
وسويت هالتجمع الخاص للمجهضات ليش
لنشوف السبب ونسعي وربي قال اسعي ياعبدي وانا اسعي معك
فحنا لازم نتعاون يمكن يكون انتي فيج شغله صغيره ماخره حمالج من بعد الاجهاض وانتي ماتدرين يمكن غيرج ينبهج عليه وربي يرزق الجميع

 

[لاجل عينه]

ابوده حبيبتي انا كنت اراجع عند مره واخذت مني مبلغ وقدره ومعروفه حيل هالمره
يأست كل شهر نفس الشي تنزل الدوره
عاد الشهر اللي فات اكتشفت فيني التهابات حاده بالبول واروح لدكتوره منال بطيبه كلينك عاد صرفتلي مضاد حيوي مدة ١٢ يوم وتحاميل ٦ ايام عقب الدوره واستخدمتهم
وقالت لازم زوجج يحلل عن الالتهابات وطلع الحمدلله مافيه شي
اييييي وبعد رفيجتي تقول يمكن اسبابج الالتهابات لان كل شي سليم؟؟؟؟
وانا مدري
وقالتلي الدكتوره بخليج هالشهر طبيعي واذا نزلت تعالي اعطيج كلوميد والله يستر





قاعده احاول اصحصح التجمع
بنات منو فيها التهابات والحمل جم يستمر وتجهضين؟؟؟؟

 

[لاجل عينه]

وصبايا مارحتوا لحريم يمرخونكم؟؟؟

ولا رحتوا لمطوع لاني سامعه عن التابعه

انا حاليا البقره ماتطفي من شقتي يوميا ...

 

[لاجل عينه]

ابوده وين تراجعين ؟؟؟؟وشنو قالج السبب

انا ماخليت مستشفى مارحتله ومارتحت عندهم السلام ودار الشفا
عاد حولت لطيبه كلينك وريحتني حيل دكتوره منال احس متفهمه وتفهمج مو اللي كلمة ورد غطاها

 

[ابدا يالغالي مانساك]

هلا حوووبي يمكن مايصحصح
التجمع الا انتي
شووفي انتي لاتكثري علاجات الالتهبات لان راح ترد لج وتتعودين
يمكن انتي نفسي
قبل انا ماخلي شي ماستعمله وزوجي يزفني وترد الالتهبات
استعمل المسك الطهاره بعد الدوره وكتشفت هو اللي يرد لي الالتهبات لان انا حساسه
ومن الغسولات بعد
فاصرف لي دكتوري تحاميل 3 ايام روعه شوي عليه
تخليج فرررررررش ومافيج الالتهبات تبين اسمهاااا
اعطجيهااا
وبالنسبه لمرجعاتي
اراجع والحمدلله كل شي اوكي
وهالشهر اخذت كولميد ان شالله ربي يجبر بخاطري وخاطرج وخاطر الكل ويرزقنااا

 

[لاجل عينه]

ابوده انا التحاميل اللي عطتني اياها الدكتوره حيل ريحتني بس استخدمتها ٦ ايام لان التهاباتي حاده عاد مووودري دورتي باجر والله كريم

سمعت يقولون اللي تستخدم التحاميل وهي مافيها شي تحمل ع طول ثنتين من رفيجاتي جذي حملوا بعد التحاميل ع طوووووول


والله يرزقج ياقلبي وكل المحرومات يارب...