تجمع اللي حملوا بكيس فاضي بدون جنين

[سموره 87]

انا حملت بعد عرسي بسبع شهور المهم رحت عند الدكتوره اول مره قالتلي الجيس وايد الصغير طبعا عطتني مثبتات وحمض فوليك وقالتلي تعالي بعد الاسبوع يوم رحت طلع كل شي تمام والجيس صار بحجمه الطبيعي طبعا انا من الوناسه مانمت يومها وعطتني موعد بعد اسبوعين يوم رحت الطامه الكبرى قالت مافي جنين بس قالت تعالي بعد اسبوع اتاكد ورحت بعد اسبوعين عشان اتاكد زياده قلت يمكن في امل بس طلع فاضي وقالت تبين تنظيفات او حبوب قتلها طبعا حبوب لان امي ماكانت راضيه اسوي تنظيفات لاني توني صغيره حاولت اخذ الحبوب بس خفت لانها قالت راح تنزفين وايد يعورج بطنج حيل امي قالت توكلي على الله وروحي سوي تنظيفات رحت عند دكتوره وقتلها عن تنظيفات بس مارضت قالت توج صغيره قعدت فتره ونزل علي دم امي خافت وقالت لازم تروحين الطبيب وطبعا دكتورتي مسافره رحت عند دكتوره ثانيه وحطتلي مغذي قالت بفتح لج الرحم وبنفس اليوم الفجر قمت اطلق وصراخ وبجي وقعدت انزف حيل ليمن طلع الجيس والحين صارلي اسبوعين عند اهلي للحين ماوقف الدم وانا ودي ارجع بيتي زوجي ولهان علي و انا ولهانه عليه يابنات في احد صارله نفس حالتي وفي مجال احمل مره ثانيه مع ان دورتي منتظمه والله خايفه ساعدوني

 

[الرتاج]

لاتحاتين اختي اعرف وحده صارلها نفسج بالضبط وسوت تنظيفات لان مافي جنين بس الغشاء الي حول الجنين وبعد5 شهور حملت وجابت ولد ومافيها الا العافية الحمدلله

 

[m e m e]

هذا يسمونه حمل كيميائي ان تكونين نفس الحامل بالضبط الهرمونات عندج ترتفع و بطنج ينتفخ و تحوشج نفس الاعراض الحمل بس سبحان الله بدون مايكون في جنين بس ترى اهيا حاله نادره ماتحدث ورا بعض ماتكرر و انشاء الله مايعدي ارمضان الا و انتي حامل اب احلى نونو

انا مامريت ابهالتجربه ولا مره حملت بس جبيت اشارك و اقول اللي اعرفه


مبارك عليكم الشهر

 

[قلب ما يعرف يقسى]

حمدلله عالسلامة حبيبتي
بس بسأل بين بالتحليل انج حامل والا بس بالسونار؟
وبالنسبة للحمل عادي يصير حمل بعد التنظيفات وبعض الحريم تحمل على طول -
والله يرزق كل محروم....

 

[سموره 87]

الله يسلمج قلب مايعرف يقسى
اي طلع بتحليل اني حامل وحتى بالسونار كان حملي طبيعي في مشيمه وجيس بس مافي ياهل
في ناس يحملون بعد تنظيفات على طول وفي وحده اعرفها صارلها سنة من سوت تنظيفات وللحين ماحملت

 

[فطيرة فراوله]

حمدلله على سلامتج ياعمري
انا حملت جذي بجيس فاضي بعد عرسي بسنه تقريبا وبعد 3 اسابيع طاح بروحه
وقال الدكتور ان جيس فاضي
وعقبها الدورة منتظمه والحمدلله الحمدلله حملت بعد 7 شهور مع العلاج طبعا والمراجعات والحين ماشالله عندي عيال
والله والله ان حلم وتحقق الحمدلله
وياااااااااااااارب انشاللله يرزقج ويرزق كل محرووووووووووم يارب الذريه الصالحه نعمه من عنده سبحانه
وانشالله افدتج ياقلبي

 

[klara-76]

مرحبا بنات شلونكم ؟؟؟؟
اول شي ام امار سلالالامات ماتشوفين شرانشالله تقومين بالسلالالامه همن انا حملت نفس اعراض الحمال بعدين نزل دم مت عوار رحت قالووو يمكن عشان بيثبت وبعديننزييييييييف وبعدين طاااح احمد ربي طاح بدون تنظيفات طبعا خيره ومره رحت عياده ثانيه اقولها اني اجهضت استغربت من اللي قالته حمل كيميائي اول مره اسمعه والحين اتابع الردود لقيت هالكلمه ...
يعني بنات شنو حمل كميائي ؟؟؟ يعني ماكنت حامل لاتحبطوني شهرين جيس فاضي يعني شنووو مو حمل عفيه ردوي على لاضيقةةةن خلقي يعني ماكو امل موووو ؟؟؟؟