تجمع اللي خذو آبرة الظهر واللي بياخذونهآ ..

[مسـك]

مفكره اخذها ان شاءالله

ماتوقع راح اتحمل الم الولاده والا شي من رحمة الله

 

[yoyo"s mam]

اب اب اب

 

[3aWaSheE]

كلامكم مقنع ومريح


اقنعتوني فيها

 

[أم@الحلوين]

اذا الله تمم على خير مفكره اخذها والسهالات من رب العالمين

 

[أبكاني ذنبي]

خوفتوووني من الالم

وانا مو ناويه اخذها

بس كلامكم مقنع ويريح


شكلي بستخير واشوف

 

[dantella]

المهم انكم تسؤلون عن احسن الدكاتره الي يعطونها وبالاخير التساهيل من الله

 

[نفول]

يعطيكم العافيه
بنات الي خذوا الابره بدار الشفا عند اي دكتور تنصحوني ابي دكتور ايده خفيفه لاني ااخاف من الابره
ومتي اقدر اطلبها لما اكون مفتوحه جم سم ؟

 

[dantella]

انا اخذتها بدار الشفا عند دكتوره ماعرفت اسمها كانت مصريه وضعيفه وقصيره ومتحجبه وماشاء الله ايدها خفيفه
واذكر اني كنت مفتوحه 4 سانتي بس بالغصب لاني طلق صناعي

 

[أبكاني ذنبي]

الله يستر وانا لو فكرت اخذها شدراني هذي زينه ولا مو زينه


الله يسهلها يااارب

 

[dantella]

اي هذي المشكله لان اذكر لمن رحت مع ريلي بدفع الفلوس ونحجز الغرفه قبل لا اولد سئلني الموضف الي هناك تحبين دكتور معين حق ابره الظهر قلت له والله ماعرفهم انصحني انت
قالي عن هالدكتوره المصريه ونسيت اسمها عاد والحمدالله ربي وفقني فيها

 

[مسـك]

ماعندكم خبر من يعطي ابرة الظهر برويال حياه

 

[أبكاني ذنبي]

مسك انا مثلج احتمال اولد برويال حياه


مازلت محتاره بين مستشفيين

ان شاء الله احد يدخل ويفيدنا

 

[yoyo"s mam]

اب اب

 

[الغـــــزال]

أن شااءالله بأخذ أبرة الظهر...لأن خايفه من الولاده
والتساهيل من عند الله

 

[yoyo"s mam]

نبي تجاارب اكثر بناات

 

[عايشه بأمل]

بنات منو خذاها في مستشفى المواساة


واي دكتوره زينه ...؟

 

[أبكاني ذنبي]

بنات رفيجتي توها طالعه من نفاسها وكانت ماخذتها


على لسانها

تذمها حيييل وتقول ظهري دايما يعورني وخصوصا اذا باخذ شي من الارض ونزلت تقول يذبحني

حبيت انقل تجربتها

 

[أم راشد المطيري]

انا توني والدة ما صارلي 15 يوم

خذيت الابرة بالصباح

كلمة تهبل شوي عليها

اللي ما يأخذها ما عندة سالفة

انصح الكل يجربها

 

[أبكاني ذنبي]

أم راشد المطيري


الحمدلله على سلامتج ومبروك ما يبتي


انا كنت مفكره فيها بس دام فيها شكه والكمام يمدحونه البنات لو شفطتيه بالطريقه الصحيحه

وما منه ان شاء الله مضار قررت اخذه

 

[yoyo"s mam]

الله يطمن قلبج ام راشد
والله ريحتيني لاني انابعد ناويه اخذها وبالصباح
والتساهيل من الله