تجمع اللي خذو آبرة الظهر واللي بياخذونهآ ..

[غلاي امي وزوجي]

رد: تجمع اللي جربو ابرة الظهر..

اصلن يقولون نسبة الشلال قليله وبامريكا الشي الوحيد الي يعتمدون عليه بالولاده

ابي اسال منو الدكتوره الشاطره الي تغزها بدار الشفا

 

[مدمنة ككاو]

رد: تجمع اللي جربو ابرة الظهر..

بس كل وحده وعلى حسب جسمها

في بنات وايد يعانون من بعد الولاده بعوار بالظهر بسبة الابره ويقولون اخر مره ناخذها

ليش اييب حق روحي الاذيه !! مادري شنو يصير فيني اي مضاعفات ما تسوي علي

 

[Om 3zo0oz_2011]

رد: تجمع اللي جربو ابرة الظهر..

اصلن يقولون نسبة الشلال قليله وبامريكا الشي الوحيد الي يعتمدون عليه بالولاده

ابي اسال منو الدكتوره الشاطره الي تغزها بدار الشفا

مدحوا د طارق

 

[tmtmt]

رد: تجمع اللي جربو ابرة الظهر..

بس كل وحده وعلى حسب جسمها

في بنات وايد يعانون من بعد الولاده بعوار بالظهر بسبة الابره ويقولون اخر مره ناخذها

ليش اييب حق روحي الاذيه !! مادري شنو يصير فيني اي مضاعفات ما تسوي علي

انا مت من عوار ظهري ابجييي
واذا جندست ما اقدر ارد من العوار

بس يقولون من الولاده مو من الابره !!
ما يندرا

 

[ماريا 2006]

رد: تجمع اللي جربو ابرة الظهر..

انا ولدت في بنتي بالمواساة ولاده لا فيه ا كمام ولا اي تقنيات حديثه وحلفت مااولد جذي مره ثانيه
والحمدالله ولدت ولدي بابرة ظهر كانت ممتعه بس بنات في شغله غريبه صارتلي انا صج ماحسيت بطلق بس حسيت بطلعة الراس والله حتى المشرط حسيت فيه حتى الدكتور استغرب مني شلون احس عاد تخيلو ماكو طلق وفجاة طلعة راس بغيت اموت من هالعشر دقايق هذي نار
بس ودي اعرف ليش حسيت بالراس بليز جاوبوني

 

[أشبـاهـ المطـر]

رد: تجمع اللي جربو ابرة الظهر..




ابيــه ماريا ردج يخوف
ياربي انا احاتي الولاده وااايد
ونفسيتي تعبانه ابي انام واقعد القى نفسي والده وماابيهم يفحصوني وانا واعيه
تعسرت ولادتي بنتي حيييل وتعبت وماااقدرت اسااعدهم كلش


يااارب تضبط معااي ابره الظهر اهم شي ابيهم يعطوووني ايااها قبل الفحص يصير ؟؟؟

 

[ماريا 2006]

رد: تجمع اللي جربو ابرة الظهر..

اشباه المطر اخذيها ولا تحاتين
اتصدقين للحين انا مستغربه من اللي صارلي عالاقل الطلق يهون طلعة الراس تخيلي ان بس طلعة راس من غير اي مقدمات واي تصدقين احس كان احد ماسك ولاعه ويشب بالمكان هذاك طبعا اغمى علي من التعب تعالي شوفيني لما صحيت اصيح من النار اللي احسها تحت جت الدكتوره وحطولي ثلج داخل تخيلي دم نفاس وثلج عزج الله ادري لوعت جبدج بس عسا الله يريحني هالمره وماحس بشي
بس ترى الابره نعمه ماعليها كلام لكل قاعده شواذ

 

[غلاي امي وزوجي]

رد: تجمع اللي جربو ابرة الظهر..

ماريا عند اي مستشفى الي صار لج جذيه ؟؟

خوفتيني انا لا ليلي ليل ولا نهاري نهار خايفه من الولاده

 

[Tosta M7mSha]

رد: تجمع اللي جربو ابرة الظهر..

انا جربتها باخر ولاده لي بصراحه عجييييييييييييبه ولا تخوف ولا شي وشعور حييل حلو تشوفين البيبي وتبوسينه وااي صج فلم فلم غير الابداعات والضحك وقتها هههه
انا جربتها بالصباح مستشفى الولاده الدكتور مال التخدير اينن صج صج عجيب وانا ما قصرت فيه يننته عمره ماراح ينساني الظاهر من كثر ما يننته ههههه وما طولت الولاده انا كنت حامل بتوأم تقريبا ساعه عمليه قيصريه وعقبها فتح الربط وعقبها رحت الافاقه شوي طولت فيها 4 ساعات والسبب ان جسمي قب علي حساسيه منها مع ان جسمي كلش مو حساس حق اي شي وما بقى ابره ما عطونياها لين خفت شويه ..
الزبده : تجربه حلوه وسهالات وعجيبه ماتحسين بشي وانصح فيها بالولادات القيصريه اما الولاده الطبيعيه هم تجربتها حلوه على التعب الي فيها

 

[Tosta M7mSha]

رد: تجمع اللي جربو ابرة الظهر..

بنات ابرة الظهر على كلام الدكتور ما تسبب اي عوار بالظهر عقب ..وان اغلب الي يقولون ظهري عورني ومادري شنو هذا ما يكون مكان ابرة الظهر نفسها بقول ان اذا عورج مكان القزه نفسها مكان الابرة بالضضضضضبط الي بين الفقرة الي تحت بالعمود الفقري اهني يكون بسببها ولو انها ما تسبب اي مشاكل بالظهر ماله علاقه على قولته والعوار الي يصير بمكان ثاني بالظهر هذا ماله شغل بالابره نهائيا ولا انا حدي كنت احاتي ان يصير بظهري شي كثر ما سمعت بنات يشكون منها بس طمني والحمدلله ماكو الا العافيه

 

[انامل كويتيه]

رد: تجمع اللي جربو ابرة الظهر..

بنات ابرة الظهر على كلام الدكتور ما تسبب اي عوار بالظهر عقب ..وان اغلب الي يقولون ظهري عورني ومادري شنو هذا ما يكون مكان ابرة الظهر نفسها بقول ان اذا عورج مكان القزه نفسها مكان الابرة بالضضضضضبط الي بين الفقرة الي تحت بالعمود الفقري اهني يكون بسببها ولو انها ما تسبب اي مشاكل بالظهر ماله علاقه على قولته والعوار الي يصير بمكان ثاني بالظهر هذا ماله شغل بالابره نهائيا ولا انا حدي كنت احاتي ان يصير بظهري شي كثر ما سمعت بنات يشكون منها بس طمني والحمدلله ماكو الا العافيه

انا جذي مكان الابره بالضبط احس بعوار خفييف وساعات عوار يضايق
ما راحح اطلبها اذا ولدت السهالات من الله

 

[zain-alq8]

رد: تجمع اللي جربو ابرة الظهر..

ليش خايفيين صلو استخاره اذا فييها خيير لج بوقت ولادتج الله بيسهلها علييج وتقزيين ابره الظهر واذا بتضرج الله راح يبعدج عن الشر وماراح تقزيينها ...سهالات ان شالله ..

 

[Mort 7aSSon]

رد: تجمع اللي جربو ابرة الظهر..

حبايبي اللي بتجرب ابرة الظهر
نصيحه نصيييحه نصيييييييييييحه

لا تسالون أحد ولا تقولون حق احد انكم بتاخذونها الناس يحبون ساعات يهولون بالموضوع

ويحبون يضيفون بهارات

الناس ما عندهم غير كلمة يقولون يقولون

سألي الطبيب نفسه اهوا راح يفيدج وينصحج

ورفيجة امي ولدت 3 مرات بالصباح بأبرة ظهر وكاهي ما علامها شي

 

[ماريا 2006]

رد: تجمع اللي جربو ابرة الظهر..

ماريا عند اي مستشفى الي صار لج جذيه ؟؟

خوفتيني انا لا ليلي ليل ولا نهاري نهار خايفه من الولاده

ياحبيبتي لاتخافين هالسالفه ماصارت الا معاي مادري ليش انا بمستشفى المواساة
لاتحاتين الابره تونس

 

[Ms.Roon]

رد: تجمع اللي جربو ابرة الظهر..

عاد انا ريلي قايلي كلش ولا تفكرين بشي اسمه ابره ظهر

 

[<Miss ROoSe >]

رد: تجمع اللي جربو ابرة الظهر..

أنا خذيتها بمستشفى المواساة وكانت ولادتى قيصرية بصراحة تجربة حلوة لأنى للأسف بالمرة الأولى ولدت طبيعى و ما قدرت أشوف ولدى لأنى كنت تعبانة من الطلق الصناعى

وانشاء الله المرة الياية اولد طبيعى وأجربها

 

[كوستا]

رد: تجمع اللي جربو ابرة الظهر..

انا حدي متشوقة اجربها
صراحة انا ادري بعمري خوافة وما احب شي يعورني مابي اتعذب ابي استمتع بالولادة خصوصا اني بجر يعني ما اعرف شي واهنيه الله خير ماعندنا دورات قبل الولادة مثل برا فابي اخذها صراحة .. ان شاء الله اذا الله كتب طبعا

انا مفكرة اولد بدار الشفا وبسال دكتورتي عنها

 

[دآنة آلرشآيده]

رد: تجمع اللي جربو ابرة الظهر..

بنات عفيه انا بجر عادي اخذها
حدي مخترعه يقولون تسبب شلل

 

[Ms.Roon]

رد: تجمع اللي جربو ابرة الظهر..

سؤؤاال ليش كله دكاتره التخديير ريايل
يعني ما فيه دكتوره تعطي ابره كله ؟؟؟؟؟؟؟؟؟؟؟؟؟؟
شنو ما في دكتورات تخدير وتخصص التخدير والبنج بس حق الريايل !!!!!!!!!!

 

[sona2003]

رد: تجمع اللي جربو ابرة الظهر..

ياريت الي جربتها في مستشفي السيف تقوللنا كيف كانت