تجمع اللي خذو آبرة الظهر واللي بياخذونهآ ..

[@الياسمين@]

رد: تجمع اللي جربو ابرة الظهر..

الاعراض تختلف من وحده لي الثانيه
انا اللي مخوفني ... الاسبوع اللي طاف كنت نايمه بالمستشفى ووحده بالجناح ما ادري شفيها بالضبط بس كان زوجها موجود مع مجموعة دكاتره وسمعت الدكتوره تقول له اللي حصل لها مو من تأثير ابرة الظهر على حسب كلام طبيب التخدير
لكن ممكن اهيه جسمها ماتحمل وصارلها هالاعراض !!!

انا مادريت المره شصاير فيها بالضبط بس شفت لمت الاطبه ونقاشهم مع زوجها
شي يخوف الصراحه

 

[غلاي امي وزوجي]

رد: تجمع اللي جربو ابرة الظهر..

يمه الياسمين شصار فيها

انا اليوم قاعده مع وحده تقول حاشتني عوارات بسيطه بالظهر

 

[@الياسمين@]

رد: تجمع اللي جربو ابرة الظهر..

والله ما ادري بعد انا نفس اليوم طلعت من المستشفى

 

[غلاي امي وزوجي]

رد: تجمع اللي جربو ابرة الظهر..

انتي والده

والا متنومه والا زايره والا شنو؟؟؟ <<<خافت

 

[saratee]

رد: تجمع اللي جربو ابرة الظهر..

وااااي الله يستر من جذيه تخاف الوحده والله بنات اقولكم انا الحين قررت ما احطها بس وقت الولاده ما يندري يمكن اغير رايي
والله يكتب اللي فيه الخير لي ولغيري

 

[@الياسمين@]

رد: تجمع اللي جربو ابرة الظهر..

انتي والده

والا متنومه والا زايره والا شنو؟؟؟ <<<خافت

كنت نايمه بالمستشفى

 

[قمربلادي الكويت]

رد : تجمع اللي جربو ابرة الظهر..

السلام عليكم
بنات اول شي مع احترامي للجميع احنا حمل ليش التخرع
انا شخصيا ماخذه ابرة الظهر وكل اوربا وامريكا تاخذها ما سمعنا ان احد صار فيه شي
صدع راسج او عوار بظهرج هذا يصير حتى بدونها ليش احنا مو دم ولحم ؟؟؟؟
لازم يعني تولدين وتروحين تركضين ؟؟؟؟ ما لازم تحسين بشي ؟؟؟؟ طالعه منج روح والرحم وارم من الطلق والعوار
ما لازم يعورج لا راسج ولا ظهرج
انا اخذت ابرة الظهر والحمدلله ساعدتني وايد علما بان انا عندي القلب وقلبي جدا جدا جدا ضعيف
بالعكس ساعدتني اني اطلق بدون الم وقعدت اسبح وادعي بهدوء وكل شي مر والحمدلله بخير
ما اعتقد ان ممكن يكون لها كل هالمضار والمسؤليه ويخلونها عادي بالمستشفيات حتى الحكوميه
الله يصلح ويهدي الجميع بس يرحم والديكم بدون تخرع وافلام رعب احنا ورانا ولاده والله يسهل على الجميع

 

[saratee]

رد: تجمع اللي جربو ابرة الظهر..

اب ...للأفاده

 

[pinky cat]

رد: تجمع اللي جربو ابرة الظهر..

مرحبا حوامل انا بصراحه قريت ردووتكم ,,, وراح اصلى استخاره واخذها ,,,, لان بحملى الاولى اخذت الكمام وحييييييل حيييييييييييل تعبت منه ,,,,, تخيلوا الكمام بعد ولاتى بييومين جابلى ورم برجولى الثنتين ,,,, قعد معاى 15 يوم تقريبا
تخيلوا كنت ما قدر امشى من الورم ورحت سويت تحلليل وعرفت انه من الكمام ,,,, فناويه انشاء الله المره هذى اتوكل على الله واخذ ابره الظهر

 

[& الذاهبه &]

رد: تجمع اللي جربو ابرة الظهر..

ودي اخذهاا لأن انا تحوشني كحه قويه عقب الكمام

 

[Laymo0ona]

رد: تجمع اللي جربو ابرة الظهر..

انا راح استخير بس انا احس اني راح اخذها

استخيري والله يكتبلج اللي فيه الخير.. انا ماكنت ناوية اخذها بس لما سمعت صراخ اللي حولي خفت والحكومة مايعطون كمام مخدر وبروحي :cxxxp: فتوكلت على الله وقررت اخذها

 

[Australia girl]

رد: تجمع اللي جربو ابرة الظهر..

نصيحه دام الطب تطور اخذوها ليش العوار دام ميسره الاموره انا ماخذتها ولله الحمدالله مافي اي اعراض الا التعب الحمل وبس

 

[أحلام بنت]

رد : تجمع اللي جربو ابرة الظهر..

انا اخدتها في مستشفي الصباح
وهم اللي اقنعوني فيها والابره حيل تريح تحسين في الجاهل بطنج
وما تحسين بالطلق تالي قدر الله اني اولد بعملية والحمدالله
بغرفة العمليه كنت اشوف واحس باللي حولي وبعد العمليه
كنت هم صاحيه المشكله ماكان فيني نوم لما ودوني غرقتي
عطوني منوم ايه نسيت شي انا فيني حساسية صدر قالتلي الدكتوره
ماينفع انج تاخدين بنج كامل ممكن انه يتحسس صدرج منه وتتعبين حيل
وكلامها عدل

 

[أحلام بنت]

رد : تجمع اللي جربو ابرة الظهر..

وللامانه انا بعد ما طلعت من المستشفي لما انحني عساس ابدل للجاهل
ظهري حيل يعورني عوار فظيع كلما اقول للطبيب عن العوار يقولي ابرة الظهر مالها
دخل بعوار ظهرج تالي بعد قتره طويله عرفت انه من نقص فيتامين دال فاللي تشكي
من ظهرها بعد الولاده تري اهو من نقص الفيتامين فلازم تشيكون عليه بتحليل دم يبين

 

[$حبيبة عبودي$]

رد: تجمع اللي جربو ابرة الظهر..

لا لااااااااااااااااااا تاخذونها نصيحه بغيت امووووووت وماسوت شي
فوق هذا اربعيني كللللللللللللللللله مريضه وطايحه وصداااااااااااااع
وبطني ااااااااااااااااه يابطني وضهري وخياطتييييييييييييييييييييييييييييييي
ونفسيييييييييييييييييييه خاااااااااايسه ولايحوشك تعذبي يوم ولا تعذبين شهرين والله اني ناصحه لكم لاتندمون..
ابره لاااااااااااااااااا والف لاااااااااااااااا على فكره ماكنت ناويه عليها قبل لا احمل بس شفت الموت بالولاده
وقلت ابي ابره وتمنيت زوجي طنشني وماوااااافق..اذا انتي تبينها وخايفه قولي لزوجج وصيه قبل الولاده
اذا ضعفت وقلت ابي ابره ارفض وبقوه حتى لو تشوفني بموت لا توافق على الابره ارفض وبشده

 

[saratee]

رد: تجمع اللي جربو ابرة الظهر..

سبحان الله ناس تضبط معاهم وناس لأ ...انا كنت متردده الحين زاد ترددي والله كريم

 

[هديتي زوجي]

رد: تجمع اللي جربو ابرة الظهر..

انا بستخير ان شاءالله وباخذها بصباح ان شاءالله يارب

 

[Om 3zo0oz_2011]

رد : تجمع اللي جربو ابرة الظهر..

انا بعد باخذها ان شالله وناويه اولد بالصباح ان شالله
دعواكم لي بولاده سهله وميسره وطبيعي

وترى اعراض الي تحسوون فيها بعد الولاده مو من الابره شكوااا
اكيد انتوا تطلقون وعوار وشد ودفع
ومثل ما قالت الاخت يمكن نقص كاليسيوم او فيتامين دال
ماله شغل الابره بالموضووع

 

[ام - وهابي]

رد: تجمع اللي جربو ابرة الظهر..

السلام بنات
انا خذيتها وبصراحه وايد ريحتني بس عيبها شي واحد انه كل ساعتين تخلص جرعه الدوا وتنادين الدكتور يحطلج جرعه ثانيه
بس لما يروح مفعول الجرعه تحسين بالطلق على ما ايي الدكتور
وبس هذا اللي تعبني بس انا ولدت بطلق صناعي يعني لو اني مو ماخذتها جان مت من العوار

 

[cheese cake]

رد: تجمع اللي جربو ابرة الظهر..

ررررررررررررررررررررررررفع