تجمع اللي راح يولدون بمستشفى الراشد

[حرم بدر]

بنات جم ولادتهم الطبيعيه


مع الادويه والتحاليل

 

[ام الحوراء زينب]

انا اراجع بالسيف وبالراشد
الراشد عند دكتورين يهبلووووون
محمود عبدالستار
نصر هيبه

اثنينهم عسل

 

[ورود خذلتها العاصفه]

حرم بدر
انا شهر ١٢ اللي فات ولدت عندهم
وطلعت التكلفه٤٨٠ شامل الولادة والادوية واقامة يوميين

 

[حرم بدر]

يعنى ولادتهم اسعارها للحين او تغيرت

انا ما ابي اروح الا وقت الولاده بدش اولد على طول

انتى غرفه مشتركه او شنووووو ؟؟


وشلون كمامهم انتى ولدتى طبيعي او بطلق صناعي لانه انا فينى سكر حمل عرفتى ومحتاره وين اولد خاص او حكومه

عفيه فيدينى لو ما عليج امر لانه انا ولاداتى اول بحكومه عرفتى

وانزين عادى ادق عليهم استفسر عن اسعار الولاده او لازم اروح اسال ؟؟؟

 

[أم راشد المطيري]

بنات الغرف مستواها واحد ولا في غرفة غير العادي

واحسن دكتورة منو عندهم

 

[ام الحوراء زينب]

ام راشد انا ماشفت الغرف
بس ان شاءالله راح اخذ جناح على 660 دينار
واراجع عند دكتور نصر هيبه ما اثق بالحريم الصراحه

 

[ام الحوراء زينب]

اي ترا وشفت الجناح حلو
مرت اخوي ولدت فيه
غرفه وحمام خاص فيج وصاله وحمام للزوار ومطبخ تحضيري

 

[قلبي خالد]

السلام عليكم
بغيت اسأل ليش مايصير مو نظام غرف و لا عادي تشوفين غيرج

 

[ام الحوراء زينب]

وعليكم السلام
قلبي خالد للاسف مافهمت سؤالج

 

[قلبي خالد]

اقصد ليش مايصير احد يدخل معاي بالولادة

 

[ام الحوراء زينب]

والله هذا نظامهم اللي موحلو فيه نفس الحكومه صايرين

 

[هديتي زوجي]

الحمدالله ولدت بمسشتفى الراشد خوووش مستشفي الكماااام رررروعه سحر سحر والعنااايه ماعليها كلام مستشفى رروعه روحولها وانتتوا مغمضين ولدت عند الدكتور محمود صدقيي خوووش واحد صبر على حيييل لين ولدت طبيعي الحمدالله الله يسهل عليكم لاتحاتون وسالفه احد يدخخل معاج انا امي ماخخلوها تدش معااي بس واقفه برا الغرفه وتسمعني واكلمها من ورا الباب وانا اتولد خخخخ

 

[أم راشد المطيري]

اجل شكلي بهون عنها انا لازم امي ادش معاي مردي للسلام

 

[زينانه]

الراشد كمامهم سحر رووعه موصج
تشمينه وتنامين وتقومين الا انتي والده وخالصه
انا مجربتهم بولاده طبيعيه اكثر من مره
ودكتورتي ايفا وتنطر عالوحده لاتحاتون
وتكلفة الولاده دايم ٤٣٠ او ٤٥٠
مواكثر

غرفهم موحلوه عاديه جدا للي ماتبي زوار
عندهم غرفه مزدوجه يعني انتي و وحده معاج
هذي انا دايم اطلبها عشان تكون اوسع واشرح لي ولاهلي لما يزوروني
وسبحان الله مايدخلون احد يمي

وفي جناح المهراجا غرفه خاصه فيج بس هم عاديه جدا جدا
عندهم دكتوريين اثنين روعه نصر هيبه ومدحت الشربيني
شطااار

 

[زينانه]

اي صج
ماعندهم سالفه مرافق يدخل معاج بالولاده
انا امي ترجتهم رجا بس تطل علي وتطلع
مارضو كللللش عمى بعينهم
ذاك اليوم حقدت عليهم
شدعوه بالشفا يسمحون لي ادش اكلم اختي دقايق واطلع
ماني نايمه يمها

 

[أم راشد المطيري]

عاد والله كان عاجبني المستشفي والسعر حلو

بس لازم امي اختي وزوجي يدشون وياي

بالسلام تدفعين فلوس عشان يدش مرافق انا عندي مو مشكلة بس اهم شي احد يدش وياي

 

[^^ام الزين^^]

السلام عليكم انا ولدت بالراشد قبل 3 سنوات بصراحه عنايه طبيه روعه وممتازه وناويه اولد عندهم انشالله هالمره بس بسأل بالنسبه للخصم اللي مسوينه للتربيه جم بالميه لاني انا توني متعينه بالتربيه وابي اعرف جم اللي تعرف تفيدني جزاها الله خير

 

[ام الحوراء زينب]

ام الزين الخصم 10 بالميه

انا باخذ جناح المهراجا او البشاير حلوين كبار يطلع علي الجناح والولاده من غير ادويه وفحوصات 660 دينار شامل تقريبا 800
وعندي خصم 10 بالميه

 

[*دنــيـQ8 ــا الوله*]

انا مراجعتي بحمالي كلها بالراشد عند الدكتوره يوليانا ... بس شكلي بولد بمستشفى دار الشفا ... غيرت رايي لان اختي اقنعتني بدكتورتها ... ولما راحت دار الشفا وشفت غرفهم حسيتهم شرحه والوانهم تفتح النفس عكس الراشد اييب اليهد خخخخ

 

[MaYon82]

مرحبا بنات ،، انا اراجع عند الدكتور نصر هيبه
وارتحتله من اول مراجعه ، ان شاءالله ناويه أولد
بالراشد .