تجمع اللي راح يولدون بمستشفى الصباح ...

[جمانه وحنين]

نبي قصص ولاده حديثه بالصباح
لا تبخلون علينا

 

[حرم بدر]

بنت خالتى توها ولدت من 26-5 وتقول ابرة الظهر عجيبه ما حست بولا شى

 

[حرم بدر]

جان زين احصل واسطه واولد بالصباح اىل عنده واسطه اى دكتور اى شى لا يبخل علي لو يدزلى بالخاص ولها الاحر وربي يسهل ولادتها يااااااااااااااااااااارب

لانه انا عنوانى على الجهرا وما ابي مستشفى الجهرا ما عندهم ابرة ظهر

 

[Laymo0ona]

حروووومه الله يعينج لو بيدي شي ماقصرت معاج

انا مفتر راسي بين الحكومه والخاص كل واحد يقولي قصه مادري وين راح ارسي بالنهايه
امي ماتبي الصباح تقول يمرمرونج ويبهذلونج ويحولونج قيصري اخر شي !!
والخاص يقولون انسي طلق صناعي بعد قيصريه اذا ماياج طلق من ربج خلاص قيصريه ضايق خلقي

 

[حرم بدر]

لا تحاتين من قال قيصري الصباح اصلا الحكومه ما تستعيل كلش

اهو خوفنا بس ما ايينا طلق ويدخلونا والله ادعى ليلي نهار انه ايينى طلق واولد طبيعي من غير طلق صناعي

ترى الخاص لانه يخافون بعد مسؤووليه وجذى ترى اللحين كل شى في تطوروالله حتى انا جربت الجهرا قيصري وطبيعي الحمد لله بس عضان ودى ابرة ظهر


انا لا يانى طلق رحت خاص واذا ما يانى رحت حكومه

والله يسهل يارب

 

[x.Lina.x]

مرحبااااااااااااااااااا بنات شلووونكم .. شخبااااااااااركم؟ _ التجمع بااارد صح ؟؟

 

[x.Lina.x]

لا اله الا الله _ اللهم اني استغفرك واتوووب اليك

 

[نوريكا]

اللهم لا سهل الا ما جعلته سهلا وانت تجعل الحزن ان شئت سهلا
صدقوووووني يا بنات التساهيل من الله..حفظي أوراد الولاده( سورة الفاتحة سبع مرات وآية الكرسي وسور الإخلاص والفلق والناس كل منها ثلاث مرات وسورة الزلزلة ومريم
- قول "بسم الله (3 مرات)..أعوذ بعزة الله وقدرته من شر ما أجد وأحاذر (7 مرات )ًعلى موطن الألم "
- (ياحي يا قيوم برحمتك استغيث) ثلاثا
- (حسبي الله لا اله إلا هو عليه توكلت وهو رب العرش العظيم) الايه سبع مرات
- والخمس آيات الأولى من سوره البقره وأواخرها من (آمن الرسول...)
أدعية لتسهيل الولادة .. قراءة الآتي في ماء ويرش منه بطن الحامل وتشرب منه :
( يا خالق النفس من النفس يا مخلص النفس من النفس يا مخرج النفس من النفس خلصني)
- لاا له إلا الله الحليم الكريم سبحان الله رب العرش العظيم والحمد لله رب العالمين
- (كأنهم يوم يرونها لم يلبثوا إلا عشية أو ضحاها ) و(كأنهم يوم يرون ما يوعدون لم يلبثوا إلا ساعة من نهار بلاغ فهل يهلك إلا القوم الفاسقون)
- ( إذا السماء انشقت وأذنت لربها وحقت و إذا الأرض مدت ألقت مافيها وتخلت )

وعن تجربه الصباح الصباح ثم الصباح انا اولد طبيعي ببنتي الاولى عناية مووووووو صج ما يخلونج مع اني طولت نزل علي ماي الفجر وما ولد الا الساعه 1 بس كانوا صبوريييين
وببنتي الثانيه سبحان الله كان ماكو طلق رحت العصر والا مفتوحه اربعه قالي دخول قلت لا مابي ما صارت الساعه ثمان وربع والا ينبط الهادي عندي واللللللللللله يا بنات على ما وصلت المستشفى ترا ما مداهم حت يركبون علي الأجهزه بس عالسريع ركبوا الدرب والله والله والله دشيت الساعه8:30 انا 8:45 واااااااااالده والحلو فيهم يحطون البيبي على صدرج :yaaaaaarb::yaaaaaarb:
وهالمره كنت مقرره اولد بالخاص بس امي الله يحفظها ما رضت قالت لي الخاص لي توهقوا حذفوج عالحكومه استخرت وانشالله اولد بالصباح بس انا اننننننننصحج لا تروحين اول ما تحسين بالطلق لالالالالالالا صبري واحتسبي الأجر ولا يقصون عليج بأبرة الظهر بالعكس أساس الأمومه الاحساس بالطلق والا شنو الفرق بينج وبين الرجل؟؟؟؟
الله يسهل علينا ااااااااامين ويهون الطلق ويحسن الخلق


​

 

[Laymo0ona]

لا تحاتين من قال قيصري الصباح اصلا الحكومه ما تستعيل كلش

اهو خوفنا بس ما ايينا طلق ويدخلونا والله ادعى ليلي نهار انه ايينى طلق واولد طبيعي من غير طلق صناعي

ترى الخاص لانه يخافون بعد مسؤووليه وجذى ترى اللحين كل شى في تطوروالله حتى انا جربت الجهرا قيصري وطبيعي الحمد لله بس عضان ودى ابرة ظهر


انا لا يانى طلق رحت خاص واذا ما يانى رحت حكومه

والله يسهل يارب

انا في ولدي بهذلوني عنايتهم زفت زفت زفت محد مهتم فيني كل شفت سسترات ازفت من الثاني!!
صبروا علي ومانزل البيبي وحولوني قيصري وصراحه مو مستعده اكرر التجربه معاهم مره ثانيه
المواساة راجعتهم وقاللي نفس كلام الصباح بس عالاقل السسترات يعتنون غير انه امج او احد من اهلج معاج لو لا سمح الله ماهتموا وايد الا في احد ينزرهم او ينبههم مو الصباح قاطينج في معتقل ولا احد يدري عنج :eh_s(4): فشكلي بحول من السلام لي المواساة

 

[Laymo0ona]

انا يمكن اذا ياني طلق ماراح اخذ ابرة الظهر بس كمام
بس اذا ماياني باخذ لانه الطلق الصناعي يطول واحتمال في النهايه قيصريه وانا مابي بنج عام

 

[x.Lina.x]

الله بنات شوقتووووني للولادة .. انا راح اولد عقب رمضااان انشالله طبعا قبل كله اجهاضات وكله بالحكومة والحمدالله كانت عنايتهم زينه ,, وتنظيفاتهم زينه .. هالمره عندي امل كبير اني بولد بالصبااح انشالله .. طلق صناعي و لا طلق طبيعي .. كله رااضية فية المهم اولد بالسلااامة مايهمني نفسي والدلع المهم اشوف البيبي سليم وبصحته وعافيته ..

 

[حرم بدر]

 

[توت وتين]

التيسير من رب العالمين

لا خاص و لا حكومة الله يهون الولادة على الجميع ويبارك بذرياتنا

 

[Laymo0ona]

اي والله صدقتي توت وتين
الله يسهل عالجميع ان شاءالله

 

[حرم بدر]

بنات قولوا ان شاء الله اولد بالصباح

ويعطونى ابرة الظهر عشان ما احس لا بخياط ولا شق

 

[chocolat cake]

امين الله يسهل علينا يارب

 

[dreamy_83]

اشلونكم بنات انا سادحيني بالصباح لانه حاشني نزيف المشيمه عندي نازله و شكلهم راح يولدوني قيصريه اول ما ادخل شهري
منو جربت القيصريه عندهم؟ يصير ارضع البيبي عقب العمليه؟ انا ناويه آخذ ابره ظهر واشلون شكل الجرح راح يبين بعدين؟؟

 

[شيخه***البنات]

dreamy_83 ..

بنت عمي والده قيصري واااايد تمدح الولااده الحمدلله ..

 

[chocolat cake]

دريرمي الله يسهل عليج حبيبتي وتقومين بالسلامة

 

[dreamy_83]

الله يسلمكم بعد قلبي بس ابي اعرف اشلون الجرح عندهم هناك؟ صج بالعرض وصغير ما يبين؟ و بعدين انا الحين حاطيني بالعمومي اذا ولدت قيصريه اخاف يخلوني عمومي بعد واتاذى حق تكرمون الحمام