تجمع اللي راح يولدون بمستشفى الصباح ...

[@رنوده@]

ام راشد

ارقام الاجنحه اعتقد البنات ذكروهم قبل

والموظفات نفس الشي الصبح والعصر حبوبات

 

[أم راشد المطيري]

بنات كل يوم في عصر ولا ايام محددة

بنات دلوني بالضبط وين قسم نساء وولادة

اول ما ادش المستشفي اخذ يسار عدل وبعدين وين اروح

 

[أم راشد المطيري]

بنات نبي ارقام الجناج الجديد وصور عن الجناح

 

[ام عفاف الكويت]

الله كريم انا يمكن هالاسبوع باجر او عقبه اروح

 

[@رنوده@]

ام عفاف

عند اي دكتور ناويه تروحين

انا سمعت اللي العصر يختلفون عن الصبح

ويمدحون حيل الدكاتره اللي يداومون الصبح

 

[ام عفاف الكويت]

البنات يمدحون توماس

 

[@رنوده@]

والله يا ام عفاف مدري عنه بس رفيجتي دكتوره هناك بسالها منو احسن واحد

ماحب اثقل عليها بالاسئله حرام دوووم مشغوله

قلت بأخر شهر ببتدي اضبط معاها علشان المراجعات للولاده

 

[عضـــــوه]

حبيباتي عن قريب بتكون عندكم الصوووووور

وارقام الاجنحه الجديده

والله يسهل علي وعليكم يارب

ويسخرلنا عبيده الصالحين 

قولوا آمييييييييييين

 

[عضـــــوه]

اي والله يا رنوده

ياليت تسالينها

منو احسسسسسسن دكتور للقيصري وللطبيعي

عشان نستفيد كلنا

وشكراً مقدماً

 

[@رنوده@]

ان شاالله

بسالها

والله كنت احاتي حيل الولاده بس الحمدلله طمنتني وقالت الحكومه مو علي خبرج الرعايه حلوه والدكاتره اغلبهم استشاريين وممتازين بشغلهم

والله كريم

بس لازم احرص عليها منو احسن واحد

 

[*فاصوليا*]

انا اراجع عند دكتورة فتحيه اهي ستشاريه حليوة وحبوبه تهبل
وكل ما احد يسالني من دكاترة الطوارى اقولهم دكتوره فتحيه يقولون بعد ما نقدر نتكلم لووول

 

[حمرة الورد]

صاجه دكتوره فتحيه اصلا استشاريه وماعيها كلام وكل مراجعاتي عندها

 

[STILL G L A M ~]

بنات شلون الولاده الطبيعيه بالصباح ؟؟؟ والله محتاره فيدونااااااااااااا ؟

 

[@رنوده@]

ستيل

اشوف البنات يمدحون المستشفى

ان شاالله اجربه واقولكم تجربتي

 

[أم راشد المطيري]

بنات كل وحدة تقولنا متي ولادتها

 

[@رنوده@]

أم راشد

ان شاالله ولادتي شهر مارس

هذا اذا كملت للتاسع

بس احتمال اولد مبجر يعني اتحرى الولاده من شهر ١

والله يتمم لنا علي خير

 

[مظلومه ياناس]

مرحبا بنات
انا ولدت قيصريه بتاريخ ١١/٢١ والله رزقني بسارونه
طبعا المستشفى ماعليه كلام بما اني ولاداتي كانت بالخاص وهالمره بالصباح اقولكم وبكل امااااااانه والله ثم والله كاني قاعده في احلى مستشفى خاص بالكويت من دكاتره ومن ممرضات ومن نظافه والغرفه كلمة روعه شوي عليها
خذيت غرفه خاصه بجناح ٨ وتفاجات ان الغرف الوالدات بالغرف اللي جنبي مسوين استقبال لان صج الغرف تهبل وشرحه ونظيفه
دكتوري كان الدكتور توماس يهببببببببببل وكل يوم يمرني هو ودكتور الاطفال ودكتور التخدير
يعني بنات صج اهتمام وماحسيت اني بمستشفى حكومي حتى الاكل يهبل ولذيذ ونظيف
وبالنسبه لبنتي عندهم وكل يوم الساعه ٨ ياخون ملابسها ويسبحونها وتتم عندهم ليمن اطلبها
بس الشي الوحيد اللي تعذبت منه وتحسفت قد شعر راسي اني خذيت ابرة الظهر ااااااااه يابنات حيل ندمانه لاني تعبت منها وشفت الموت
اول يومين تهبل ومافيني الا العافيه بس ثالث يوووم صكني صداع مو طبيعي وشد بالرقبه والام بالظهر وزغلله بعيوني والله والله من شدة الالم ودي اطق راسي بالطوفه وللاسف ماكو علاج الا اني اشرب سوائل واكثر من شرب القهوه ليمن يخف تدريجيا وهذا انا ليم الحين اعاني

 

[ام عفاف الكويت]

حبيبتي الف الف الف الف مبروووووووووووووووووووووووك

 

[مظلومه ياناس]

الله يبارك فيج ام عفاف
روحي للصباح وانتي مغمضه بس ضبطي امورج مثل ماوصيتج

 

[Om_Bader]

مظلومة ياناس الف مبروك وتتربى بعزج بس عفيه بغيت اسالج الجناح 8 اهو الاجنحة اليديدة