تجمع اللي راح يولدون بمستشفى الصباح ...

[ام اغلى الناس]

احلام
كذا مره اقرا انه الدكتور اللي تراجعين عنده مو هو اللي يولدج
وقت الولاده اي احد موجود يولدج
الله يرزقنا بدكاتره سنعه ولهم خلق لنا

بنات اشوه احس القسم صار يتحرك شوي
احسن من الاول
هانت مابقى شي
الله يهون على الكل
ونكتب قصص ولادتنا ونفيد غيرنا

قبل اراجع الصباح ماخليت موضوع ماقريته عنها
بس كلهم مواضيع قديمه

 

[أم معاذ الكندري]

قوه يا بنات
الي اعرفه وعن تجربة أختي ورفيجت أختي. ان موشرط يولدج دكتورج الي يتابعج بس اذا صادف خفارته مع ولادتج اهو يولدج
بنات ودي اطلع اليوم وافرفر بمذركير وهالسوالف بس أخاف اتعب بس الصراحة مليت من قعدة البيت

 

[ام اغلى الناس]

اليوم جايني مسج من بروي اشتري قطعه والثانيه مجانا
وقالوا مذركير فيه تشكيله عليها عروض مذهله
وسنتر بوينت من زمان تنزيلات
روحي تمشي واشتري

 

[yoyo"s mam]

اطلعي حبيبتي ام معاذ وفرفري براحتك
ترا قعده البيت تطفش
وانا بعد بطلع بروح سنتربوينت أكمل تجهيز حق يوسف حبيب قلبي
وأم اغلى الناس ماقصرت عطتك بروجرام كامل

 

[أم معاذ الكندري]

قوه يا بنات
طلعت أخيرا
رحت مذركير الي بالسالميه الي مجابل الفنار اول مادشيت حسيت بحر وفجأه تنطفئ الكهربا قلت وي بسم الله شكلي قبس نطرنا أنا وريلي بوخمس دقائق
وردوها بس التكيف خربان وختنقت خصوصا أنا فيني حساسيه ما عرفت افرفر من الحر جان اطلع ودش سنتربوينت امبيه هالهنود مستحلين الكويت
كل ماروح رف القاهم واقفين شعب يتشاورون ع مميه ولالهايه المهم فرفرت وحطيت كذا شغله برأسي
وبعدها شربت عصير جزر وتفاح وبرتقال اسمها الخلطة الشاميه
وسلامتكم

 

[أم معاذ الكندري]

قوه يا بنات
طلعت أخيرا
رحت مذركير الي بالسالميه الي مجابل الفنار اول مادشيت حسيت بحر وفجأه تنطفئ الكهربا قلت وي بسم الله شكلي قبس نطرنا أنا وريلي بوخمس دقائق
وردوها بس التكيف خربان وختنقت خصوصا أنا فيني حساسيه ما عرفت افرفر من الحر جان اطلع ودش سنتربوينت امبيه هالهنود مستحلين الكويت
كل ماروح رف القاهم واقفين شعب يتشاورون ع مميه ولالهايه المهم فرفرت وحطيت كذا شغله برأسي
وبعدها شربت عصير جزر وتفاح وبرتقال اسمها الخلطة الشاميه
وسلامتكم

 

[أم معاذ الكندري]

وأي صج شفت المشد الي يقولون عنه بنات المنتدي لقيته باربعه وشي يمكن بس ماخذيته ومكتوب عليه يلبس بعد الولادة

 

[yoyo"s mam]

صحتيييين عالعصير ام معاذ

 

[ام اغلى الناس]

عليج بالعافيه
والله انا مليت من البيت
بس ما امشي خطوتين الا اتعب وظهري يعورني

 

[أم معاذ الكندري]

علا قلبج يايويو قلبووو
وماتشوفين شر قلبو اغلا الناس الله يهون عليج
وصج لانقعدت البيت ممله

 

[yoyo"s mam]

والله وانا ماقاعدت امشي مع ان ضروري المشي بهالشهر
اهم سبب لان وزني قاعد يزيد بطريقه موطبيعيه
انشالله بحاول امشي
سلاامه قلبك ام اغلى النااس ماتشوفين شر
بس المشي لازم لو ربع ساعه يكفي لاتتعبين عمرك
اللهم اني اسألك حسن الخلق وهون الطلق ياارب العالمين

 

[غرومه غنوجه]

ماتشوفين شر

طبعا قريت سوالفكم مالت يومين وقاعده افكر

انا عندي انيميا يعني وقت الي بولد لازم اقولهم ان فيني انيميا ولا عادي؟؟؟


وانا الحين بالاسبوع 23
قاعد يصير معاي شي غريب
مره وحده اختنق وصداع ودوره
وجسمي يثقل ويتخدر نفس الوقت ولوني ينقلب ازرق ومرات اصير كركم صفره حدي
وغير جذي وقتها مااقدر اتحرك وارجع
كل ماروح طبيب رحت مرتين الصباح طوارئ
مره يقولون جفاف مره يقولون مال حمل مره يقولون ضغطي مرتفع ومره هبوط
والله حيروني
بس لازم في سبب معين واكيد للي قاعد يصير وماني عارفه ادور هل حاله بالنت
فمادري منو فيكم صار وياها هل شي خل تفيدني

 

[yoyo"s mam]

هلااحبيبتي غرووم
اكيد لازم تقوليلهم
ترا عادي حياتي لاتحاتين كل الحوامل لازم يصيرلهم شي بالحمل
انا عندي نقص صفيحات والحمدلله قالولي مافي شي يخوف
وبالنسبه لمراجعتك بالمستشفى نصيحه راجعي عند دكتوره خاصه وخلي المستشفى بس عند الولاده
انت تعرفي اجراءات الحكومه تطول
وانت على راحتك
عليك العافيه حبيبتي ماتشوفين شر

 

[أم معاذ الكندري]

هلا حبيبتي غنوجه سلامات ماتشوفين شر
ولزم تقولين لهم ان فيج انيميا
وانتي شكلج وايد تفكرين بالموضوع عشان جذي مره مرتفع مره هبوط ضغطج
بس حبيبتي لاتحاتين ان شاءالله ماكو شي
وروحي سوي تحاليل شامله باي مستشفي وريهم حق دكتورج
والله يهون عليج يارب
طمنينا عليج

 

[yoyo"s mam]

يسعدمساكم بنات تجمعنا الغالي
بسألكم المختبر وين مكانه بالضبط بقسم العيادات ولابره ؟

 

[Laymo0ona]

يويو المختبر في العيادات الخارجيه اذا قصدج مال التحاليل

 

[أم معاذ الكندري]

مختبر العيادات الخارجيه اول ما ادشين العيادات الخارجيه الاصنصير يم هذا الي يبيع قهوي وهالسوالف دشي الاصنصير الدور الاول
هذا المختبر وتاخذين النتيجه من تحت بالعيادات

 

[yoyo"s mam]

ليموونه
ام معااذ
بعد قلبي ماقصرتوا
بس اقول يعني ادخل من لم الريسبشن مثل العاده ؟
وفي جهاز لبيع القهوه وكذا ولاقبل لاادش عندالرسبشن يعني داخل ولابره جنب العيادات؟
بعدين لازم اخذ الختم ابوالدينارين قبل لااسوي التحليل ؟
اتمنى تكونوا فهمتوني

 

[أساطير]

الله يسهل عليكم

 

[ام اغلى الناس]

شلونكم بنات
شاخباركم


غرومه
سلامتج
من غير ماتقولين لهم
يوم الولاده اكيد بيقرون ملفج ويبين فيه اانيميا
ما عطوج حديد وفيتامينات؟