المهم تبخرت و خلصت و على مالبست عباتي و لفيت ملفعي بدا الالم يزيد لدرجه ماقدر ارفع ظهري
وانا بالسيارة اختي تحسب لي الوقت بين كل طلقة والثانيه اول ثلاث طلقات كان بينهم خمس دقايق و بعدين ٣ دقايق وصلنا المستشفى و يابولي كرسي
ودخلوني بسرعه غرفة ١ اللي اهي غرفة الولادةبالطوارئ والا الدكتورة هندية وحده من خواتي و معاها مرت اخوي راحو ياخذون ورقة من الرسبشن مع رقم و بطاقتي معاهم والا تعصب الدكتورة تقول ما استقبلها ولا افحصها الا بالبطاقه المدنية و ورقه وصفة و اختي تحاول فيها شوي و تبوس راسها و تقول لها ماي البيبي نزل بالبيت و الطلق وصل كل ٣ دقايق و الاوراق مع اختي راحت اتييبهم جان تقول اوكي روحي سرير بفحص يوم نمت عالسرير طبعا من الم الطلق ماقدر ابطل ريولي و اهيا تقول يلا بطلي ريولج وانا اقولها لحظة بس خل تروح الطلقة المهم مارضت و بطلت ريولي حيل و فحصتني حسيت روحي بتطلع والا تقول ٤,٥ سانتي
اسالتني عند منو اراجع و وين و قلت لها و قالت لها اختي ترا فيها سكر حمل و بداية خمول بالغده و فيني التهاب كبدي ب اللي اهو حامل للفايروس مو مصابه بالمرض نفسه و عطيتها رقم الملف و هالشي مكتوب بملفي عندهم
جان تقول يلا جيبولها سرير و عطوني لبس الولادة الاخضر و قالت روحي سوي تخطيط
و اروح و اسوي تخطيط و طافت علي اكثر من نص ساعه وانا بالتخطيط و انا تعبت خلاص حتى مسكن ماعطتني
راحت لها اختي قالت متى تودونها الولاده والا تقول مافي سرير خليها تنطر و مخليني بغرفة التخطيط بروحي بس امي و خواتي معاي لا سستر ولا احد عندي
وانا من قوة الم ابجي و حسيت بدوخه قوية و قلت خلاص طلعوني و دوني خاص مابي اولد بالصباح
راحت لها اختي قالت طلعيها خلاص بوديها خاص مارضت و خذت الاوراق و مارضت تعطيهم و السسترات اللي معاها حشاكم حيوانات مثلها تخيلو عشان ما يعطونا الاوراق السستر ماسكه الاوراق بيدها و تشتغل
المهم كلمنا سستر اهيا مولده بجناح الولاده نعرفها من زمان و بنت الحلال انزلت و يت لي شافتني ابجي و منهارة راحت كلمت الدكتورة قالت لها في سرير فاضي وانها توها نازله من فوق عطيني اوراقها خليني اصعدها و مارضت و دخلت عليها اختي و مرت اخوي قالو انتي عذرج بالاول مافي سرير فاضي يلا هذا سرير صعديها تدرون شسوت ؟ لفت ويها ولا كان احد يكلمها المهم امي شافتها جذي دقت على خالي اهو مسئول عالدكاترة و الممرضين بالمستشفى قالت له اللي صار و قالها انا اعلمج فيها
المهم عقبها بخمس دقايق صعدوني جناح الولاده
