تجمع اللي ياخذون ابر تنشيط وابر تفجيريه

[+ Gloom +]

رد : تجمع اللي ياخذون ابر تنشيط وابر تفجيريه

مشكووووووووووورة ام الريش بس انا ماخذيت العلاج هذا الشهر ببدي فيه اذا الله ماتكب وطلعت حامل
ويارب يسمع منج احمل بالتوم طبيعي يااااااااااااااااااااااااااااااااااارب

 

[بطة رشيقة]

الله كريم انا موعدى مع الدكتوره الخميس عشان تشوف التبويض

 

[ام خدود ورديه]

الله يرزقكم ان شاء الله
انا اليوم المفروض يصير الجماع
واثنينه متهاوشين ومطنقرين شقوله بالله يلا جامعني عشان الأبره
استغفر ولاحول ولا قوة الا بالله

 

[يتيمــــه]

انا باجر ببلش باكل الكلوميد ..
والله يرزقنا ..
ام خدوود وورديه الله يعينج صارت ويااي .. قبل

هههههههههههههههههههههههههههه
اتذكرطرشت له مسج .. انا تعالجت وطقيت ابره تفجيره .. كل هذا علشانك انت يوم تبي عيال ويوم صار وقتها شوف حالنا عموما براحتك انا اللي علي سووويته

شرايج

 

[ام فوااز]

ابي انظم دورتي يابنات شلون
هذه حاله كل تتتاخر اسبوعين وساعات اكثر مويقولون الكلوميد ينظم الدورة انا ماانتظمت ليش ؟؟؟؟

 

[أم لولووأخواتها]

ابي انظم دورتي يابنات شلون
هذه حاله كل تتتاخر اسبوعين وساعات اكثر مويقولون الكلوميد ينظم الدورة انا ماانتظمت ليش ؟؟؟؟

تتأخر لما تاخذين كلوميد بدون أبره تفجيريه.. بس مع الأبره التفجيريه ما تتأخر...و الكلوميد ينشط المبيايض ما ينظم الدوره​

 

[ام خدود ورديه]

لوول يتيمه
صج هالحله فيها شوية ذل
عاد يه امس واثنينه مانكلم بعض ومحد يطالع الثاني لمن حطيت عيني بعينه ظحكنا وتناقشنا بالسالفه وتراضينها شويه جان اقوله حبيبي اشرايك اتخلي العشى بعد شوي جان يقولي ليش ترى ماكو شي اليوم عقابا لج عشان ماتطولين لسانج انا سكت برطمت جان اروح الدار دقايق ولا ياايلي لوول وصار الجماع الحمدالله وتوني دقيت عليه قلتله يلا حبيبي تعال جامعني مات من الظحك والله كريم
احسن شي ناخذ الموضوع بروح حلووه وظحك عشان المزاج
والله يرزقنا ان شاء الله

 

[! GaLaXy !]

الله يرزقكم ان شاء الله
انا اليوم المفروض يصير الجماع
واثنينه متهاوشين ومطنقرين شقوله بالله يلا جامعني عشان الأبره
استغفر ولاحول ولا قوة الا بالله

ههههههه نفس الحاله

انا اليوم الابره التفجيريه وزعلانين مدري شراح يصير هههه

قاعده افكر شسوي لوول

الله يعين

 

[ام فوااز]

ام لوولو عدل كلامج
لان شهر 6 الي طاف لما خذيت الكلوميد والابرة التفجيرية ماتاخرت نزلت بوقتها
انا شهر 7 لاني كنت مسافره بس خذيت كلوميد بروحه تاخرت مانزلت بوقتها
وهم الحيين متاخره واااايد

 

[إم بــــرٍآك]

رد : تجمع اللي ياخذون ابر تنشيط وابر تفجيريه

السلام عليكم مشكوره ام الريش على هالتجمع حبيت انظم معآكم انا الحمدالله عندي بنتين بسماكنت ابي عيال بس بعد خمس سنوآت قررت اني لازم اجيب بعد اخوان او اخو اخت (الي ايي من الله حيآه الله )حق بنآتي وتوني مراجعه الدكتوره انا كل شي فيني سليم بس الفتره الي راحت كنت اعآني من أكيآس بالمبيض و امس كآن عندي موعد مع الدكتوره طمنتني الحمدالله يعني اقدر احمل بس قلت لها ابي ادويه تخليني انجب تؤأم بحول الله وقدره سبحآنه بس ردها ماكان مثل ماانا ابي للأسف قالت الاكياس بترجع لج بعد علاج الكلوميد الي بتأخذينه !! وفي خوف على الي بجيبهم تقول في مخآطر محتمله بانجابهم قبل لآيكتملون
دعوآتكم خوآتي والله يوفقني وإيآكم لما يحب ويرضآه ويرزقنا بالذريه الصالحه يارب ولي رجعه لكم اكيد بعد الاستخاره والحمدالله عندي وقت من الحين ولـ وقت الدوره

 

[أم لولووأخواتها]

ام لوولو عدل كلامج
لان شهر 6 الي طاف لما خذيت الكلوميد والابرة التفجيرية ماتاخرت نزلت بوقتها
انا شهر 7 لاني كنت مسافره بس خذيت كلوميد بروحه تاخرت مانزلت بوقتها
وهم الحيين متاخره واااايد

حبيبتي أم فواز
إذا متأخره حيل سوي تحليل حمل إذا مافي حمل لا قدر الله
راجعي دكتورتج وسوي سونار لأن بدون إبره تفجيريه ممكن البويضات ما تنفجر وتتحول لأكياس لا قدر الله أسم الله عليج
فلا طويلين بالنطره الدوره يا تنزل و لا يكون في حمل إنشالله لأنه حتى النفسيه تأثر

وإنشالله يكون التأخير حمل يارب وتفرحينا​

 

[ام خدود ورديه]

بنات مثل ماقلتلكم قبل يومين خذيت ابره تنشيط وصار الجماع امس واليوم الحمدالله
قبل شوي رحت بغير الكير فري ولقيت نقطه دم حيل خفيفه ورديه يعني ومثل خيط ظعيف وردي
وانا الدوره حدها تو الناس باقيلها اسبوعين تقريبا ؟؟ هالشي طبيعي؟ انا بس خذيت ابرة تنشيط وحبوب مثبته مادري حق شنو لمدة 12 يوم 3 مرات باليوم شالسافه ؟
وبنات عقب الابره اذا في حمل متى راح احس بالاعراض ؟

 

[DO7AWE]

شخباركم عسولات..
ام لولو حياتو يسلمو على سوالج علي..
نزلللللللللللت الدورة
الموهيم
دكتورتى قالت خل اسويلج اشعه صبغه عشان تنظف رحمج ونشوف شالمشكله..
موعدي 30 9 والله كرييييييييييييييم

 

[يتيمــــه]

بنات مثل ماقلتلكم قبل يومين خذيت ابره تنشيط وصار الجماع امس واليوم الحمدالله
قبل شوي رحت بغير الكير فري ولقيت نقطه دم حيل خفيفه ورديه يعني ومثل خيط ظعيف وردي
وانا الدوره حدها تو الناس باقيلها اسبوعين تقريبا ؟؟ هالشي طبيعي؟ انا بس خذيت ابرة تنشيط وحبوب مثبته مادري حق شنو لمدة 12 يوم 3 مرات باليوم شالسافه ؟
وبنات عقب الابره اذا في حمل متى راح احس بالاعراض ؟

اشوووه زانت الامووور على قولتج اهم شي النقسيه //
//

واذا بخصووص نقطه الورديه
اقولها لج من الف الف الف
مبررررررررروووووووووكـ
على الحمل ..
لان هذا يدل على تلقحت البويضه
واخترقت جدار الرحم ..

ودايم اسمع عنها وعن رفيجتي اذا نزل خيط وردي مايل لاحمر ايا التبويض
بعد الحمل فهذا حمل ..
عسى انشاءالله يتقبل دعائي ويرزقج يارب بذريه الصالحه
انتى وانا وجميع البنات اللى يبون الحمال


:balo:

 

[ام ساره72]

هاى بنات حبيت اتاكد الابره لمن يقولون لج تحت تحت الجلد يعنى تاخذينها فى الفخذ او على الايد؟؟ عدل كلامى ؟؟ لانى بصراحه مالى خلق اروح المستوصف بقز روحى شسوى ماقدر اروح بسبة الدوام يتعارض ولانى ااعرف اخذهم بس للتاكيد فيدونى حبيباتى

 

[Shade]

للرفع

 

[ام خدود ورديه]

بعد عمري يتيمه ياارب يرزقنا كلنا ان شاء اللله ويصبر قلووبنا قولي آمين
خايفه استانس واتحمس ويطلع لأ
الله يسمع منج ان شاء الله واطلع حاااااامل اقولج الفال لج وراح ادعيلكم بكل صلاة والله اني من دشيت هالقسم ماقمت ادعلي حق نفسي بس قمت ادعلي حق الكل ويارب الله يستجيب دعواتنا ياااااااااااااااااااااااااااااااااااااااااارب

 

[ام هديل 87]

ام البراك حبيبتي الله يرزقج يارب توكلي على الله
ام ساره حبيبتي الابرة منشطة تكون بالعضل على الورج تقربيا لاتهولين بعمرج المستوصف يغزونج احسن بس انتي عطيهم الادوا والوصفة
دربالج هذا مولعب الله يرزقج المستوصف يعني الدكتورة قالتلج ساعة معينه وله اي وقت ؟
ام خدود وردية يارب تكونين حامل وتبشرينا

 

[أم لولووأخواتها]

معوضه خير يارب
إنشالله الشهر هذا تحملين الأشعه 30% علاج
أنصحج تشترين عسل المعجزه عجيب شريته حق زوجي يفتح نفسه للأكل ويقويه حتى لو مافيه شي
صج زوجي ما إستمر عليه بس من أول يوم فرق معاي أكله

والله يرزقج قريب إنشالله

 

[أم لولووأخواتها]

والله ما أنصحج أنتي تاخذينها
خليها بالليل وبالمستوصف أحسن
الإبره حاره وإذا نطقت غلط ممكن تكون بين الجلد والعضل وتكون مؤلمه كأنها كيس دهن صج تروح بعد وقت بس الفايده
إنها توصل مباشره وبنفس الوقت علشان تكون نتيجتها مرضيه
لا تكسلين ولا تتهاونين بصحتج قاعده تتعبين على روحج كمليها وخلي شغلج صح
الله لا يخيب التعب موفقه حبوبه