تجمع اللي ياخذون ابر تنشيط وابر تفجيريه

[tooonaaa]

توته ٢١
انا ما خذيت حبوب عطاني الدكتور ابره منشطه كل يوم ٢ بنفس الوقت لمده ٥ ايام ولما رحت له سوالي سونار وكانت البويضه حجمها ١٩ وقال لي زينه وعطاني بعدها بيومين اعتقد ابره التفجير وقال لي عن موعد الجماع وعطاني حبوب تثبيت حبتين باليوم لمده ١٠ ايام
كل هالتعب والم البطن والصداع وكل اعراض المنشط
ونزلت الدوره
المهم اليوم خذيت موعد اروح الطبيب عالسبت وبالغصب ماكو مواعيد حطتني بينهم
انا اعالج بطيبه كلينيك عند دكتور شفيق صالح
يا بنات اللي عندها فكره عن هالدكتور بليييز
واللي عندها فكره شنو الخطوه اليايه هم تقولي
والله يرزق الجميع

 

[توتــــه21]

الله يرزقني ويرزقج يااااااااارب

 

[توتــــه21]

بشري رحتي حق الدكتور اشقالج؟
والله ما عندي فكره عنه اول مره اسمع ابهالدكتور

 

[مارغريتا]

الله يرزقنا يااااارب

 

[tooonaaa]

بشري رحتي حق الدكتور اشقالج؟
والله ما عندي فكره عنه اول مره اسمع ابهالدكتور

اي حبيبتي رحت حق الدكتور
وهالمره عطاني حبوب كلوميد + ابر تنشيط وقال لي المره اللي طافت كان في بويضه وحده ان شاللله هالمره يكون في اكثر عشان فرص الحمل تكون اكبر
وبس
وقاعده الحين اخذ اعشاب تقوي الرحم من (ام خالد الهاجري) سمعت فيها يقولون زينه
لأن اعراض الادويه وايد تعبتني وان شالله هالشهر يكون اخر شهر اخذ فيه هالادويه
وبس سلامتكم

 

[tooonaaa]

والله انصحكم فيها ..احس اني ارتاح جسمي عقب الحجامه حيل حيل..مادؤى اي وقت هي تحدد لج ..تجي البيت ب15 دينار ..والله بلاش على النفس الحلوة والايدين الخفيفه ..الله يعطيها العافيه

ام الريش
لو سمحتي ممكن رقم اللي تسويلج حجامه
ووين تسويلج بجسمج
يعور ولا لأ
ومشكوره مقدما والحسن ادزيلي عالخاص
بللليييييز

 

[درة أهل الطولات]

امممممممممممممممممممممممممممم قلبي يعورني تدرون ليش اخذ بهالمنشطات وسونار ما اقدر اسوي

اخاف واحس بأالم مو طبيعي

وحاسه اني راح اقط روحي ورى الشمس

 

[غزل بنات]

بنات الابر المنشطه تعور ولا لا يقولون تحرق وماتقدرين تمشين صج؟؟؟؟؟ والتفجيريه نفسها بعد تعور ولا لا ؟؟؟؟

 

[سنعوسية]

بناااااااااااات منو صارلها نفس حالتي ترد علي تريحني
انا اخذ ابر تنشيط والدكتوره تراقبني كل يوم وترك بالسونار بس اخر موعد عطتنياه مارحت ولا اخذت الابر بسبب ظروف خااااصه اثرة على نفسيتي ورحت بعد موعدي بيوم ولما درت الدكتووره تضاااااايقت وقالت راح بتصرفج هذا تاثرين على البويضات وعطتني ابر نفس اللي ما اخذتهم وقالت تعالي باجر والله كريم وعلى فكره انا اراجع عشان حقن مجهري .......... تكفون اللي خربطت بالابر ولا نستهم ترد علي وتقول شصار معاها ............ ريحوني الله يريحكم

 

[سعودية بالكويت]

قوة بنات ..

أنا أخذت كلوميد أربعة شهور وبواحد من هذي الشهور أخذت

أبرة تفجيرية كان يوصل حجم البويضة 17 أو 18 وريحت شهر

بعدين كملت العلاج صار لي شهرين أخذت كلوميد والشهر اللي بعده

كلوميد واليوم السابع والثامن والتاسع أخذت أبر تنشيط وسويت سونار

باليوم الثالث عشر حجم البويضة 16 وأخذت باليوم 14 أبرة تفجيرية

وأخذت دوفاستون يوم الأثنين آخر حبة ويوم يومين وتنزل الدورة وأن شاء الله

ماتنزل ويستجيب ربي دعائي ..

أدعو لي بنات ..:eh_s(2): :eh_s(2):​

 

[sara81]

سعوديه بالكويت ان شالله انج تحملييين حمل سليم يااارب

انا صارلي 6 شهور اخذ غونال f وكلوميد 4باليوم وتوصل البويضه 18\20

واخذ التفجير وسبحان الله مايصييير حمل

والله كرييييييييم

 

[غزل بنات]

مارديتو علي الابره تعور الدوا يحرق ولا عادي

 

[tooonaaa]

عادي تقدريت تتحملينه
وحسب ايد الممرضه

 

[tooonaaa]

اللي ياخذون كلوميد وابر تنشيط اكثر من مره, سؤال ؟
اول مره خذيت ابر التنشيط عوار راس وصدري منتفخ وبطني
أما هالمره خذيت حبوب كلوميد + ابر تنشيط وما صار فيني هالاعراض
مو غريبه ولا مره ومره
اخاف ماصار في مفعول

 

[مواصله]

رد : تجمع اللي ياخذون ابر تنشيط وابر تفجيريه

الله كريم بنات

انا لي قريب السنه مابين الكلوميد وابر التنشيط وابر التفجير ومتابعات السونار وان شاءالله هالمره تصيب ياااارب

توني يوم الاحد اخذت التفجيريه بعد5ايام من المنشطات ومو ماعطيه زوجي نفس خخخخخخخخ يالله لاتضيع لنا تعب

 

[غزل بنات]

بنات انا بديت اخذ ابر تنشيط مثل القلم اغزها بالبطن طبعا زوجي يغزني يوميا يعرف

ماتعور ولا شي

 

[غزل بنات]

بنات انا بديت اخذ ابر تنشيط مثل القلم اغزها بالبطن طبعا زوجي يغزني يوميا يعرف

ماتعور ولا شي

 

[tooonaaa]

رفع

 

[tooonaaa]

اللي ياخذون كلوميد وابر تنشيط اكثر من مره, سؤال ؟
اول مره خذيت ابر التنشيط عوار راس وصدري منتفخ وبطني
أما هالمره خذيت حبوب كلوميد + ابر تنشيط وما صار فيني هالاعراض
مو غريبه ولا مره ومره
اخاف ماصار في مفعول

اشدعوة ولا وحده جاوبتني:bbbiu:

 

[سعودية بالكويت]

هلا والله أختي

أنا صار لي 10 شهور آخذ كلوميد وإبرة تفجيرية

ولايصير لي شيء من اللي قلتيه وشهر واحد بس

أخذت أبر منشطة مدة ثلاث أيام وراء بعض

حسيت بعدها بخمول وتعب يمكن لأنها أول مرة

وبأخذها هذا الشهر إن شاء الله

والله كريم .. يارب لاتضيع لنا تعب ولاتحرمنا الأجر :yaaaaaarb:​