تجمع المسافرات الى لندن شهر 7 وشهر 8 ؟

[q8tia27]

حياج الله ام حسن

كلووت اختي اذا 240 حده سعر زين احنا نفس وقتج بس سعرنا 270د يعني اذا عطوج 240 اخذي وانتي مغمضه حبيبتي لان سفرياتنا اليوم كلمتهم وصل السعر 315 د تقول كل يوم يزيد الي يبي يلحق الحين

 

[^kloOot^]

انزين انتى اى سفريات ؟؟؟

 

[q8tia27]

حبيبتي انا كتبت اسمهم عموما سفريات السيد 22400100
بس امس دقينا قالت 315د وصايره ترتفع بسرعه روحي لحقي

 

[alcaramella]

الصراحه يشوق الفندق بس عوار قلب والله زين كراميلا شنو يمه مطاعم والا سوبرماركت؟ وفيه لوبي زين والا لا

سوري على التأخير
والله بيني وبينج لندن عيبها بالنسبة لي ان مافيها مطاعم وايد يعني ماكدونلدز تمشين وايد على ما تلاقينه ولا مطعم خفايف تلاقينه على الطريج اللهم شارع ادجوارود ولا لندن كلها كلها سوق مطاعم قليله الا في اماكن التجمعات تلاقينهم يم بعض بس بالمناطق السكنيه مافي
عموما جبال هالفندق كله محلات ماركات مافي مطاعم ​

 

[نونيا]

ابي ملاهي بلندن

 

[mr000]

سلام بنات اشلونكم آنا توني راده من لندن قبل 4أيام الجو كان يهبل ومطر بس مو مطر اللي ماتقدرين تطلعين لا عادي بالنسبه للمناطق اللي بره لندن روحوا منطقه أسمها بستر نورث تروحون لها من محطة قطار مارليبون ومع حجز التذكره حجزوا حق الباص اللي ينطر بالمحطه هناك يوديكم أول ماتوصلون حق سوق الآوت لت في بستر فيلج السوق كله ماركات بس بنص وربع السعر الأصلي والمكان حلو كله مطاعم وكافيهات وطبعا برايتون لاتنسونها عالبحر وتونس حق اليهال وفيها مجمع أسمه تشرشل شوبينج سنتر وعندكم في لندن نفسها بمنطقة شوبربوش مجمع يديد وكبير فيه أكثر من 260 محل أسمه ويستفيلد مول وآنا رحت منطقه بره لندن بس مو وايد بعيده يعني ساعه ونص بالقطار أسمها كانتربيري وايد هاديه وحلوه وبارده وفيها سوق نفس محلات لندن ومحلات بعد غير! وفي مناطق رحتلها بسفرة قبل كم سنه هم حلوه وهي مارغيت عالبحر مثل برايتون وبورموث وبلاكبول وايد حلوه حق اليهال وجوها بارد حتى بشهر 8 ولاتطوفون منطقة البحيرات أسمها ليك ديستريكت بس هذا بره لندن يعني من بلاكبول أقرب واللي ودها تروح اسكتلندا طبعا حلوه وبارده حتى بالصيف وفيها سوق نفس لندن

 

[Um Hasan]

حمدلله على السـلامة ومشكــورة على المعلومات الحلوة :eh_s(6):​

 

[Miss Cherry]

بنات متحف الشمع وين صاير اول مره اروح لندن
وشنو الاماكن الحلوه

مدام توسو بالبيكر ستريت .. مشي من الاجور رود تقريبا ثلث ساعة .. وبالقطار اقل من 5 دقايق
هو بالضبط جمب المتحف محطة القطار يعني تنزلين تمشين جم متر على يسارج المتحف


بنات انا بلندن وقاعده ليما الصيف اللي تبي تسأل عن اي شغلة انا حاضره :eh_s(7):

ودي اشوف كويتيات بلندن يربي ماحصلت احد

 

[نونيا]

مشكووره مس جري و بتلقين كوكش كويتيات بالصيف ان شاءالله
وبسألج اتعرفين وين صاير التلسكوب العملاق الي اتشوفين منه نيويورك ؟

 

[q8tia27]

up
up

 

[سرسر؟]

بنات لندن بتكون شهر7 برد او الجو حلو؟

 

[الذوق]

ما ادري حتى انا نفس السؤال لان ولدي صغير وما ادري شنو اخذ له ملابس تعرفون اليهال يبردون بسرعه شلون الجو من شهر 6 وفوق يعني الصغار شناخذ لهم ...؟

 

[الدلال]

اهي جوها حلوووو بس مرات بالصيف اتييهم موجة حر

 

[q8tia27]

اخذو صيفيي الجو يهبل براد وباليل مرات يبرد يعني بو جاكيت واحد كافي بس لاتكثرون شورتات لهم لان مو مال شورت جنزات برمودا ممكن بس فوق نص جم طول النهار البرد يبدي من بعد 8 او 7 باليل ومرات يحوشهم حر بس مو مثل حرنا نفطس منه حمدالله والشكر على كل حال بس يظل جوهم فرششش ومنعش مشالله وكله غيم وتمطر بس خفييف مطرهم مايدمر وهالجو يستمر من شهر 6 لي 8

 

[RegaLoS]

السلام عليكم

انا ان شاء الله مسافره لندن من تاريخ 4/7 لي 12/8 بلحق على تنزيلات هارودز تبدي 3/7

مو اول مره اروح لندن ولا بره لندن تقريبا كل سنه لازم انمرها


ان شاءالله ناويه هالسنه
اقعد بلندن يومين او اقب بورنمث - مانشستر امبي اتهبل - بلاك بول حق السيرك -ويلز - او ارجع لندن بإذن الله
التذاكر حاجزينهم من زماااااان
من موقع الكويتيه
او سعر الشخص كان 265 دينار
او ولدي عمره سمه تذكرته 65 دينار

الفنادق حجزناها كلها من موقع بوكينق


بس ناطرين ان شاءالله ينزلون جدول رحلات القطارات او نحجز حق التنقلات او حتى حق الملاهي او كل شي


بلندن بنسكن اول شي في كمبرلاند طبعا جددوه ايهبل صار

او في مانشستر في بالاس عجيب يم المحطه

او في بلاك بول طبعا هيلتون
ويلز ما اذكر اسم الفندق
وفي بورنمنث بنسكن في بيت
بعدها لما نرجع لندن بنسكن يومين بكمبرلاند بعدها نروح الشقه ان شاءالله

 

[زلابيا]

واي على لندن :eh_s(15):

عليكم بالعافيه ياللي بتروحون هالسنه ...

احنا العام سكنا في منطقة بره لندن اسمها ميلتون كينز .. حلوه وهااااااااااديه الى الملل.. وفيها مجمع واحد في اغلب المحلات اللي موجوده اب اكسفورد .. بس عيب هالمنطقه ان الساعه 6 كل شي يسكر ويصير صخه ونضطر نقعد بالشقه لي ثاني يوم .. بس هم عجبتنا المنطقه .. لأن كان وقت سفرتنا اب عز الصيف اول شهر 8 ولما كنا ننزل لندن حيل حيل زحمه والمحلات زحمه والشوارع زحمه وكل مكان كويتين وخزني واخزك لوول .. بروحنا منحاشين منهم هم نشوفهم بعد


وبملتون كينز مدينة ملاهي وفيها حديقه وفيها بحيره حلوه الحديقه وشرحه اتونس

وتقدرون تروحون بالباص لي الآوت لت (بيستر فيلج ) ياخذ منكم الطريج ساعه الا ربع تقريبا

وتقدرون تروحون لندن بالقطار ياخذ منكم طريج ساعه تقريبا

 

[شاليمار]

انا بسافر ويا ريلى وولدى للندن ان شاء الله
واول مره بروووح لها
وما نعرف شىء
بنات اللى راحوا يا ريت تقولون لنا احسن مكان يكون جريب للسوق
ونبى شقه فندقيه علشان ناخذ راحتنا

 

[الدلال]

انا امس حجزت على القطريه

انا وريلي واختي وعيالي ( ولدين 9 و5 سنوات)

طلعت تذاكرنا 928 دينار

وروحتنا شهر 8 ولمدة 15 يوم

وحجزنا شقه من هالسايت واهي شقه فندقيه واخذنا غرفتين وحمامين ومطبخ وصاله

http://www.central-london-apartments.com/

وطلعت علينا باسبوعين تقريبا 1400 دينار

 

[روبيانة]

مساء الخير .... :eh_s(6):
وش أخباركم ؟؟ إن شاء الله تمام ....:eh_s(6):

بصراحة ... يعطيكم العافية والله .. خوش منتدى ..

أنا كنت أبغى أسافر على السعودية بس ما لقيت حجز كله فلللل ... فحجزت على الـ british airways ... البحرين لندن - لندن البحرين ... و بصراحة مدري خايفه أول مره أسافر عليها.... التذكرة أخذتها بـ 2700 ريال ... بليز بنات ايش انطباعكم عن الخطوط؟ و بأي بوابة تنزل ؟ مدري شايله هم والله ..... ​

 

[LA TROO7]

بروح بعد شهر بأذن الله فديت لندن

الي يسألون عن الفنادق جربي راديسون ساس بأكسفورد مكانه ورا دبنهامز نظيف ومررررررريح جداا وكله عوائل كويتيه استانس لاشفت ربعنا

وعندكم فندق البيست ويسترن مقابل ماربل ارج بس شوي ازعاج

بنات شنو الهبه الحين بالشنط اي ماركه

نفسي بشانيل شرااااااااااااااايكم اخذها مناك ؟؟