تجمع المسافرات الى لندن شهر 7 وشهر 8 ؟

[بنت الكويت 84]

مرحبا شلونكم؟ حبيباتي اللي بلندن بشروني شلون الجو اليوم وهل راح ترجع موجة الحر مره ثانيه يعني حسب الاخبار شنو متوقعين؟ فديت روحي تسلمين على الرد ابي محلات تكرمون جواتي فلاتات بس حلوه و راقيه و شلون بربري و البضاعه اللي فيه و السيل؟

 

[روابي الحب]

بنات الي ما راحوا الكادبري لا يطوفكم احنا رحناله العام من منطقه ملتن كنز تبعد ساعه عن لندن بالسياره رحله الكادبري ساعه الا ربع
يعني اتوقع من لندن ساعتين او اقل والله عجيبه اتذوقين الككاو من المصنع فرش وترسمين بالككاو وتصورين مع الكادبري وفي مثل السندباد تركبينه وفي تيشرتات للمصنع نفسه وتحف واكواب وبعدين في العاب وعرض بالحديقه يختمونها لج بكورن فلكس ككاو الصراحه واو انا السنه هذي انشالله بروحله مره ثانيه بعدين المنطقه كل لافتاتهه بنفسجي اسمها( كادبري) يمي يمي 000000000

 

[فديت_روحي]

طيران الكويتيه ويييييع لوعه

انا يايه عن طريق الكويتيه

حتى الدرجه الاولى ويع

اهلي يقولون حتى احنا بالدرجه الاولى مو قاعد يوصلنا اكل مثل الناس

تقول الي بالسياحيه اكلهم ابرك,,

والسياحيه ضييييييج وتلفزيونات تشتغل بس حدج رايدو وقناه الكويت وقناه باباي مشوشه وفلم هندي

وكل ماتطقين شي شي بالشاشه يقولون لج غير متوفر وخربان

 

[q8tia27]

مروووو يحليلج عبالي انت يعنونه هههههه صدمتيني
اي رايحتله نيو بوند بس انا قصدت ان محل الجواتي جينا موجود له فرعين واحد باولد بوند ستريت والثاني ب سلون ستريت
واللي تسا عن عطور انا اقولج روحي هارودز اهو اول واحد ينزل العطور ويمسكهم مده اسبوعين تالي يوزعونه عالسلفريدجز واخر شي يروح للمحلات انا سالتهم العام عن هالسالفه يعني حصري عند هارودز بالبدايه بس على فكره كل العطور تجي الكويت ماكو شي غريب والله يفرق شهر والا شهرين لايقولون لج ينزل عقب سنه والا مده يبالغون اللهم توم فورد وترش بس بلندن وانا اشوفهم عاديين في احلى
لايطوفكم عطر لويي ترا موجود بالكويت بس ريته غريبه وثابته
واكو هناك بالسلفردجز عطور امواج بس حدها غاليه العطر على 55د ودهن العود يطلع ب 70 بس مو طبيعي ونفس سعر الكويت لقيته بيضون بمعرض مشرف ونفس السعر طلع ومرووو حبيبتي ترا فاونديشن ارماني موجود بفافافوم تلقين الماركه وكلشي موجود

 

[mr000]

حبيبتي كويتيه 27 والله أدري كلشي بالكويت حتى العطور الأكسكلوسف اللي شريتها من هارودز وقالي ماتوصلكم الخليج ألا بعد 6 أشهر الله وكيلج عقب مارجعت بأسبوع ألا دعايتها تارسه الشوارع بالكويت وشفتها بالأفنيوز! بس للأمانه ترى أسعار الجناط هناك أرخص يعني بربري بالسيل من ويستفيلد مول حصلتها بسعر بالكويت قالي لايمكن نبيعها بهالسعر هني أكثر ب50 دينار!!حبيبتي كويتيه تبين أصدمج أكثر آنا يده وعندي حفيده عمري طعش سنه خخخخخ لا صج عمري 43! بس مدمنة تسوق وخاصه بلندن أخس من بنتي!!

 

[mr000]

بالنسبه حق الطيران اذا الله كتبلي سفره بعد بختار البريطانيه على طول ومن ناحية دايركت أنا حصلت دايركت عالبريطانيه ووقتها حلو تطير 8 الصبح من الكويت وتوصل الظهر بلندن بس اللي خلاني غيرت وأخذت الكويتيه علشان الرده كانت توصل الساعه الصبح ووقتها كان ولدي عنده مدرسه بعد أجازة الأيستر فماكنت أبي أغيبه أول يوم دراسه! وبعدين المطار اللي يستقبل الطيارات البريطانيه تيرمينال 5 يديد حلو وهم فيه سوق! أي صج على طاري السوق خلو لكم شوية فلوس حق المطار ترى هم تلاقون فيه سيل وأرخص بعد لأنه بدون ضرايب!

 

[mr000]

عفيه البنات اللي بلندن ولاعليكم أمر أذا قدرتوا بس تشوفون لي جناط أل في اليديده بكم تقريبا علشان بوصي ناس أييبون لي! بس ياريت تردون لي خبر بهاليومين أو 3 قبل لايسافرون!

 

[mr000]

حبايبي مشكورين خلاص لااتكلفون على نفسكم آنا فتحت السايت مال أل في وشفت التشكيله اليديده من الجناط عند سيلفريدجز! بس أعتقد الأسعار هذي بكل مكان نفس الشي أقصد بلندن بس عندنا أكيد أغلى! في موديلات وايد حلوه خاصه اللي جلدها لماع فضيه أو زرقه!

 

[ombadra80]

قوه بنات سلونكم.....
شلونج فديت روحي شخبارج بشري عن امج شلن صارت اانشاالله احسن وخفت وشلون يدتج؟

 

[فديت_روحي]

هلا ام بدره ياقلبي

مسكينه امي تعباانه حدها

اليوم مادري شفيها زادت صارت جبدها كله تقلب!! وجنها بترجع ورااسه ثقييل وظهرها يعورها وسهال ومنسدحه طول الوقت

يمكن فيها برد! والله ماندري الحين بنوديها الطبيب

ادعوولها الله يشافيها
,
ويدتي الطبيب عطاها حبوب تامي فلو ملوت الانفلونزا وقال لها اخذي حبه باليوم عشان الوقايه

 

[فديت_روحي]

مروه
نسيت اقولكم امس رحت سلفردجز وفيه كولكشناات يديده

وارماني منزل كوليكشن حلو بروزنزي وشذري يديد يقول بس نازل بسلفرجز وكنت بشتري بس غاااالي شنو هذا جربت الحمره واالفلوسات بس امبي ماقدر تخلص فلوسي بس على مكياج ايد وايد غالي ارماني

وعندكم نارس بعد منزل كوليكشن يديد يهبل خلص كله قبل يومين وامس نزلون مره ثانيه

اضاءه صفره وبلشرات وحمر حلوه

 

[فديت_روحي]

وحتى استي لودر منزل كوليكشنات اكسكلوسيف حق سلفرجز
انا امس ما شفت عدل كل الماركات لان ما مداني

وصج طريقه عرض السلفرجز حق المكياج واعلطور احلى بمليون مره من هارودز

انا هاردودز ماعجبتني طريقتهم مادري ليش

 

[mr000]

أي صح أرماني شغلاته غاليه آنا بس أخذت منه الفاونديشن! ومثل ماقلتي شغلات المكياج غاليه عموما آنا هم راحت فلوسي على مكياج حق بنتي بعدين الجناط أخذتلها بربري وفرساتشي بعد أنتوا ألحين في موسم تنزيلات آنا لما رحت بالأيستر ماكان تنزيلات وايد يعني 30% و25% بس عموما المكياج ماعليه تنزيلات! حبيبتي فديت روحي أنتو بتقعدون مده أطول مو أسبوع أو 10 أيام فلا تخلصين فلوسج بأول أسبوع!سلامتها الوالده ماتشوف شر وطمنينا عليها

 

[روابي الحب]

فديت روحي ما تشوف شر يدتج واجر وعافيه بص صدقيني هذا برد وتدرين مره جبيره مناعتها ضعيفه الله يشافيها ويشافي كل مسلم وعطوها شاي اعشاب يخف عليها انشالله واستانسوا بكل لحظه ولا تخلون مرضها ياثر عليكم عادي هذا تغيير جو يعني اشرايج من برد لي حر احنا نمرض اشلون المره الكبيره فيتامين سي زين

 

[فيوليتا]

الفال لي اروح لندن


تروحون وترجعون بالسلامه

 

[فديت_روحي]

هلا مروه

شلونج

لو باخذ ميك اب ارماني بيكلفني فوق ال 300

انا بحطلي ميزانيه شويه حق المكياج مابي هالقيمه

وابي شي يديد وماعندنا اياه

انا حدي 100 او 150 دينار جذي على الميك اب :\

والمشكله ارماني اغلى وايد

ومادري شكلي باخذ بس الاشياء اليديده والمميزه من كل ماركه
وفيه ماركات مو موجوده عندنا ملوت مكياج مادري اخاف اجازف وتطلع موزينه


وبالنسبه للعطووور كويتيه 27

صاجه ترش انا جربته امس ماحسيت فيه زود كلللللش عادي يعني

بشوف انا عطور هارودز مره ثانيه انشالله وبقارن.

 

[q8tia27]

هلا مروو
اسم الله عليج والعمر كله لج يارب ياحلوج مادري يعني اقولج خالتي هههههه الحين بنطق
طلعتي انتي خرابوا مو بنتج خوش والله والله انا مانصح تاخذون عطور مثل ماقلت ثقال عالفاضي خلكم اهم شي عالجناط لان فرق مثل ماقلتي السعر والله الحمدالله كل ماروح اخذلي جناط اشبع منهم بالكويت وماتوصل مرات لان تدري الكويت خواره ماينزل كلشي هني واغلى بعد هني شدوا حيلكم بالملابس وجناط واكسسوارات اخر شي اذا بقالكم فلوس اشتروا ميك اب اتصدقين قبل سنتين خذيت بربري من هارودز ب 270 د موديل السنه كان تخيليوا بالكويت جم لقوه 350د بوتيك بربري الرايه ليش يعني فرق 80د حرام حتى العام اخذ من فندي لفه ب 60د بالكويت 120 بفيرلا وبالوتيك بعد لقيتها 120 ماكو شغل؟ دبل السعر مايخافون الله
بس سؤال ابي فرساتشي مع شحاطه طقم لقيتوا شي حلو هالسنه؟ الي بلندن ياليت تشوفونلي اذا عندكم وقت والسعر انا بخاطري شي ميتاليك او فضي

 

[فديت_روحي]

هلا روابي

حبيبيتي مشكوره على اهتمامج ياقلبي
صح كلامج وابوي بعد من خوفه انه امي تعادينا شوى بطل الدرايش وبررررد عشان جذي دشها هوا طول الليل :\

الله يشافيها انشالله

مشكووووووورره ياقلبي

 

[روابي الحب]

بعد لو يايبين مره وايد زينه نقعوها بماي صحه وخل تشرب منه شويه الصبح وشويه الليل وايد زينه واذا ما عندكم سالوا الكويتين الي معاكم المره مضاد حيوي حق كل مرض وايد زينه

 

[فديت_روحي]

اي عندنا يايبييييين ذكرتيناااااا :d
احنا نييب كل شي هههههه

انتو متى بتييون؟