تجمع المسافرات الى لندن شهر 7 وشهر 8 ؟

[SupeR-GirL]

مشكووره حبيبتي عيل ان شاء الله اروحلها لان مسافتها قريبه

وناطره صورج


انزين شرايج اروحلها يوم الاحد احسن لان السوق بيكون مصكر




وبنات بسالكم وين احسن مكان حق الاوت لت ابي ماركات حلووه ؟؟

اي تقدرين تروحين الاحد حلوه

 

[..ليالي..]

هلا بالغاليه مروو
شلونج انتي

انا رايحه ان شاء الله 6\8 بأذن الله تعالى

واقولج شرايج تروحين معانا
لان بدونج ماادري شأسوي بضييع والله

لان يمكن ما اشبك هناك لان سألت عن فندق الكمبرلاند اللي بأسكن فيه
وقالوا لي ان الساعه عندهم سبعه باوند
غاليه بنات والا اشرايكم
عاد ما ادري

وبالنسبه لبنت نجد
بقولج
بنات الكويت معروفات انهم كشخه واستايلهم حلو ويلفت النظر
بس بعض البنات الله يهداهم يزيدون الجيله

انا عن نفسي نقاب وعبايه
وما احب العبي اللي فيها تطريزات وألوان واللي تلفت النظر
ولبسي كله كاجوال تحت العبايه بنطلونات وبلايز عاديه
وجناط كروس احسن
لان احنا بالسفر نبي نكون فري عن المكياج والتكشخ صراحه
انا اهم شي عندي النظافه الشخصيه
والترتيب باللبس
ومايكون لافت للنظر
وسلامتكم

 

[mr000]

هلا والله ليالي ياليييييييييييت أروح لندن مره ثانيه ماأشبع منها عاد الوالد موجود هناك صارله شهرين وبيقعد بعد شهر وهو ساكن بفندق ورا الكمبرلاند يعني بنفس الشارع بس داخل شوي مادري شسمه! وبالنسبه حق الأنترنت سأليهم أذا عندهم كرت مال أسبوع أو 3أيام يطلع أوفر لج آنا لما سكنت بفندق ثيستل نفس الشي قالي الساعه ب7 باوند بس كرت بو5أيام ب30 باوند فشريت منه أوفر!! وفي بنات قالوا يشترون من أجور رود وصله للانترنت أوأيغو للشبك يطلع أرخص من الفندق أخذي اللاب توب وسألي هناك يقولون لج الكويتيين أشكثرهم! وبالنسبه حق اللبس آنا هم هناك كنت ألبس العبايه بس كنت مخيطه عبي من خامات ثقيله مع بنطلون لأنه الجو كان بارد بشهر 4 نفس شتا الكويت!

 

[دن دن]

هـآآيووو لندنيـآت .. هاو آر يو :eh_s(6):
ماشاء الله عليكم ماخليتوا شي . . صج حريم :eh_s(3): << شدعوه مو مره

اشوف بريماك قايم سوووقه بهالتجمع لوووووول
اليوم رحتله الصبح شوفوا الزحمه شلون قبل لا يفتح الساعه كانت 11:14م بالظبط
لان اليوم الاحد ويفتح متأخر :eh_s(3):




الناس تنطر لووووول



<<شرايكم بالزحمه

وهني الهايدبارك توني راده غرقنا من المطر وردينا








وهذي هديه :eh_s(7):
77

 

[الدلال]

الجو يوونس

انشالله على حظنا يكون الجو حلو جذي

 

[نيلفار]

وناااااااااااسه الصور حده تونس

 

[mr000]

هلا دن دن وااااااي ذكرتيني بلندن عاد تصدقين بشهر 4 كان الجو جذي غيم ومطر على طول يعني 10 أيام بس يوقف شوي ويرد يطق بس طبعا كان برد بالصوره أشوف الناس لابسه نص كم بس لمارحتلها بشهر4 لأ جاكيتات وملابس شتويه ومع هذا السوق كان كله صيفي ماكان فيه شتوي ألا جاكيتات خفيفه حق المطر8! عاد تصدقين بريمارك هذا يمكن آنا الكويتيه الوحيده اللي ماعرفته ألا من 3 أو4 سنين وكان بالصدفه كنت بمنطقة مارجيت عالبحر وشفت بريمارك وشريت منه واستغربت من أسعاره رخيصه وبالسفره اللي عقبها مادليته بلندن ماكان موجود بأكسفورد ونسيته كلش بس هالسنه لأنه صار قبال فندقي بالضبط ثيستل اللي فوق نكست علشان جذي شريت منه وهم نفس الصوره كل يوم تشوفين الناس متجمعين عند الباب قبل لايفتح!

 

[SupeR-GirL]

وااااو دن دن الصور عجيييييبه والنطر وناااسه حسيت بالبراد عاد ان شاء الله يتم انا ان شاء الله بعد يومين يايتكم

اقووول دن دن صج في بنات لابسن UGG's ؟؟؟
اختي رفيجاتها قالولها واهي بتاخذ بوتها بس احس اوووفر ما يسوى

 

[نيلفار]

شدعوووه واقفين جذي لي هالدرجه الطق عليه

 

[نيلفار]

سوبر انتي ان شاء الله متى سفرتج ؟؟

ووين بتقعدين ؟؟

 

[SupeR-GirL]

مرووو حتى انا بري مارك عرفته بكاردف 2007 بالصدفه دخلناه ولا نشوف الكيو عند الكاشير طوييييييييييييييييييييييييييييييييل والناس تارسه سلاااااااااال ويطلعون بجيااس متلتله اطالع الاسعار ولا رخيييص شرينه بديات وخرابيط اللي ناقصنا وبعد جم يوم رفيجه امي قالت لنا عنه انه معروف بالرخص
بس ما شرينا شي لان ما لنا خلق الوقفه بالطوابير
بس السنه شوقتوني عليه شكلي بشتري منه بجامات ودلاعات حق الشتاااا

 

[SupeR-GirL]

سوبر انتي ان شاء الله متى سفرتج ؟؟

ووين بتقعدين ؟؟

انا ان شاء الله الثلاثا السفره وبقعد بفندق radisson sas portman

 

[moone GRL]

ذكرتيني بالبري مارك من زمان مو داشته

من صجج من يدخل الاكسفورد بالويك اند

سبت واحد احسن شي تروحون الويست فيلد ولا النايتس بريدج اذا تبون سوقه .. والأفضل تطلعون من سنتر لندن بهالأيام صج لندن بالصيف مو حلوة كل مكان زحمة

 

[فديت_روحي]

اماااااانه بناتت ردو علي بسرعه قبل لا ارجع الكويت باجر ,,ابي استفسر عن شغله
بسرعه

اول شي بنات شخباركم

ولهاانه عليكم

اي واللللله امبي الكويتياااااات فلم واللله العظيم اول شي نفسيييييييييييييييييييييه لي الخشم طبعا نصهم مو كلهم حرام,,

وغير جذي التكششششششخ زاااااااااايد عن اللزووووووووووووم امبيييييييي شي مو طبيعي بس م اقول مو كلهم بس الاغلبيه!!

كعوب وميكيااج ولبس جنها رايحه استقبال!!
ان بعرف شلون يمشون بالسوق بهالكعب؟؟

بس مو كلهم حرام فيه بنات محترماات ولبسهم عادي صج مال سفر وعملي,,

بس بعضهم عض ازيااااااااااااء وبس.........

بنات شلون سالفه هدوم بريمارك؟؟

ضيقتو خلقي على هالسالفه من صجكم هدوم بريمارك تخترب بالغسيل ؟شلون مو جوده؟
شريت منه واااااايد امبي معتمده على هدومه حق العملي
وشري نفنوف واحد كشخه بس ,وجنطه ماركه وجنطاط محلات عاديه بس حلوه ,,وجواتي فلاتات محلات متفرقه, و4 حزم ماركه وباجي بريمارك ,

ومكياج شريت ماركه ,وجم عطر

بس لهدوم كله بوطقه بريمارك عبالي زييييين

بنات امااااانه قولولي منوالي جرب هدوم بريمارك؟عشان اذا موزيين اارجعهم لني شرت واااااااااااااااااايد ..

وبسألكم عن الساعاااات,,ابي ساعه يديده من هناك ابي ماركه حلوه ويديده؟ وموضه شنو؟؟؟

 

[mr000]

أي صاجه موون غيرل آنا ماأحب الزحمه علشان جذي هالسنه غيرت ورحت بالأيستر مو بالصيف بس طلعت لندن طول السنه زحمه بس للأمانه مونفس الصيف وماكو خليجيين وايد أكثر شي قروبات أجانب من ألمانيا واسبانيا وايطاليا والفندق كان متروس منهم واحنا الكويتيين أكثر شي اللي عيالنا بمدارس خاصه ومعطلين حتى بالمطار الضابط يقول حق ولدي ليش منحاش من المدرسه والا أكيد أمك ماخذتلك طبيه أسبوع حق السفر!! وبعدين آنا متعتي السفر بالقطارات بره لندن يعني أقعد بالليل أدور بالأنترنت أشوف المناطق واللي قريبه ساعه أو ساعه ونص بالقطار أروح لها!!

 

[..ليالي..]

لبى قلبج دندونه

فديت الطله

امبيييييه على بريمارك
الله يعيينا على الزحمه مو صج
خلي لما اجيكم اجيب معاي بساط ومطارة القهوه ونقعد نتسلى على مايفتح لوووووووووول <<سوق الجمعه مو لندن

فديت الايادي والتصوير الحلو ماننحرم منج

يلا عاد لا تخلينا مرينا كل يوم

 

[SupeR-GirL]

فديت روحي مابي اضيق خلقج بس هدوم بري مارك بسرعه يختربون
انا بس شريت منهم جاكيت لاني ماكنت ماخذه معاي لبسته جم يوم ورديت الكويت انغسل وعقبها بسس اخترب

بس اذا رديتيهم شتصفين عليه ما شريتي شي وما يمديج اتسوقين مره ثانيه الا تدخلين محل واحد وتطخين لج مره وحده

 

[mr000]

فديت روحي آنا أقول لج آنا شريت منه حقي وحق بنتي بس البجامات وشوية ملابس داخليه اللي يايين طقم (سروال وستيان) حق البيت معقولين بس لاتاخذين الرخاص كلش بس اللي 5 بكيس لاوالله تفتقوا بعد الغسيل وبجامات اليهال حق بنت ولدي زينين ماصار فيهم شي ولا الفنايل الداخليه الرجالي والتيشيرتات اشوه زينين بس بصراحه لبس طلعه كلش ماشريت منه حتى بنطلونات الجينز بقيت آخذ حق بنتي حسيت أنهم موذاك الزود بس البديات مافيهم شي! أول شي أذا بتردين شي روحي الصبح أول مايفتح علشان لاتصفين طابور واذا في شغلات عاجبتج لاتردينها تالي تتحسفين وماعندج وقت تشترين! وتالي روحي ويستفيلد علشان كلشي جدامج تتسوقين من مكان واحد أو كيفج عندج محلات أكسفورد!! شوفي نيولوك ترى عنده شغلات حلوه حق الملابس العملي آنا شريت منه حق بنتي كدتهم ألحين بالكورس الصيفي

 

[LA TROO7]

حبيبتي فديت روحي

بريمارك خررررطي ماحبيته كلش مااكوو جوده مبين تخرب بسرعه

عندج اتش اند ام حلوو للدوام وعندج السلفرج الطابق الارضي ملاابسه حلوو والطابق الثالث هم ملاابسه حلووة وسعرها معقول

وانا مو معتمده على محل معين اخذ الي يعجبني من كل مكان لان ابي حق العيد وحق الدواام

ولاتحسفين عليهم لبسيهم واذا اختربوا حذفيهم ولاتتحسفين لان مو غالين
بنات ماتدروون وين القى كريم اساس من نتروجينا يقوولون اول مرة ينزلوون ويمدحوووونه البنات الي بأمريكا
دوورت ومالقييييييييييييت

 

[LA TROO7]

ولاتتضايقين الكوويت كل شي فيهاا سووقتنا تهبببببببببببببببببل