تجمع المسافرات الى لندن شهر 7 وشهر 8 ؟

[NoNoFeTa]

ترا الجو نفس الصوره الي حاطتها بالشخصيه بالضبط بس هالصوره انا صورتها الصيف الي طاف

 

[mr000]

أختي نونوفيتا عليج بالعاااااااااااافيه ان شاءالله تستانسين ذكرتيني بلندن آنا كنت هناك بشهر 4 الجو كان يهبل غيم ومطر

 

[بنت العشرين]

طلبتكم الي تعرف سكن واايد زين وقريب من السوق وسعره زين بلندن....... نبي شقة لو بيت احنا تقريبا 11 شخص

شنو تنصحووني الي تعرف تقوول لي الله يخليكم تعطيني اسم المكان ورقمه واذا في موقع له بعد واايد زين =)

 

[قمر _الليل]

مرحبااااااااا

بنات شلونكم عساكم بخير ؟

حياكم الله في لندن ,, والجو الحين ربيعي ومتقلب شوي ..

على العموم بنات اذا تبون اي مساعدة بالنسبة للسكن او التنقل او اي خدمه ثانيه تري انا حاضر ..

 

[Dalo3aT OmHa]

مساء الخير يا حلوين
أحنا سفرنا نص 7 لي نص 8 شهر و على الكويتيه

 

[انا ودنيتي]

زين طمنتوني
انا باذن الله
جايتكم في 16 _ 6
شوقتوني

 

[نونة حبيبها]

باذن الله انا رايحة هناك مع زوجي وولدي عمره سنة من 26 جولاي ل 10 اوغست ,,

لسه محتارة بالسكن ابي يكون قريب للسوق والهيدبارك وسعره كوويس

وابي محلات للاطفال لانه بشتري بدلة عيد ميلاد ولدي من هناك وكمان للعيد تكون الاسعار معقولة يعني وسط

 

[q8tia27]

هلا بنات انشالله تروحون بالسلامه وتستانسون بالعافيه يارب
نونه حبيبها ماكو الا فندق ثستل ماربل ارج او المريديان هذيل الي يم السوق والهايدبارك

 

[نونة حبيبها]

تسلموون ياقلبي ومازال البحث جااريا

 

[مشاعر صامته]

تفضلوا بنات هذي الشقق
مااقولكم خمس نجوم لا حليوه وتمشي الحال
بحي كنقستون مقابل الهوليدي ان مباشره
اقرب شي لها هاردوز مشي تقريبا ربع ساعه او اقل
وحولها الهايد بارك باحدى الزوايا للي يحب المشي
بس بالباص اسرع وحولها كل شي بقالات مطاعم عربيه مكاتب بس يبي لكم تعرفون المنطقه شوي

واخذناها حنا 80 باوند باليوم وتنظيف يوميا
وصاحبه يقول انا ااجر شهري

http://www.manorcourt-apartments.co.uk/

وموفقين
واذا لقيت بعد حطيت لكم

 

[NoNoFeTa]

اليوم عيدميلاد سلفردج مسوين احتفال ونااااسه
طبعا السوق احلا من الصيف الف مره لووول حظي حلووووووووو وشريت مكياج من سلفردج عجيب عجيب نسيت شنو ماركته اروح الفندق واشوف اسمها وماك منزل 4 كلوكشنات وكلهم موذاك الزود يعن ياشياء لقطه مو كل شي

 

[عسووولتي]

اشكرك اختي صاحبة الموضوع

ولي مداخله بسيطه على رد الاخت مشاعر صامته توضيح وتصحيح معلومه عن عنوان الشقه اللي اعرضتها

اولا عنوان الشقه :مب في الكنجستون الصحيح عنوانها في شارع اشبن جاردن متفرع من الشارع الرئيسي كرووم وويل

والشقه صح انها مقابله فندق هوليدي ان اللي كان اسمه قديما الفوورم

قريبه جدا من محطة جلوستر تبعد اكثر من نصف ساعه مشيا على الاقدام عن هارودز لان هارودز في شارع النايت سبريج

وكذلك تبعدعن الهايد باردك مايقدر بالنصف ساعه والهايد بارك المطل على شارع الكنسجتون هاي ستريت

بالنسبه لسعر الشقه اذا اخذتيها شهريا بيقل الاجر اليومي يعني بيكون اقل

يتناوبون عليها في ادارتها ثلاثه عراقي 1- ابوليلى 2- وام عمر 3- ابو مثنى ويقال انه ترك العمل لديهم ويعمل

حالياً بالمكتب الطبي القطري.

قريبه جداً من شارع كرووم وويل يوجد فيه جمعية الزنسبروي والمطعم الهندي ومحل عراقي للانترنت واخروبيع

الهواتف ومستشفى كرووم وويل

غالبا هالمنطقه يسكنها القطريين والاماراتيين وقليلا من الكوتيين اذا ابتعدوا عن اجورد رود واردوا العلاج في

مستشفى كرووم وويل وخاصه اللي ابنائهم يعملون في وزارة الدفاع الكويتي

اتمنى اني افدتكم ولو بشئ قليلا

وتقبلوا تحياتي ​

 

[far007a]

ودي استفسر عن فندق corus hyde park تنصحوني فيه؟؟

ودي استفسر عن الباصات طريقة استخدامها وشكرااا

 

[كريستال]

اليوم عيدميلاد سلفردج مسوين احتفال ونااااسه
طبعا السوق احلا من الصيف الف مره لووول حظي حلووووووووو وشريت مكياج من سلفردج عجيب عجيب نسيت شنو ماركته اروح الفندق واشوف اسمها وماك منزل 4 كلوكشنات وكلهم موذاك الزود يعن ياشياء لقطه مو كل شي

واااااااااااو

ماشااء الله

تهنيتي حبيبتي​

 

[كريستال]

للاسف ماعندي معلومات عن الشقق

دوم نسنكن في فنادق​

 

[مشاعر صامته]

مشكوره عسوله على التوضيح
وماشاء الله عليك عارفته وانا عطيتكم الموقع وانتم شوفوا المكان
وانا قلت كنقستون على كلام اللي ودانى لها
اما نصف ساعه من هاردوز مشي غريبه انا مع عيالي الله يصلحهم
وناصل باقل من كذا بس يمكن تعودنى على المشي بهالغربه
والله يسهل الامور
والله يعطيك العافيه

 

[q8tia27]

مشكورين مشاعر صامته وعسلوتي عالافاده يعطيكم الف عافيه وبالنسبه للي تسال عن الباصات لاتحاتين مو صعبه كل محطه باص فيها مسار وخريطه تحط لج كل باص ورقمه ووين يوديج مسهلينها وموضحينه بالالوان انا كنت بالبدايه خايفه عقب مارحت عااادي

 

[شوكلاتة سويسرية]

بنات الله يعافيكم ابي رايكم
ابي اطلع يوم واحد او يومين بالكثير برى لندن
للمعلومية: احنا ماعندنا اطفال
بس مين اونس برايتون ولا بلاك بول؟؟
وبرمنجهام سوقها ارخص من داخل لندن ولا نفس الشي؟؟؟؟

 

[مشاعر صامته]

هلا كويتيه
الله يعطيك العافيه ماتقصرين مع الجميع

عسوله
قسم شككتيني بالكرت عندي مكتوب كنقستون وسالت قالوا ايه جنوب كنقستون

بالنسبه للباصات كل شي مسهل
الكرت شهري ب25 باوند
ويوميا ب3ونص باوند((احلى شي طول اليوم مو زينا ))
كل مشوار بتكت لحال على حسب المشوار

اهئ اهئ

 

[@دانة القلوب@]

بنااات انا نااوية اروح وقااعدة اسوى الفيزا الحين بس مااحجزت

بسأل سعر تذكرة البنت ام سنتين نفس الكبير ولاغير؟؟

وبعدين صج لاازم تكوون عندى مااستر او فيزا كاارت؟؟؟؟عشاان اروح لندن
لانى اول راايحة لها بعلاااج وكان عاادى
بس الحين بروح سياااحة مااادرى صج ولالا؟