تجمع المسافرات الى لندن شهر 7 وشهر 8 ؟

[3soooola]

شلونكم بنات ماعليكم امر ابيكم تساعدوني وين صاير اي مجمع ماركة جوسي كوتور الاصلي بمنطقة لندن اي مجمع ارجو الرد

 

[عبيطة ما تستعبط]

لي عوده

 

[SupeR-GirL]

بنااات منو عندها شركه تاكسي ياخذنا من المطاار
بلييز تعطيني الرقم

 

[brat]

شلونكم بنات ماعليكم امر ابيكم تساعدوني وين صاير اي مجمع ماركة جوسي كوتور الاصلي بمنطقة لندن اي مجمع ارجو الرد

fee eb selfridges

 

[mr000]

حبيبتي لاتروح بستر فيليج كسوق زين بس آنا ماشريت منه ملابس حقنا يمكن لأني رحت له قبل لاأرجع بيومين فكنت خلاص شاريه وايد شغلات بس حصلت شغلات أسعارها ماتتفوت وأخذتها يعني تيشيرتات رجالي حق عيالي من شيروتي ورالف لورين وقمصان بيير كردان وكرفتات ماركه وفي ملابس أطفال رالف لورين وجناط تلاقين الdkny رخيص وايد وفي فرساتشي و وايد شغلات نسيتها كله ماركات يمكن تعجبج ويمكن ماتعجبج على حسب ذوقج بس والله موبضاعه قديمه!!

 

[mr000]

بالنسبه حق جوسي كوتور موجود بسيلفريجز بس اللي سألت عن فيكتوريا سيكرت أذا تقصدين ملابسهم كان أول قبل الغزو فيه محل لهم تالي بسفرات ثانيه مالقيت قالوا هذي ماركه أمريكيه وموموجوده عندهم بس هالسنتين ماسألت مادري أذا البنات شايفين عندهم يفيدونج أن شاءالله!!

 

[..ليالي..]

بنااات منو عندها شركه تاكسي ياخذنا من المطاار
بلييز تعطيني الرقم

وانا بعد وياها
ابي تاكسي من المطار لي فندقنا ويكون ثقه

ومشكورين بنات ماقصرتوا

وريماا الحمدلله على السلامه

الاوت لت يمدحونه وايد وانا بروح اذا الله كتب بس على الله زوجي يرضى
لان مو مفكر ان احنا نطلع برا لندن
يقول احنا اول مره نروح ومانعرف شي بلندن هالدور اتطلعينا برا لندن
هههههههههههههه
الله يهديه يارب

 

[دارين]

هلااا حبيبتي شاليمار انتي جربتي استشوار السيراميك لأنهم يمدحونه بس انا ماشريتة لأني كنت شاريتة من فترة من الكويت ، وعن بستر فيليج حلوه اقولها حق اختي mrooo روحيلها منها تغيير لأن طريقة المباني تونس كل ماركة في بيت كأنه الكوخ ويكفي القعدة في ستاربكس والجو الرووووووعة لأنه وقتها جانا مطر خفيف مايدمر الملابس واحنا رحنا تقريبا الساعة 9ونص ووصلناها الساعة 11 طريقها ساعة ونص بالتاكسي بس والله غالي لمن حسبناها بالباص طلع مافي فرق شئ بسيط والباص متعب من محطة ليمحطة والتكسي اسرع وطلعنا منها الساعة 2ونص وردينا الشقة وتغدينا ورحنا حق سلفرج ووووااااي مشتاقة للندن اسولف لكم وكأني صار لي سنة موشايفتها مواسبوع يارب يرضى زوجي السنة الجاية اروحلها لأنة بالموت رضى هالسنة اروح مع اهلي يارب تهداه السنة الجاية ويوافق قولواااااااااااااآمين

 

[..ليالي..]

بنات بالنسبه لبسر فيلج انا ذاك اليوم رفيجتي مطرشتلي مسج
تقول انها بالقطار رايحيين هناك

عاد ما ادري شنو احسن طريقه للروحه
قطار والا باص والا تاكسي

شرايج مروو انتي اخبر بهالسوالف

 

[فروحة الكويت]

بنات عندى سؤال حبايبى ودى اخذ بخور وفحم وانا بسكن كمبرلاند عادى والا يطلع صوت شلون عاد اموت عالبخورشسوى

 

[mr000]

حبيبتي دارين آنا كنت رايحه بشهر 4 اللي طاف بأجازة الأيستر لندن بكبرها كانت تهبل موبس بستر فيليج الجو روعه بارد ومطر بس الحمدلله اليوم اللي رحت فيه بستر فيليج كان الجو حلو ومافيه مطر وكانت حلوه استانسنا فيها بس آنا رحت بالقطار لاتكسي ولاباص آنا لما أروح بالقطار عادي حتى لو 3 ساعات رحت لي اسكتلندا بالقطار بس ماأحب الباص ولاالتاكسي بالمسافات البعيده أدوخ وتلوع جبدي!! بستر فيليج تروحين لها بالقطار من محطة مارليبون تاخذ ساعه وشوي ومن توصلين في باصات صغيره توديج السوق آنا رحت لها من ال11 الصبح لي 5 العصر!! وليالي حبيبتي لندن مايبيلها شي شجعي زوجج آنا زوجي مايحب يسافر دول أوربا متدين وكل شي عنده حرام والله أسافر بروحي مع عيالي ومن سفره سفرتين بديت أطلع بره لندن بآخر سفره كنت رايحه بس مع ولدي الصغير عمره 13 سنه ورحت كذا مكان بره لندن برايتون وبستر فيليج وكنتربيري والسفره اللي قبلها رحت بورنموث ومارجيت وبلاكبول وبرايتون وناويه ان شاءالله اذا رحت سنه اليايه بروح مناطق يديده! ترى مايبيلها شي حرام تضيعون وقتكم بس بأكسفورد وأجوررود!!

 

[دارين]

اهلين فروحة تسألين عن البخور والفحم انا والله وحدة خوافة ماآخذ معي شئ اللهم العطورات ودهن العود الاصلي واسألي اختنا مروو اخبر منا
:klhfl:

 

[mr000]

ليالي حبيبتي القطار أحسن ومايبيله شي أخذوا تكسي قولوله نبي محطة مارليبون وهناك عند شباك التذاكر بس قولوله بستر فيليج هي المنطقه أسمها بستر نورث بس علشان لما تشوفون اللوحه الألكترونيه مالت المواعيد لاتتدودهون تقولون ماكو بستر فيليج ومع حجز التذكره قولوا حق الموظف نبي تذكرة الباص حق بستر فيليج طبعا الشخص ب2 باوند بس ماأذكر تذكرة القطار بكم موغالي! وبس من تاخذين التذاكر سألوه عن موعد القطار ساعات يجاوبكم وساعات يقولكم طالعوا لوحة المواعيد يحطون لكم اسم المنطقه والساعه كم ورقم الرصيف اللي يوصل عنده القطار سهاله مايبيله شي واذا كان القطار بيمشي مالحقتوا عليه مومشكله أخذوا اللي ياي وراه بربع ساعه أو نص ساعه وايد قطارات تروح نفس المنطقه لي بالليل ونفس الشي حق الرده وايد قطارات ترجع كل نص ساعه يمشي قطار!! توكلي على الله وروحوا وراح تتشجعون تروحون مناطق ثانيه بعد!!

 

[mr000]

لا والله ماقط وديت بخور بالسفر حدي عالعطور!! ماأفيدكم بهالموضوع!!

 

[mr000]

ليالي اشرايج السفره اليايه تروحين معاي وأوديج كل مكان بلندن! والله آنا أخوي ماقصر بصراحه هو اللي شجعني وعلمني عالقطارات كنت أسافر مع عيالي وأقعد بس بلندن وأتحسر أسمع الناس تروح هالمناطق وتشوف المناظر والطبيعه لما مره سافر معاي وودانا وايد أماكن بالقطارات وعلمني طريقتهم!!

 

[mr000]

ملاحظه بأول رد كنت أجاوب الأخت اللي أسمها لاتروح !! يعني موقصدي لاتروحون بستر فيليج!! لا ألا روحوا ونص

 

[..ليالي..]

حيااتي مروو ماقصرتي والله
وخوتج تنشرى اكييييييييد راح استانس
والله انا قاعد اقنع زوجي ان احنا نطلع برا لندن انا ابي اروح بعد برايتون اذا ماني غلطانه اللي فيها بحيرات وناسه احس بعيد عن عيون العرب وتاخذين راحتج اكثر والله ما ابي طلعاتنا كلها سوق لان انا السوق اللي اول مره اروحله ما اعرف اشتري منه هههههههههههههههههههه
علشان جذي اخاف اخورها
حدي عطورات وجم بدله لعيالي وميكب اللي قالوا عنه البنات باخذ منهم كريم الاساس وجم حمره
يعني انا موذاك الزود مع السوق مو ربع
بس تدرين عاد اللي بيمللني الهدايا
والله مالي خلق اجيب واشيل حق كل العالم
امي تقول لا جيبي على الاقل خامات من هناك بس ترى ماشاء الله عايلتنا كبيره
وانا ما احب اجيب حق احد واخلي احد
شكلي بخليهم كلهم

انتوا شرايكم بنات بتجيبون هدايا والا لأ
اكيد عيالج وامج وام زوجج بتجيبونلهم
بس انا قصدي يعني خالاتج عماتج
باقي العايله الكريمه

 

[شوكلاتة سويسرية]

بنات انا رايحة ان شالله 1_8
فية وحدة منكم سكنت بالملينيوم نايتس بردج
ادري ان الغرف واجد يغيرة
بس صج ان الفندق النت فية مو فري
عاد احس ان النت مهم واجد
فية بالاستقبال نت فري ولالا؟؟
اللي راحت تفيدني الله يعافيكم
وسؤالي الثاني برايكم وش احسن يوم لزيارة برايتون؟

 

[mr000]

ليالي حبيبتي برايتون منطقه عالبحر بس مافيها بحيرات هي حلوه عالبحر وفيها ألعاب وأكواريوم حق اليهال وسوق يعني تروحون لها يوم من الضحى لي العصر وتردون وترى مو بعيده بس على حسب القطار مره رحت بقطار أخذ ساعه وشوي لاأنه وقف ب5 محطات قبل برايتون والمره الثانيه وقف بس بمحطتين والثالثه برايتون يعني ساعه ألا ربع ألا هو واصل! المهم على سالفة الهدايا والصوغه ياربي بعد هذي لندن مو العمره الواحد بييب مسابيح وسجاده وشغلات ماتكلف لندن غاليه يعني آنا حدي حق عيال خواتي وحمواتي وأم ريلي لأنهم أييبونلي بس لاحريم حمواني ولاخالاتي ولا عماتي! ماادري هذا يعتمد أذا هم كل سفره أيبونلج صوغه الله يعينج مضطره اتييبين لهم! بس آنا ما أعرف محلات خام رخيصه أذكر من زمان شريت خام حق الوالده يمكن من سيلفريدجز أو جون لويس مومتذكره والله كان غالي وبعدين يقيسون باليارده مو المتر واليارده أقل من المتر لازم تاخذين أكثر! بس شوفي البنات اذا أحد يعرف أماكن أرخص! واذا حق عيالهم أخذيلهم تيشيرتات وألا بجامات!

 

[mr000]

حبيبتي شوكولاته برايتون بالويك أند تصير زحمه شوي خاصه بالصيف لأنه حتى هم الأنجليز يروحون البحر ويتشمسون حتى لو الجو بارد هم عندهم عادي يتسبحون وعيالهم بمايوهات لو عيالنا جان امرضوا! فأعتقد أحسن لو تروحين بيوم ثاني غير السبت والأحد!!