تجمع المسافرات الى لندن شهر 7 وشهر 8 ؟

[..ليالي..]

انا والله معاج مروو حبيبتي

حتى انا اقول هالكلام لان مو مكه شرفها الله رخيصه وتاخذين براحتج
بس انا قالولي عن محلات خام بالشبربوش اسعارهم احليوه يعني تطلع عليج القطعه بسبعه ونص كويتي
انا ما اجيب حقهم اهم وعيالهم وبناتهم ماشاء الله وااااااااااايد
اذا جذي الواحد يقعد مايسافر لان الهدايابروحها ميزانيه
انا بس عماتي وخالاتي بروحهم بدون عيالهم والله كيفهم عاد
وزوجات عمامي 2 اهم يقدروني وايجيبون لي اذا سافروا
وطبعا خواتي وخوات زوجي وامهاتنا
امبيييييييييييه صج وايد مابقى احد
هههههههههههههههههههههه
شكلي بأخليهم كلهم
اخذلهم من مصر شرايج لان بعد لندن بنروح مصر جم يوم ان شاء الله

 

[mr000]

والله آنا مصر ماعرف أسعارهم ماقط رحتلها بس أذا تعرفين أنها أرخص من لندن ليش لأ أخذيلهم من مصر ووفري شوي!! والله هذي سالفة الهدايا تحير الواحد يبيله ميزانيه ثانيه حق الصوغه يعني وحده تروح سوريه تييبلي قوطي حلويات يمكن بدينار والا دينار ونص وتعالي ييبيلها شي من لندن مايطلع اقل من 10 دنانير!!والله يازين الاجانب فاكين عمرهم مرت حما أختي أنجليزيه حدها بأول ياهل يابته اختي يابتلها هديه بلوزه هي حايكتها نعم الله ماتقصر بس في باقي عيالها مايابت لها هدايا بس أتييب كيكه أو بسكوت هي مسويته وتعيشين وتسلمين ولااحد يشره عليها علبو أجنبيه بس أحنا نستحي نسوي جذي!!! وحتى الصوغه نفس الشي!!

 

[LA TROO7]

حبيبتي لاتروح بستر فيليج كسوق زين بس آنا ماشريت منه ملابس حقنا يمكن لأني رحت له قبل لاأرجع بيومين فكنت خلاص شاريه وايد شغلات بس حصلت شغلات أسعارها ماتتفوت وأخذتها يعني تيشيرتات رجالي حق عيالي من شيروتي ورالف لورين وقمصان بيير كردان وكرفتات ماركه وفي ملابس أطفال رالف لورين وجناط تلاقين الdkny رخيص وايد وفي فرساتشي و وايد شغلات نسيتها كله ماركات يمكن تعجبج ويمكن ماتعجبج على حسب ذوقج بس والله موبضاعه قديمه!!

يعطيج الف عافيه حبيبتي فعلاا كان لج دوور بهالتجمع افدتينااااااااا حيل

وبستر فلج عزمنا برووح له قريب

 

[LA TROO7]

حيااتي مروو ماقصرتي والله
وخوتج تنشرى اكييييييييد راح استانس
والله انا قاعد اقنع زوجي ان احنا نطلع برا لندن انا ابي اروح بعد برايتون اذا ماني غلطانه اللي فيها بحيرات وناسه احس بعيد عن عيون العرب وتاخذين راحتج اكثر والله ما ابي طلعاتنا كلها سوق لان انا السوق اللي اول مره اروحله ما اعرف اشتري منه هههههههههههههههههههه
علشان جذي اخاف اخورها
حدي عطورات وجم بدله لعيالي وميكب اللي قالوا عنه البنات باخذ منهم كريم الاساس وجم حمره
يعني انا موذاك الزود مع السوق مو ربع
بس تدرين عاد اللي بيمللني الهدايا
والله مالي خلق اجيب واشيل حق كل العالم
امي تقول لا جيبي على الاقل خامات من هناك بس ترى ماشاء الله عايلتنا كبيره
وانا ما احب اجيب حق احد واخلي احد
شكلي بخليهم كلهم

انتوا شرايكم بنات بتجيبون هدايا والا لأ
اكيد عيالج وامج وام زوجج بتجيبونلهم
بس انا قصدي يعني خالاتج عماتج
باقي العايله الكريمه

حبيبتي الهدايا مشكله بس مو لازم للكل شكوو كلللللللل عماتج وخالاتج
جيبي لكل عايله كرتون ككاو لندن او اي شي رمزي بس وللناس السبشل اخذي لهم هدايا

 

[mr000]

تسلمين حبيبتي والله وناسه كلما أتكلم عن لندن وأماكنها أحس جني رايحه معاكم مع أني توني رايحه قبل 3 أشهر ! آنا مدمنه على لندن وايد أحبها مع أن ودي أغير لازم أشوف أماكن ثانيه بروح ألمانيا أو النمسا أو سويسرا أختي وايد تمدحهم بس مادري ليش آنا متعلقه بلندن! وعلى طاري الكاكاو بعد أشدعوه الكرتون رخيص وهم ثقل بالوزن يمكن اكياس الكاكاو اللي يبيعونها بالمطار مثل الكادبوري والفليك والكتكات أرخص وأخف بس تصدقين والله طعمه غير والكتكات عندهم مال قبل اللي قرطاسه قصدير وتالي عليه الورقه الحمرا أسم الكتكات والله طعمه غير عن اللي بجمعياتنا مع أني بالكويت ماأحب ولاآكل الكاكاو!!

 

[ام تركي2008]

مرحبا بنات
انا ان شاء الله ابروح لندن اعلاج وقريت تجمعكم ماقصرتوا احس انى عرفت لندن عدل مع انى ماعمرى رحتلها وجزاكم الله خير

 

[**كادي**]

للأسف ابوووووي مو راضي نطلع برا لندن

خلصنا كل الاماكن بلندن مابقى شي

ودي اروح الثورب بارك وبستر فيلج ومنطقة البحيرات عجيبه

 

[mr000]

ميخالف حبيبتي كادي لايضيق خلقج ترى ماخلصت الأماكن اللي بوسط لندن كتبي بقوقلplaces to visit in london‏ وراح يطلع لج أماكن وايد وأسواق آوت لت

 

[**كادي**]

حبيبتي الهدايا مشكله بس مو لازم للكل شكوو كلللللللل عماتج وخالاتج
جيبي لكل عايله كرتون ككاو لندن او اي شي رمزي بس وللناس السبشل اخذي لهم هدايا


لاتروح عجبتني فكره هديه ككاو لندن

وين احصل شئ حلو ومغلف عدل

طيب على مااروح هناك ما يخرب ما يذوب !!

 

[mr000]

وبعدين في أماكن يروحون لها بالقطار بس هي تعتبر داخل لندن يعني مثل منطقه أسمها ريدنج حسافه مارحتلها قالوا بس نص ساعه بالقطار فيها سوق ونهر بين البيوت

 

[**كادي**]

ميخالف حبيبتي كادي لايضيق خلقج ترى ماخلصت الأماكن اللي بوسط لندن كتبي بقوقلplaces to visit in london‏ وراح يطلع لج أماكن وايد وأسواق آوت لت

اي فرفرنا بكل مكان

ميته على مااروح منطقه ليدز الي قالت عنها العضوه الافنيوز

يمه بروح :krkrkr:

 

[BaiTotia]

قوووووووووووة

mr000

ماشاالله عليج وايد فدتينا

شنو أحلى منطقة من المناطق اللي رحتيها برا لندن؟؟؟؟؟؟ وعطينا أي محطة وشكثر المسافة؟

أبي أغير لأني بروح بستر فيلج إن شاالله وأبي منطقة ثانية بعد

والله يعطيج العافية

 

[BaiTotia]

بنات تعرفون سوق بلندن يبيع تحف وأكسسوارات وشغلات فناتك وهمن ملابس

أنا مرة رايحة وناسية وين؟ وشنو اسم السوق

 

[الافنيوز]

اشلون شيفلد عقب باجر ناوين نروح اشلون تسوه العنوه
وشكرا

 

[الافنيوز]

بنات حبيت اقولكم شى ترا ليدز بعيده عن لندن تقريبا 4 ساعات قطار وسياره بعيده
مو قريبه واللى مسافره لفتره قصيره داخل لندن مايمدى لانها تعتبر سفره واتكلف تقريبا
عالنفر 80 دينار
ومضطره اطلع اشوفكم بعيدين باى

 

[ombadra80]

بنات انا مسافرة عقب باجر لندن باذن الله
ان شاء الله ما انقطع عنكم باحاول اشبك من هناك وافيد واستفيد
فمان الله

 

[mr000]

حبيبتي أم بدرا في أمان الله وحفظه وان شاءالله تروحون وتستانسون وتردون بالسلامه ولاتنقطعين عنا!! بيتوتيا حبيبتي آنا عجبتني منطقة البحيرات بس هذي مومالت تروحين وتردين بنفس اليوم لأنه أحنا رحنالها من بلاكبول بالباص بس بصراحه لاعت جبدي من الطريج آنا ماأحب الباص لورايحين لها بالقطار أسرع وأحسن بس المنطقه حلوه وفيها شاليهات عالبحيرات بقينا نأجر نقعد يومين بس ماحصلنا قالوا لازم تحجزون من قبل مده وهم فيه بيوت صغيره جنها كوخ يسمونها كوتيج هم يأجرونها وكله وسط ريف وطبيعه! وهم عجبتني أسكتلندا وايد مع أنه ماكنا مخططين نروح لها بس بصراحه لاعت جبدنا من زحمة لندن ومتروسه عرب وخليجيين والمحلات زحمه قال أخوي يلا شيلوا قشكم خل نروح أسكتلندا ورحنا بالقطار بس طبعا نزلنا في بلاكبول وظلينا أسبوع تالي كملنا أسكتلندا أهدأ وايد من لندن وأبرد ومافيها خليجيين وايد وفيها نفس محلات لندن وزياده!! بس شوفي في مناطق أخوي رايح لها من قبل و يمدحها آنا ماشفتها مثل ويلز وكارديف ومانشستر!!

 

[mr000]

بيتوتيا حبيبتي تذكرت شي فيه سوق أسمه بورتبيلو موبعيد ودانا له التكسي كله مثل اللي قلتي تحف وأشياء صناعه يدويه سواء زجاج أو نحاس وحتى أكسسوارات بس آنا علشان كنت مابي هالشغلات ماطولت فيه مشيت 10 دقايق ورديت أخذت تكسي وداني مكان ثاني!! بالنسبه للمناطق آنا يمكن أقولكم عن أماكن تالي ماتعجبكم لأنه بره لندن عموما المناطق هاديه وكلشي يسكر من الساعه 6 آنا أحب جذي بس أتمشى أو أقعد بحديقه مثل كانتيربيريCanterbury فيها سوق صغير وباااارده وهاديه رحتلها من الصبح لي ال6 المغرب شوفيها بالنت! وبورنموث هم حلوه وفيها سوق! وبرايتون ونيسه تغيير عن لندن! وقبل 10 سنين رحت منطقه أسمها Sutton بس من المناطق السكنيه الهاديه يعني موسياحيه!!

 

[3soooola]

شلونكم بنات انا بسافر باجر لندن ابي مساعدة منكم انا اول مرة اروح لندن بعرف ماركة جوسي وين القاها اي محمع بلندن

 

[mr000]

جوسي كوتور تلاقينها بسيلفريجز! بالسلامه ان شاءالله