تجمع المسافرات الى لندن شهر 7 وشهر 8 ؟

[mr000]

وثل= مثل بدلياااات لازم

 

[mr000]

الأفنيوز حسب السايت مال هارودز مواعيدهم من ال10 لي 8 بالليل طول الأسبوع ماعدا الأحد من 11 ونص لي ال6 وهذي المواعيد لي 22/8 بعدين تتغير المواعيد! ولو تفتحين السايت مالهم اليوم واصلني أيميل منزل ساعات يديده نسائي ورجالي حلوه وموغاليه

 

[الافنيوز]

بنات اشلونكم جميعا والحمدالله عالسلامه للى وصلوا الكويت بالسلامه والفال لنا
شفتوا الحظ بنات شركه بابل للشحن ماعندهم فرع بليدز وحدنا متوهقين

والشحن العربيه بعد سالفه مس شوكو ماينبقون
محد يعرف شركات ثقه الله يعافيكم يكتب لنا ارقامهم!!!

ام بدر .. اللى تسال عن الكاكاوات فى محل كاكاو اسمه thorntons
اكيد تعرفينه كاكاوه وايد حلو ومغلف بطريقه حلوه واكياس كبيره وصغيره وعنده علب كيك رول داخلها كاكاو مثل جوكليت كيك كل اربع مع بعض روعه غير التوفى اشكال والوان بصراحه شغلاته واشاياءه مو تقليديه ا>ا اتحبين تودين معاج الكويت غير كادبرى وهالسوالف روحيله وعنده عروض محدوده
والحين صارت حتى الجمعيات عندها سكشن خاص للكاكاوات لندن

 

[الافنيوز]

ههههههه هلا والله اختى مروو يحليلج والله دايما انتى بالخدمه
اتصدقين عاد انا داخله تونى السايت مال هاردوز وقاعده اطلب منه شغلات واكتبها حق زوجى ايبلى اياها بس كلش مافكرت اشوف التوقيت مالهم ركضه عالبضاعه .. الحين اروح اشوف ساعاتهم يعطيج العافيه عمرى عالتواصل ماقصرتى
بس والله ضايق خلقى على سالفه الشحن انا امدح الشركه حق البنات واخرتها فلسنا منها شالقراده

 

[mr000]

الأفنيوز جنه مس شوكو ماكانوا شاحنين من العربي أعتقد قالت الخليج!!

 

[حضاره]

مرووو امبلى مس شوكو شاحنه من الخليج اللي ناشبوها!!

 

[الدلال]

الله يسلمكم يارب ماقصرتوا

وحضاره فندقنا اسمه ميلبوورن واسمه القديم كلفتون فورد واهو ورا الدبنهامز اللي باكسفورد يعني من تطلعين من الباب الخلفي للدبنهامز امشي سيده شوي وبعدها بعد شارعين تلاقينه جدامج ووراا فندقنا على طول جمعية تسكو

 

[حضاره]

الدلال حبيبة قلبي 00جم طلعت عليكم الليله00

وبعدين اشلونج00 شكلج شبعتي نووووووووووم00عوافي00

 

[حضاره]

بنات بسأل منو تعرف وين احصل الكمبرشن باج اجياس الشفط مالوت الملابس 00رحت دايسو ذاك اليوم وماحصلتها

العالم جاشييييييييييينه كله ومخلص!!!

 

[mr000]

سلام لندنيات اشلونكم نيلفار مابي أضيق خلقج بس فتحي حق ريلج السايت مال بيستر فيلج يمكن يتشجع يوديج وكلها ساعه بالقطار لأنه حرام فرصه الأسعار رخيصه توني فتحت السايت مالهم وألا تنزيلاتهم 80% و90% وساعات فولي فولي ب170 باوند العلبه اللي فيها أكثر من سير تغيرينه وتنزيلاتهم هذي لي 31/8 وبعدين هالفتره فاتحين لي الساعه 8 باليل والمطاعم لي ال10 آنا لما رحت بشهر 4 كانوا لي ال6 بس!!توه ولدي يقولي خالة زوجته أول أمس رادين من لندن ووايد شارين شغلات من الآوت لت وبأسعار عجيبه حدها! بس نيلفار موتروحين تتهاوشين مع ريلج وتقلبينها نكد علشان يوديج عليج بالطرق السلميه يلا أنتي بلندن والجو حلو والنفسيه تمام وطلعي شطارتج!!بس كتبي بقوقل www.bicester village.com

 

[لبي قلبك يالغلااا]

بنات وين احصل الول ورث بلندن كان في ايجو رود بس الحين تسكر
وين احصل اقرب واحد بلندن؟

 

[far007a]

شلونكم بنات

تخيلول احنا بلندن باقي يومين على رجعتنا الكويت

اصحاب الفندق دزولنا ورقة يقولون انكم دمرتوا زولية الفندق تكرمون يم الحمام وبندفعكم غرامة 800 باوند وتخانقنا واهم
ادعولنا نتسهل امورنا والله كدرونا عما بعينهم

 

[الافنيوز]

لبى قلبك يالغلا
هذا الوول وورث مالا بيان كلش اختفى من الوجود مثل ال اى بى سى صار مكانه برايم مارك
هذا عاد بالكاكاوات اختفى حسافه

انا رايحه على الشركه العربيه اللى مسويه المشكله
اللحمدالله طمنتونى يعنى الشركه العربيه بريئه :tomato2:

 

[لبي قلبك يالغلااا]

ايه ونسيت اسأل اللي راحو الول ورث اي باص او اندر جروند يودي لين هناك

 

[mr000]

ماكو وول وورث سكر من زمان آنا دورته بشهر 4 مالقيته فتح مكانه سوبر ماركت أسمه ويتروز بس مونفس جودته وكمية الككاوات عاديه وفي قباله جمعيه أسمها سمرفيلد هم فيها ككاوات وأحسن شي بتسكو هذي أسعارها أرخص وفيها ككاوات وايد

 

[لبي قلبك يالغلااا]

ماكو وول وورث سكر من زمان آنا دورته بشهر 4 مالقيته فتح مكانه سوبر ماركت أسمه ويتروز بس مونفس جودته وكمية الككاوات عاديه وفي قباله جمعيه أسمها سمرفيلد هم فيها ككاوات وأحسن شي بتسكو هذي أسعارها أرخص وفيها ككاوات وايد

بعد عمري توقعت اول من يرد علي انتي

انا اعرف اللي بالأيجور رود تسكر بس انا اعرف ان فيه له افرع ثانيه بكيلبرن و نوتنق هيل قيت وبعد بكامدن تاون بس ماعرف افرعه كلها تسكرت ولا اللي بالأيجور بس؟

 

[لبي قلبك يالغلااا]

بالنسبه لسؤالي بخصوص الول ورث خلاص عرفت ان الشركه تسكرت بالكامل

 

[Queen_Angel]

السلام عليكم...

شلونكم بنااااات... انا الحين ب لندن ان شاء الله بعد يومين رااادة... حدي مااالي خلق..

فروحة شكلج رااادة معااي انتي بالكويتية؟؟ اي رحلة؟؟

بنااات ابي مكياج حلو وخفيف شنو الماركات الي تنصحوني فيها؟؟؟

 

[ombadra80]

بنات شلونكم
احنا رجعنا الكويت اليوم الحمدلله
بس الله لا يوريكم
للفايدة انتبهوا على اللي صار لنا علشان لا يصير فيكم نفس الشي

1- زوجي حجز عن طريق الانترنت تكسي للمطار بسعر تنافسي 33 باوند بس، وواعدناه واتصلوا فينا وكل شي تمام ووصل التكسي قبل الوقت المحدد بعد...بس يوم وصل طلعت السيارة صغيرة...

الصدمة: اهيا زينة تشيل، بس الجناط ما كفتها السيارة...مع ان زوجي قايل لهم عدد الجناط وحجمها...يقول سايق التكسي ان لما قلت لنا 3 جناط كبار ما تخيلنا انها هالكبر...وصدقوني جناطنا الكبار اصغر من الجناط الكبيرة المعروفة...بس اهما كل شي عندهم صغير وحده حده، وسيارتهم اهيا الصغيرة مو جناطنا اللي كبيرة ومع ان احنا اخترنا السيارة الاكبر عن طريق النت بس دزوا لنا وحده اصغر!!!

العمل: ركبنا تكسي عادي شال جناطنا كلها (والأخ سايق التكسي مال الانترنت يقول كبار) وطلع الحساب 66 باوند (ضعف السعر)

2- رحنا 45 دقيقة مبجر، لان قالوا لنا احتمال تكون زحمة على مكتب الضرايب، وقالوا اغلب الناس تقول ان الزحمة 30 دقيقة بالكثير...

الصدمة: طابور مكتب الضرايب واصل الى برااااااااا المطار...تخيلوا...زوجي قال طاف مو إلا اهم شي تذاكر صعود الطيارة...ويوم وصلنا القطرية والا الطابور خفيف...اقترح زوجي ان اروح امسك الدور في مكتب الضرايب على ما يخلص من البوردنق...وفعلا صار هالشي...وخلص وياني وللحين دوري كان بعيد...المشكلة ان زوجي دخل جنطة كنت حاطة فيهم الجناط الماركة اللي شاريتهم...وخلى بس جنطة هاند باق فيها الاكسسوارات...لأنه من قبل سنتين كنا شاحنين الجناط وبس وريناهم الاكسسوارات وردوا لنا فلوس الضرايب عادي...هالسنة انتبهوا بنات: كل شي مسجل بورقة الضرايب لازم يكون معاكم لما توقفون عند مكتب الضرايب علشان يشوفونه (اذا اشتهوا)...لا يصير فيكم نفس ما صار فينا...بعدين قلنا امرنا لله خل نصفى على فلوس ضرايب الاكسسوارات...لكن الصدمة الثانية ان الطابور على البنك اللي يسلم فلوس الضرايب كان أطول...زوجي عصب وقال الله يعوضنا دام ما بقى وقت على الطيارة!!!

العمل: لازم تيون المطار ابجر بساعة او ساعة ونص اذا تبون تضمنون تحصلون على فلوس الضرايب، ولازم كل المشتروات تكون موجودة معاكم لا تسوون مثلنا وتشحنونها او تسوون البوردنق قبل مكتب الضرايب (وخصوصا جناط الايد الماركة) - تراهم هالسنة موسم صيف ويحاولون يصعبون الامور علشان ما يدفعون للناس اكثر

3- طيران القطرية ولو انه ممتاز لكن الركاب لوعة، هنود واجانب اللي يكح من صوب واللي يعطس من صوب (الله يستر علينا ما نكون لقطنا مرض او انفلونزا او شي - مع انا قعدنا 18 يوم بلندن ما حاشنا ولا شي بفضل الله سبحانه)

العمل: انصحكم بالمرة، سوينا منها بطول وقعدنا نشرب ونشرب اليهال طول الرحلة، وشربوا ينسون قبل لا تطلعون من الفندق، وتلحفوا وغطوا ويوهكم باللحاف مال الطيارة، وهالله هالله بالدعاء ان الله يعافيكم ويحفظكم من المرض لان دعاء المسافر مستجاب...

4- فيه عطورات دولجي غابانا في سلفرج لها ارقام من 1 الى 20، في منها رقم 10 ورقم 18 حلوين على 35 باوند... ترى حصرية ومو موجودة بالمطار اشتروا منها اذا اعجبتكم

والله يستر على الجميع

 

[ombadra80]

بنات اشلونكم جميعا والحمدالله عالسلامه للى وصلوا الكويت بالسلامه والفال لنا
شفتوا الحظ بنات شركه بابل للشحن ماعندهم فرع بليدز وحدنا متوهقين

والشحن العربيه بعد سالفه مس شوكو ماينبقون
محد يعرف شركات ثقه الله يعافيكم يكتب لنا ارقامهم!!!

ام بدر .. اللى تسال عن الكاكاوات فى محل كاكاو اسمه thorntons
اكيد تعرفينه كاكاوه وايد حلو ومغلف بطريقه حلوه واكياس كبيره وصغيره وعنده علب كيك رول داخلها كاكاو مثل جوكليت كيك كل اربع مع بعض روعه غير التوفى اشكال والوان بصراحه شغلاته واشاياءه مو تقليديه ا>ا اتحبين تودين معاج الكويت غير كادبرى وهالسوالف روحيله وعنده عروض محدوده
والحين صارت حتى الجمعيات عندها سكشن خاص للكاكاوات لندن

الله يسلمج والفال للكل يردون بالسلامة آمين
والله اني رادة ومالي خلق - لندن ما ينشبع منها
مشكورة على الرد - وذوقج صج حلو هذا جربته وكنت ناوية اشتري منه بس نسيت، ولقيت منه بالمطار، بس بالي ما كان معاي كنت محترة من سالفة فلوس الضرايب
بس الله يعوضنا خير
يالله الله يصبركم على باقي اسام السفر وتردون بالسلامة

جربتي هذي الشركة مالت الشحن؟
http://www.leedsonline.co.uk/info/6605/
يمكن زينة