تجمع المسافرات الى لندن شهر 7 وشهر 8 ؟

[ombadra80]

وحضاره فندقنا اسمه ميلبوورن واسمه القديم كلفتون فورد واهو ورا الدبنهامز اللي باكسفورد يعني من تطلعين من الباب الخلفي للدبنهامز امشي سيده شوي وبعدها بعد شارعين تلاقينه جدامج ووراا فندقنا على طول جمعية تسكو

هذا الفندق حيل راقي، وانا حجزت فيه بشهر العسل، ومجدد قبل سنة او سنتين على ما أظن
وموقعه حلو بعيد عن اجوار رود والزحمة، خطوتين وانتي بنص شارع اكسفورد، وعلى طول تكملين على شارع بوند، وعلى اليسار شارع ريجنت، وعلى اليمين سلفرج...ولو تروحين فوق تدخلين حديقة ريجينت اللي اهيا ارقى وأشرح وأحلى من الهايد بارك (هذا رايي مو شرط راي الجميع)

وترى يمج يالدلال حتى مطعم ايراني اسمه قاليريا (Galleria) ما جربناه بس شكله حلو، وكافيه (PAUL) المشهور، ومطعم سندويشات لبناني حلو اسما الديوان (Diwan) ولو تصعدين فوق وتكملين على شارع تسكو بتلقين جمعية ثانية اكبر ويتروز راح تعجيج اشياءهم ما تلقينها بمكان ثاني، ويمكم تحت قبل دبنهامز فيه اشارة لو تلفين يمين هالشارع راح تلقين مطعم ايطالي (آسك) حلو عجيب، ولو تكملين الشارع راح تلقين كافيه بالزاوية اسمه (كافيه 88) اصحابه لبنانيين جربي اكله عجيب، ولو تكملين بعد راح تلقين مطعم (زيزي) ايطالي روعة ولو تكملين راح توصلين لفة ماركس سبنسر، وطبعا لا ننسى يم دبنهامز مطعم (مروش) الشيش طاووق عندهم تحفة - بس خبري فيه من قبل مادري اذا تغير

 

[ombadra80]

بنات
اللي عندها بفندقها شبكة انترنت BT وايرلس (ومنها ثيسل ماربل آرج)
انا هذا اشتراكي للحين فيه 25 ساعة تقريبا ويخلص بعد 15 يوم

تشبكون بهالموقع:
www.BTopenzone.com
المستخدم:
261379853
كلمة السر:
hc2Qcb6vd4

ولما تشبكون لا تصكون صفحة الموقع لانه لما تخلصون لازم تفصلون من نفس الموقع علشان يوقف عداد الساعات

وعليكم بالعافية

 

[ombadra80]

وهذا موقع حلو لمطاعم لندن، اخترت لكم صفحة البحث هذا حسب نوع الاكل

ممكن تبحثون حسب المنطقة او اسم المطعم او اكثر المطاعم المرغوبة

http://www.viewlondon.co.uk/restaurants-by-cuisine.aspx

يمكن تلاقون مطعم يديد يعجبكم

 

[الدلال]

هذا الفندق حيل راقي، وانا حجزت فيه بشهر العسل، ومجدد قبل سنة او سنتين على ما أظن
وموقعه حلو بعيد عن اجوار رود والزحمة، خطوتين وانتي بنص شارع اكسفورد، وعلى طول تكملين على شارع بوند، وعلى اليسار شارع ريجنت، وعلى اليمين سلفرج...ولو تروحين فوق تدخلين حديقة ريجينت اللي اهيا ارقى وأشرح وأحلى من الهايد بارك (هذا رايي مو شرط راي الجميع)

وترى يمج يالدلال حتى مطعم ايراني اسمه قاليريا (Galleria) ما جربناه بس شكله حلو، وكافيه (PAUL) المشهور، ومطعم سندويشات لبناني حلو اسما الديوان (Diwan) ولو تصعدين فوق وتكملين على شارع تسكو بتلقين جمعية ثانية اكبر ويتروز راح تعجيج اشياءهم ما تلقينها بمكان ثاني، ويمكم تحت قبل دبنهامز فيه اشارة لو تلفين يمين هالشارع راح تلقين مطعم ايطالي (آسك) حلو عجيب، ولو تكملين الشارع راح تلقين كافيه بالزاوية اسمه (كافيه 88) اصحابه لبنانيين جربي اكله عجيب، ولو تكملين بعد راح تلقين مطعم (زيزي) ايطالي روعة ولو تكملين راح توصلين لفة ماركس سبنسر، وطبعا لا ننسى يم دبنهامز مطعم (مروش) الشيش طاووق عندهم تحفة - بس خبري فيه من قبل مادري اذا تغير

ombadra80 جربت الديوان حلوه سندويشااته وكافيه PAUL لازم العصاري امر عليه واشرب لي قهوه مع سويت

ومروش صح كلامج اكله حلو ونظيف

وحديقة الريجنت صاجه هاديه وحلوه ونظيفه ومافيها زحمة الهايد بارك , العصاري كذا مره امرها انا والعيال انا اقعد اشوف اللي ايح واللي راد وعيالي يلعبون :eh_s(6):

 

[حضاره]

اسم الله عليييييييييج ام بدرا على هالتوصيف00يعني يشوق بصراحه00

جني هناااااااااااااك وامشي على وصفج00سيفت الصفحه حق شهر 9 ههههههه

 

[الدلال]

الدلال حبيبة قلبي 00جم طلعت عليكم الليله00

وبعدين اشلونج00 شكلج شبعتي نووووووووووم00عوافي00

هلا حبيبتي حضاره

والله شبعت وما شبعت للحين ههههههههه

وانا كنت حاجزه غرفتين وحده لنا انا وريلي ووحده حق عيالي اثنين

واطلعت الغرفتين علينا 90 دينار بالليله للغرفتين ومع الريوق

وحجزتهم عن طريق سفريات الفضاء وبشهر 7 حجزت ورحت اخر 7

 

[حضاره]

الدلال 00
زين رديتي علي عاد انا تباطيتج ورديت راسلتج على الخاص00

اتصدقين سعره وايد زين موجنه ارخص من كمبرلاند؟؟

 

[الافنيوز]

بنات شلونكم
احنا رجعنا الكويت اليوم الحمدلله
بس الله لا يوريكم
للفايدة انتبهوا على اللي صار لنا علشان لا يصير فيكم نفس الشي

1- زوجي حجز عن طريق الانترنت تكسي للمطار بسعر تنافسي 33 باوند بس، وواعدناه واتصلوا فينا وكل شي تمام ووصل التكسي قبل الوقت المحدد بعد...بس يوم وصل طلعت السيارة صغيرة...

الصدمة: اهيا زينة تشيل، بس الجناط ما كفتها السيارة...مع ان زوجي قايل لهم عدد الجناط وحجمها...يقول سايق التكسي ان لما قلت لنا 3 جناط كبار ما تخيلنا انها هالكبر...وصدقوني جناطنا الكبار اصغر من الجناط الكبيرة المعروفة...بس اهما كل شي عندهم صغير وحده حده، وسيارتهم اهيا الصغيرة مو جناطنا اللي كبيرة ومع ان احنا اخترنا السيارة الاكبر عن طريق النت بس دزوا لنا وحده اصغر!!!

العمل: ركبنا تكسي عادي شال جناطنا كلها (والأخ سايق التكسي مال الانترنت يقول كبار) وطلع الحساب 66 باوند (ضعف السعر)

2- رحنا 45 دقيقة مبجر، لان قالوا لنا احتمال تكون زحمة على مكتب الضرايب، وقالوا اغلب الناس تقول ان الزحمة 30 دقيقة بالكثير...

الصدمة: طابور مكتب الضرايب واصل الى برااااااااا المطار...تخيلوا...زوجي قال طاف مو إلا اهم شي تذاكر صعود الطيارة...ويوم وصلنا القطرية والا الطابور خفيف...اقترح زوجي ان اروح امسك الدور في مكتب الضرايب على ما يخلص من البوردنق...وفعلا صار هالشي...وخلص وياني وللحين دوري كان بعيد...المشكلة ان زوجي دخل جنطة كنت حاطة فيهم الجناط الماركة اللي شاريتهم...وخلى بس جنطة هاند باق فيها الاكسسوارات...لأنه من قبل سنتين كنا شاحنين الجناط وبس وريناهم الاكسسوارات وردوا لنا فلوس الضرايب عادي...هالسنة انتبهوا بنات: كل شي مسجل بورقة الضرايب لازم يكون معاكم لما توقفون عند مكتب الضرايب علشان يشوفونه (اذا اشتهوا)...لا يصير فيكم نفس ما صار فينا...بعدين قلنا امرنا لله خل نصفى على فلوس ضرايب الاكسسوارات...لكن الصدمة الثانية ان الطابور على البنك اللي يسلم فلوس الضرايب كان أطول...زوجي عصب وقال الله يعوضنا دام ما بقى وقت على الطيارة!!!

العمل: لازم تيون المطار ابجر بساعة او ساعة ونص اذا تبون تضمنون تحصلون على فلوس الضرايب، ولازم كل المشتروات تكون موجودة معاكم لا تسوون مثلنا وتشحنونها او تسوون البوردنق قبل مكتب الضرايب (وخصوصا جناط الايد الماركة) - تراهم هالسنة موسم صيف ويحاولون يصعبون الامور علشان ما يدفعون للناس اكثر

3- طيران القطرية ولو انه ممتاز لكن الركاب لوعة، هنود واجانب اللي يكح من صوب واللي يعطس من صوب (الله يستر علينا ما نكون لقطنا مرض او انفلونزا او شي - مع انا قعدنا 18 يوم بلندن ما حاشنا ولا شي بفضل الله سبحانه)

العمل: انصحكم بالمرة، سوينا منها بطول وقعدنا نشرب ونشرب اليهال طول الرحلة، وشربوا ينسون قبل لا تطلعون من الفندق، وتلحفوا وغطوا ويوهكم باللحاف مال الطيارة، وهالله هالله بالدعاء ان الله يعافيكم ويحفظكم من المرض لان دعاء المسافر مستجاب...

4- فيه عطورات دولجي غابانا في سلفرج لها ارقام من 1 الى 20، في منها رقم 10 ورقم 18 حلوين على 35 باوند... ترى حصرية ومو موجودة بالمطار اشتروا منها اذا اعجبتكم

والله يستر على الجميع

حبيبتى والله ام بدرا مشكوره عمرى عالتبيه وعالافاده
وماتستاهلون اللى حصلكم فى المطار كلش مو وقته يكدرون عليكم على اخر يوم يامعوده مو لازم فلوس الضرايب بعد شسوون اهم شى جناطكم وغراضكم كلها وصلت معاكم بالسلامه وماضاع عليكم تعبكم ومثل ماقال زوجك الله يعوضكم خير
وانتى الذوق بصراحه على هالمعلومات المفيده اللى عطيتينا اياها والله والنصايح داخل الطياره
والف شكر على الموقع مال الشحن حبيبتى والله يعطيج على قد نيتك ويعوضك خير يارب
الا فى سؤال شسالفه ماى المره وشنو علاقه بمرض الخنازير مع الينسون وفى المطار يخلونا اندخل بطول ماى معانا ؟؟
وانا رجعتى راح تكون على مطار مانشستر وان شاءالله مو نفس زحمه هيثروا ونخلص شغلنا بسرعه
على فكره احنا احيانا يعطونا اظرف حق الضرايب يقولون يصير تروحون فيها الكويت واتعبون المطلوب ونبعثه لهم بعدين يدزون لنا الشيك بالبريد ماادرى فى احد عنده مثل هالاظرف
مشكوره مره ثانيه والحمدالله على سلامتكم

 

[mr000]

الدلال توني فتحت السايت مال الفندق اللي قعدتوا فيه وعجبني وايد بس أسعاره تختلف من وقت لي وقت يعني ألحين حاط أنه سعر الغرفه بدون ريوق 110 باوند ومن أسبوع الياي تقريبا تصير 155 بس لما حطيت التاريخ حق شهر 4 الياي وايد زاد سعره يمكن علشان اجازة الأيستر وآنا شفتهم هالسنه أييونهم غروبات وايد من أيطاليا واسبانيا وفرنسا فتصدقين الغرفه تصير295 باوند! آنا هالسنه قعدت بثيستل طلعت الغرفه 60 دينار الليله بس بعد مارجعت زادت صارت 80 دينارعلى نهاية شهر 4!

 

[moone GRL]

صح بنات بالمطار لازم تجون مبجر لانه حيل زحمة ودور شطوله على التاكس فري

ولازم جناطكم كلها معاكم والاشياء اللي شريتوها لانهم بيسألون عنها

بعدين هم يطفرون العالم عشان ما يخذون فلوسهم ترا نظام تطفيش بس حتى تلقون الموظفين يشتغلون بدون نفس عشان يروح الوقت والواحد يطفر ويخلي فلوسه ولا مايمديه على رحلته فيخلي التاكس ..

 

[mr000]

الدلال أنتي متأكده أنه غرفتين طلعوا 90 دينار مو الغرفه الوحده؟ لأنه حسب اللي شفته بالسايت الفندق وايد فخم وحلو حتى شكله أحسن من ثيستل اللي قعدت فيه معقوله هذا سعره والله وايد زين!!

 

[% الجنية ملاك %]

السلام عليكم بنات وشخباركم

انا اللحين بلندن

اشتقت لكم حيييييييييييييييييييييييل

وحبيت اسلم عليكم

انا شابكه من لابتوب رفيجتي دن دن

واشوفكم على خير لا رديت الديره

بسافر يوم الجمعه ان شاء الله

بروح لمصر

وبعدها اجيكم

مروووو فقدتج من غير شر

ياويل حالي فديتج أنا والله أنتي ودن دن الغالية ...:ggdw::ggdw:

تردين بالسلامة يالغلا كله ... أموااااااااااااااااااااه مني لج ولدن دن :tek::tek:

ناطرينج ياعمري

ولا تنسين صوغتي ... لووووووووووووول :klhfl::klhfl:

 

[ombadra80]

اسم الله عليييييييييج ام بدرا على هالتوصيف00يعني يشوق بصراحه00

جني هناااااااااااااك وامشي على وصفج00سيفت الصفحه حق شهر 9 ههههههه

بس حسافة راح تكونين صايمة

 

[ombadra80]

- الافنيوز -
كان في كلام يدور ان المره والينسون يقاومون الانفلونزا بانواعها (والله أعلم)
الينسون شربناه واحنا بالفندق قبل التكسي
والمرة ماخذتها يابسة على عدالها وبالمطار شرينا ماي وقطيت منها داخل البطل تنقع ههههههه
الحاجة ام الاختراع مثل ما قالوا

 

[ombadra80]

الا على طاري الفنادق - محد سكن في السلفرج؟ اهوا فتح مرة ثانية والا لأ؟ وهل جددوه والا لأ؟ للي يعرف

توه زوجي (عقب ما ردينا) يسولف عليه رفيجه بالدوانية عن منطقة في جنوب لندن اسمها ساوث هامبتون - طبعا سامعين فيها - بس يقول اللي راح لها انها منطقة ما فيها عرب وهادية وحلوة جنها جنة وفيها سوق ومطاعم والعاب وسينمات وكل شي - وهي ساحلية وتقدرون تسكنون بشاليهات على البحر - متعة لا توصف على ما قال الأخ (حسب ذوقه)

احد سامع بهالمنطقة او راح لها ويفيدنا؟

 

[حضاره]

بس حسافة راح تكونين صايمة

لاموحسافه افاعليييييييييييييييج!!!

لاني رايحه بعطلة العيد ان شاءالله ههههههههههههههه

 

[حضاره]

بنات نيلفاز وينها 00اليوم كلش مابينت؟؟

شكلها تقلقصت بالاسواااااااااااااق00

 

[mr000]

حضاره حجزيلي معاج بدام بعطلة العيد آنا علبالي برمضان!! بس اشطاري على بالج تروحين بالعيد العطله قصيره وألا ماعندج أحد بالمدارس تقدرين تطولين لي عقب العيد؟

 

[ombadra80]

سؤال: ليش ما يثبتون الموضوع مثل تجمع بنات امريكا وبنات المانيا؟

 

[الدلال]

مروووو الفندق حجزناه عن طريج سفريات الفضاء

كانوا مسوين عرض عليه

وصح كلامج بعد ما دفعنا وخلصنا يقولنا مال السفريات ان الحمدالله انكم دفعتوا اليوم لان وصلهم فاكس بزيادة الاسعار من باجر

واحنا اخذنا الغرفتين العاديين وفيه غرف اكبر بس اغلى