تجمع المسافرات الى لندن شهر 7 وشهر 8 ؟

[جوجو.]

نونيا وين أشوف ؟؟؟؟

 

[رميحيه]

أختي رميحيه زين سويتي أنج صرفتي فلوسج مبكر آنا كنت رايحه لندن بشهر 4 بس صرفت فلوسي بشهر 3 كان بين ال416 فلس لي 420 فلس يعني كل يوم له سعر بس الوالد كان صارف بشهر 1 كان أقل من 400 فلس! بس أن شاءالله راح تستانسون فيها وايد ومادري شنو تبين تعرفين عنها أنا وايد رايحه لندن أذا تحبين تسألين عن شي بس ماأعرف المنطقه اللي فيها شقتج بالضبط! عموما حق اليهال وديهم لندن زوو حديقة الحيوان موجوده داخل ريجينت بارك وعندج محل هامليز مال الألعاب بريجينت ستريت ولو تروحون برايتون يوم يعني من الصبح لي المغرب هم حلوه عالبحر وفيها ألعاب وأكواريوم برايتون تروحون لها بالقطار من محطة فكتوريا موبعيده أقل من ساعه بالقطار وفيها سوق حلو بعد! وأذا تبين جناط ماركه أخذي من لندن وايد أرخص من الكويت! وعندج منطقة بستر فيليج فيها هم حلوه وفيا الماركات نص السعر! واذا تبين تسألين عن أي شي آنا حاضره

تسلمين اختي mr000 على الرد اي والله اذا ما عليج امر حبيت اعرف مزرعة الفراولة في وين وشلون نروح لها بالضبط ؟؟ وعن لشناط لا توصين نص اللي صرفته لهم لاني دريت ان ارخص من الخليج ((انا بحرينية)) بعد سؤال الغالية لشناط اللي بستر فيلج حلوين يسوون ولاسيزن قديم ؟؟ وتسلمين على المعلومات

 

[شوكلاتة سويسرية]

مساء الخير على الكل


شلونكم اليوم

بنات


اي والله كويتيه 27 البنات ما قصروا بالصفحات اللي قبل وانا قريت كل الردود وطبعا سيفت اللي ابي بجاهزي

بس بنات يقولون لندن بعد الساعه عشر بالليل ما فيها حياه خلاص كل من يروح بيته <<فندقه

عاد انا من اهل السهر

وما احب انام بدري <<قصدج ما تعودتي

اخاف احس بالملل

برايكم شنو اسوي بالله

بس اقعد مع ابو العيال <<والله راح يزهق مني

وصج في مناطق مافيها امان هناك

زياليت تقولون لنا عن احسن الفنادق

لان انا بروح بروحي مع زوجي

والله يعطيكم العافيه

وانا بعد مثل ليالي واول مرة بروح لندن
بنات مافية محل للسهر بلندن؟؟
كوفيات حلوة تطول مثلا؟؟

 

[رميحيه]

اختي q8tia 27 مشكورة على الرد وانشاءالله نستانس واذا رجعت باقولج انطباعي خصوصا عن الهايد بارك
يسلمج ربي من كل شر

 

[mr000]

أختي رميحيه بالنسبه حق مزرعة الفواكه خل أسأل لج وأتأكد أحسن لأني بصراحه رايحتلها من زمااااان وكان حماي مأجر سياره وهو اللي ودانا فماأعرف بالضبط وين صايره! أما بالنسبه حق الجناط الماركه آنا ماشريت من بستر فيليج لأنه كنت شاريه من ويستفيلد مول المجمع اليديد اللي في شوبربوش بس شفت بنات كويتيات واماراتيات يشترون آنا عجبوني الفرساتشي وكان سعرهم أقل وايد من الكويت!وهم بالمطار ترى تحصلين جناط أسعارها زينه لأنه بدون ضرايب آنا أخذت من هارودز اللي بالمطار!! بالنسبه حق الخوات ليالي وشوكولاته آنا بالعكس ماأنصح بالسهر بلندن يعني كل دوله ولها طبيعتها وأماكنها وطلعاتها آنا شخصيا بلندن أحب أني أطلع من أول ماتفتح المحلات أو أكون مخططه أني بروح منطقه برا لندن بالقطارأو بروح متحف تالي مكان ثاني فطلعتي تبتدي من 9ونص أو 10 الصبح وأطلع طول اليوم وأرد الفندق عال8أو 9 بالليل لكن اذا بتسهرين أكيد راح تطولون بالنوم بالنهار وجذي حرام راح يضيع نص اليوم عليكم وبعدين في شغلات تسكر مبكر وماتلحقون عليها حتى السوق محلاتهم كبيره وماتحسين بالوقت وأنتي تدورين فيها فتحتاجين وقت كافي!!

 

[انا ودنيتي]

يعنى تنصحوني اشتري الشنط من المطار شرايكم بناااااااات
لانى ودي اشتري شنط ومكياج وعطورات ماابي ملابس
شرايكم ابي مكياج مو موجود عندنا

 

[شوكلاتة سويسرية]

لا انا الحمدلله احاول اوازن يعني انام متاخر واصحى بدري
يعني بالندن ودي شي يسكر 1 او 1 ونص
كوفي حلو مثلا
صعبة الواحد ينحبس بالفندق من 9 بالليل تجيني غلقة
يعني يمدي الواحد ينام من 1 ل 10 الصبح
>>سادعوني ابي مكان اسهر فية ويكون امن

 

[دلوعه الكل]

انزين بنات انا سالت عن محلات الماركات الرخيصه في الاكسفورد او كينغز رود او اي مكان في لندن يعني مو بعيده ؟؟

لاني سمعت انها في اماكن نص السعر عن المحلات الثانيه مثل هاردوز وغيره

 

[mr000]

في سيلفريدجز شغلات مكياج وعطور وكريمات وايد حلوه! وروحي ويستفيلد مول فيه محلات وايد 265 محل منهم محلات جناط ومكياج شغلات وايد موبس ملابس وبشهر 5 فتح لوي فيتون في نفس المجمع! آنا شريت جنطه بربري منه وسألت عنها بالكويت يبيعونها أغلى ب50 دينار حتى تكرمون جوتي بربري الفلات كان بلندن أرخص من الكويت!! الماركات اللي بنص السعر سألي عن أسواق الآوت لت مثل بستر فيليج وفي كذا واحد غيره دوريهم بالأنترنت!

 

[mony 85]

وااااااااااااااااااااااااااااااااااااي حدكم شوقتوني اروح الحين مع اني توني راده منها رحتلها شهر 3 والجو كان حده بااااااارد والسوق عوار قلب صج لندن اتهبل و الله ما تنمل انا لازم كل سنه على الاقل ازورها مرتنين مره بالشتا ومره بالصيف بس شكلي هالصيفيه ماراح اقدر لاني حامل ومو زين علي الحركه وايد والطيران مو زين لي بعد ماكو الا بعد ما اولد انفس اهناك عندهم على الاقل اتنفس هوا حلو نظييييف

 

[gurly88]

اهلين بنااااااااااااااااااااااااااااات كيفــــــــــــكم ؟؟

انا ان شاءالله سفرتي بـ 22/7 .... ف ياليت جد لو نشوفكم هناك مثل ماقلتوا غدا بسلفرج
يالله تحمسوا جد والله لان راح ننبسط لو كنا بنات وسوالف وشغلات ,,,,,,,,,,,,,,,,,,,,,,,,,,


الله يسهل ياكريم ويسعد الكل برحلته ..

 

[..ليالي..]

بالنسبه حق الخوات ليالي وشوكولاته آنا بالعكس ماأنصح بالسهر بلندن يعني كل دوله ولها طبيعتها وأماكنها وطلعاتها آنا شخصيا بلندن أحب أني أطلع من أول ماتفتح المحلات أو أكون مخططه أني بروح منطقه برا لندن بالقطارأو بروح متحف تالي مكان ثاني فطلعتي تبتدي من 9ونص أو 10 الصبح وأطلع طول اليوم وأرد الفندق عال8أو 9 بالليل لكن اذا بتسهرين أكيد راح تطولون بالنوم بالنهار وجذي حرام راح يضيع نص اليوم عليكم وبعدين في شغلات تسكر مبكر وماتلحقون عليها حتى السوق محلاتهم كبيره وماتحسين بالوقت وأنتي تدورين فيها فتحتاجين وقت كافي!!

معاج حق الغاليه

انا بعد زوجي يقول جذي
لان هناك المحلات اتسكر بدري
بس بأحاول اعدل نومي
واسوي مثل اختي شوكولاته انام متأخر
واقوم بدري
وبالنسه للغدا والعشا
المطاعم بلندن يقولون غاليه وماتسوى
واحنا بأذن الله بنسكن بفندق يعني مافي مجال للطبخ
تعرفون مطاعم حلوه
وقريبه من الكمبرلاند لان احتمال ناخذ هناك او الفنادق اللي حواليه
وجمعية الوادي الاخضر قالولي عناها
في غيرها احسن منها والا اهي احسن شي

ويعطيكم العافيه خواتي

والله يجزاكم خير

 

[شمايخ]

بنات هذي اوقات الزياره لــــ Bicester Village من الموقع نفسه


Bicester Village Visitor Centre Opening Hours

Mon to Fri 10am - 7pm
Sat 9.30am - 7pm
Sun 9.30am - 6.30pm

 

[مي الصغيره]

اشلونكم بنات انا انشاء الله جايه لندن شهر 8 و بعدها باريس
شا اخبار الاوضاع عندكم :krkrkr:
يعني انفلونزا الخنازير و الكلام اللي يخرع الي نسمعه تحسون الامر مبالغ فية :0bee2e8d89:
طمنونا الله يطمنكم و تردون بالسلامه
انا ناطرة ردكم اكنسل و الا اكمل:eh_s(10):

 

[..ليالي..]

هلا اختي
انا بعد ان شاء الله رايحه بشهر ثمانيه لندن

مافي الا الخير ان شاء الله

والاعلام كبروا السالفه

سمعت من ناس هناك اللحين بلندن ما عندهم شي ولا هم يحزنزن


روحي استانسي

ومافي الا كل خير

انا بعد بأذن الله تعالى بروح

والا شرايكم خواتي

 

[SupeR-GirL]

اشلونكم بنات انا انشاء الله جايه لندن شهر 8 و بعدها باريس
شا اخبار الاوضاع عندكم :krkrkr:
يعني انفلونزا الخنازير و الكلام اللي يخرع الي نسمعه تحسون الامر مبالغ فية :0bee2e8d89:
طمنونا الله يطمنكم و تردون بالسلامه
انا ناطرة ردكم اكنسل و الا اكمل:eh_s(10):

بنت الكويت بسالج اذا بتروحين باريس شلون بالقطار؟
اذا اي يجيكون عالجواز يعني في ختم
والفيزا لازم تسوين فيزا فرنسا ولا بس بريطانيه؟

انطر جوابج

 

[مي الصغيره]

هلا والله supergirl انا اللي اعرفة انه تقدرين تروحين بالكنال تحت البحر من لندن لباريس ب ساعتين او تاخذين سفينه
الفيزا مالت لندن غير فيزة اوروبا كل وحدة بروح
الجوازات ما اظن تحتاجينها لان انا سافرت اول للنمسا و تنقلنا باوروبا عادي بدون جوزات رحنا سويسرا و المانيا ما احد و قفنا و قال وين الجواز اصلا ماكو مراكز الشارع عادي ماشي يدخلج المانيا يطلعج على ايطاليا
حياة سعييييييدههههههههههههههه

 

[Miss.EnGiNeErA^_^]

بنـــات كم يكلف السفر لشخصينــ...لنــدن..باول سبعه...لمده اسبوع....؟!!.

 

[مي الصغيره]

اختي التكلفة حوالى 3000 على اقل شي

 

[sha66ora]

منو تعرف متى تبدي التنزيلات في اكسفورد؟ ابي محلات دبنهامز و جذي؟؟